פסוקים פופולריים מ- YOHAAN 4

שתף

Arumgimis ta shi/in be dhali uni gwansan kun luŋki a’di mo tani mini mii luŋ a’di ki shi/in dhali ki gwoŋ gana/ mo be.

Hili, mo midi p̱u’du/ mo dhali a’di a’dan shwane/ mo ki uni gun luŋkina luŋ ki bwaŋ gana/ mo tani mini luŋa Baba ki shi/in mo dhali ki gwoŋ gana/ mo haala Baba ŋap̱ki ku gi wakansan mmoluŋ a’di mo be.

Hili a’diyin jin midi p̱i yi’de/ jin miga/ c̱i a’di mo tani mina yi’de/ diki doḵ/e bu’th ki sule/ sule/ mo. Yi’de/ jin miga/ c̱i a’di mo tani midi war mo e a’di mmokash mo dhali mmodu’d mo ntagi mondiki/e ki sule/ sule/ ya ye ’ba/ mo be.

Dhala Yesus ki thoḵa yim gwo mo ki: Waḵki/ /e mini nyiṯẖ to jin c̱in ma Arumgimis ki me’d mo dhali gom gwo gi a’di yansan jin o /e gwo mo ki: C̱iyi aha/ yi’de/ aha/ p̱ina mo tani /e mini ’taki doṯ a’di mo dhali a’di midi ’taki c̱i /e yi’de/ jin di ki e mo be.

Yesus ki thoḵ uni gwo mo ki: Tonṯem pem jin shwaka/ mo tani ta bwa gi a’di jin hashki aha/ mo dhali mmothima ṯu’c piti mo be.

Dhala ’bom ki thoḵ a’di gwo mo ki: Tap̱a, /e dar gi to mmomush yi’de/ mo dhali jis yi’de/ ’kula’kul mo ba/. Yi’de/ jin di ki e mina /e igam ’peni mana mo?

Dhala ’bom ki thoḵ a’di gwo mo ki: Aha/ misha ka Masiyya midi p̱u’du/ mo (a’di jin yuḵu gway ka Ḵrisṯẖos mo tani), dhali ki a’di midi p̱u’du/ mo tani a’di midi ṯor aman aris to ’baar mo be. Yesus ki thoḵa yim gwo mo ki: Aha/ jin ṯora /e gwo mo tani aha/ a’dan be jin tana a’di mo be.

Iiyu/ mo ma dhali p̱ar wathiŋ kamu/ e mo jin ṯorki aha/ aris tom pemi ’baar mo kun miikika/ mo. Yansan diki ta Ḵrisṯẖos ’teya?