פסוקים פופולריים מ- Joni 3

שתף

Ro Godi fuka e boeje ume igia oenoevo ije ireobo oetuaema ijadufuo fu Fari fuone besu ije kuamo fu ari ruae. Ijadufuo erare fu Fari fuone ije ma vierafekuma fube baroneke ro fume maza boeje Godiki ijia fivake.

Godi fu Fari fuone ije kuamo fu e boeje ume igia ise renoejo ijiebuo ise ije kena mazie giakiro ruaema baki ro fume bu karauniakiro ruae.

Fu ijiege kuaramoga Jesu fu una kuae, Vua ige na ma kuarave. E ije erare fu vierafe fuka e ije Godi fu oe buone ije samuagiamo ijena maziekuma nika Godi kuaga fu Kavene Akae abe nujaejane. Areme Kavene Akae ije fu oe fuone ijia fina daro maga fu una e iviaeko reno kuae.

Ijadufuo erare fu Godido Fari ije ma vierafekuma Godi fube rade ise fuone fu rema ijadufuo dabe isekafake. Ro erare fu Godido Fari besu ije naebe ma vierafekuma e ije Godire rade dabe isekafake.

Ro Godido sanaema ije fune ume igia e boeje ise renoejo ijiebuo ise ije kena mazie giakiro ruae. Rove e ije buka ire ise uruvana renoevo ijadufuo bu sanaema ije bu ijuonena una titutema ije oetuae.

Ro igia fie, e be fu kai fuone ijadufuo vame amaeriga fu bara abeke ro fu fiega kai fuone fune bara abejoga fuka ireobo oemareke. Vame besu ijiege ro naeje na E Ije fu ruakuveno ijadufuo vame ije amaeri ruae. Ro iviama na fiega E Ije fune ruae ijadufuo naka ireobo oemadieme. Ijadufuo maeje fuje rade fuka e anuigi rekiro naeje name e isekube redufuo.

Ijadufuo erare fu ise renoeno ije sanaema ije fuka ijuonemo ijadufuo fube una sanaema ijia ruake. Ijadufuo maeje fu una sanaema ijia ruakuma ise fuone bu samadirekiro fuka jumei.

Ro igia fie, erare fu Fari fuone ije ma vierafekuma e ije fu vame ma karivako ije abeke. Ro erare fu fari fuone ijadufuo vua ije naebe fiena iriniakuma e ije Godido ziemo ije fuka maza boeje fuosiki navake. Ro kuke fube vame ma karivako ije abeke.

E Mosisi fu ae sao ijia ire be abe tabare amaerina kabo ijia kiramo e adagi bu ije gavone adame buone fu madiame. Vame besu ijiege ro Ema ijiebuo Fari ige nadua bu abe kurosi kaniena abe kafe nifurike.

Ro Godi Asoe ije fuka Fari fuone mukoe oetuamo ijadufuo ire boeje fu Fari fuone ije kuaga fure samuagiamo.