Chivkeeb 24
24
Yuav Quaspuj Rua Ixaj
1Lub sijhawm nuav Anplahaas laug heev lawm, hab tug TSWV tau foom koobmoov rua txhua yaam kws Anplahaas tau ua lug lawm. 2Nwg has rua nwg tug tubkhai kws laug dlua lwmtug, kws yog tug saib taagnrho nwg lub cuabtaam has tas, “Muab koj txhais teg lug tso rua huv kuv ceg puabtais#24:2: Muab … ceg puabtais: Qhov nuav yog txuj kev coglug kws yeej hloov tsi tau hlo le. hab coglug rua kuv. 3Kuv xaav kuas koj coglug rua kuv ntawm tug TSWV lub npe, kws yog Vaajtswv tug kaav lub ntuj hab lub nplajteb, has tas koj yuav tsi xaiv cov ntxhais huv tebchaws Kana-aas nuav lug rua kuv tug tub yuav ua quaspuj. 4Koj yuavtsum rov moog rua huv lub tebchaws kws kuv yug hab moog yuav kuv cov kwvtij ib tug ntxhais lug rua kuv tug tub Ixaj ua quaspuj.”
5Tabsis tug tubkhai nug has tas, “Yog tas tug ntxhais tsi kaam nrug kuv lug rua lub tebchaws nuav, kuv yuav ua lecaag? Yuav ca kuv coj koj tug tub rov moog nyob rua tim koj lub qub teb qub chaw lov?”
6Anplahaas teb tas, “Koj ncuntsoov tsi xob coj kuv tug tub moog nyob rua tid nawb! 7Tug TSWV kws yog Vaajtswv tug kws kaav lub ntuj, yog tug coj kuv tawm huv kuv txiv lub tsev hab huv kuv cov kwvtij lub tebchaws lug, Nwg tau coglug tseg rua kuv lawm has tas Nwg yuav muab lub tebchaws nuav pub rua kuv caajceg. Nwg yuav tso Nwg tug timtswv ua koj ntej moog, kuas koj moog nrhav tau quaspuj rua kuv tug tub. 8Yog tug ntxhais ntawd tsi kaam nrug koj lug, koj txhaj dlim ntawm kuv tej lug cogtseg nuav. Tabsis txwv tunrho tsi pub koj coj kuv tug tub moog tid le.” 9Yogle ntawd, tug tubkhai txhaj muab nwg txhais teg tso rua huv Anplahaas, kws yog nwg tug tswv ob saab ceg puabtais, hab coglug ua lawvle Anplahaas tau has rua nwg lawm.
10Tug tubkhai kws yog tug saib taagnrho Anplahaas lub cuabtaam, txhaj caab nwg tug tswv kaum tug ntxhuav thauj tej khoom muajnqes, hab moog rua peg lub nroog Alaas Nahalayees#24:10: Alaas Nahalayees: Lub nroog nuav nyob rua saab qaumteb nubpoob ntawm tebchaws Mexuputamias. kws Nahaus nyob. 11Thaus nwg moog txug peg lawm, nwg kuas cov ntxhuav txhuscaug rua ntawm lub qhovdlej kws nyob rua saabnrau ntug nroog. Thaus ntawd tub yuav tsausntuj, taabtom yog lub caij kws cov quaspuj tawm tuaj nqaa dlej. 12Nwg txawm thov Vaajtswv has tas, “Tug TSWV kws yog kuv tug tswv Anplahaas tug Vaajtswv, thov Koj paab kuas kuv tegnum nubnua tav moog rua qhov zoo, hab ua lawvle tej lug kws Koj tau cogtseg rua kuv tug tswv lawm. 13Kuv taabtom nyob ntawm lub qhovdlej kws yog qhov chaw cov hluasnkauj huv lub nroog nuav tseem yuav tuaj nqaa dlej. 14Kuv yuav has rua cov hluasnkauj ntawd ib tug has tas, ‘Thov txu koj lub hub dlej hab pub mivntsiv dlej rua kuv haus.’ Yog nwg teb tas, ‘Haus mas, kuv tseem yuav ntaus dlej rua koj cov ntxhuav txhua tug haus hab,’ tes thov kuas tug ntawd yog tug kws Koj tub xaiv tseg ca rua Koj tug tubkhai Ixaj lawm. Yog qhov nuav tshwmsim, kuv txhaj yuav paub tas Koj ua lawvle Koj tau coglug tseg rua kuv tug tswv lawm tag.”
15Thaus kws tug tubkhai thov Vaajtswv tsi tau xaus, Lenpekas txawm kwv ib lub hub dlej sau xubpwg tuaj txug ncua ntawd. Nwg yog Npethuyees tug ntxhais; Npethuyees yog Anplahaas tug kwv Nahaus hab nwg tug quaspuj Milekas obtug tug tub. 16Lenpekas yog ib tug ntxhais kws zoonkauj heev, hab nwg tseem yog nkaujxwb. Nwg nqeg moog rua nraag lub qhovdlej, ntaus dlej puvnkaus rua huv nwg lub hub hab rovqaab lug. 17Tug tubkhai txhaj dlha loo moog cuag nwg hab has tas, “Thov koj pub mivntsiv dlej ntawm koj lub hub rua kuv haus.”
18Lenpekas teb tas, “Kuv tug tswv, haus tau mas,” tes nwg txhaj txu kag lub hub sau nwg xubpwg lug tuav rua tug tubkhai ntawd haus. 19Thaus nwg haus taag lawm, Lenpekas has tas, “Kuv yuav ntaus dlej lug rua koj cov ntxhuav haus kuas txaus hab.” 20Nwg muab nwg lub hub laub kawg-kag taagnrho rua huv dlaab dlej rua cov tsaj ntawd haus hab rov loo moog ntaus dlej lug ntxiv rua; nwg ua le ntawd rua tug tubkhai cov ntxhuav tau dlej haus txhua tug. 21Anplahaas tug tubkhai sawv tuabywv saib tug ntxhais ntawd seb puas yog tug TSWV ua kuas nwg tegnum tav lawvle nwg xaav los tsi yog.
22Thaus kws Lenpekas ntaus dlej rua cov ntxhuav haus txaus lawm, tug tubkhai txhaj muab tau ib lub khawb kub nyaav 2 txag kws ntaus nqe ntau heev lug khawm rua Lenpekas qhovntswg hab muab ob lub paugteg kub nyaav 10 txaj rua Lenpekas coj ntawm teg. 23Tug tubkhai txawm nug has tas, “Thov qha rua kuv seb koj txiv yog leejtwg. Huv nwg lub tsev puas muaj chaw txaus rua kuv hab kuv cov tuabneeg moog su mo nuav?”
24Lenpekas teb tas, “Kuv txiv yog Npethuyees kws yog Nahaus hab Milekas obtug tug tub. 25Tom peb tsev muaj quavnyaab hab nyom qhuav ntau, hab yeej muaj chaw rua mej su huv tuabsi.”
26Tes tug tubkhai ntawd txawm txhuscaug ndlua hab pehawm tug TSWV. 27Nwg has tas, “Ua tug TSWV kws yog kuv tug tswv Anplahaas tug Vaajtswv tsaug. Nwg yog tug ncaajnceeg hab Nwg yeej ua lawvle Nwg tau coglug tseg rua kuv tug tswv. Tug TSWV yeej coj kuv kev ncaajnraim tuaj rua ntawm kuv tug tswv cov kwvtij.”
28Tug ntxhais ntawd txhaj dlha rovqaab moog tom nwg nam lub tsev hab pav zaaj nuav rua suavdlawg noog. 29Lenpekas muaj ib tug nug hu ua Lanpaas; tes Lanpaas txawm tawm plawg rua nrauzoov hab dlha tajlag moog rua tom lub qhovdlej kws Anplahaas tug tubkhai nyob. 30Thaus Lanpaas pum lub khawb kub hab ob lub paugteg kws nwg tug muam coj hab nov tej lug kws Lenpekas pav txug tej kws tug txivneej ntawd has rua nwg, Lanpaas txhajle moog cuag Anplahaas tug tubkhai kws taabtom sawv nrug nwg cov ntxhuav ntawm lub qhovdlej, 31hab has tas, “Koj cale nrug kuv moog tom tsev. Koj yog tug kws tau txais tug TSWV txuj koobmoov lawm. Koj tseem yuav sawv ntawm nuav ua dlaabtsi? Kuv tub npaaj tau txaaj chaw rua koj su tom kuv tsev lawm, hab nyob tod yeej muaj chaw rua koj cov ntxhuav huv tuabsi.”
32Yogle ntawd, tug tubkhai txhaj moog rua tom Lanpaas tsev, hab Lanpaas txhaj muab cov ntxhuav tej nraa txu ca hab muab quavnyaab hab nyom qhuav rua cov ntxhuav noj. Tes nwg txhaj nqaa dlej lug rua Anplahaas tug tubkhai hab nwg cov tuabneeg tau ntxuav kutaw. 33Thaus rau tau mo lawm, tug tubkhai ntawd has tas, “Kuv yuav tsi noj pluag mo nuav moog txug thaus kuv has taag tej lug kws kuv yuav has rua koj tsaiv.”
Lanpaas teb tas, “Koj muaj lug dlaabtsi los has tau.”
34Nwg txawm pib has tas, “Kuv yog Anplahaas tug tubkhai. 35Tug TSWV foom koobmoov ntau kawg nkaus rua kuv tug tswv, txhaj ua rua nwg dlhau moog ua ib tug tuabneeg npluanuj. Tug TSWV pub rua kuv tug tswv muaj yaaj, muaj tshis, muaj nyuj, muaj nyaj, muaj kub, muaj tubqhe hab ntxhais qhev, muaj ntxhuav hab muaj neegluav coob kawg le. 36Xalas kws yog kuv tug tswv tug quaspuj tub laug heev lawm los nwg tseem yug tau ib tug tub rua kuv tug tswv hab, mas kuv tug tswv tau muab taagnrho nwg lub cuabtaam rua tug tub ntawd. 37Kuv tug tswv kuas kuv coglug has tas kuv yuavtsum noog nwg tej lug xaaj tseg. Nwg has tas, ‘Koj tsi xob moog yuav cov tuabneeg kws nyob huv tebchaws Kana-aas tej ntxhais lug rua kuv tug tub ua quaspuj. 38Tabsis koj cale moog lawm tim kuv txiv tsev tuabneeg, moog cuag kuv cov kwvtij, hab xaiv ib tug quaspuj lug rua kuv tug tub Ixaj.’
39“Kuv txhaj nug kuv tug tswv has tas, ‘Yog tug ntxhais tsi kaam nrug kuv lug nua, kuv yuav ua lecaag?’ 40Nwg teb tas, ‘Tug TSWV kws kuv yeej ibtxwm noog Nwg lug, yuav tso Nwg tug timtswv nrug koj moog hab yuav ua kuas koj tegnum tav. Koj yuav moog yuav tau kuv txiv tsev tuabneeg ib tug ntxhais lug rua kuv tug tub ua quaspuj. 41Tsuas yog muaj tuabqho ua rua koj dlim ntawm kuv lulug cogtseg xwb: yog koj moog has es kuv cov kwvtij tsi kaam, tes koj txhaj yuav dlim ntawm kuv cov lug cogtseg.’
42“Nubnua thaus kuv tuaj txug rua ntawm lub qhovdlej, kuv thov Vaajtswv has tas, ‘Tug TSWV kws yog kuv tug tswv Anplahaas tug Vaajtswv, thov Koj paab kuas tegnum kws kuv tuaj ua nuav tav moog rua qhov zoo. 43Kuv nyob ntawm lub qhovdlej nuav. Thaus ib tug hluasnkauj tawm tuaj nqaa dlej, kuv yuav thov kuas nwg muab dlej huv nwg lub hub pub rua kuv haus. 44Yog nwg txaussab muab rua kuv haus hab tseem moog ntaus dlej lug pub rua kuv cov ntxhuav haus huv tuabsi, tes thov kuas nwg yog tug kws Koj xaiv rua kuv tug tswv tug tub yuav ua quaspuj ntaag.’
45“Thaus kuv tseem thov Vaajtswv tuabywv huv kuv lub sab tsi tau taag, Lenpekas txawmsiv kwv ib lub hub sau nwg xubpwg hab nqeg moog ntaus dlej huv lub qhovdlej lawm. Kuv txhaj has rua nwg has tas, ‘Thov koj pub mivntsiv dlej rua kuv haus.’ 46Nwg txhaj txu kag nwg lub hub sau xubpwg lug hab has tas, ‘Haus tau mas, kuv tseem yuav ntaus dlej rua koj cov ntxhuav haus huv tuabsi hab.’ Yogle ntawd, kuv txhaj tau haus, hab nwg ntaus dlej pub rua kuv cov ntxhuav haus huv tuabsi.
47“Kuv nug nwg has tas, ‘Koj txiv yog leejtwg?’ Nwg teb tas, ‘Kuv txiv yog Npethuyees kws yog Nahaus hab Milekas obtug tug tub.’ Kuv txhaj muab lub kauj ntswg kub khawm nwg qhovntswg hab muab ob lub paugteg rua nwg coj ntawm nwg ncejnpaab. 48Kuv txhaj txhuscaug ndlua hab pehawm tug TSWV. Kuv ua tug TSWV kws yog kuv tug tswv Anplahaas tug Vaajtswv tsaug, Nwg yog tug kws coj kuv kev ncaajnraim tuaj rua ntawm kuv tug tswv cov kwvtij, kws yog qhov chaw kuv tuaj nrhav tau nwg tug ntxhais moog rua kuv tug tswv tug tub. 49Zagnua yog mej zoosab hab ua ncaaj rua kuv tug tswv, tes thov qha rua kuv paub; yog ho tsi tau los thov qha rua kuv paub, kuas kuv paub txavtxim sab has tas yuav ua lecaag ntxiv.”
50Lanpaas hab Npethuyees teb tas, “Qhov nuav yeej yog Vaajtswv pumzoo lawm, tes peb tsi pum qaab yuav has tau lecaag rua koj. 51Lenpekas nyob ntawm nuav, koj cale coj nwg moog. Ca nwg moog ua koj tug tswv tug tub tug quaspuj lawvle tug TSWV tau has tseg ca lawm.” 52Thaus Anplahaas tug tubkhai nov tej lug nuav lawm, nwg nyo ntshis rua huv pegteb hab pehawm tug TSWV. 53Tes nwg txawm rhu tej khaubdluag hab tej saw nyaj saw kub lug rua Lenpekas. Hab nwg tseem muab tau tej khoomplig kws muajnqes heev rua Lenpekas tug nug hab nwg nam.
54Tes Anplahaas tug tubkhai hab cov tuabneeg kws nrug nwg tuaj txawm nojhaus hab pw ib mos qhov ntawd. Thaus taagkig sawvntxuv kws puab sawv, tug tubkhai has tas, “Thov tso kuv rovqaab moog cuag kuv tug tswv lau.”
55Tabsis Lenpekas tug nug hab nwg nam teb tas, “Thov ca Lenpekas nrug peb nyob le ib lub limtam lossis kaum nub ntxiv tsaiv, nwg maam nrug mej moog.”
56Tabsis tug tubkhai teb tas, “Thov tsi xob cheem kuv nyob. Tug TSWV tub ua rua kuv tegnum kws kuv taug kev tuaj nuav tav taag moog rua qhov zoo lawm, thov ca kuv rov moog cuag kuv tug tswv.”
57Obtug teb tas, “Ca peb hu tug ntxhais lug nug seb nwg has lecaag.” 58Yogle ntawd, obtug txawm hu Lenpekas lug hab nug has tas, “Koj puas txaussab nrug tug txivneej nuav moog?”
Lenpekas teb tas, “Kuv txaussab.”
59Yogle ntawd, obtug txhajle tso Lenpekas hab nwg tug ntxhais qhev kws ibtxwm tu nwg nrug Anplahaas tug tubkhai hab nwg cov tuabneeg moog. 60Tes puab txawm foom koobmoov rua Lenpekas le nuav:
“Tug muam, thov kuas koj muaj tub muaj ki ntau txheeb ntau vaam leej!
Thov kuas koj cov xeebntxwv txeeb tau puab cov yeebncuab tej nroog!”
61Tes Lenpekas hab nwg cov ntxhais qhev txhaj caij ntxhuav nrug Anplahaas tug tubkhai, sawvkev moog tsev lawm.
62Ixaj tuaj ntawm Npe-aws Lahais Lau-is#24:62: Npe-aws Lahais Lau-is txhais has tas “Lub Qhovdlej ntawm Tug Muaj Sa Nyob Kws Pum Kuv.” Saib 16:14. tuaj hab nwg tuaj nyob rua huv tebchaws Kana-aas saab qaabteb. 63Thaus yuav tsausntuj Ixaj txawm tawm moog ncig uasi tom teb hab nwg pum ib paab ntxhuav taug kev lug. 64Thaus Lenpekas pum dlheev Ixaj, nwg txawm nqeg kag sau nwg tug ntxhuav lug 65hab nug Anplahaas tug tubkhai has tas, “Tug txivneej kws taabtom taug kev tuaj rua ntawm peb nuav yog leejtwg?”
Tug tubkhai teb tas, “Nwg yog kuv tug tswv ntaag.” Yogle ntawd, Lenpekas txawm muab nwg txuj phuam lug npug kag nwg lub ntsejmuag.
66Tug tubkhai txhaj qha txhua yaam kws nwg tau moog ua tav taag lawm rua Ixaj noog. 67Tes Ixaj txhaj coj Lenpekas moog rua huv lub tsevntaub kws thaus u Xalas kws yog nwg nam txeev nyob lug, hab Lenpekas tau lug ua Ixaj tug quaspuj. Ixaj hlub Lenpekas heev, hab Lenpekas kuj yog ib qhov kev txhawbzug kawg le rua Ixaj vim nwg nam tau tuag lawm.
נבחרו כעת:
Chivkeeb 24: HNJ2022
הדגשה
שתפו
העתק
רוצים לשמור את ההדגשות שלכם בכל המכשירים שלכם? הירשמו או היכנסו
© 2022 United Bible Societies. All rights reserved.
Chivkeeb 24
24
Yuav Quaspuj Rua Ixaj
1Lub sijhawm nuav Anplahaas laug heev lawm, hab tug TSWV tau foom koobmoov rua txhua yaam kws Anplahaas tau ua lug lawm. 2Nwg has rua nwg tug tubkhai kws laug dlua lwmtug, kws yog tug saib taagnrho nwg lub cuabtaam has tas, “Muab koj txhais teg lug tso rua huv kuv ceg puabtais#24:2: Muab … ceg puabtais: Qhov nuav yog txuj kev coglug kws yeej hloov tsi tau hlo le. hab coglug rua kuv. 3Kuv xaav kuas koj coglug rua kuv ntawm tug TSWV lub npe, kws yog Vaajtswv tug kaav lub ntuj hab lub nplajteb, has tas koj yuav tsi xaiv cov ntxhais huv tebchaws Kana-aas nuav lug rua kuv tug tub yuav ua quaspuj. 4Koj yuavtsum rov moog rua huv lub tebchaws kws kuv yug hab moog yuav kuv cov kwvtij ib tug ntxhais lug rua kuv tug tub Ixaj ua quaspuj.”
5Tabsis tug tubkhai nug has tas, “Yog tas tug ntxhais tsi kaam nrug kuv lug rua lub tebchaws nuav, kuv yuav ua lecaag? Yuav ca kuv coj koj tug tub rov moog nyob rua tim koj lub qub teb qub chaw lov?”
6Anplahaas teb tas, “Koj ncuntsoov tsi xob coj kuv tug tub moog nyob rua tid nawb! 7Tug TSWV kws yog Vaajtswv tug kws kaav lub ntuj, yog tug coj kuv tawm huv kuv txiv lub tsev hab huv kuv cov kwvtij lub tebchaws lug, Nwg tau coglug tseg rua kuv lawm has tas Nwg yuav muab lub tebchaws nuav pub rua kuv caajceg. Nwg yuav tso Nwg tug timtswv ua koj ntej moog, kuas koj moog nrhav tau quaspuj rua kuv tug tub. 8Yog tug ntxhais ntawd tsi kaam nrug koj lug, koj txhaj dlim ntawm kuv tej lug cogtseg nuav. Tabsis txwv tunrho tsi pub koj coj kuv tug tub moog tid le.” 9Yogle ntawd, tug tubkhai txhaj muab nwg txhais teg tso rua huv Anplahaas, kws yog nwg tug tswv ob saab ceg puabtais, hab coglug ua lawvle Anplahaas tau has rua nwg lawm.
10Tug tubkhai kws yog tug saib taagnrho Anplahaas lub cuabtaam, txhaj caab nwg tug tswv kaum tug ntxhuav thauj tej khoom muajnqes, hab moog rua peg lub nroog Alaas Nahalayees#24:10: Alaas Nahalayees: Lub nroog nuav nyob rua saab qaumteb nubpoob ntawm tebchaws Mexuputamias. kws Nahaus nyob. 11Thaus nwg moog txug peg lawm, nwg kuas cov ntxhuav txhuscaug rua ntawm lub qhovdlej kws nyob rua saabnrau ntug nroog. Thaus ntawd tub yuav tsausntuj, taabtom yog lub caij kws cov quaspuj tawm tuaj nqaa dlej. 12Nwg txawm thov Vaajtswv has tas, “Tug TSWV kws yog kuv tug tswv Anplahaas tug Vaajtswv, thov Koj paab kuas kuv tegnum nubnua tav moog rua qhov zoo, hab ua lawvle tej lug kws Koj tau cogtseg rua kuv tug tswv lawm. 13Kuv taabtom nyob ntawm lub qhovdlej kws yog qhov chaw cov hluasnkauj huv lub nroog nuav tseem yuav tuaj nqaa dlej. 14Kuv yuav has rua cov hluasnkauj ntawd ib tug has tas, ‘Thov txu koj lub hub dlej hab pub mivntsiv dlej rua kuv haus.’ Yog nwg teb tas, ‘Haus mas, kuv tseem yuav ntaus dlej rua koj cov ntxhuav txhua tug haus hab,’ tes thov kuas tug ntawd yog tug kws Koj tub xaiv tseg ca rua Koj tug tubkhai Ixaj lawm. Yog qhov nuav tshwmsim, kuv txhaj yuav paub tas Koj ua lawvle Koj tau coglug tseg rua kuv tug tswv lawm tag.”
15Thaus kws tug tubkhai thov Vaajtswv tsi tau xaus, Lenpekas txawm kwv ib lub hub dlej sau xubpwg tuaj txug ncua ntawd. Nwg yog Npethuyees tug ntxhais; Npethuyees yog Anplahaas tug kwv Nahaus hab nwg tug quaspuj Milekas obtug tug tub. 16Lenpekas yog ib tug ntxhais kws zoonkauj heev, hab nwg tseem yog nkaujxwb. Nwg nqeg moog rua nraag lub qhovdlej, ntaus dlej puvnkaus rua huv nwg lub hub hab rovqaab lug. 17Tug tubkhai txhaj dlha loo moog cuag nwg hab has tas, “Thov koj pub mivntsiv dlej ntawm koj lub hub rua kuv haus.”
18Lenpekas teb tas, “Kuv tug tswv, haus tau mas,” tes nwg txhaj txu kag lub hub sau nwg xubpwg lug tuav rua tug tubkhai ntawd haus. 19Thaus nwg haus taag lawm, Lenpekas has tas, “Kuv yuav ntaus dlej lug rua koj cov ntxhuav haus kuas txaus hab.” 20Nwg muab nwg lub hub laub kawg-kag taagnrho rua huv dlaab dlej rua cov tsaj ntawd haus hab rov loo moog ntaus dlej lug ntxiv rua; nwg ua le ntawd rua tug tubkhai cov ntxhuav tau dlej haus txhua tug. 21Anplahaas tug tubkhai sawv tuabywv saib tug ntxhais ntawd seb puas yog tug TSWV ua kuas nwg tegnum tav lawvle nwg xaav los tsi yog.
22Thaus kws Lenpekas ntaus dlej rua cov ntxhuav haus txaus lawm, tug tubkhai txhaj muab tau ib lub khawb kub nyaav 2 txag kws ntaus nqe ntau heev lug khawm rua Lenpekas qhovntswg hab muab ob lub paugteg kub nyaav 10 txaj rua Lenpekas coj ntawm teg. 23Tug tubkhai txawm nug has tas, “Thov qha rua kuv seb koj txiv yog leejtwg. Huv nwg lub tsev puas muaj chaw txaus rua kuv hab kuv cov tuabneeg moog su mo nuav?”
24Lenpekas teb tas, “Kuv txiv yog Npethuyees kws yog Nahaus hab Milekas obtug tug tub. 25Tom peb tsev muaj quavnyaab hab nyom qhuav ntau, hab yeej muaj chaw rua mej su huv tuabsi.”
26Tes tug tubkhai ntawd txawm txhuscaug ndlua hab pehawm tug TSWV. 27Nwg has tas, “Ua tug TSWV kws yog kuv tug tswv Anplahaas tug Vaajtswv tsaug. Nwg yog tug ncaajnceeg hab Nwg yeej ua lawvle Nwg tau coglug tseg rua kuv tug tswv. Tug TSWV yeej coj kuv kev ncaajnraim tuaj rua ntawm kuv tug tswv cov kwvtij.”
28Tug ntxhais ntawd txhaj dlha rovqaab moog tom nwg nam lub tsev hab pav zaaj nuav rua suavdlawg noog. 29Lenpekas muaj ib tug nug hu ua Lanpaas; tes Lanpaas txawm tawm plawg rua nrauzoov hab dlha tajlag moog rua tom lub qhovdlej kws Anplahaas tug tubkhai nyob. 30Thaus Lanpaas pum lub khawb kub hab ob lub paugteg kws nwg tug muam coj hab nov tej lug kws Lenpekas pav txug tej kws tug txivneej ntawd has rua nwg, Lanpaas txhajle moog cuag Anplahaas tug tubkhai kws taabtom sawv nrug nwg cov ntxhuav ntawm lub qhovdlej, 31hab has tas, “Koj cale nrug kuv moog tom tsev. Koj yog tug kws tau txais tug TSWV txuj koobmoov lawm. Koj tseem yuav sawv ntawm nuav ua dlaabtsi? Kuv tub npaaj tau txaaj chaw rua koj su tom kuv tsev lawm, hab nyob tod yeej muaj chaw rua koj cov ntxhuav huv tuabsi.”
32Yogle ntawd, tug tubkhai txhaj moog rua tom Lanpaas tsev, hab Lanpaas txhaj muab cov ntxhuav tej nraa txu ca hab muab quavnyaab hab nyom qhuav rua cov ntxhuav noj. Tes nwg txhaj nqaa dlej lug rua Anplahaas tug tubkhai hab nwg cov tuabneeg tau ntxuav kutaw. 33Thaus rau tau mo lawm, tug tubkhai ntawd has tas, “Kuv yuav tsi noj pluag mo nuav moog txug thaus kuv has taag tej lug kws kuv yuav has rua koj tsaiv.”
Lanpaas teb tas, “Koj muaj lug dlaabtsi los has tau.”
34Nwg txawm pib has tas, “Kuv yog Anplahaas tug tubkhai. 35Tug TSWV foom koobmoov ntau kawg nkaus rua kuv tug tswv, txhaj ua rua nwg dlhau moog ua ib tug tuabneeg npluanuj. Tug TSWV pub rua kuv tug tswv muaj yaaj, muaj tshis, muaj nyuj, muaj nyaj, muaj kub, muaj tubqhe hab ntxhais qhev, muaj ntxhuav hab muaj neegluav coob kawg le. 36Xalas kws yog kuv tug tswv tug quaspuj tub laug heev lawm los nwg tseem yug tau ib tug tub rua kuv tug tswv hab, mas kuv tug tswv tau muab taagnrho nwg lub cuabtaam rua tug tub ntawd. 37Kuv tug tswv kuas kuv coglug has tas kuv yuavtsum noog nwg tej lug xaaj tseg. Nwg has tas, ‘Koj tsi xob moog yuav cov tuabneeg kws nyob huv tebchaws Kana-aas tej ntxhais lug rua kuv tug tub ua quaspuj. 38Tabsis koj cale moog lawm tim kuv txiv tsev tuabneeg, moog cuag kuv cov kwvtij, hab xaiv ib tug quaspuj lug rua kuv tug tub Ixaj.’
39“Kuv txhaj nug kuv tug tswv has tas, ‘Yog tug ntxhais tsi kaam nrug kuv lug nua, kuv yuav ua lecaag?’ 40Nwg teb tas, ‘Tug TSWV kws kuv yeej ibtxwm noog Nwg lug, yuav tso Nwg tug timtswv nrug koj moog hab yuav ua kuas koj tegnum tav. Koj yuav moog yuav tau kuv txiv tsev tuabneeg ib tug ntxhais lug rua kuv tug tub ua quaspuj. 41Tsuas yog muaj tuabqho ua rua koj dlim ntawm kuv lulug cogtseg xwb: yog koj moog has es kuv cov kwvtij tsi kaam, tes koj txhaj yuav dlim ntawm kuv cov lug cogtseg.’
42“Nubnua thaus kuv tuaj txug rua ntawm lub qhovdlej, kuv thov Vaajtswv has tas, ‘Tug TSWV kws yog kuv tug tswv Anplahaas tug Vaajtswv, thov Koj paab kuas tegnum kws kuv tuaj ua nuav tav moog rua qhov zoo. 43Kuv nyob ntawm lub qhovdlej nuav. Thaus ib tug hluasnkauj tawm tuaj nqaa dlej, kuv yuav thov kuas nwg muab dlej huv nwg lub hub pub rua kuv haus. 44Yog nwg txaussab muab rua kuv haus hab tseem moog ntaus dlej lug pub rua kuv cov ntxhuav haus huv tuabsi, tes thov kuas nwg yog tug kws Koj xaiv rua kuv tug tswv tug tub yuav ua quaspuj ntaag.’
45“Thaus kuv tseem thov Vaajtswv tuabywv huv kuv lub sab tsi tau taag, Lenpekas txawmsiv kwv ib lub hub sau nwg xubpwg hab nqeg moog ntaus dlej huv lub qhovdlej lawm. Kuv txhaj has rua nwg has tas, ‘Thov koj pub mivntsiv dlej rua kuv haus.’ 46Nwg txhaj txu kag nwg lub hub sau xubpwg lug hab has tas, ‘Haus tau mas, kuv tseem yuav ntaus dlej rua koj cov ntxhuav haus huv tuabsi hab.’ Yogle ntawd, kuv txhaj tau haus, hab nwg ntaus dlej pub rua kuv cov ntxhuav haus huv tuabsi.
47“Kuv nug nwg has tas, ‘Koj txiv yog leejtwg?’ Nwg teb tas, ‘Kuv txiv yog Npethuyees kws yog Nahaus hab Milekas obtug tug tub.’ Kuv txhaj muab lub kauj ntswg kub khawm nwg qhovntswg hab muab ob lub paugteg rua nwg coj ntawm nwg ncejnpaab. 48Kuv txhaj txhuscaug ndlua hab pehawm tug TSWV. Kuv ua tug TSWV kws yog kuv tug tswv Anplahaas tug Vaajtswv tsaug, Nwg yog tug kws coj kuv kev ncaajnraim tuaj rua ntawm kuv tug tswv cov kwvtij, kws yog qhov chaw kuv tuaj nrhav tau nwg tug ntxhais moog rua kuv tug tswv tug tub. 49Zagnua yog mej zoosab hab ua ncaaj rua kuv tug tswv, tes thov qha rua kuv paub; yog ho tsi tau los thov qha rua kuv paub, kuas kuv paub txavtxim sab has tas yuav ua lecaag ntxiv.”
50Lanpaas hab Npethuyees teb tas, “Qhov nuav yeej yog Vaajtswv pumzoo lawm, tes peb tsi pum qaab yuav has tau lecaag rua koj. 51Lenpekas nyob ntawm nuav, koj cale coj nwg moog. Ca nwg moog ua koj tug tswv tug tub tug quaspuj lawvle tug TSWV tau has tseg ca lawm.” 52Thaus Anplahaas tug tubkhai nov tej lug nuav lawm, nwg nyo ntshis rua huv pegteb hab pehawm tug TSWV. 53Tes nwg txawm rhu tej khaubdluag hab tej saw nyaj saw kub lug rua Lenpekas. Hab nwg tseem muab tau tej khoomplig kws muajnqes heev rua Lenpekas tug nug hab nwg nam.
54Tes Anplahaas tug tubkhai hab cov tuabneeg kws nrug nwg tuaj txawm nojhaus hab pw ib mos qhov ntawd. Thaus taagkig sawvntxuv kws puab sawv, tug tubkhai has tas, “Thov tso kuv rovqaab moog cuag kuv tug tswv lau.”
55Tabsis Lenpekas tug nug hab nwg nam teb tas, “Thov ca Lenpekas nrug peb nyob le ib lub limtam lossis kaum nub ntxiv tsaiv, nwg maam nrug mej moog.”
56Tabsis tug tubkhai teb tas, “Thov tsi xob cheem kuv nyob. Tug TSWV tub ua rua kuv tegnum kws kuv taug kev tuaj nuav tav taag moog rua qhov zoo lawm, thov ca kuv rov moog cuag kuv tug tswv.”
57Obtug teb tas, “Ca peb hu tug ntxhais lug nug seb nwg has lecaag.” 58Yogle ntawd, obtug txawm hu Lenpekas lug hab nug has tas, “Koj puas txaussab nrug tug txivneej nuav moog?”
Lenpekas teb tas, “Kuv txaussab.”
59Yogle ntawd, obtug txhajle tso Lenpekas hab nwg tug ntxhais qhev kws ibtxwm tu nwg nrug Anplahaas tug tubkhai hab nwg cov tuabneeg moog. 60Tes puab txawm foom koobmoov rua Lenpekas le nuav:
“Tug muam, thov kuas koj muaj tub muaj ki ntau txheeb ntau vaam leej!
Thov kuas koj cov xeebntxwv txeeb tau puab cov yeebncuab tej nroog!”
61Tes Lenpekas hab nwg cov ntxhais qhev txhaj caij ntxhuav nrug Anplahaas tug tubkhai, sawvkev moog tsev lawm.
62Ixaj tuaj ntawm Npe-aws Lahais Lau-is#24:62: Npe-aws Lahais Lau-is txhais has tas “Lub Qhovdlej ntawm Tug Muaj Sa Nyob Kws Pum Kuv.” Saib 16:14. tuaj hab nwg tuaj nyob rua huv tebchaws Kana-aas saab qaabteb. 63Thaus yuav tsausntuj Ixaj txawm tawm moog ncig uasi tom teb hab nwg pum ib paab ntxhuav taug kev lug. 64Thaus Lenpekas pum dlheev Ixaj, nwg txawm nqeg kag sau nwg tug ntxhuav lug 65hab nug Anplahaas tug tubkhai has tas, “Tug txivneej kws taabtom taug kev tuaj rua ntawm peb nuav yog leejtwg?”
Tug tubkhai teb tas, “Nwg yog kuv tug tswv ntaag.” Yogle ntawd, Lenpekas txawm muab nwg txuj phuam lug npug kag nwg lub ntsejmuag.
66Tug tubkhai txhaj qha txhua yaam kws nwg tau moog ua tav taag lawm rua Ixaj noog. 67Tes Ixaj txhaj coj Lenpekas moog rua huv lub tsevntaub kws thaus u Xalas kws yog nwg nam txeev nyob lug, hab Lenpekas tau lug ua Ixaj tug quaspuj. Ixaj hlub Lenpekas heev, hab Lenpekas kuj yog ib qhov kev txhawbzug kawg le rua Ixaj vim nwg nam tau tuag lawm.
© 2022 United Bible Societies. All rights reserved.