פסוקים פופולריים מ- Yoˇhanˬ li‸ 3

שתף

Awˬ lawn kʼo, Gʼuiˬsha miˬguiˬ yaˇ hta‸ ha‸ jaˇ ve pa taw, yawˇ ve Yaˇ hpu tiˍ piˇ laˇ ve yoˬ. Hkʼe te leh, Yaˇ hpu hta‸ hkʼa yonˍ ve chaw hkʼa peu-eˬ maˇ gʼa luˬ maˇ gʼa sheˆ ve awˬ hkʼoˆ ka‸, co ti‸ ha ti‸ hta‸ gʼa ve yoˬ.

Awˬ lawn kʼo, miˬguiˬ yaˇ hta‸ suhˉ jehˬ tuˬ, Gʼuiˬsha yawˇ ve Yaˇ hpu hta‸ miˬguiˬ hkʼoˆ lo peu laˇ ve maˇ heˆ. Ya‸ hkʼaˇ, yawˇ hta‸ pa taw miˬguiˬ yaˇ htaiˍ hkʼaw‸ ve hta‸ gʼa tuˬ yawˇ peu laˇ ve yoˬ.

Yeˍsuˆ kʼaw‸ kʼoˆ ve, Ngaˬ nawˬ hta‸ awˬ tehˬ awˬ na kʼoˆ laˇ ve, chaw teˇ gʼaˇ lehˬ awˬ suhˉ teˇ pawˆ maˇ kʼaw‸ paw la ve kʼo, Gʼuiˬsha ve mvuhˇmiˬ hta‸ maˇ gʼa mawˬ teh‸, yawˇ hta‸ kʼoˆ piˇ ve yoˬ.

Yawˇ hta‸ yonˍ ve chaw lehˬ, suhˉ jehˬ ve hta‸ maˇ gʼa hkanˍ. Maˇ yonˍ ve chaw lehˬ, Gʼuiˬsha ve Yaˇ hpu tiˍ ve awˬ meh hta‸ maˇ yonˍ ve hta‸ pa taw, chi beu‸ ka‸ suhˉ taˆ ve hta‸ gʼa hkanˍ peuˬ.

Suhˉ taˆ ve chi lehˬ miˬguiˬ hkʼoˆ lo awˬ gʼeuˆ lo‸ la htawˇ, miˬguiˬ yaˇ hui awˬ haiˬ hta‸ te ve pa taw, awˬ gʼeuˆ hta‸ a‸ kehˉ yawˇ hui naˆ ho‸ ve hta‸ ha‸ ve yoˬ.

Yawˇ lehˬ, gʼa uiˍ kʼai mvuh kʼai tuˬ yoˬ. Ya‸ hkʼaˇ ngaˬ lehˬ, gʼa i kʼai yawnˇ kʼai tuˬ yoˬ teh‸ kʼoˆ ve yoˬ.

Awˬ lawn kʼo, awˬ haiˬ hta‸ te ve chaw lehˬ, awˬ gʼeuˆ hta‸ nyi bawˬ leh, yawˇ te ve teˇ hpaˍ maˇ gʼa tawˆ la tuˬ, awˬ gʼeuˆ ba kuiˬ lo yawˇ maˇ laˬ.

Yaˇ hpu hta‸ yonˍ ve chaw lehˬ, co ti‸ ha ti‸ cawˬ ve yoˬ. Yaˇ hpu hta‸ maˇ ha‸ yuˬ ve chaw lehˬ, co ti‸ ha ti‸ hta‸ maˇ gʼa mawˬ. Yawˇ awˬ hkʼoˆ hta‸ Gʼuiˬsha nyi ma zuhˆ ve teˇ ceuˬ cawˬ taˍ ve yoˬ.

Heh puiˉ hkʼaw lo Moˉseˍ vuiˬ hta‸ chiˇ taˆ-e ve hkʼe, chaw yaˇ ve Yaˇ hpu htawˇ chiˇ taˆ-e ve hta‸ gʼa hkanˍ tuˬ yoˬ.

Awˬ pa lehˬ, Yaˇ hpu hta‸ ha‸ leh, awˬ ceuˬ hkʼa peu-eˬ yawˇ la‸ hkʼaw lo chiˇ a‸ piˇ peuˬ.