פסוקים פופולריים מ- Mateo 13

שתף

Ja̱je pa'iquëta'are de'o yejana ta̱si ca̱ cato quëaji, Maija'quë coca asani je̱oma'pë tuicohua'ini, de'oyerepa quë̱icohua'ini. Ja̱je pa'ina, yecohua'ipi cien ca̱, yecohua'ipi sesenta ca̱ cui'ne yecohua'ipi treinta ca̱ quë̱icohua'i pa'iyë.”

Miu quë'rona ta̱si ca̱ cato quëaji, Maija'quë coca asajëta'a iye yeja co'amañare ai cuasajë jaiye co'amaña ëayena coso cua̱ñoñere. Si'aye iye Maija'quë cocare pë'pë huesoye a'ë. Ja̱je yo'oquëna, pa̱ipi quë̱iñeje pa'ye de'oye yo'o ti̱'añe peoye a'ë.

Ma'ana i̱ti ca̱ to̱mese'e cato quëaji, ma'tëmo pa'i te̱'te ayere asacohua'ita'a asa ti̱'ama'cohua'ini cui'ne huatipi i̱ohua'i de'o coca asase'ere peo hue̱'ña sioyere.

Quë̱na pë̱a quë'rona to̱mesi ca̱ cato quëaji, du'ru macare pase'e sihuajë asani sehuocohua'ini. Jeteyo'je jaiye tsita peoye sëte quëcoma'pë neñañepi cui'ne yecohua'ipi jo̱sa yo'ojëna, ai yo'oyepi pa'ina, yo'o jujani je̱ocohua'ini.

Ma'tëmo pa'i te̱'te cato curi mahuë yejana quë̱ni yahue o̱ase'eje̱ pa'io. Ja̱je pa'ioni te'i pa̱ipi curi mahuëre ti̱'ani cui'naoni i̱ti macana se yahue o̱ani ai sihuaquë sani si'aye i̱ paye i̱si saoni curi quë'i yejare huerose'eje̱ pa'ye a'ë.

Ja̱je to̱mequëta'are yequë ca̱pi to̱mepi, de'o yejana. To̱meni mëani jaiye quë̱quëna, tëahuë. Yequë ñëapi quë̱ji'i, cien ca̱. Yequë ñëapi quë̱ji'i, sesenta ca̱. Cui'ne yequë ñëapi quë̱ji'i, treinta ca̱.

I̱ose'e mëajaco tëa mu'se ti̱'aëna, nejo ja̱'ñepi, ja̱ macata'a co'amaña necohua'ire jëjo saosi'i, co'a tayare ti pë̱a hue̱ni toana ëo je̱oja'cohua'ire, ja̱ jeteyo'je trigo ca̱re pase'e yë'ë de'hua hue̱'ñana de'huacaija̱jë.’ ”