פסוקים פופולריים מ- Juan 1

שתף

Pero tunor tin e uch'amiob' uc'ab'a y xe' c'upseyanob' tamar, jaxir uyajc'u e c'otorer tua' aquetpob' umaxtacob' e Dios.

Pues entonces conda ne mato achena ani or e rum era, ayix inte' xe' turu. Y jaxir uc'ab'a Ojroner. Y e Ojroner era turu taca e Dios. Y e Ojroner jax e Dios ub'an.

Y lo que war ujanch'acnes lo que erach tut e gente axin war uyajnes axin e incsib'aner. Y e incsib'aner era machi uyub'i utajpes e janch'aquenar.

Pues e Ojroner era xe' turu taca Catata Dios tari tor e rum y quetpa b'an cocha inte' winic y turuan tujam e gente. Y non xe' caturuan tara tor e rum cawira utawarer umen que jaxir jax Uyunen e Dios xe' inte' taca ayan. Y jaxir meyra uyusre utacre e gente y erach uwirnar inyajrer.

Y jaxir uche tunor lo que ayan, y matuc'a ayan xe' majax chemb'ir umener. Y tamar jaxir ayan e cuxtar xe' machi tua' ac'apa, y e cuxtar era jax lo que war ujanch'acnes tunor e gente tara tor e rum tua' uwirsiob' lo que erach.

Pues entonces tama otronte' día e Juan cay uwira que war ac'otoy e Jesús tut y tamar era e Juan cay uyare e gente xe' turob' tuyejtz'er y che: —Ch'ujcunic iwira e winic era xe' aquetpa b'an cocha inte' cordero xe' ajc'unon umen e Dios xe' aquetpa tua' achamesna tamaron tua' ulocse umab'amb'anirob' tunor e gente tara tor e rum.

Pues entonces tin xe' jax e Ojroner quetpa tara tor e rum, y umen jaxir chena tunor or e rum era ub'an, pero e gente tara tor e rum machi c'otoy unatob' chi jaxir. Yopa e Ojroner tama uchinamach, pero nien upiarob' era machi uch'amiob' uc'ab'a.

Y e janch'aquenar era xe' erach tari tara tor e rum tua' ujanch'acnes tunor ub'ijnusiajob' e winicob'.

Pues e Moisés cay ucanse e gente tuc'a e ley lo que ajc'una umen e Dios. Pero jax e Jesucristo xe' cay uwirse e gente tuc'a utacarsiaj e Dios y tuc'a xe' erach.