פסוקים פופולריים מ- YOHANA 15

שתף

Bee gi tɛ̧ɛ̧humlya bɔ, nɛɛ be nɛ gi waahamsyɔ. Za̧a̧nyɔ gi waak ɔksi hi beya, wɛɛ bee be waak ɔksi hi giya, za̧a̧nɔ gii gi huŋk huml kittɔnɔ. Yɔ anbɔ, nɛ́ waa ɔksi hi bee gɛ, nɛ́ ɗɛɛ hinza wook gɛ.

Waan ɔksi hi beya, bee be waak ɔksi hi nɛɛ be. Gid nɛ́ wāā ɔksi hi bee gɛ, gi wɛɛ gi ha̧a̧n hinza wooko, yɔ nɛ ɗɛɛ gɛ, anyɔ waahams bɔ ɗɛɛ an gi hum hi zulɔ gi gbun gɛ. Gi kɔ̄m ɔks hi tɛ̧ɛ̧humlya bɔ gɛ, ɗɛɛ an gi dag tɛŋk gi hum gɛ.

Gid nɛ waak ɔksi hi beya, wɛɛ dɔgl be gi gi waak ɔksi hi nɛɛ be, ɛrin Baa be hinyɔ ha̧a̧n sɛw, nɛ dagɔ.

Nɛɛ her bee gɛ, bee her nɛya. Be gbaan an nɛ rek nɛ humɔ, huml nɛ bɔ gi waa. An hinyɔ gɔ nɛ zɔ̧ Baa be a be nuŋg du sɛw, gi gaan hinɔ.

Ha̧a̧tig za yɔ gɔ gi daar za̧a̧nyɔ gi gaak kolɔ an gi wɔr a saamɔ hi dɔŋg hatɔ giir ya? Taaro.

Waahams wɔ hi gi a be muulɛ, wɔ hi taa huŋk gɛ sɛw, Baa be gi hɛbtirihi. Waahams wɔ hi huŋk be, gi raatihi an hi wɛɛ hi hum hi kitɔ hi daarin lɛlɛ.

Dɔgl benɛ gɛrɛ a yɛgi hatinnɛ a nɛ teesdu anyɔ ha̧a̧be a nɛ muul be.

Nɛ́ gi gaak huml kittɔnɔ, hi ɗɔbsin Baa be hi hinɔ giya, nɛ wɛɛ nɛ zuunik a nɛ gi walɛsɛrɛ beenɛ.

Yeesu raa a bee gi tɛ̧ɛ̧humlya rɔbo, Baa be gii balkya.

Za̧a̧nɔ gi wāā ɔks hi bee gɛ hi bisig a lako an tɛ̧ɛ̧has hi kootɔ, kuudu hi wɛɛ hi tuuhi hi yaahi hi dɔ̧ɔ̧ laa du.

Be dɔgsin hin wɔrɔ an nɛ dag hat be a nɛ kpoos du an kpoos nɛ gi kpɛ̧ɛ̧ gi daarin lɛlɛ.

Nɛ́ wa̧a̧k dɔgl be wɔ, nɛ waa a be hat du; an bee yɔ be wa̧a̧ Baa be dɔglɔ wɔ a be kpoos du, be waak a gi hat du.

Be raan hin gbunu: yɛgi hatinnɛ.

À nɛ gi nɛ dood waalyaadɛ, waal yɔ ha̧a̧g a nɛɛge anyɔ nɛ gi doodɔ; yɛrɛ nɛ taa dood waalyaadɛ, be hedin waal teesdu, a dɔŋgɔ ro waal gi gin lɔlhɛ̧ɛ̧nuko.