Mâk 1
1
Tsʉ̂ e Dzɔ̌n Fùghù ù mmùghu an Làbəlà è dzùŋ
(Mat 3:1-12; Lûk 3:1-18; Dzn 1:19-28)
1Ghən lò ghəa ghə̀là làbəlà è dzùŋ fə̀ dəghàan tsughu a te kùu ndùw Yɛso Kə̀lestò, Wɛ̀ ù Kə̀zə̀. 2#Mal 3:1 Aŋ ghəa Èzayà, ghùwshʉ̀ghà, fə̀ tɔm naŋā tsughu shwaʼ u Kəzə̀ wò enyəa,
“Kòʼo nlò, Ǹ lo tūu naaŋ ndùw tsə̀ndə̄ghā zaŋa â sə ko,
è ndùw biāan naŋā tsughu təluʼū â ghù;
3 #
Èzy 40:3
bɔ̂ŋ kə ghûw kə kûu kwə̀la wò â ŋgwən enyəa;
Biaan naŋa nlò luʼū to â Mughu ù te,
nə̀ghàso nlǒ dzǐi mò â wə̄n.”
4Dzɔ̌n ghùw wəla ù mò fughuu mùghù ŋ Kəzə̀ mò m gbə̀n sə kɔʼ aŋ ŋgwə̄n, tsʉ̀a wò àghì enyəa ghî à kuūwn fə̀ŋ tə ghee, ghe nî mùghù ŋ Kə̀zə̀, tò Zə̀ kə̀ ghuūw maʼà bòo tə ghee. 5Mbùʼ è Dzùdîa e dzə̀m, à ghì a Yɛ̀lusalɛ̀m ghò a dzə̀m n nyəŋ tsughu a vʉ̀a Dzɔ̌n enyə; ghe m bughò zàa wò vùŋ kə ghee enyəa ghe ŋ ghəəŋ bonlo a sə̀a Zə̀ kò, ghe yia a mʉŋe a te, ù m fughuu ghee â mùghù ŋ Kə̀zə̀ mò an dzughù è Dzodàn.
6 #
2Ud 1:8
Dzɔ̌n fə̀ dzəlā kele təndzʉ̄ mo ghe təm aŋ gùw kə̀anyòm kə̀ li ko ghe tɔŋlo enyəa à lò kɔʼdzəm, à kwùu fə gûw è nyòm fò mǒ ŋ kɔ̀n tsə̀ghà wò alo esā, ù m pfʉa tsə̀ghà təbe, nə̄ghāa tsə̀ghà fə̀dɔ̂ŋ. 7Ù n tsʉ̂a wò àghì enyəa, “Ghùw wəla ù ghaʼ mugho nāam bùghòo nù, Ŋ̀ kâ bùʼ kɔ̀ʼ ŋgàla ghùw wəla ù lò alezè bwaʼ u təgùw u wə̄n. 8Ŋ̀ ghɛ â mùghù ŋ Kə̀zə̀ m fughuu alo mmùghu; ù lô ghɛ̀ â mùghù ŋ Kə̀zə̀ ŋ kuuwn fughuu an Zùʼ tə̀ Zɔlɔ to.”
Ghe fughu Yɛso â mùghù ŋ Kə̀zə̀ mò, Satàn vʉ̀a ù tsoōm kaāŋ wə̄n
9An tsùʼu n te mò, Yɛso n zə̀ghàa tsùghù Nazalɛ̀t nùghù ndùw am mbùʼ è Galèlîi, Dzɔ̌n m fughu tsughu wēn â mùghù ŋ Kə̀zə̀ mò an dzughù è Dzodàn. 10Aŋghəa ù bɔɔ̄m səā kɔʼɔ̄ wô ènyə fughu an dzughù, ù n daŋso kòʼ wala kə nughù tsʉ tsughu, Zuʼ tə te tə n səā tsughuu wò an tuw kə wə̄n tò embuŋū. 11#Dzs 22:2; Sms 2:7; Èzy 42:1; Mat 3:17; 12:18; Mâk 9:7; Lûk 3:22 Dzə̀ è ghùw ù lì n daŋso nùghù dzɛ̀ sə̀ tsùghù wò alo kəwālā enyəa, “Ghù lǒ wɛ ù fə̀ŋ waŋa; fə̀ŋ ŋgěe zɔ̄lɔ̄ mùghò aŋ ghû.”
12Zuʼ tə Zɔlɔ tə te tə n daŋso tsom kɔʼ Yɛso, ù n nùghù sòʼ ndùw à ŋgwə̄n. 13Ù n dòʼò fughu à ŋgwə̀n ghə̀m mə̀ ntsuʼ n chìakò mo Satàn n tsoom kaaŋ ko wə̄n; ù n lo ghèe ghêe nyòm tə ŋgwə̄n to, tsə̀ndə̄ghā è Kə̀zə̀ n lɛnlo â wə̄n.
Yɛso tɔ̀ŋɔ̂ ghì à kwuu a tətsə̄ghāa gho a chìakò
(Mat 4:12-22; Lûk 4:14-15; 5:1-11)
14Ghəa ghe kwu kɔʼ Dzɔ̌n êzə̄ŋ, Yɛso n nùghù nyə̀ ndùw aŋ Galèlîi, nàʼn ndùw tsə̀ndə̄ghā è Kə̀zə̀ è dzùŋ, 15#Mat 3:2dzàa ndùw enyəa, “Nəghā e te zə m kpē, fɔ̂e u Kə̀zə̀ ù lo ko êzəŋ aŋ ghu; ti màʼa nlò ghəa ghɛʼɛ à bii gho, ghɛ̀ boo tsughu tùm è dzùŋ zən!”
16Tsuʼ ù li wo, ghəa Yɛso tsə̀ghǎa a ŋgùŋ è dzùghùntsòʼ è Galèlîi, ù ŋ kòʼ tsùghù Sǎemòn ghèe wàazə̀, Andùlù, mo ghe yia maʼn ghuūw zo fughu an dzùghùntsòʼ; nu ghe fə kwuu tsəgha tətsə̄ghāa. 17Yɛso n dzɛ̀ â ghee enyəa, “Bùghò nlò a bàâ mùghò, Ǹ lo ghəə̄ŋ tsughu ghɛ̀ è laam kwuu wo ghî ghò tò aŋ ghəa a kwuū tətsəghaa to.”
18Ghe n daŋso, ghe zəghàa tsughu ghuūw e ghee zo, ghe n nùghù ndùw a bàâ Yɛso. 19Â wən alesəā kəŋo ndûw â sə ko, ù ŋ kòʼ tsùghù Dzɛ̂ms ghèe Dzɔ̌, wɛ a Zɛbɛ̀dîi, mo ghe yia lô aŋ kwə̀n kə ghee, ghe n nemê ghuūw e ghee. 20Ù n tɔŋɔ tsughu ghee; ghe n daŋso zə̀ghàa tàʼà tsùghu tsēlē tɔɔŋ Zɛbɛ̀dîi alo kəkwə̀n ghèe ghê ghì a kəfwàʼ a ghee gho, nùghù ndùw a bàâ wə̄n.
Yɛso dzùm sə zʉ̀ ù biigh wo a zəŋò ghùw ù lì
(Lûk 4:31-37)
21Yɛso n nùghù nyə̀ ndùw aŋ Kàpɛnùm ghèe ghê tsə̀təndə̄ghā tə wə̄n to. A kâ tsùŋlò, Tsuʼntsə̄ u Tə̀dzûu wə̀ m kpè è tsughu, Yɛso n nyə̀ kàʼ ndùw ghì à zoʼn gho an Ndùghène. 22#Mat 7:28, 29Dzughu zə n zuu àghì an dzì zəla ù zoʼn ghee a te; tɔŋlo enyəa ù fə̌ ghee zoʼnlo an dò tə aghəa, à fə̀ yo dzə̂ aŋ ghəa ghê dèekə̀làŋ zoʼn ghî ghò a te.
23Ghəa Yɛso zoʼn ghî ghò êzə̀, ghe n nùghù tɛ̀ fìi kɔ̀ʼ tûwbʉ̀ghà ù lǐ fughu an Ndùghène è ghee zə̀ mò ù kǐ zʉ̀ ù biigh wo. 24Tûw vʉ n daŋso nùghù dì sə̀ wò enyəa, “Ghù kǐ kwò sɛ̌ a Yɛso, ghùw ù Nazalɛ̀t wə̄n? Ghǔ m bùghò sə alebùghò ləŋe ghàʼ à? Ŋ̀ kwo nû ghùw wəla ghù lò â ghè wò, ghù lǒ ghùw ù Kə̀zə̀ ù Zɔ̀lɔ.”
25Yɛso m fwə̀n ke naŋa ndùw wə̄n, â wə̀n à, “Dòʼò mɔŋ, ghù sə nughu a zəŋò wə̄n!”
26Zʉ̀ u te wə ŋ kwù kɔ̀n tsùghu ghùw vʉ̀, ghəa kə dî sə wo an dzə̂ è tughu enyə, kə n daŋso sə̀ nùghù wò a zəŋò wə̄n. 27Dzughu zə n zūm ghî a te gho a dzə̀m, ghe m bvʉʉn kaŋlo aŋ ghùe e ghee enyəa, “Zən lò Tsʉ e kwo zo enyəa à? Ù dòo tsə̀ghàsò sùghò kə̀làŋ â zʉ̀ wò, vʉa u zuūw â wə̄n.”
28Zwɔ̂ŋ u Yɛso wə̀ n daŋso nùghù kùm ŋgəa kaaŋ ndùw luʼū ten tə̀ dzə̀m am mbùʼ è Galèlîi.
Yɛso bǎaŋ ndə̀m è àghì
(Mat 8:14-17; Lûk 4:38-41)
29Yɛso n daŋso zə̀ghàa tsùghu Ndùghène zə̀, ghèe ghê Dzɔ̌n, à Dzɛ̂ms, nùghù ndùw alô Sǎemòn wəla ù fə̀ mughu sugho ghèe Andùlù. 30À n lo mò nə̀ghàwì ù Sǎemòn vʉ̀a nyə̀ŋ â ghue wo, ghe n daŋso nì dì dzɛ̀ ndùw ghəa a ughùe a wə̄n a te gho â Yɛso. 31Ù m bùghò dàŋso kwù nùghùsò kɔ̌ʼ wə̄n aŋ kwē, nì nùghù kɔ̌ʼ wə̄n, ghue u te wə n daŋso zə̀ghàa tsùghu wə̄n; ù n daŋso nùghù tsə̀ghàsò wò ghee â fʉ̀ghàzəa wo.
32An nə̀gha è guŋsò zò, aŋghəa zuuw e saŋà nyə tsughu nduw, an tsuʼ fə̀ è fì, ghe m bòʼn wò ghì à dzaāŋ ghən à dzə̀m a vʉ̀a Yɛso, à ghə̀là zʉ̀ ù lo a zəŋò ghee. 33Naʼ zə n zòo sə̀ wò è dzə̀m, tsuŋ tsughu enyə a fǔundughu. 34Ù m baaŋ tsùghù sùghò ndə̀m è ghee zəla ghe mò dzaŋā ŋgòʼ tə tədzàŋà tò, dzùm sə̀ sùghò ùzʉ̀; tsoo boom tsughuu yo enyə zʉ̀ u te u kɔʼɔ̄ kʉ̄ɛɛ, bòʼ ghe mò kwo nu wə̄n.
Yɛso kə̀a shwaʼ u Kəzə̀ aŋ Galèlîi
(Lûk 4:42-44)
35Â lə̌əmlə̌əm to, Yɛso n nùghù è kɔʼ, ndùw sàŋe dòʼò è nduw, kàʼ ndùw fughu a lùʼù gɔɔ̄ŋ wo. 36Sǎemòn ghèe ghê fən a wə̄n a fi nughù dzùum ndùw nǔ wə̄n, 37ndùw kòʼ ndùw wə̄n, dzɛ̀ â wən enyəa, “Enaʼ è dzə̀m fɛ tsôo kə̀ŋo kaaŋ ko ghù.”
38Yɛso n dzɛ̀ â ghee enyəa, “Bùgho nlò sɛ̀ nughù daŋso nduw an nàʼà n lǐ m mî, tò M̀ bɔŋɔ̄ ndûw kə̂a ndûw sughò shwaʼ u Kəzə̌ a fughu; nu M̀ mô fɛ sə wò ghəa zə̀ èzə̀.”
39 #
Mat 4:23; 9:35 Ù m bwìi ŋgəa tsughu Galèlîi e dzə̀m, kə̀a ndùw shwaʼ u Kə̀zə̀ an ndughutə̀ne tə Tə̀dzûu to, shùaan sə̌a ndùw sùghò ùzʉ̀ a zəŋò ghì ghò.
Yɛso bǎaŋ ghùw ù tə̀tsùghò
(Mat 8:14; Lûk 5:12-16)
40Ghùw ù tə̀tsùghò ù lǐ n ndùw sə̀ kɔ̀ʼ wò à vʉ̀a wə̄n â ghu kə̀ buʼu ko, nyaʼa ndùw a sə̀a wə̄n, dzɛ̀ â wə̀n enyəa, “Abugho ghù tsə̀m tsughu, to ghù ghəŋlo Ǹ zɔn.”
41Se zə ŋ ŋge kwū Yɛso, ù n dàan ndùw kə̀ghu, mɔ̀m ndùw wə̄n, dzɛ̀ â wən enyəa, “Mùghò n tsə̀m, ghù zɔn tsughu.” 42Tsùghò tə̀ n daŋso zə̀ghàa tsùghù tûwbʉ̀ghà vʉ̀, ù fi dzâŋ tughu nû. 43Yɛso mo e zəghàa ndûw wə̀n, tɔ̀ʼ kùɛɛn tsùghu wə̄n, 44#Lɛv 14:1-32 dzɛ̀ â wə̀n enyəa, “E kwo ghù lò dzaā â ghùw ù lì, ndǔw děe ndùw ghue wo â fɔ̀e, ghù fughu nduw təma ko ghəa ghù zɔn dzə̄, aŋ ghəa lâŋ kə Musî kə̀ deē, aledèe ndûw â naʼ zo enyəa ghù êzəŋ e zɔlɔ nù.”
45Ù ŋ kuūwn kòom nùghù è tsughu, ndùw kàʼ ndùw ghəa yia lùʼù ndzɛɛ̄n kəaa gho â ghì ghò, nàʼà tsughu ghəa yi enyə, Yɛso ŋ kôom yò alendzìin tsəghàa nyə enaʼ, dòʼò kòom tsughu ko alo təŋgwə̀là, ghî ghə̀ n naam nùghùuŋ wò kô bàa tə̀n tə̀ dzə̀m, bùghòo ko alebùghò kôʼ wə̄n.
Mâk 1
1
Tsʉ̂ e Dzɔ̌n Fùghù ù mmùghu an Làbəlà è dzùŋ
(Mat 3:1-12; Lûk 3:1-18; Dzn 1:19-28)
1Ghən lò ghəa ghə̀là làbəlà è dzùŋ fə̀ dəghàan tsughu a te kùu ndùw Yɛso Kə̀lestò, Wɛ̀ ù Kə̀zə̀. 2#Mal 3:1 Aŋ ghəa Èzayà, ghùwshʉ̀ghà, fə̀ tɔm naŋā tsughu shwaʼ u Kəzə̀ wò enyəa,
“Kòʼo nlò, Ǹ lo tūu naaŋ ndùw tsə̀ndə̄ghā zaŋa â sə ko,
è ndùw biāan naŋā tsughu təluʼū â ghù;
3 #
Èzy 40:3
bɔ̂ŋ kə ghûw kə kûu kwə̀la wò â ŋgwən enyəa;
Biaan naŋa nlò luʼū to â Mughu ù te,
nə̀ghàso nlǒ dzǐi mò â wə̄n.”
4Dzɔ̌n ghùw wəla ù mò fughuu mùghù ŋ Kəzə̀ mò m gbə̀n sə kɔʼ aŋ ŋgwə̄n, tsʉ̀a wò àghì enyəa ghî à kuūwn fə̀ŋ tə ghee, ghe nî mùghù ŋ Kə̀zə̀, tò Zə̀ kə̀ ghuūw maʼà bòo tə ghee. 5Mbùʼ è Dzùdîa e dzə̀m, à ghì a Yɛ̀lusalɛ̀m ghò a dzə̀m n nyəŋ tsughu a vʉ̀a Dzɔ̌n enyə; ghe m bughò zàa wò vùŋ kə ghee enyəa ghe ŋ ghəəŋ bonlo a sə̀a Zə̀ kò, ghe yia a mʉŋe a te, ù m fughuu ghee â mùghù ŋ Kə̀zə̀ mò an dzughù è Dzodàn.
6 #
2Ud 1:8
Dzɔ̌n fə̀ dzəlā kele təndzʉ̄ mo ghe təm aŋ gùw kə̀anyòm kə̀ li ko ghe tɔŋlo enyəa à lò kɔʼdzəm, à kwùu fə gûw è nyòm fò mǒ ŋ kɔ̀n tsə̀ghà wò alo esā, ù m pfʉa tsə̀ghà təbe, nə̄ghāa tsə̀ghà fə̀dɔ̂ŋ. 7Ù n tsʉ̂a wò àghì enyəa, “Ghùw wəla ù ghaʼ mugho nāam bùghòo nù, Ŋ̀ kâ bùʼ kɔ̀ʼ ŋgàla ghùw wəla ù lò alezè bwaʼ u təgùw u wə̄n. 8Ŋ̀ ghɛ â mùghù ŋ Kə̀zə̀ m fughuu alo mmùghu; ù lô ghɛ̀ â mùghù ŋ Kə̀zə̀ ŋ kuuwn fughuu an Zùʼ tə̀ Zɔlɔ to.”
Ghe fughu Yɛso â mùghù ŋ Kə̀zə̀ mò, Satàn vʉ̀a ù tsoōm kaāŋ wə̄n
9An tsùʼu n te mò, Yɛso n zə̀ghàa tsùghù Nazalɛ̀t nùghù ndùw am mbùʼ è Galèlîi, Dzɔ̌n m fughu tsughu wēn â mùghù ŋ Kə̀zə̀ mò an dzughù è Dzodàn. 10Aŋghəa ù bɔɔ̄m səā kɔʼɔ̄ wô ènyə fughu an dzughù, ù n daŋso kòʼ wala kə nughù tsʉ tsughu, Zuʼ tə te tə n səā tsughuu wò an tuw kə wə̄n tò embuŋū. 11#Dzs 22:2; Sms 2:7; Èzy 42:1; Mat 3:17; 12:18; Mâk 9:7; Lûk 3:22 Dzə̀ è ghùw ù lì n daŋso nùghù dzɛ̀ sə̀ tsùghù wò alo kəwālā enyəa, “Ghù lǒ wɛ ù fə̀ŋ waŋa; fə̀ŋ ŋgěe zɔ̄lɔ̄ mùghò aŋ ghû.”
12Zuʼ tə Zɔlɔ tə te tə n daŋso tsom kɔʼ Yɛso, ù n nùghù sòʼ ndùw à ŋgwə̄n. 13Ù n dòʼò fughu à ŋgwə̀n ghə̀m mə̀ ntsuʼ n chìakò mo Satàn n tsoom kaaŋ ko wə̄n; ù n lo ghèe ghêe nyòm tə ŋgwə̄n to, tsə̀ndə̄ghā è Kə̀zə̀ n lɛnlo â wə̄n.
Yɛso tɔ̀ŋɔ̂ ghì à kwuu a tətsə̄ghāa gho a chìakò
(Mat 4:12-22; Lûk 4:14-15; 5:1-11)
14Ghəa ghe kwu kɔʼ Dzɔ̌n êzə̄ŋ, Yɛso n nùghù nyə̀ ndùw aŋ Galèlîi, nàʼn ndùw tsə̀ndə̄ghā è Kə̀zə̀ è dzùŋ, 15#Mat 3:2dzàa ndùw enyəa, “Nəghā e te zə m kpē, fɔ̂e u Kə̀zə̀ ù lo ko êzəŋ aŋ ghu; ti màʼa nlò ghəa ghɛʼɛ à bii gho, ghɛ̀ boo tsughu tùm è dzùŋ zən!”
16Tsuʼ ù li wo, ghəa Yɛso tsə̀ghǎa a ŋgùŋ è dzùghùntsòʼ è Galèlîi, ù ŋ kòʼ tsùghù Sǎemòn ghèe wàazə̀, Andùlù, mo ghe yia maʼn ghuūw zo fughu an dzùghùntsòʼ; nu ghe fə kwuu tsəgha tətsə̄ghāa. 17Yɛso n dzɛ̀ â ghee enyəa, “Bùghò nlò a bàâ mùghò, Ǹ lo ghəə̄ŋ tsughu ghɛ̀ è laam kwuu wo ghî ghò tò aŋ ghəa a kwuū tətsəghaa to.”
18Ghe n daŋso, ghe zəghàa tsughu ghuūw e ghee zo, ghe n nùghù ndùw a bàâ Yɛso. 19Â wən alesəā kəŋo ndûw â sə ko, ù ŋ kòʼ tsùghù Dzɛ̂ms ghèe Dzɔ̌, wɛ a Zɛbɛ̀dîi, mo ghe yia lô aŋ kwə̀n kə ghee, ghe n nemê ghuūw e ghee. 20Ù n tɔŋɔ tsughu ghee; ghe n daŋso zə̀ghàa tàʼà tsùghu tsēlē tɔɔŋ Zɛbɛ̀dîi alo kəkwə̀n ghèe ghê ghì a kəfwàʼ a ghee gho, nùghù ndùw a bàâ wə̄n.
Yɛso dzùm sə zʉ̀ ù biigh wo a zəŋò ghùw ù lì
(Lûk 4:31-37)
21Yɛso n nùghù nyə̀ ndùw aŋ Kàpɛnùm ghèe ghê tsə̀təndə̄ghā tə wə̄n to. A kâ tsùŋlò, Tsuʼntsə̄ u Tə̀dzûu wə̀ m kpè è tsughu, Yɛso n nyə̀ kàʼ ndùw ghì à zoʼn gho an Ndùghène. 22#Mat 7:28, 29Dzughu zə n zuu àghì an dzì zəla ù zoʼn ghee a te; tɔŋlo enyəa ù fə̌ ghee zoʼnlo an dò tə aghəa, à fə̀ yo dzə̂ aŋ ghəa ghê dèekə̀làŋ zoʼn ghî ghò a te.
23Ghəa Yɛso zoʼn ghî ghò êzə̀, ghe n nùghù tɛ̀ fìi kɔ̀ʼ tûwbʉ̀ghà ù lǐ fughu an Ndùghène è ghee zə̀ mò ù kǐ zʉ̀ ù biigh wo. 24Tûw vʉ n daŋso nùghù dì sə̀ wò enyəa, “Ghù kǐ kwò sɛ̌ a Yɛso, ghùw ù Nazalɛ̀t wə̄n? Ghǔ m bùghò sə alebùghò ləŋe ghàʼ à? Ŋ̀ kwo nû ghùw wəla ghù lò â ghè wò, ghù lǒ ghùw ù Kə̀zə̀ ù Zɔ̀lɔ.”
25Yɛso m fwə̀n ke naŋa ndùw wə̄n, â wə̀n à, “Dòʼò mɔŋ, ghù sə nughu a zəŋò wə̄n!”
26Zʉ̀ u te wə ŋ kwù kɔ̀n tsùghu ghùw vʉ̀, ghəa kə dî sə wo an dzə̂ è tughu enyə, kə n daŋso sə̀ nùghù wò a zəŋò wə̄n. 27Dzughu zə n zūm ghî a te gho a dzə̀m, ghe m bvʉʉn kaŋlo aŋ ghùe e ghee enyəa, “Zən lò Tsʉ e kwo zo enyəa à? Ù dòo tsə̀ghàsò sùghò kə̀làŋ â zʉ̀ wò, vʉa u zuūw â wə̄n.”
28Zwɔ̂ŋ u Yɛso wə̀ n daŋso nùghù kùm ŋgəa kaaŋ ndùw luʼū ten tə̀ dzə̀m am mbùʼ è Galèlîi.
Yɛso bǎaŋ ndə̀m è àghì
(Mat 8:14-17; Lûk 4:38-41)
29Yɛso n daŋso zə̀ghàa tsùghu Ndùghène zə̀, ghèe ghê Dzɔ̌n, à Dzɛ̂ms, nùghù ndùw alô Sǎemòn wəla ù fə̀ mughu sugho ghèe Andùlù. 30À n lo mò nə̀ghàwì ù Sǎemòn vʉ̀a nyə̀ŋ â ghue wo, ghe n daŋso nì dì dzɛ̀ ndùw ghəa a ughùe a wə̄n a te gho â Yɛso. 31Ù m bùghò dàŋso kwù nùghùsò kɔ̌ʼ wə̄n aŋ kwē, nì nùghù kɔ̌ʼ wə̄n, ghue u te wə n daŋso zə̀ghàa tsùghu wə̄n; ù n daŋso nùghù tsə̀ghàsò wò ghee â fʉ̀ghàzəa wo.
32An nə̀gha è guŋsò zò, aŋghəa zuuw e saŋà nyə tsughu nduw, an tsuʼ fə̀ è fì, ghe m bòʼn wò ghì à dzaāŋ ghən à dzə̀m a vʉ̀a Yɛso, à ghə̀là zʉ̀ ù lo a zəŋò ghee. 33Naʼ zə n zòo sə̀ wò è dzə̀m, tsuŋ tsughu enyə a fǔundughu. 34Ù m baaŋ tsùghù sùghò ndə̀m è ghee zəla ghe mò dzaŋā ŋgòʼ tə tədzàŋà tò, dzùm sə̀ sùghò ùzʉ̀; tsoo boom tsughuu yo enyə zʉ̀ u te u kɔʼɔ̄ kʉ̄ɛɛ, bòʼ ghe mò kwo nu wə̄n.
Yɛso kə̀a shwaʼ u Kəzə̀ aŋ Galèlîi
(Lûk 4:42-44)
35Â lə̌əmlə̌əm to, Yɛso n nùghù è kɔʼ, ndùw sàŋe dòʼò è nduw, kàʼ ndùw fughu a lùʼù gɔɔ̄ŋ wo. 36Sǎemòn ghèe ghê fən a wə̄n a fi nughù dzùum ndùw nǔ wə̄n, 37ndùw kòʼ ndùw wə̄n, dzɛ̀ â wən enyəa, “Enaʼ è dzə̀m fɛ tsôo kə̀ŋo kaaŋ ko ghù.”
38Yɛso n dzɛ̀ â ghee enyəa, “Bùgho nlò sɛ̀ nughù daŋso nduw an nàʼà n lǐ m mî, tò M̀ bɔŋɔ̄ ndûw kə̂a ndûw sughò shwaʼ u Kəzə̌ a fughu; nu M̀ mô fɛ sə wò ghəa zə̀ èzə̀.”
39 #
Mat 4:23; 9:35 Ù m bwìi ŋgəa tsughu Galèlîi e dzə̀m, kə̀a ndùw shwaʼ u Kə̀zə̀ an ndughutə̀ne tə Tə̀dzûu to, shùaan sə̌a ndùw sùghò ùzʉ̀ a zəŋò ghì ghò.
Yɛso bǎaŋ ghùw ù tə̀tsùghò
(Mat 8:14; Lûk 5:12-16)
40Ghùw ù tə̀tsùghò ù lǐ n ndùw sə̀ kɔ̀ʼ wò à vʉ̀a wə̄n â ghu kə̀ buʼu ko, nyaʼa ndùw a sə̀a wə̄n, dzɛ̀ â wə̀n enyəa, “Abugho ghù tsə̀m tsughu, to ghù ghəŋlo Ǹ zɔn.”
41Se zə ŋ ŋge kwū Yɛso, ù n dàan ndùw kə̀ghu, mɔ̀m ndùw wə̄n, dzɛ̀ â wən enyəa, “Mùghò n tsə̀m, ghù zɔn tsughu.” 42Tsùghò tə̀ n daŋso zə̀ghàa tsùghù tûwbʉ̀ghà vʉ̀, ù fi dzâŋ tughu nû. 43Yɛso mo e zəghàa ndûw wə̀n, tɔ̀ʼ kùɛɛn tsùghu wə̄n, 44#Lɛv 14:1-32 dzɛ̀ â wə̀n enyəa, “E kwo ghù lò dzaā â ghùw ù lì, ndǔw děe ndùw ghue wo â fɔ̀e, ghù fughu nduw təma ko ghəa ghù zɔn dzə̄, aŋ ghəa lâŋ kə Musî kə̀ deē, aledèe ndûw â naʼ zo enyəa ghù êzəŋ e zɔlɔ nù.”
45Ù ŋ kuūwn kòom nùghù è tsughu, ndùw kàʼ ndùw ghəa yia lùʼù ndzɛɛ̄n kəaa gho â ghì ghò, nàʼà tsughu ghəa yi enyə, Yɛso ŋ kôom yò alendzìin tsəghàa nyə enaʼ, dòʼò kòom tsughu ko alo təŋgwə̀là, ghî ghə̀ n naam nùghùuŋ wò kô bàa tə̀n tə̀ dzə̀m, bùghòo ko alebùghò kôʼ wə̄n.
