פסוקים פופולריים מ- Matalikilo 35

שתפו

Alimwi Leza wakamwaambila kuti, Ndime Leza Singuzuzyoonse, Zyalisya, ukavule; mulinduwe mulazwa musyobo ankamu yamisyobo, amucikungu cako muyoozwa bami. Alimwi nyika eyo njindakapa Abrahamu a-Izaka, ndaipa nduwe, alwalo lunyungu lwako luciza njoolupa nyika eyo.

Atunyamuke, tuye ku-Beteli, nkayake cipaililo, cibe ca-Leza oyo iwakandivuwa mubuzuba bwamafwabi aangu, iwakandisindikila mukweenda kwangu koonse.

Nkabela Leza wakamwaambila kuti, Izina lyako nduwe Jakobo, pele tokooyooambwa limbi kuti nduwe Jakobo pe, izina lyako liyooba Israyeli. Mbuboobo mbwaakaulikwa izina lya-Israyeli.

Mpawo Jakobo wakaambila luzubo lwakwe aboonse mbaakali abo kuti, Amusowe baleza beenzu bali akati kanu, alimwi amulisalazye akuvundununa zyakusama zyanu.

Lino Leza wakaambila Jakobo kuti, Nyampuka, uye ku-Beteli, ukale nkuko, uyake cipaililo ca-Leza oyo nguwenya iwakalibonya kulinduwe ciindi eciya nowakacija kubusyu bwa-Esau mukulana wako.

Nkabela muuya wakwe nowakaamba kumusia (nkaambo wakafwa) wakamuulika izina lya-Benoni, pele wisi wakamuulika izina lya-Benjamini.