פסוקים פופולריים מ- Gen 3

שתף

Eh re' ixoq xrilow chi q'e' holohik i wach i chee' re' re', eh rootwaaj wo' ruk'uxum reh, xraaj wo' naq chi naa ruwihiik runa'ojb'al. Je' re' noq xuch'uq i wach i chee' re' re' xuk'ux i koq, eh xuyeew wo' reh i rub'ahiil. Eh re' rub'ahiil xuk'ux wo' i koq.

Re' aaq', xa re' wo' reh xti q'as wach ruk'ux chi jot'ooj chikiwach chu'nchel i panch'ahn chikop ruyejaam chaloq i QaJaaw Dios. Ruum i re', xupahqaaj reh ixoq chi je' wili: ¿Mi korik chi xuq'or taq aweh i Dios chi ma' jino'q keh i wach i chee' wili naa taq ak'uxum? inki.

Re' hin naa kaat nukojom panixowaal ruuk' ixoq, je' wo' i riih rumaam ixoq ruuk' awiih aamaam i hat. Re' i riih rumaam ixoq naa ruq'ojom paam i naah awiih aamaam i hat, eh re' awiih aamaam i hat xa re' i ruyuhb' i rooq i riih rumaam ixoq naa ruti'im, inki.

Re' QaJaaw Dios je' wili i xuq'or reh ixoq: Re' hin naa kaat wik'sam chi ti', jarpech, eh nik' najtiil naa awihiik wach k'acharik. Eh noq naa kaasjiik taqe aha'lak'uun, xiik' naah ti'kiil naa awik'iik wii'. Naa awaajwaam chi naa ruwihiik awuuk' ab'ahiil, eh re' reh naa ruwihiik chi taaq'anik cha naah.

Kow naa akamaniik ruuk' aab'ahx aatz'a'uub' naa a'nam awa' ahaa' chuwach. Je' re' naa a'nam chu'nchel q'iij aak'achariik, korehtaal wo' chik ti sutinik chi pooq ak'al, ruum hat wo' pooq ak'al pampeet, eh naa wo' chik asutiniik chi pooq ak'al, inki.

Eh je' wili i xuq'or reh i winaq: Ruum chi xanimaj awehk'een, eh xak'ux i wach i chee' xuyeew aweh, re' i nuq'orom aweh chi ma' naa ta ak'uxum. Yu'naak re' wach ak'al xq'ehb'ik panti' awuum. Ruum aj re', chu'nchel q'iij aak'achariik ruuk' ti' naa akamaneem wach noq naa reliik awa' chuwach.

Re' QaJaaw Dios xupahqaaj reh i winaq chi je' wili: ¿Awach xq'orik aweh chi t'usulkaat? ¿Mi xak'ux wo' re' i wach i chee' xnuq'or aweh chi ma' naa taa k'uxum? inki.

Eh noq resam chik cho ar i winaq i Dios, eh chi korkiil ireelb'aalq'iij re' wilik wii' taqe i tik, eh wilik taqe i k'achaach wilik kixiik' xukoj chucha'jaljiik i ookb'al. Eh xukoj wo' jinaj i ch'ihch' qoplik ruq'aq'al xak'ul chik inooj chi q'ataj b'eeh, reh chi ma' awach ta neenooj sik' woq reh i wach i chee' inye'wik k'acharik.

Re' Adán, Eva i xukoj chi rub'ihnaal rehk'een. Ruum re' ixoq re' re' peet kituut chaloq chu'nchel i k'achareel.