פסוקים פופולריים מ- Gen 32

שתף

Re' i ánjel je' wili i xuq'or: Yu'naak johtoq chi qawach ma' re' ta chik Jacob i naa ab'ihnaam, Israel la' chik i naa ab'ihnaam, ruum xapaj awansil ruuk' i Dios, je' wo' kuuk' i winaq, eh ma' xta xatkuchej, inki.

Eh re' i ánjel je' wili xuq'or: Kinawoq'taaj ruum yu'naak xchalik chik rusaq'iik, inki. Eh re' Jacob je' wili i chaq'wik xub'an: Re' hin ma' nee ta tiwoq'taaj xa chi je' wili, korehtaal kinakuxisaj, inki.

Eh noq re' Jacob xkahnik chi rutkeel jinaj i ánjel xponik ruuk' xupaj ransil ruuk' xti korehtaal xkik'ul i saq'ik.

Eh re' Jacob Penuel i rub'ihnaal i ye'aab' re' re' xukoj, ruum je' wili xuq'or: Re' hin xti xwilow wach i QaJaaw Dios ruuk' naq'nuwach, eh ma' xin kimik taj, inki.

Re' ánjel noq i rilow chi ma' rukuy ta ransil i Jacob xuq'oj i ruk'ulum wii' riib' i rub'aqil rutuuq, eh xroq'taaj riib' i rub'aqil nah rutuuq i Jacob noq k'ahchi' kipajam kaansil ruuk'.

Re' ánjel re' re' xupahqaaj reh i Jacob chi je' wili: ¿Chib'ih aab'ihnaal i hat? inki reh. Re' Jacob je' wili chaq'wik xub'an: Re' hin Jacob i nub'ihnaal, inki.

Re' Jacob je' wili i xuq'or reh i ánjel: Re' hat cha q'or weh aab'ihnaal inki. Re' ánjel je' wili i chaq'wik xub'an: Eh re' hat, ¿chib'ih reet noq inapahqaaj i nub'ihnaal? inki. Re' ánjel xukuxisaj i Jacob chupaam i ye'aab' re' re'.

Re' hin weht'al chi xaketelaaj nuwach chi xa a'n otob'il weh ruum xa ruuk' tii nukarote xnuq'at wach i nim ha' Jordán wili. Eh yu'naak ki'ib' chik i ye'aab' wilkeeb' wii' i chib'ih weh. Re' taqe xa a'n wuuk' re' re' ma' ruk'ul ta naq chi weh.

Ruum aj re', re' taqe i aj Israel ruchaliik chi ma' nkik'ux taj iib'otz' i nelik nah kituuq taqe i chikop, ruum re' i Jacob re' i nah rutuuq xq'ojarik.

Eh je' wili i xuq'or parutiij: QaJaaw Dios, ruDios i numaam Abraham, ruDios i wajaaw Isaac. Re' i hat xat q'orik weh chi naa nusutiniik reje panutinamiit, i wilkeeb' cho wii' i awach weh xaq'or weh chi naaweliik korik ruuk' i nub'eeh.

Eh yu'naak waJaaw nuDios cha kuy kinako'leej tii pan q'ab' i was Esaú. Inchalik nuyo'jiik, ruum nee-oq i rukansaj taqe i wehk'een, eh nee-oq wo' rukansaj taqe haa' i ha'lak'un.