JOHN 18
18
Jisu ta Ansuur
(Met 26:47–56; Mak 14:43–50; Luk 22:47–53)
1 #
Met 26:30,36; Mak 14:26,32; Luk 22:39 Jisu in trong ita asonche, aroisoh inruuia Kidron phai vanna sehsei, machunna am thakbil asuunga amah leh aroisoh luutsei. 2Ipek Akpu ta akjuur Judas inkho amunkha arom; alamva Jisu in amunchunna injomma aroisoh antuukna. 3#Met 26:47–56; Mak 14:43–50; Luk 22:47–53Chunna Judas in raalmii leh akthloi thiimpu tingnata aklok ste che Pharisi eisoh mitton khatkho chemsoh inruuia mahchunna sehsei. 4#Jon 6:64; 13:1Chunna Jisu in mah naamte i atakchunga suuksam aromrella, anmaatonga avache asonei, “Tuta nanjonme?” 5Anmah in anmisang, “Najareth na Jisu.” Jisu in ankuunga asonei, “Keitalsang.” Amahta akjuur Judas kho anmahsoh ngirjoua am. 6Amah in ankuunga, “Keitalsang,” ta asonlai annunga inlenga tukleichunga inriilsei. 7Amah in veikhat inlenga ankuunga aruiei, “Tuta nanjonme?” Che anmah in ansonpei, “Najareth na Jisu.” 8Jisu in amsang, “Keisangta, nankuunga ksonpeichou; nannih in keita keijonchoule, miiei i inlengeiso.” 9#Jon 17:12; 6:39Mahtrongi atlungna turel amah in trongsa, “Keita kamlan ankaarna tukhatta sulla mamaangnohtung.” 10Chunna Simon Pitar in achoih chemta akjuukche, akthloi thiimpu vaa aroi akchangtong amkurta apheklokpei. Naichi chuva akmingva Malkhus. 11#Met 26:39; Mak 10:38; 14:36; Luk 22:42Jisu in Pitar kuunga ason, “Nang chemkha akhumsuungah thunro; Pa in keikuunga amlan kammi keiin innohtupot angme?”
Jisu ta Annas Amaikuunga Anthlen
12 #
Met 26:57; Mak 14:53; Luk 22:54; 3:2 Chunna raalmii ruul, che raalmii reijapuui mahche Judi vaa phrangki akthloi ei in Jisu ta ansuurpei che amikaangpei. 13Mansahremma amahta Annas kuunga anthlen; alamva mahkum achunna amahvah akthloi thiimpu Kaiphas vaa apu. 14#Jon 11:49–51Kaiphas in Judi naamte thitu ngut ah mii khat athih in thloia thratuta akson miikhare.
Pitar in Jisu ta Andahna
(Met 26:69–70; Mak 14:66–68; Luk 22:55–57)
15 #
Met 26:58; Mak 14:54; Luk 22:54 Simon Pitar leh aktlei aroi in Jisu aknu anjuih. Mah aroi chuvah akthloi thiimpusoh inrom, akthloi thiimpu innmuk phah a Jisu ta juih a luutsa, 16chuta Pitar vah thong apaalla ngirra am. Chunna akthloi thiimpusoh inrom aktlei aroi inkhat in inthruh a, che thong akngaak kumeikuunga asonche Pitar ta asuunga amluutpi. 17#Met 26:69–72; Mak 14:66–69; Luk 22:56–58Thong akngaak rungaakhan Pitar ta ason, “Nangkho amah aroi ankaarna inkhatnoh cheme?” Amah in ason, “Keiva amahnoh ang.” 18Ipek roijuih leh phrangki eiva khalmo ksikrella meihol meita luh a inhiilla ngirra antak malumma amsei. Pitar kho anmahsoh jouta mei oh a am.
Akthloi Thiimpu in Jisu ta Trong Arui
(Met 26:59–66; Mak 14:55–64; Luk 22:66–71)
19 #
Met 26:59–66; Mak 14:55–64; Luk 22:67–71 Chunna akthloi thiimpu in Jisu ta aroi eisoh miita amitheihrella trong arui. 20Jisu in akuunga amsang, “Keiin tukleiramma indanglonga trongsang; lai amrel Judi in anboom anboomna sinakok jikcha a mahche mathruunna thlaamma kamtheih ei, keiin inruk akson amnohluung. 21Jarelna nakruiangme? Keiin jangta kisonme aktheih anmah in anromtu, anmah kuunga ruieive.” 22Mah ita asonsoh, akomma akngir phrangki ankaarna inkhat in Jisu amaipiia akbeengche ason “Oinanga nangin akthloi thiimpu kuunga namsangtu phume?” 23#Met 5:39; Noon 23:2–5Jisu in amsang, “Keiin chimnohta trong khonoh ang, chimnoh a sonnoh ang; chuta keiin chimma trong sangleva, jarelna nakbeeng angme?” 24#Jon 18:13; Luk 3:2Chunna Akpu ta khit a Annas in thiimpu aklok Kaiphas kuunga amthlahpei.
Veikhatla Pitar in Jisu ta Andahna
(Met 26:71–75; Mak 14:69–72; Luk 22:58–62)
25 #
Met 26:73–75; Mak 14:70–72; Luk 22:59–62 Ipek Simon Pitar in ngirra meiholmei oh a am. Amahkuunga anson, “Nangkho mahmii aroi ankaarnanoh cheme?” Mahchuta indah a ason, “Keiva amahnoh ang.” 26Pitar in amkur apheklok roijuihvaa unao khat in arui, “Nangkho amahsoh inruuia thakbilla sehjoua kimuhmii khanohcheme?” 27Mahchuta Pitar in veikhatla indahlasa, mah laitalla aarkhong inkhuungsa.
Jisu ta Pilat Kuunga Anthlen
(Met 27:1–2,11–14; Mak 15:1–5; Luk 23:1–5)
28 #
Jon 11:55; Met 27:1–2; Mak 15:1; Luk 23:1 Chunna anmah in Jisu ta Kaiphas kuungnata Pilat akoolla anthlenpei. Mahchu juktiingpina. Anmah in laalna buhdoon saak iinna antakta mabuurnoh natu anmahvah koolla luutnoh ei. 29#Met 27:11–14; Mak 15:2–5; Luk 23:2–3Chunna Pilat in inthruh a ankuunga asonei, “Mahmii i jaknang alaal amrelna nanthlenpeime?” 30Amahkuunga amisang, “Mahmii in thranoh atloh amnohleh, nangkuunga thlennoh tu ung.” 31Pilat in ankuunga asonei, “Nantaksaak in amahta phurh a, nannih trongsuur nujuih a pichaar tlohve.” Judi in amahkuunga anson “Tunangmii khatta that aja tih a kankuunga rai amnoh.” 32#Jon 3:14; 12:32Mah i Jisu in jaknang hoonga thi umeta ason trongkhata atlungnatu suuksa.
33Chunna Pilat in amah koolla veikhat aluutche Jisu ta onga arui, “Nangi Judiei kurung cheme?” 34Jisu in amsang, “Mah i nang niril suungnata nisonme, chunoh a aktlei in keirelna nikuunga ansonta trongcheme?” 35Pilat in amsang, “Kei Judi angme? Nang jaatboom leh akthloi thiimpu in nangta keikuunga kanpek ang. Nangin jangnitloh relname?” 36#Jon 6:15; Met 26:53Jisu in amsang, “Kei kurung ramva tukleiram nanoh; kei kurung rammi tukleiram naleh, keita Judi ankut a kamlannoh tuei, kei roijuih in raal antlohpi tuei; chuta kei kurung rammi tukleiram nanoh.” 37#Jon 3:32; 8:14,47; 1 Jon 4:6Pilat in akuunga ason, “Chule nangvah kurung cheme?” Jisu in amsang, “Keiva kurungang tih a nangin nisonpei. Akchimkhata sakhi kamlannatu mairelna keiin poksang, Akchim akveimii in kei kihou antheih.” 38#Met 27:15–26; Mak 15:6–15; Luk 23:18–19; Noon 3:14Pilat in akuunga ason, “Akchimmi khome?”
Jisu Thatnatu Rai Amithlak
(Met 27:15–31; Mak 15:6–20; Luk 23:13–25)
Mah ita asonche, Judi ankuunga veikhat inthruh a asonei, “Keiin amahchunga jakhat amaraal tuuknoh ang khame. 39Chuta laalna buhdoon aknia nannih turella keiin miikhatta mathlahnatu nannih kastam am; Judiei kurungi nannih turella keiin mathlah nanditme?” 40Anmah in ong onga amisang, “Mahmii inoh chuta Barabbas ta” – Ipek Barabbas vah inrumii.
נבחרו כעת:
JOHN 18: TARAOBSI
הדגשה
שתף
העתק
רוצים לשמור את ההדגשות שלכם בכל המכשירים שלכם? הירשמו או היכנסו
Tarao New Testament - Akthar Trongirhna
Copyright © 2017 by The Bible Society of India
Used by permission. All rights reserved worldwide.
JOHN 18
18
Jisu ta Ansuur
(Met 26:47–56; Mak 14:43–50; Luk 22:47–53)
1 #
Met 26:30,36; Mak 14:26,32; Luk 22:39 Jisu in trong ita asonche, aroisoh inruuia Kidron phai vanna sehsei, machunna am thakbil asuunga amah leh aroisoh luutsei. 2Ipek Akpu ta akjuur Judas inkho amunkha arom; alamva Jisu in amunchunna injomma aroisoh antuukna. 3#Met 26:47–56; Mak 14:43–50; Luk 22:47–53Chunna Judas in raalmii leh akthloi thiimpu tingnata aklok ste che Pharisi eisoh mitton khatkho chemsoh inruuia mahchunna sehsei. 4#Jon 6:64; 13:1Chunna Jisu in mah naamte i atakchunga suuksam aromrella, anmaatonga avache asonei, “Tuta nanjonme?” 5Anmah in anmisang, “Najareth na Jisu.” Jisu in ankuunga asonei, “Keitalsang.” Amahta akjuur Judas kho anmahsoh ngirjoua am. 6Amah in ankuunga, “Keitalsang,” ta asonlai annunga inlenga tukleichunga inriilsei. 7Amah in veikhat inlenga ankuunga aruiei, “Tuta nanjonme?” Che anmah in ansonpei, “Najareth na Jisu.” 8Jisu in amsang, “Keisangta, nankuunga ksonpeichou; nannih in keita keijonchoule, miiei i inlengeiso.” 9#Jon 17:12; 6:39Mahtrongi atlungna turel amah in trongsa, “Keita kamlan ankaarna tukhatta sulla mamaangnohtung.” 10Chunna Simon Pitar in achoih chemta akjuukche, akthloi thiimpu vaa aroi akchangtong amkurta apheklokpei. Naichi chuva akmingva Malkhus. 11#Met 26:39; Mak 10:38; 14:36; Luk 22:42Jisu in Pitar kuunga ason, “Nang chemkha akhumsuungah thunro; Pa in keikuunga amlan kammi keiin innohtupot angme?”
Jisu ta Annas Amaikuunga Anthlen
12 #
Met 26:57; Mak 14:53; Luk 22:54; 3:2 Chunna raalmii ruul, che raalmii reijapuui mahche Judi vaa phrangki akthloi ei in Jisu ta ansuurpei che amikaangpei. 13Mansahremma amahta Annas kuunga anthlen; alamva mahkum achunna amahvah akthloi thiimpu Kaiphas vaa apu. 14#Jon 11:49–51Kaiphas in Judi naamte thitu ngut ah mii khat athih in thloia thratuta akson miikhare.
Pitar in Jisu ta Andahna
(Met 26:69–70; Mak 14:66–68; Luk 22:55–57)
15 #
Met 26:58; Mak 14:54; Luk 22:54 Simon Pitar leh aktlei aroi in Jisu aknu anjuih. Mah aroi chuvah akthloi thiimpusoh inrom, akthloi thiimpu innmuk phah a Jisu ta juih a luutsa, 16chuta Pitar vah thong apaalla ngirra am. Chunna akthloi thiimpusoh inrom aktlei aroi inkhat in inthruh a, che thong akngaak kumeikuunga asonche Pitar ta asuunga amluutpi. 17#Met 26:69–72; Mak 14:66–69; Luk 22:56–58Thong akngaak rungaakhan Pitar ta ason, “Nangkho amah aroi ankaarna inkhatnoh cheme?” Amah in ason, “Keiva amahnoh ang.” 18Ipek roijuih leh phrangki eiva khalmo ksikrella meihol meita luh a inhiilla ngirra antak malumma amsei. Pitar kho anmahsoh jouta mei oh a am.
Akthloi Thiimpu in Jisu ta Trong Arui
(Met 26:59–66; Mak 14:55–64; Luk 22:66–71)
19 #
Met 26:59–66; Mak 14:55–64; Luk 22:67–71 Chunna akthloi thiimpu in Jisu ta aroi eisoh miita amitheihrella trong arui. 20Jisu in akuunga amsang, “Keiin tukleiramma indanglonga trongsang; lai amrel Judi in anboom anboomna sinakok jikcha a mahche mathruunna thlaamma kamtheih ei, keiin inruk akson amnohluung. 21Jarelna nakruiangme? Keiin jangta kisonme aktheih anmah in anromtu, anmah kuunga ruieive.” 22Mah ita asonsoh, akomma akngir phrangki ankaarna inkhat in Jisu amaipiia akbeengche ason “Oinanga nangin akthloi thiimpu kuunga namsangtu phume?” 23#Met 5:39; Noon 23:2–5Jisu in amsang, “Keiin chimnohta trong khonoh ang, chimnoh a sonnoh ang; chuta keiin chimma trong sangleva, jarelna nakbeeng angme?” 24#Jon 18:13; Luk 3:2Chunna Akpu ta khit a Annas in thiimpu aklok Kaiphas kuunga amthlahpei.
Veikhatla Pitar in Jisu ta Andahna
(Met 26:71–75; Mak 14:69–72; Luk 22:58–62)
25 #
Met 26:73–75; Mak 14:70–72; Luk 22:59–62 Ipek Simon Pitar in ngirra meiholmei oh a am. Amahkuunga anson, “Nangkho mahmii aroi ankaarnanoh cheme?” Mahchuta indah a ason, “Keiva amahnoh ang.” 26Pitar in amkur apheklok roijuihvaa unao khat in arui, “Nangkho amahsoh inruuia thakbilla sehjoua kimuhmii khanohcheme?” 27Mahchuta Pitar in veikhatla indahlasa, mah laitalla aarkhong inkhuungsa.
Jisu ta Pilat Kuunga Anthlen
(Met 27:1–2,11–14; Mak 15:1–5; Luk 23:1–5)
28 #
Jon 11:55; Met 27:1–2; Mak 15:1; Luk 23:1 Chunna anmah in Jisu ta Kaiphas kuungnata Pilat akoolla anthlenpei. Mahchu juktiingpina. Anmah in laalna buhdoon saak iinna antakta mabuurnoh natu anmahvah koolla luutnoh ei. 29#Met 27:11–14; Mak 15:2–5; Luk 23:2–3Chunna Pilat in inthruh a ankuunga asonei, “Mahmii i jaknang alaal amrelna nanthlenpeime?” 30Amahkuunga amisang, “Mahmii in thranoh atloh amnohleh, nangkuunga thlennoh tu ung.” 31Pilat in ankuunga asonei, “Nantaksaak in amahta phurh a, nannih trongsuur nujuih a pichaar tlohve.” Judi in amahkuunga anson “Tunangmii khatta that aja tih a kankuunga rai amnoh.” 32#Jon 3:14; 12:32Mah i Jisu in jaknang hoonga thi umeta ason trongkhata atlungnatu suuksa.
33Chunna Pilat in amah koolla veikhat aluutche Jisu ta onga arui, “Nangi Judiei kurung cheme?” 34Jisu in amsang, “Mah i nang niril suungnata nisonme, chunoh a aktlei in keirelna nikuunga ansonta trongcheme?” 35Pilat in amsang, “Kei Judi angme? Nang jaatboom leh akthloi thiimpu in nangta keikuunga kanpek ang. Nangin jangnitloh relname?” 36#Jon 6:15; Met 26:53Jisu in amsang, “Kei kurung ramva tukleiram nanoh; kei kurung rammi tukleiram naleh, keita Judi ankut a kamlannoh tuei, kei roijuih in raal antlohpi tuei; chuta kei kurung rammi tukleiram nanoh.” 37#Jon 3:32; 8:14,47; 1 Jon 4:6Pilat in akuunga ason, “Chule nangvah kurung cheme?” Jisu in amsang, “Keiva kurungang tih a nangin nisonpei. Akchimkhata sakhi kamlannatu mairelna keiin poksang, Akchim akveimii in kei kihou antheih.” 38#Met 27:15–26; Mak 15:6–15; Luk 23:18–19; Noon 3:14Pilat in akuunga ason, “Akchimmi khome?”
Jisu Thatnatu Rai Amithlak
(Met 27:15–31; Mak 15:6–20; Luk 23:13–25)
Mah ita asonche, Judi ankuunga veikhat inthruh a asonei, “Keiin amahchunga jakhat amaraal tuuknoh ang khame. 39Chuta laalna buhdoon aknia nannih turella keiin miikhatta mathlahnatu nannih kastam am; Judiei kurungi nannih turella keiin mathlah nanditme?” 40Anmah in ong onga amisang, “Mahmii inoh chuta Barabbas ta” – Ipek Barabbas vah inrumii.
Tarao New Testament - Akthar Trongirhna
Copyright © 2017 by The Bible Society of India
Used by permission. All rights reserved worldwide.