פסוקים פופולריים מ- Lucas 13

שתף

“A'ri ja̱to sa'roja̱'a cacasi'i cani si'a më cuasayepi yo'ojë̱'ë. Ja̱je pa'ina, cayë mësarute pa̱i cacayere yëja̱'cohua'i a'ë. Ja̱je yëjëta'a caca ti̱'ama'pë pa'ija̱'cohua'i a'ë.

ja̱rote paco'ë, te'o nomio diez y ocho o̱metëca ju̱'ico, huatipi ne quë'ca̱sicopi ti nuiñe nëcaye peocopi. Pa'iona, ñani Jesupi soini capi: “Nomio më'ë ju̱'i dahuë tsoe je̱opi. De'oye pa'ijë̱'ë.”

Caquë ja̱ maca i̱ jëñapi i̱ona pato maca ja̱re i̱ti macapi nuñerepa nëcaco po̱nëni, Maija'quë de'oquë api, sihuaco ca huëo.

Ja̱ maca yure teaye pa'iohua'i pa'isicohua'i jerepa pa'iohua'i pa'ija̱'cohua'i a'ë cui'ne yure jerepa pa'iohua'i pa'isicohua'ipi teaye pa'iohua'i pa'ija̱'cohua'i a'ë.”

Ja̱ maca i̱ti huë'e aquëpi huëni ja̱to sa'ro si̱osi maca, mësaru hue'se pa'isicohua'ipi caja̱'cohua'i a'ë ja̱to sa'rona të'cajë ‘Ëjaë, hui'yojë̱'ë’. Ja̱je cajëna, i̱pi casipi ‘ñama'quë a'ë, mësarute. Jero acohua'i a'ni.’

Pa̱ni. Nuñerepa cayë. Ja̱je pa'ina, mësarupi huajëye pa'iye po̱nëma'cohua'i pani ja̱re cui'ne yo'o cua̱ñoja'cohua'i a'ë.”

Cajëna, sehuoja̱'quë api: ‘Tsoe cahuë ñama'quë a'ë, mësarute. Jero acohua'i a'ni. Saijë̱'ë, co'ayese'e yo'ocohua'i.’

Ja̱ maca capi: “¿I̱queje̱ pa'ye a'ni, Maija'quë te̱'te aye? ¿I̱quena cui'ne pa'ye neni i̱ñora'ye? Ja̱je cani capi, a'ri mostaza ca̱re ta̱quëpi yejana ta̱ëna, ai de'oni jai so̱quë yë de'ona pi̱'api i̱ti ñë capë̱ana tsianoa nejë payeje̱ pa'ye a'ë.”