פסוקים פופולריים מ- Juan 15

שתף

’Pues nen b'anen cocha unojwir inte' ch'an, y nox larox tacar uc'ab' e ch'an era. Jay inte' winic aquetpa tamaren y jay nen inquetpa tamar, jaxir tua' uyajc'u meyra uyutir. Y tamar era chequer que matuc'a uyub'i iche jay machi ixquetpa tamaren.

Quetpenic tamaren y nen c'ani inquetpa tamarox. Pues inte' uc'ab' e ch'an ma erer uyajc'u uyutir jay majax ch'ur tama unojwir. Y b'an ixto nox ub'an, machi uyub'iox iwajc'u iyutir jay machi ixquetpa tamaren.

’Pero jay ixquetpa tamaren y niwojroner aquetpa tamarox, erer ic'ajti tunor lo que ic'ani tacaren, y ixixin ixajc'una tunor era.

Pues majax nox xe' cay isicb'en sino que jax nen xe' cay insicb'ox y inweb'tox ixiox tua' iwajc'u meyra iyutir xe' erach y xe' machi tua' ac'apa. Y tamar era tunor lo que ixixin ic'ajti taca Nitata tama nic'ab'a c'ani a'jc'unox.

Tin e uyajta ut upiar meyra este que axin uyajc'u ucuxtar tua' ucorpes, war uyajta ut upiar era más nojta que tunor.

Y tunor uc'ab' e ch'an era xe' machi uyajc'u uyutir jaxir uxuri uchoqui. Y uc'ab' e ch'an era xe' war uyajc'u uyutir war asujsa achojca tunor umutzuquir tua' uyajc'u más uyutir.

Jax era lo que c'ani inwareox tua' iche: Yajtanic ut ib'a inte' intiox, b'an cocha nen war inyajta iut.

Y jay nox ixixin iwajc'u meyra iyutir xe' erach, entonces axin atajttz'a meyra uc'ab'a Cadiosir, y c'ani aquetpa chequer que nox niwajcanuarox.

Entonces ojron e Jesús y che: —Nen b'anen cocha unojwir inte' ch'an xe' uc'ab'a uva. Y Nitata lar tacar inte' ajpatnar xe' war apatna tamar iraj iraj.

Tin e machi aquetpa tamaren, axin achojca najtir tua' ataqui. Y axin amorojsena tua' ayajra tama e c'ajc tua' ac'apa apuruy.

’War inwareox tunor era tua' erer aquetpa nitzayer tamarox, y que nitzayer era erer axin ub'ut'i tunor iwalma.

Jay war ixc'upseyan tut niwojroner, chequer que war ixquetpa tama nic'unersiaj. B'an cocha nen xe' war inc'upseyan tut uyojroner Nitata y tamar era war inquetpa tama uc'unersiaj ub'an.

Y jax era lo que war inwareox tua' iche: Yajtanic ut ib'a inte' intiox, che e Jesús.

Jay warto iche b'an cocha uchiob' e gente tara tor e rum, war ani uc'aniox b'an cocha war uc'aniob' ub'ob' tunor tin e turob' tara tor e rum. Pero cocha nen cay insajcox tua' ixloc'oy tujam e gente tara tor e rum, war uxejb'iob' iut umen que machi ixto war iche e mab'amb'anir b'an cocha war uchiob' jaxirob'.