Matìo 25
25
Kwə̀ən kə etsʉ̀ alo Təŋgɔ̀e eghə̄m ghe nduūw alendùw kôʼ nùuwìzən
1 #
Lûk 12:35
“Tsuʼ u wəla Wɛ ù Ghùw kè bughōo a te, fɔ̂e u kəwālā u kê lǒ tǒ zə̀azə̀a fə təŋgɔ̀e eghə̄m, ghe mò nî kɔʼ tɔlɔkaŋ to, nùghù ndùw alendùw kpeēnî nùuwìzən. 2Ghe a tɛ̀ fə̀ laʼsō nû, a tɛ̀ n tɔɔ. 3À laʼsō ghən fə̀ so e nîi tə ghee to tə̀tɔlɔkaŋ, ghe ŋ kè nîi kpeʼē kɔʼ mùghù n lâm n li mò; 4à tɔɔ ghən a mo e kuūwn nìi tə ghee to tə̀tɔlɔkaŋ, ghe n nì dzə̌əŋ kɔʼ sɔ̀ʼ tə mmùghu n lâm ŋ ghee. 5Ghəa nùuwìzən loʼn tsughu, mgbii tə n dzoʼ tsughu ghee, ghe m bvʉ̀ ndùw tə̀mgbii. 6A mo e bughò â fə̂ŋ è utsūʼ, bɔ̂ŋ kə̀ ŋ kùm nyə̀ ndùw enyəa, ‘Wo nùuwìzən wən lo, sə kòʼ nlǒ wə̄n!’ 7Ŋgɔ̀e tə te to tə dzə̀m n daŋso nùghù è kɔʼ, ndzùuŋ tsùghu ghee â tɔlɔkaŋ to. 8À laʼso a yi ghə n dzɛ̀ ndùw â tɔɔ yi enyəa, ‘Tsoom dzə̀la wò nlò ghaʼ â mùghù n lâm mɛʼɛ mò, tɔlɔkaŋ taʼā tə so e nyə̄mā.’ 9À tɔɔ yi n kuūwn dzɛ̀ â ghee enyəa, ‘Ǹ sò yò alekpē â sɛ̀ a dzə̀m, biso ndǔw zue kɔʼ nlò m mɛʼɛ mò aŋ ghùu ghì ghəla ghe fêenlo.’ 10A m bùghò ghe nughù nduw mùghù n lâm n zǔu mò, nùuwìzən n səŋ tee è wo, nùghù nyə̀ ndùw ghèe ghê ŋgɔ̀e tə̀ tɔɔ tì tə̀ tɛ̀ an ndughu e zəā ghe zɔʼɔ̀ ghî ghò a fughu, dzʉ̀a wò kə̀bàʼ. 11#Lûk 13:25 A mo e tsûuŋ tsùghuu nù, wâazən à li yi n ndùw è bugho, dzàa nyə̌a ndùw enyəa, ‘Mughùbè, mughùbè, tsʉ tsughu ghaʼ â bàʼ kò.’ 12Ù m fwə̀n bɛ̀lɛ̀ sə̀ wò ghee enyəa, ‘Ŋ̀ kwo yo ghɛ, Ǹ dzɛ̂ èsəŋò.’ ”
13Yɛso n daŋso tsughu tsən tsughu enyəa, “À fi lo enyəa ghɛ̀ ki alenì èghòmlò, nu ghɛ̀ kwo naŋa yo nəgha e te zo ŋkāa tsuʼ u te wo.”
Kwə̀ən kə etsʉ̀ alo ŋkɔ̀ɔ n təgha
(Lûk 19:11-27)
14 #
Lûk 19:11-27
“Fɔ̂e u Kəzə̀ ù kê lò aŋghəa ghùw ù lì fə̀ so e səā bwînlò, ù m fughu naŋa tsughu ghəa a wə̄n â kɔ̀ɔ ŋ wə̄n mò. 15Ù m fughuu tsughu ko chìa â fʉgha wo kuū tɔ e ghûw aŋghəa ù lo alekwuū kelê fʉgha u te wo a te; ù m fùghù tsughu u mɔ̀ʼ â mbə̀ghà ŋ ùkua mò n tɛ̀, ù lì wən, m bə̀ghà, ù lì u vʉ̂, fə mɔ̀ʼ. Ù n zə̀ghàa è tsughu, nùghù sə̀ bwìnlò è nduw. 16Ghùw wəla ù fə̀ ni mbə̀ghà ŋ kua mò n tɛ̀ ŋ kwūun ndùw də̀ghàan ndùw bekewə̄n a te; kele kpeʼe kɔ̀ʼ sùghò m̀mbə̀ghà n tɛ̀. 17Wəlà ù fə̀ ni mbə̀ghà m bə̀ghà m bɔɔm fwàʼ sùghò ghəa è mɔ̀ʼɔ̄ zo, kele kpeʼe kɔ̀ʼ sùghò m bə̀ghà. 18Wəlà ù fə̀ nî mbə̀ghà fò fə mɔ̀ʼ ŋ kuuwn ndùw tsəm kɔʼ ghueekətsə̄, gə̀mà nàn nàŋa ndùw kua u mughùbè ù wə̄n a te.
19A m bùghò gha kə ndôʼ sə tsughu, mughùbè ù ghee n ndùw è bùghò alebùghò naŋsô kɔ̀n kə ghəa a ukʉ̄a chì ghèe ghee. 20Wəla ù fə̀ ni mbə̀ghà ŋ kua mò n tɛ̀ n tsə̀ghàsə̀ wò â mbə̀ghà mò eghə̄m, dzɛ̀ enyəa, ‘Mughùbè, ghù fə̀ aŋ ghu kaŋā fughu nyə tsughu mmbə̀ghà n tɛ̀; M̀ fɛ fwàʼ kpèʼe kɔ̀ʼ sùghò n tɛ̀.’ 21Mughùbè ù wə̄n n dzɛ̀ â wə̄n enyəa, ‘Ghù n nyɔ̀ʼ fwàʼ, ghù lǒ ghùw ù kə̀fwàʼ ù dzùŋ to a e naŋa aŋ ŋgòʼ; ghù n sə fən kwu kele dzɔ̀, Ǹ naaŋ ghù êzəŋ tò ghù e lɛnlo â ndə̀m. Nyə wò tò ghɛ̀ à mughùbè wùa saŋlo.’ 22Wəlà ù fə̀ ni mbə̀ghà mò m bə̀ghà n sə kɔ̀ʼ wò è sugho, dzɛ̀ enyəa, ‘Mughùbè, ghù fə̀ mugho â mbə̀ghà m fughu m bə̀ghà, yia Ŋ̀ kele kpeʼē kɔʼ m bə̀ghà.’ 23Mughùbè ù wə̄n n dzɛ̀ à wə̄n enyəa, ‘Ghù n nyɔ̀ʼ fwàʼ, ghù lǒ ghùw ù kə̀fwàʼ ù dzùŋ to a e naŋa aŋ ŋgòʼ; Ǹ naaŋ nù ghû êzə̄ŋ, ghù è lɛɛn ndə̀m, tɔŋlo enyəa ghù n sə fən fə kwu kele dzɔ̀; nyə wò tò ghɛ̀ à mughùbè wùa saŋlo.’
24Wəla ù fə̀ nî mbə̀ghà fò fə̀ mɔ̀ʼ n sə̀ kɔ̀ʼ wò è sugho, dzɛ̀ enyəa, ‘Mughùbè, Ŋ̀ kwo tsəgha nû enyəa mwam wùa ù tughuu nù, ghù lə̀ghaa enyəa ghî ghə̀ è tsəma ghù è nɛɛ̄, ghù è zəa sugho aŋ kwe e aghì. 25Zə̀ lò e ghee mùgho mò tsəŋō, mùghò n nyoʼn nì kɔ̀ʼ kua wùa, ndùw nàn nàŋa ndùw a ghueetsə̄. Kʉa wùa wəla u nyoʼn ti.’
26Mughùbè ù wə̄n m fə̄ŋsō bɛ̀lɛ̀ ndùw wə̄n enyəa, ‘Boòbò kə bɔ̀lɔ̀bɔ̀n kə wɛ̂ɛtùghu tò ghû! Ghù mò fɛ nyɔʼ kwo nû enyəa Ǹ ləghaa enyəa ghî ghə̀ è tsəma mùghò è nɛɛ̄, yìa Ǹ zəa sugho aŋ kwe e aghì à? 27Ghù mò yo alendùw maʼà naŋā ndûw kua waŋa alo kədzeŋe enyəa mò M̀ bughò nù à, mùghò n nəəŋ zə kəfəgha an zə̂ u ùkua u te a?’ 28Mughu ù te n daŋso dzɛ̀ à kɔ̀ɔ fə wə̄n fə̀ li fo enyəa, ‘Nǐi nùghu kɔʼ kua u te wo aŋ ghùu wə̄n, ghù baʼso ndùw â ghùw vʉ̀a ù ki mbə̀ghà mò eghə̄m. 29#Mat 13:12; Mâk 4:25; Lûk 8:18 Tɔŋlo enyəa ghùw wəla ù bùʼ ki dzə̂ fəgha ko, ghe lo fughuu kpeʼe nǔ wə̄n â ndə̀m, ù lo kele tsəghàsò tsughu; a kê kuūwn bughò wəla ù ki yô fəgha ko, nyàaŋ fəla ù bùʼ ki, ghe lo nîi nughùu mɛʼɛ̀ kɔʼ aŋ ghùu wə̄n. 30#Mat 8:12; 22:13; Lûk 13:28 Yia a bughò bɔ̀lɔ̀bɔ̀n fə fəkɔ̀ɔ fən fo, ghɛ̀ sɔn maʼa sə nduw a beē a tsəla kələ̄m fə e ke diī a fughu pfʉa sùghò àsɔŋ.’ ”
Tsuʼ ù gboō tēe u Nɔ̂e wo
31 #
Mat 16:27;
Mat 19:28
“Abugho Wɛ ù Ghùw kè bugho â dwaʼa wəla ù ki tò Kədə̀ŋ ghèe ghê tsə̀təndə̄ghā tə Kəzə̀ to tə dzə̀m, ù lo kɔʼɔ̄ nyaʼā kɔʼ an ndàŋ è kə̀də̀ŋ è wə̄n. 32Ghî ghən an nàʼà mə̀n n dzə̀m n dzə̀m lo kwelē wô a vʉ̀a wə̄n. Ù lo dzughùu tsughu alo ushwāʼ u bʉ̀ghà tò bàʼàtə̀ndzì lò baʼà nughùun səā wô ndzì tò an sāʼ kə tədzə̄ 33Ù kè baʼà naŋā tsə̀ghàa wô tə̀ndzì aŋ kwe u wə̄n ù təma wo, ù bàʼà naŋa ndûw tə̀dzə aŋ kwe u wə̄n ù kwû wò. 34Də̀ŋ kə te kə lo daŋso dzɛ̂ â ghì ghəla ghe lo aŋ kwe u wə̄n ù təma wo enyəa, ‘Bùghò nlò, ghɛ̀ ghəla Bəghà lǒ mò ù ŋ ghɛ̀ â bughuso e fughu, ghɛ̀ e lo an fɔ̀e u kədə̀ŋ wəla ghe fə ki naŋa to â ghɛ̀ tèetèe aŋghəa mbī fə̀ kaʼ tsughu. 35Tɔŋlo enyəa dzə̀ŋ fə̀ zaa mugho, ghɛ̀ m fughu mugho â fʉ̀ghàzəa wo, fə̀ŋ è mmùghu zuʼso mùghò, ghɛ̀ m fughu mugho â mùghù m mʉ̌a mò. Mùgho mò lo ghùw ù kə̀tūm alô ghɛ̀, ghɛ̀ m bɔ̄ŋ naŋa mùghò, 36mùgho fə̀ lo â ghue ù gha wo, ghɛ̀ n dzə̀là wò tə̀ndzʉ a zəŋò mùghò, mùghò n dzaŋà ghɛ̀ n lɛnlo â mùghò, mùghò n lo an ndughutsāʼ, ghɛ̀ m bùghò tɔ̌ɔŋ zuw mugho.’
37Ghî a tsəghatsəgha a kê daŋso bɛlɛ̀ ndûw wən enyəa, ‘Ghǎʼ mò ghû koʼ ghɛ a Mughùbè ghù dǐi dzə̀ŋ a, a m fughu ufʉghàzəa â ghǔ a, ŋkāa tɔŋ u baam ghù a, a m fughu fəgha kə̀ bvʉʉ̄n kə tə utɔ̀ŋ kò a? 38A mò ghû koʼ ghɛ tǒ ghùw ù kə̀tum a, a m bɔ̄ŋ naŋa ghǔ a? Kàa, a mò ghû koʼ sugho ghɛ à ghue ù zum wo, a m fughu ghû â ndzʉ to a? 39A mò ghû koʼ sugho ghɛ ghù dzàŋa à, ŋkāa ghù lǒ an ndùghùtsàʼ à, a m bùghò tɔ̌ɔŋ zuw ghu a?’ 40Də̀ŋ kə te kə lo daŋso bɛlɛ̀ tsughu ghee enyəa, ‘M̀ fɛ kùm dzàa wò nù â ghɛ̀, aŋghəa ghù fə̀ ghəə̄ŋ dzə̄ wàazə̀ waŋa u mɔ̀ʼ â ghəa ghən gho, wəla ù fə̀ tsoō fweēn yô fəgha ko, ghù mǒ fi ghəŋlo â mùghò.’
41Ù lo daŋso dzɛ̂ â ghì yia aŋ kwe u wə̄n ù kwû wò enyəa, ‘Nùghu nlò an sə kaŋā, fə̀ghàan ŋ kə̀lòʼ mə̄n, ndǔw nlò aŋ wə̀n wəla u doʼò tən; wəla ghe fə̀ fəghaan naŋā â Vʉatsə̄a gho ghèe ghê tum tə wə̄n to; 42dzəŋ fə̀ za mugho fɛ̄, ghɛ̀ ŋ kè ŋgəmsō fughu kəfəgha enyəa n zə, fə̌ŋ n zuʼso mùghò, ghɛ̀ ŋ kè fughu kəfəgha enyəa M̀ mʉ. 43Mùghò m bwìin wò alô ghɛ̀, ghɛ̀ ŋ kè kpeēnî mùghò, mùghò n lo â ghue ù zum wo, ghɛ̀ ŋ kè dzəlà tə̀ndzʉ a zəŋò mùghò, mùghò n dzaŋà, ndùw dòʼò sùghò an ndùghùtsàʼ, ghɛ̀ ŋ kè bughò bwîin kôʼ mùghò.’
44Ghe lo daŋso bɛlɛ̀ ndûw sughò enyəa, ‘Mùghù ù te, ghǎʼ mò ghû koʼ zən mò ghù lǒ dzə̀ŋ a, ŋkāa mò fə̀ŋ zuʼso ghù a, ŋkāa mò ghù bwìin wò alô ghàʼ a, ŋkāa mò ghù lò â ghue ù zum wo a, ŋkāa mò ghù dzàŋà nù a, ŋkāa mò ghù lo an ndùghùtsāʼ a, ghàʼ ŋ kè yôsò ghù a?’ 45U lo daŋso bɛlɛ̀ tsughu ghee enyəa, ‘Ŋ̀ kûu dzàa wò nù â ghɛ̀, aŋghəa ghɛ̌ fə̀ tue aleyòsò ghùw ù ulwən ù li u mɔ̀ʼ, ghɛ̀ fə̀ fi tue aleyòsò mùghò.’ 46#Dan 12:2 Ghe lo daŋso nîi tuū zəghàa ndûw ghee ghən an lùʼù wəla ghe lo koʼò tsɛlɛ̄ mùlǔŋ a fughu. Ghî a tsəghatsəgha a kê kuūwn kelê mùghù zəla e doʼò tən.”
Matìo 25
25
Kwə̀ən kə etsʉ̀ alo Təŋgɔ̀e eghə̄m ghe nduūw alendùw kôʼ nùuwìzən
1 #
Lûk 12:35
“Tsuʼ u wəla Wɛ ù Ghùw kè bughōo a te, fɔ̂e u kəwālā u kê lǒ tǒ zə̀azə̀a fə təŋgɔ̀e eghə̄m, ghe mò nî kɔʼ tɔlɔkaŋ to, nùghù ndùw alendùw kpeēnî nùuwìzən. 2Ghe a tɛ̀ fə̀ laʼsō nû, a tɛ̀ n tɔɔ. 3À laʼsō ghən fə̀ so e nîi tə ghee to tə̀tɔlɔkaŋ, ghe ŋ kè nîi kpeʼē kɔʼ mùghù n lâm n li mò; 4à tɔɔ ghən a mo e kuūwn nìi tə ghee to tə̀tɔlɔkaŋ, ghe n nì dzə̌əŋ kɔʼ sɔ̀ʼ tə mmùghu n lâm ŋ ghee. 5Ghəa nùuwìzən loʼn tsughu, mgbii tə n dzoʼ tsughu ghee, ghe m bvʉ̀ ndùw tə̀mgbii. 6A mo e bughò â fə̂ŋ è utsūʼ, bɔ̂ŋ kə̀ ŋ kùm nyə̀ ndùw enyəa, ‘Wo nùuwìzən wən lo, sə kòʼ nlǒ wə̄n!’ 7Ŋgɔ̀e tə te to tə dzə̀m n daŋso nùghù è kɔʼ, ndzùuŋ tsùghu ghee â tɔlɔkaŋ to. 8À laʼso a yi ghə n dzɛ̀ ndùw â tɔɔ yi enyəa, ‘Tsoom dzə̀la wò nlò ghaʼ â mùghù n lâm mɛʼɛ mò, tɔlɔkaŋ taʼā tə so e nyə̄mā.’ 9À tɔɔ yi n kuūwn dzɛ̀ â ghee enyəa, ‘Ǹ sò yò alekpē â sɛ̀ a dzə̀m, biso ndǔw zue kɔʼ nlò m mɛʼɛ mò aŋ ghùu ghì ghəla ghe fêenlo.’ 10A m bùghò ghe nughù nduw mùghù n lâm n zǔu mò, nùuwìzən n səŋ tee è wo, nùghù nyə̀ ndùw ghèe ghê ŋgɔ̀e tə̀ tɔɔ tì tə̀ tɛ̀ an ndughu e zəā ghe zɔʼɔ̀ ghî ghò a fughu, dzʉ̀a wò kə̀bàʼ. 11#Lûk 13:25 A mo e tsûuŋ tsùghuu nù, wâazən à li yi n ndùw è bugho, dzàa nyə̌a ndùw enyəa, ‘Mughùbè, mughùbè, tsʉ tsughu ghaʼ â bàʼ kò.’ 12Ù m fwə̀n bɛ̀lɛ̀ sə̀ wò ghee enyəa, ‘Ŋ̀ kwo yo ghɛ, Ǹ dzɛ̂ èsəŋò.’ ”
13Yɛso n daŋso tsughu tsən tsughu enyəa, “À fi lo enyəa ghɛ̀ ki alenì èghòmlò, nu ghɛ̀ kwo naŋa yo nəgha e te zo ŋkāa tsuʼ u te wo.”
Kwə̀ən kə etsʉ̀ alo ŋkɔ̀ɔ n təgha
(Lûk 19:11-27)
14 #
Lûk 19:11-27
“Fɔ̂e u Kəzə̀ ù kê lò aŋghəa ghùw ù lì fə̀ so e səā bwînlò, ù m fughu naŋa tsughu ghəa a wə̄n â kɔ̀ɔ ŋ wə̄n mò. 15Ù m fughuu tsughu ko chìa â fʉgha wo kuū tɔ e ghûw aŋghəa ù lo alekwuū kelê fʉgha u te wo a te; ù m fùghù tsughu u mɔ̀ʼ â mbə̀ghà ŋ ùkua mò n tɛ̀, ù lì wən, m bə̀ghà, ù lì u vʉ̂, fə mɔ̀ʼ. Ù n zə̀ghàa è tsughu, nùghù sə̀ bwìnlò è nduw. 16Ghùw wəla ù fə̀ ni mbə̀ghà ŋ kua mò n tɛ̀ ŋ kwūun ndùw də̀ghàan ndùw bekewə̄n a te; kele kpeʼe kɔ̀ʼ sùghò m̀mbə̀ghà n tɛ̀. 17Wəlà ù fə̀ ni mbə̀ghà m bə̀ghà m bɔɔm fwàʼ sùghò ghəa è mɔ̀ʼɔ̄ zo, kele kpeʼe kɔ̀ʼ sùghò m bə̀ghà. 18Wəlà ù fə̀ nî mbə̀ghà fò fə mɔ̀ʼ ŋ kuuwn ndùw tsəm kɔʼ ghueekətsə̄, gə̀mà nàn nàŋa ndùw kua u mughùbè ù wə̄n a te.
19A m bùghò gha kə ndôʼ sə tsughu, mughùbè ù ghee n ndùw è bùghò alebùghò naŋsô kɔ̀n kə ghəa a ukʉ̄a chì ghèe ghee. 20Wəla ù fə̀ ni mbə̀ghà ŋ kua mò n tɛ̀ n tsə̀ghàsə̀ wò â mbə̀ghà mò eghə̄m, dzɛ̀ enyəa, ‘Mughùbè, ghù fə̀ aŋ ghu kaŋā fughu nyə tsughu mmbə̀ghà n tɛ̀; M̀ fɛ fwàʼ kpèʼe kɔ̀ʼ sùghò n tɛ̀.’ 21Mughùbè ù wə̄n n dzɛ̀ â wə̄n enyəa, ‘Ghù n nyɔ̀ʼ fwàʼ, ghù lǒ ghùw ù kə̀fwàʼ ù dzùŋ to a e naŋa aŋ ŋgòʼ; ghù n sə fən kwu kele dzɔ̀, Ǹ naaŋ ghù êzəŋ tò ghù e lɛnlo â ndə̀m. Nyə wò tò ghɛ̀ à mughùbè wùa saŋlo.’ 22Wəlà ù fə̀ ni mbə̀ghà mò m bə̀ghà n sə kɔ̀ʼ wò è sugho, dzɛ̀ enyəa, ‘Mughùbè, ghù fə̀ mugho â mbə̀ghà m fughu m bə̀ghà, yia Ŋ̀ kele kpeʼē kɔʼ m bə̀ghà.’ 23Mughùbè ù wə̄n n dzɛ̀ à wə̄n enyəa, ‘Ghù n nyɔ̀ʼ fwàʼ, ghù lǒ ghùw ù kə̀fwàʼ ù dzùŋ to a e naŋa aŋ ŋgòʼ; Ǹ naaŋ nù ghû êzə̄ŋ, ghù è lɛɛn ndə̀m, tɔŋlo enyəa ghù n sə fən fə kwu kele dzɔ̀; nyə wò tò ghɛ̀ à mughùbè wùa saŋlo.’
24Wəla ù fə̀ nî mbə̀ghà fò fə̀ mɔ̀ʼ n sə̀ kɔ̀ʼ wò è sugho, dzɛ̀ enyəa, ‘Mughùbè, Ŋ̀ kwo tsəgha nû enyəa mwam wùa ù tughuu nù, ghù lə̀ghaa enyəa ghî ghə̀ è tsəma ghù è nɛɛ̄, ghù è zəa sugho aŋ kwe e aghì. 25Zə̀ lò e ghee mùgho mò tsəŋō, mùghò n nyoʼn nì kɔ̀ʼ kua wùa, ndùw nàn nàŋa ndùw a ghueetsə̄. Kʉa wùa wəla u nyoʼn ti.’
26Mughùbè ù wə̄n m fə̄ŋsō bɛ̀lɛ̀ ndùw wə̄n enyəa, ‘Boòbò kə bɔ̀lɔ̀bɔ̀n kə wɛ̂ɛtùghu tò ghû! Ghù mò fɛ nyɔʼ kwo nû enyəa Ǹ ləghaa enyəa ghî ghə̀ è tsəma mùghò è nɛɛ̄, yìa Ǹ zəa sugho aŋ kwe e aghì à? 27Ghù mò yo alendùw maʼà naŋā ndûw kua waŋa alo kədzeŋe enyəa mò M̀ bughò nù à, mùghò n nəəŋ zə kəfəgha an zə̂ u ùkua u te a?’ 28Mughu ù te n daŋso dzɛ̀ à kɔ̀ɔ fə wə̄n fə̀ li fo enyəa, ‘Nǐi nùghu kɔʼ kua u te wo aŋ ghùu wə̄n, ghù baʼso ndùw â ghùw vʉ̀a ù ki mbə̀ghà mò eghə̄m. 29#Mat 13:12; Mâk 4:25; Lûk 8:18 Tɔŋlo enyəa ghùw wəla ù bùʼ ki dzə̂ fəgha ko, ghe lo fughuu kpeʼe nǔ wə̄n â ndə̀m, ù lo kele tsəghàsò tsughu; a kê kuūwn bughò wəla ù ki yô fəgha ko, nyàaŋ fəla ù bùʼ ki, ghe lo nîi nughùu mɛʼɛ̀ kɔʼ aŋ ghùu wə̄n. 30#Mat 8:12; 22:13; Lûk 13:28 Yia a bughò bɔ̀lɔ̀bɔ̀n fə fəkɔ̀ɔ fən fo, ghɛ̀ sɔn maʼa sə nduw a beē a tsəla kələ̄m fə e ke diī a fughu pfʉa sùghò àsɔŋ.’ ”
Tsuʼ ù gboō tēe u Nɔ̂e wo
31 #
Mat 16:27;
Mat 19:28
“Abugho Wɛ ù Ghùw kè bugho â dwaʼa wəla ù ki tò Kədə̀ŋ ghèe ghê tsə̀təndə̄ghā tə Kəzə̀ to tə dzə̀m, ù lo kɔʼɔ̄ nyaʼā kɔʼ an ndàŋ è kə̀də̀ŋ è wə̄n. 32Ghî ghən an nàʼà mə̀n n dzə̀m n dzə̀m lo kwelē wô a vʉ̀a wə̄n. Ù lo dzughùu tsughu alo ushwāʼ u bʉ̀ghà tò bàʼàtə̀ndzì lò baʼà nughùun səā wô ndzì tò an sāʼ kə tədzə̄ 33Ù kè baʼà naŋā tsə̀ghàa wô tə̀ndzì aŋ kwe u wə̄n ù təma wo, ù bàʼà naŋa ndûw tə̀dzə aŋ kwe u wə̄n ù kwû wò. 34Də̀ŋ kə te kə lo daŋso dzɛ̂ â ghì ghəla ghe lo aŋ kwe u wə̄n ù təma wo enyəa, ‘Bùghò nlò, ghɛ̀ ghəla Bəghà lǒ mò ù ŋ ghɛ̀ â bughuso e fughu, ghɛ̀ e lo an fɔ̀e u kədə̀ŋ wəla ghe fə ki naŋa to â ghɛ̀ tèetèe aŋghəa mbī fə̀ kaʼ tsughu. 35Tɔŋlo enyəa dzə̀ŋ fə̀ zaa mugho, ghɛ̀ m fughu mugho â fʉ̀ghàzəa wo, fə̀ŋ è mmùghu zuʼso mùghò, ghɛ̀ m fughu mugho â mùghù m mʉ̌a mò. Mùgho mò lo ghùw ù kə̀tūm alô ghɛ̀, ghɛ̀ m bɔ̄ŋ naŋa mùghò, 36mùgho fə̀ lo â ghue ù gha wo, ghɛ̀ n dzə̀là wò tə̀ndzʉ a zəŋò mùghò, mùghò n dzaŋà ghɛ̀ n lɛnlo â mùghò, mùghò n lo an ndughutsāʼ, ghɛ̀ m bùghò tɔ̌ɔŋ zuw mugho.’
37Ghî a tsəghatsəgha a kê daŋso bɛlɛ̀ ndûw wən enyəa, ‘Ghǎʼ mò ghû koʼ ghɛ a Mughùbè ghù dǐi dzə̀ŋ a, a m fughu ufʉghàzəa â ghǔ a, ŋkāa tɔŋ u baam ghù a, a m fughu fəgha kə̀ bvʉʉ̄n kə tə utɔ̀ŋ kò a? 38A mò ghû koʼ ghɛ tǒ ghùw ù kə̀tum a, a m bɔ̄ŋ naŋa ghǔ a? Kàa, a mò ghû koʼ sugho ghɛ à ghue ù zum wo, a m fughu ghû â ndzʉ to a? 39A mò ghû koʼ sugho ghɛ ghù dzàŋa à, ŋkāa ghù lǒ an ndùghùtsàʼ à, a m bùghò tɔ̌ɔŋ zuw ghu a?’ 40Də̀ŋ kə te kə lo daŋso bɛlɛ̀ tsughu ghee enyəa, ‘M̀ fɛ kùm dzàa wò nù â ghɛ̀, aŋghəa ghù fə̀ ghəə̄ŋ dzə̄ wàazə̀ waŋa u mɔ̀ʼ â ghəa ghən gho, wəla ù fə̀ tsoō fweēn yô fəgha ko, ghù mǒ fi ghəŋlo â mùghò.’
41Ù lo daŋso dzɛ̂ â ghì yia aŋ kwe u wə̄n ù kwû wò enyəa, ‘Nùghu nlò an sə kaŋā, fə̀ghàan ŋ kə̀lòʼ mə̄n, ndǔw nlò aŋ wə̀n wəla u doʼò tən; wəla ghe fə̀ fəghaan naŋā â Vʉatsə̄a gho ghèe ghê tum tə wə̄n to; 42dzəŋ fə̀ za mugho fɛ̄, ghɛ̀ ŋ kè ŋgəmsō fughu kəfəgha enyəa n zə, fə̌ŋ n zuʼso mùghò, ghɛ̀ ŋ kè fughu kəfəgha enyəa M̀ mʉ. 43Mùghò m bwìin wò alô ghɛ̀, ghɛ̀ ŋ kè kpeēnî mùghò, mùghò n lo â ghue ù zum wo, ghɛ̀ ŋ kè dzəlà tə̀ndzʉ a zəŋò mùghò, mùghò n dzaŋà, ndùw dòʼò sùghò an ndùghùtsàʼ, ghɛ̀ ŋ kè bughò bwîin kôʼ mùghò.’
44Ghe lo daŋso bɛlɛ̀ ndûw sughò enyəa, ‘Mùghù ù te, ghǎʼ mò ghû koʼ zən mò ghù lǒ dzə̀ŋ a, ŋkāa mò fə̀ŋ zuʼso ghù a, ŋkāa mò ghù bwìin wò alô ghàʼ a, ŋkāa mò ghù lò â ghue ù zum wo a, ŋkāa mò ghù dzàŋà nù a, ŋkāa mò ghù lo an ndùghùtsāʼ a, ghàʼ ŋ kè yôsò ghù a?’ 45U lo daŋso bɛlɛ̀ tsughu ghee enyəa, ‘Ŋ̀ kûu dzàa wò nù â ghɛ̀, aŋghəa ghɛ̌ fə̀ tue aleyòsò ghùw ù ulwən ù li u mɔ̀ʼ, ghɛ̀ fə̀ fi tue aleyòsò mùghò.’ 46#Dan 12:2 Ghe lo daŋso nîi tuū zəghàa ndûw ghee ghən an lùʼù wəla ghe lo koʼò tsɛlɛ̄ mùlǔŋ a fughu. Ghî a tsəghatsəgha a kê kuūwn kelê mùghù zəla e doʼò tən.”
