Mâk 5
5
Yɛso bǎaŋ ghùw mò ù ki zʉ̀ u biigh wo
(Mat 8:28-34; Lûk 8:26-39)
1Yɛso ghèe ghê tsə̀təndə̄ghā tə wə̄n tə n dàŋsə̀ wo a ŋgùŋ è dzùghùntsòʼ è lì zən an naʼ e tə̀ Dzɛlàsîn. 2A m bùghò ù sə kɔʼ alo kəkwə̀n, ghùw ù lǐ m bùghò kòʼ wò wə̄n, ù nùghù sə wo aŋ gə̀mâghùw, mò zʉ̀ ù biigh u lo a zəŋò wə̄n, 3mò ù mùghù tsəgha ko fughu an tuw u təshìa aŋ gə̀mâghùw; mò ghùw kòom yò alekwuū kɔlɔ̀ kôʼ wə̄n abugho ghùw ù te bûʼ ki ko tsāʼ to. 4Nu ghe mò kwuu kɔlɔ̄ naaŋ tsəgha nu wən am ugbāʼ, ghe ŋ kùm alo tətsāʼ, ù n nùghù těen màʼà tsùghu tsāʼ tə te to, teen màʼà tsùghù sùghò bwaʼ u te wo; ghǔw ŋ ŋgəmso yò bughuso wə̄n. 5Ù m buʼn bwīi tsə̀ghà mbɔŋ a fughu an tuw u təshìaa, àsùghò alo təkàʼà, bùghò bùʼn zee ndùw, ù ŋ gûwn kǎaŋ tsə̀ghà ghue u wə̄n alo atīa.
6A m bùghò ù daŋso kôʼ wô Yɛso ènyə alo kədɛ̀, ù mo è nyəŋ, bùghò tə̀m wò tə̀ŋguʼ a vʉ̀a wə̄n; 7màʼà sə̀ wò kə̀bɔ̀ŋ enyəa, “Ghù so e dzə̂ èndugho â mùghǒ a Yɛso, Wɛ̀ ù Tsə̂ntəmbî? M̀ bvʉa wò â ghù an zən e Kəzə̀, kà mugho ndzāŋsō màʼà.” 8Ù fə̀ ghəa ghən enyə dzɛ tsughu bòʼ Yɛso sò dzɛ̂ nduw â wə̄n enyəa, “Sə nùghù a zə̀ŋo ghùw vʉ̀, zə̀ kə̀ biigh ko tǒ kə̀fùghùu!”
9Yɛso daŋso nùghù bvʉ tsughu â wən enyəa, “Zən zəghà è lo ndughoo a?” Ù mo enyəa, “Zən zaŋā e lo Ndza; nu ghàʼ lo ndə̀m.” 10Ù n daŋso tɔ̀ʼ buʼ tsughu kə ghu â Yɛso enyəa e kwo Yɛso lò dzûu nughùun səā nduw ghee a fughu alo enaʼ.
11Sāʼ kə ukwə̀lebʉ̄ghā kə̀ li kə n zəa kaaŋ fughu aŋ ŋgàŋlo e ukwàʼ; 12zʉ̀ vʉ m buʼ tsughu kəghu â Yɛso enyəa, “Tum nyə̀ ndùw ghaʼ a zəŋò kwə̀lebʉ̄ghā u vʉ wo, ghàʼ nyəā ndûw a zəŋò ghee.” 13Ù fi zəghàa ndùw nǔ ghee. Zʉ̀ u te wə n daŋso sə̀ nùghù wò a zəŋò ghùw vʉ̀, nyə̀ ndùw a zəŋò kwə̀lebʉ̄ghā vʉ̀, mo u fə̀ lo tò təkām tə bə̀ghà an tāŋ, wə n daŋso nùghù tə̀ŋò nyə̀ŋ nyə̀ tsùghù ndùw aŋ gwōo chì, bvʉ̀ nyə̀ tsùghù ndùw an dzùghùntsòʼ zə̀, məla sàŋ ndùw fughu an dzùghùntsòʼ.
14Ghî ghela ghe fə̀ chiīn kwə̀lebʉ̄ghā a te wo n nùghù tì kwə̀n dzɛ̀ wò ghəa a te gho enaʼ, ŋgwə̀là tə̀ n zùw è sugho. Ghî ghə̀ n təŋò sə̀ wò alebùghò kôʼ enyəa à kùm kwǒ a. 15Ghe fi bughò kòʼ wò nù Yɛso, à ghùw vʉ̀a ù mò ki zʉ̀ wò mò vʉ̀a ù dǒʼ fughu, mò ù dzə̀là kèle tə̀ndzʉ̄, mò ù lǒ an tɔ u wə̄n; ghəa ghe kôʼ tsughu ghəa yi gho êzə̀, fə̂ŋ tə̀ m bàa ghee. 16Ghî ghəla ghe mò kôʼ ghəa yi n teso dzɛ̀ ndùw ghəa ghəla a mô sə a zəŋò ghùw vʉ̀a ù mò ki zʉ̀ ù biigh vʉ̀, à sùghò a zəŋò kwə̀lebʉ̄ghā wo.
17Ghî yi ghə n daŋso kàʼ tsùghu ghu kə̀ buʼu ko â Yɛso enyəa ù səā nùghù an nāʼ e ghee.
18Ghəa Yɛso so e nyəa kɔʼɔ alo kəkwə̀n enyə, ghùw vʉ̀a ù mo ki zʉ̀ ù biigh vʉ m bùʼ ndùw kə̀ghu â wə̄n enyəa to e mô lò nduw ko ghèe wə̄n.
19Ù mô è tue, dzɛ̀ â wə̄n enyəa, “Kwən kòʼo ndùw ghî ghə̀a ghò ghù dzɛ nduw fwàʼ kəla Mughubè ù te fwâʼ tsughu â ghù, ghù dzɛ nduw sugho ghəa ù kwuso tsughu se zo a te a zəŋò ghù.”
20Ghù vʉ̀a ù mò ki zʉ̀ ù biigh vʉ n nùghù è ndùw, ndùw kàʼ ndùw alenàʼà kâaŋ tsəghà ghəa ghəla Yɛso ghəə̄ŋ tsughu a zəŋò wə̄n an naʼ zəla ghe mò tɔŋlo enyəa à lǒ Dìkapōlès, ghəa ù nàʼn ndûw ghəa ghən gho, dzughu zə n zuu àghì a dzə̀m.
Yɛso bǎaŋ nì nùghu wò wɛ fə Dzaelùs fə̀ zən a vʉ̀a vʉ zo, baaŋ kɔ̀ʼ sùghò wìzən wəla ù mò mɔm ndzʉ̀ tə wə̄n to
(Mat 9:18-26; Lûk 8:40-56)
21A m bùghò Yɛso dàŋsə wo alo kəkwə̀n a ŋgùŋ zən, nɔ̂e ko aghì kə̀ n zùuŋ wò a vʉ̀a wə̄n mò ù tì a ŋgùŋ è dzùghùntsòʼ è te. 22Ghùw u mɔ̀ʼ aŋ ghì ghəla ghe mò lô tuw wo an Ndùghène è Tə̀dzûu, ghe mò tɔŋlo enyəa à lò Dzaelùs, n ndùw è bugho, aŋghəa ù bùghò kôʼ wô Yɛso, ù n tə̀m ndùw tə̀ŋguʼ a tsəlà wə̄n, 23buʼ ndùw kə̀ghu â wən enyəa, “Nyàaŋ fə fəzən faŋā fə so e kpuw. Bùghò, ghù bugho gaʼ tsughu ghu ghə̀a ghò a zəŋò wə̄n, tò ù tughūu doʼò wô, ù dòʼò wô â tuw ko.”
24Ù fi nughù nùghù ndùw nǔ ghèe wə̄n. Nɔ̂e kə aghì chi kə̀ n tə̀ŋò nùghù ndùw a bǎà wə̄n, ghèe ghee n tsɔ̂ɔn dzə̌əŋ kɔ̀ʼɔ ko èghue, kaʼkəkaʼ ghe nduūw.
25Wìzən ù lì n lo an saʼ kə aghì kə te ko mò ù n tsoʼn bǎà zee ndzɔ̄ŋ, à lo mò ù m fala tsɛ̀lɛ̀ an dzàŋ zən alo tənùu eghə̄m à ghè tò tə bə̀ghà. 26Ù m biso fala tsùghù sùghò ènyə aŋ ghùu ghì a təŋgàŋ ghò, boon mɛ̀ʼɛ̀ fəgha kə̀là ù mò ki, tsoo kele yo bughuun zo. Ghəa a wə̄n ghə fəŋso kòom tə̀əm bǒo mɛ̀ʼn ndùw. 27Nughò wən n zuw tsughu zwɔ̂ŋ u Yɛso, ù n sə̀ kɔ̀ʼ wò a bǎà wə̄n am faʼnlo e aghì, bùghò kɔ̀ʼ mɔ̀m tsùghu ndzʉ tə wə̄n, 28tɔŋlo enyəa à fə̀ lo mò nughò ù te maā dzɛ̂ enyəa, “Abugho M̀ bûʼ mɔ̂m tsughu ko ndzʉ̀ è wə̄n, Ǹ sô tùghu nù.”
29Ghəa ù mòʼ tsughu dzə êzə̀ ndùw mɔ̀m è tsughu, fɔ̂n e wən zə n daŋso kə̀a è kɔʼ; ù n ndòʼ zə̌ən zuwkɛlɛ tsughu ghue u wən enyəa dzâŋ e te zə ŋ ghee zəghàa. 30Ghəa Yɛso zəə̄n zuw tsughu enyəa daʼa kə mo a zəŋò wə̄n sə nùghù, ù n daŋso fə̀n tsùghù ughue fughu an saʼ kə aghì, bvʉ tsughu enyəa, “À mùghò mɔ̂m ndùghò à?”
31Tsə̀təndə̄ghā tə wə̄n tə n dzɛ̀ â wə̄n enyəa, “Ghù vʉ̀a ghù mgbaŋā koʼò aŋghəa ghî à zʉɛʼɛ̄ nyəā wô a te a zəŋò ghù, ghù vʉ̀a ù lɛɛ̄n kôom bvʉa zee wô enyəa, ‘À mùghò mɔ̂m ndùghò à?’ ”
32Yɛso ŋ kuuwn naam lɛɛn kaaŋ ko alekòʼò tsughu ghùw wəla ù mɔ̀m tsughu wə̄n. 33Ghəa nughò vʉ sô kòʼ ghəa yia a sə a zəŋò wə̄n, ù n tsə̀ghà sə è wo, kàʼ, kàʼ, kàʼ, kàʼ, kàʼ, ù tsəŋlō, tə̀m ndùw tuw wə anyʉ̄ a tsəlà Yɛso, dzɛ̀ tsùghù ghəa a te gho kpe. 34Yɛso n dzɛ̀ â wə̄n enyəa, “Ŋ wɛ̄, fə̀ŋ zə̀ghà ghù gaʼ tsughu a zəŋò Zə̀ kò ŋ ghəŋlo ghù vʉ̀a ù tughu; ndùw kədzûŋ, ghe baāŋ kɔʼ dzə̂ ghû an dzàŋ zə̀ghà.”
35Aŋghəa Yɛso kə̀a ghəa ghən, ghî à li ghe n têeŋ wò ghe nughù wo alô Dzaelùs, ghe n dzɛ̀ wò â wə̄n enyəa, “Wɛ wʉ̂a m kpuw, ghù sə̀ mughùbè kòom fəmso aŋ kwò à?”
36Yɛso ŋ kuūwn zùw tsə̀ghà ndùw ghəa yì, kè naŋa kətuŋlō a te, dzɛ̀ â tuw kə Ndùghène chi ko enyəa, “Kà tsəŋ, kuuwn gaʼ tsughu ko fə̀ŋ zə̀ghà a zəŋò Zə̀ kò.” 37Ù ŋ kè boo enyəa ghî à bùghò a bǎà wə̄n, ù n nì kɔʼ ko Pità, àsùghò Dzɛ̂ms ghèe Dzɔ̌n, waazə̂. 38Ghəa ghe bugho tɛ̂ tsughu alô tuw kə Ndùghène chì, ù ŋ kòʼ ko mo luʼū tə lo ko dzaʼàkòkò tə lo, kwukwu zə edì zə̀ ŋ kûu, ghî ghə̀ n dîi ghǒʼn mìasò ndùw ènyə. 39A m bùghò ù tsə̀ghà nyə nduw, ù n bvʉ â ghee enyəa, “À lǒ kə kwò ghɛ̀ sô fəmso ghue zo alo edì a? Wɛ̀ ù te kâ kpùw dzə̀, ù bwǐi nù nû.”
40Ghe ŋ kàʼ ndùw wə̄n a lùʼù tsoʼo wo. Ù n daŋso dzùm nàŋa sə̀ wò ghee a dzə̀m a beē, nì kɔʼ ko zə̂awɛ̀ ghèe tselèwɛ̌ vʉ̀, à ghì ghəla ghèe ghee mô lô a dzə̀m, nyə̀ ndùw a fiā wɛ vʉ mò nyəŋ. 41Ù ŋ kwu tsughu ghu kə wɛ̀ fi fo, dzɛ̀ â wə̄n enyəa, “Tàlità Kumɛ̀.” Mo e moʼnlò enyəa, “Êwɛ̀, nùghu kɔʼɔ̀!”
42Zən fi fə n daŋso nùghù è kɔʼ, kàʼ ndùw è bwìi (fə mò lo tənûu èghə̄m à ghè tò tə bə̀ghà). Ghəa ghe kôʼ tsughu ghəa yì, dzughu zə n zum ghee. 43Ù n tɔ̀ʼ kʉ̀ɛɛn tsùghu ghee enyəa ghùw lò zuūw ghəa zə̀, dzɛ̀ enyəa ghe kəŋo fughu kəfəgha wɛ vʉ̄ zə.
Mâk 5
5
Yɛso bǎaŋ ghùw mò ù ki zʉ̀ u biigh wo
(Mat 8:28-34; Lûk 8:26-39)
1Yɛso ghèe ghê tsə̀təndə̄ghā tə wə̄n tə n dàŋsə̀ wo a ŋgùŋ è dzùghùntsòʼ è lì zən an naʼ e tə̀ Dzɛlàsîn. 2A m bùghò ù sə kɔʼ alo kəkwə̀n, ghùw ù lǐ m bùghò kòʼ wò wə̄n, ù nùghù sə wo aŋ gə̀mâghùw, mò zʉ̀ ù biigh u lo a zəŋò wə̄n, 3mò ù mùghù tsəgha ko fughu an tuw u təshìa aŋ gə̀mâghùw; mò ghùw kòom yò alekwuū kɔlɔ̀ kôʼ wə̄n abugho ghùw ù te bûʼ ki ko tsāʼ to. 4Nu ghe mò kwuu kɔlɔ̄ naaŋ tsəgha nu wən am ugbāʼ, ghe ŋ kùm alo tətsāʼ, ù n nùghù těen màʼà tsùghu tsāʼ tə te to, teen màʼà tsùghù sùghò bwaʼ u te wo; ghǔw ŋ ŋgəmso yò bughuso wə̄n. 5Ù m buʼn bwīi tsə̀ghà mbɔŋ a fughu an tuw u təshìaa, àsùghò alo təkàʼà, bùghò bùʼn zee ndùw, ù ŋ gûwn kǎaŋ tsə̀ghà ghue u wə̄n alo atīa.
6A m bùghò ù daŋso kôʼ wô Yɛso ènyə alo kədɛ̀, ù mo è nyəŋ, bùghò tə̀m wò tə̀ŋguʼ a vʉ̀a wə̄n; 7màʼà sə̀ wò kə̀bɔ̀ŋ enyəa, “Ghù so e dzə̂ èndugho â mùghǒ a Yɛso, Wɛ̀ ù Tsə̂ntəmbî? M̀ bvʉa wò â ghù an zən e Kəzə̀, kà mugho ndzāŋsō màʼà.” 8Ù fə̀ ghəa ghən enyə dzɛ tsughu bòʼ Yɛso sò dzɛ̂ nduw â wə̄n enyəa, “Sə nùghù a zə̀ŋo ghùw vʉ̀, zə̀ kə̀ biigh ko tǒ kə̀fùghùu!”
9Yɛso daŋso nùghù bvʉ tsughu â wən enyəa, “Zən zəghà è lo ndughoo a?” Ù mo enyəa, “Zən zaŋā e lo Ndza; nu ghàʼ lo ndə̀m.” 10Ù n daŋso tɔ̀ʼ buʼ tsughu kə ghu â Yɛso enyəa e kwo Yɛso lò dzûu nughùun səā nduw ghee a fughu alo enaʼ.
11Sāʼ kə ukwə̀lebʉ̄ghā kə̀ li kə n zəa kaaŋ fughu aŋ ŋgàŋlo e ukwàʼ; 12zʉ̀ vʉ m buʼ tsughu kəghu â Yɛso enyəa, “Tum nyə̀ ndùw ghaʼ a zəŋò kwə̀lebʉ̄ghā u vʉ wo, ghàʼ nyəā ndûw a zəŋò ghee.” 13Ù fi zəghàa ndùw nǔ ghee. Zʉ̀ u te wə n daŋso sə̀ nùghù wò a zəŋò ghùw vʉ̀, nyə̀ ndùw a zəŋò kwə̀lebʉ̄ghā vʉ̀, mo u fə̀ lo tò təkām tə bə̀ghà an tāŋ, wə n daŋso nùghù tə̀ŋò nyə̀ŋ nyə̀ tsùghù ndùw aŋ gwōo chì, bvʉ̀ nyə̀ tsùghù ndùw an dzùghùntsòʼ zə̀, məla sàŋ ndùw fughu an dzùghùntsòʼ.
14Ghî ghela ghe fə̀ chiīn kwə̀lebʉ̄ghā a te wo n nùghù tì kwə̀n dzɛ̀ wò ghəa a te gho enaʼ, ŋgwə̀là tə̀ n zùw è sugho. Ghî ghə̀ n təŋò sə̀ wò alebùghò kôʼ enyəa à kùm kwǒ a. 15Ghe fi bughò kòʼ wò nù Yɛso, à ghùw vʉ̀a ù mò ki zʉ̀ wò mò vʉ̀a ù dǒʼ fughu, mò ù dzə̀là kèle tə̀ndzʉ̄, mò ù lǒ an tɔ u wə̄n; ghəa ghe kôʼ tsughu ghəa yi gho êzə̀, fə̂ŋ tə̀ m bàa ghee. 16Ghî ghəla ghe mò kôʼ ghəa yi n teso dzɛ̀ ndùw ghəa ghəla a mô sə a zəŋò ghùw vʉ̀a ù mò ki zʉ̀ ù biigh vʉ̀, à sùghò a zəŋò kwə̀lebʉ̄ghā wo.
17Ghî yi ghə n daŋso kàʼ tsùghu ghu kə̀ buʼu ko â Yɛso enyəa ù səā nùghù an nāʼ e ghee.
18Ghəa Yɛso so e nyəa kɔʼɔ alo kəkwə̀n enyə, ghùw vʉ̀a ù mo ki zʉ̀ ù biigh vʉ m bùʼ ndùw kə̀ghu â wə̄n enyəa to e mô lò nduw ko ghèe wə̄n.
19Ù mô è tue, dzɛ̀ â wə̄n enyəa, “Kwən kòʼo ndùw ghî ghə̀a ghò ghù dzɛ nduw fwàʼ kəla Mughubè ù te fwâʼ tsughu â ghù, ghù dzɛ nduw sugho ghəa ù kwuso tsughu se zo a te a zəŋò ghù.”
20Ghù vʉ̀a ù mò ki zʉ̀ ù biigh vʉ n nùghù è ndùw, ndùw kàʼ ndùw alenàʼà kâaŋ tsəghà ghəa ghəla Yɛso ghəə̄ŋ tsughu a zəŋò wə̄n an naʼ zəla ghe mò tɔŋlo enyəa à lǒ Dìkapōlès, ghəa ù nàʼn ndûw ghəa ghən gho, dzughu zə n zuu àghì a dzə̀m.
Yɛso bǎaŋ nì nùghu wò wɛ fə Dzaelùs fə̀ zən a vʉ̀a vʉ zo, baaŋ kɔ̀ʼ sùghò wìzən wəla ù mò mɔm ndzʉ̀ tə wə̄n to
(Mat 9:18-26; Lûk 8:40-56)
21A m bùghò Yɛso dàŋsə wo alo kəkwə̀n a ŋgùŋ zən, nɔ̂e ko aghì kə̀ n zùuŋ wò a vʉ̀a wə̄n mò ù tì a ŋgùŋ è dzùghùntsòʼ è te. 22Ghùw u mɔ̀ʼ aŋ ghì ghəla ghe mò lô tuw wo an Ndùghène è Tə̀dzûu, ghe mò tɔŋlo enyəa à lò Dzaelùs, n ndùw è bugho, aŋghəa ù bùghò kôʼ wô Yɛso, ù n tə̀m ndùw tə̀ŋguʼ a tsəlà wə̄n, 23buʼ ndùw kə̀ghu â wən enyəa, “Nyàaŋ fə fəzən faŋā fə so e kpuw. Bùghò, ghù bugho gaʼ tsughu ghu ghə̀a ghò a zəŋò wə̄n, tò ù tughūu doʼò wô, ù dòʼò wô â tuw ko.”
24Ù fi nughù nùghù ndùw nǔ ghèe wə̄n. Nɔ̂e kə aghì chi kə̀ n tə̀ŋò nùghù ndùw a bǎà wə̄n, ghèe ghee n tsɔ̂ɔn dzə̌əŋ kɔ̀ʼɔ ko èghue, kaʼkəkaʼ ghe nduūw.
25Wìzən ù lì n lo an saʼ kə aghì kə te ko mò ù n tsoʼn bǎà zee ndzɔ̄ŋ, à lo mò ù m fala tsɛ̀lɛ̀ an dzàŋ zən alo tənùu eghə̄m à ghè tò tə bə̀ghà. 26Ù m biso fala tsùghù sùghò ènyə aŋ ghùu ghì a təŋgàŋ ghò, boon mɛ̀ʼɛ̀ fəgha kə̀là ù mò ki, tsoo kele yo bughuun zo. Ghəa a wə̄n ghə fəŋso kòom tə̀əm bǒo mɛ̀ʼn ndùw. 27Nughò wən n zuw tsughu zwɔ̂ŋ u Yɛso, ù n sə̀ kɔ̀ʼ wò a bǎà wə̄n am faʼnlo e aghì, bùghò kɔ̀ʼ mɔ̀m tsùghu ndzʉ tə wə̄n, 28tɔŋlo enyəa à fə̀ lo mò nughò ù te maā dzɛ̂ enyəa, “Abugho M̀ bûʼ mɔ̂m tsughu ko ndzʉ̀ è wə̄n, Ǹ sô tùghu nù.”
29Ghəa ù mòʼ tsughu dzə êzə̀ ndùw mɔ̀m è tsughu, fɔ̂n e wən zə n daŋso kə̀a è kɔʼ; ù n ndòʼ zə̌ən zuwkɛlɛ tsughu ghue u wən enyəa dzâŋ e te zə ŋ ghee zəghàa. 30Ghəa Yɛso zəə̄n zuw tsughu enyəa daʼa kə mo a zəŋò wə̄n sə nùghù, ù n daŋso fə̀n tsùghù ughue fughu an saʼ kə aghì, bvʉ tsughu enyəa, “À mùghò mɔ̂m ndùghò à?”
31Tsə̀təndə̄ghā tə wə̄n tə n dzɛ̀ â wə̄n enyəa, “Ghù vʉ̀a ghù mgbaŋā koʼò aŋghəa ghî à zʉɛʼɛ̄ nyəā wô a te a zəŋò ghù, ghù vʉ̀a ù lɛɛ̄n kôom bvʉa zee wô enyəa, ‘À mùghò mɔ̂m ndùghò à?’ ”
32Yɛso ŋ kuuwn naam lɛɛn kaaŋ ko alekòʼò tsughu ghùw wəla ù mɔ̀m tsughu wə̄n. 33Ghəa nughò vʉ sô kòʼ ghəa yia a sə a zəŋò wə̄n, ù n tsə̀ghà sə è wo, kàʼ, kàʼ, kàʼ, kàʼ, kàʼ, ù tsəŋlō, tə̀m ndùw tuw wə anyʉ̄ a tsəlà Yɛso, dzɛ̀ tsùghù ghəa a te gho kpe. 34Yɛso n dzɛ̀ â wə̄n enyəa, “Ŋ wɛ̄, fə̀ŋ zə̀ghà ghù gaʼ tsughu a zəŋò Zə̀ kò ŋ ghəŋlo ghù vʉ̀a ù tughu; ndùw kədzûŋ, ghe baāŋ kɔʼ dzə̂ ghû an dzàŋ zə̀ghà.”
35Aŋghəa Yɛso kə̀a ghəa ghən, ghî à li ghe n têeŋ wò ghe nughù wo alô Dzaelùs, ghe n dzɛ̀ wò â wə̄n enyəa, “Wɛ wʉ̂a m kpuw, ghù sə̀ mughùbè kòom fəmso aŋ kwò à?”
36Yɛso ŋ kuūwn zùw tsə̀ghà ndùw ghəa yì, kè naŋa kətuŋlō a te, dzɛ̀ â tuw kə Ndùghène chi ko enyəa, “Kà tsəŋ, kuuwn gaʼ tsughu ko fə̀ŋ zə̀ghà a zəŋò Zə̀ kò.” 37Ù ŋ kè boo enyəa ghî à bùghò a bǎà wə̄n, ù n nì kɔʼ ko Pità, àsùghò Dzɛ̂ms ghèe Dzɔ̌n, waazə̂. 38Ghəa ghe bugho tɛ̂ tsughu alô tuw kə Ndùghène chì, ù ŋ kòʼ ko mo luʼū tə lo ko dzaʼàkòkò tə lo, kwukwu zə edì zə̀ ŋ kûu, ghî ghə̀ n dîi ghǒʼn mìasò ndùw ènyə. 39A m bùghò ù tsə̀ghà nyə nduw, ù n bvʉ â ghee enyəa, “À lǒ kə kwò ghɛ̀ sô fəmso ghue zo alo edì a? Wɛ̀ ù te kâ kpùw dzə̀, ù bwǐi nù nû.”
40Ghe ŋ kàʼ ndùw wə̄n a lùʼù tsoʼo wo. Ù n daŋso dzùm nàŋa sə̀ wò ghee a dzə̀m a beē, nì kɔʼ ko zə̂awɛ̀ ghèe tselèwɛ̌ vʉ̀, à ghì ghəla ghèe ghee mô lô a dzə̀m, nyə̀ ndùw a fiā wɛ vʉ mò nyəŋ. 41Ù ŋ kwu tsughu ghu kə wɛ̀ fi fo, dzɛ̀ â wə̄n enyəa, “Tàlità Kumɛ̀.” Mo e moʼnlò enyəa, “Êwɛ̀, nùghu kɔʼɔ̀!”
42Zən fi fə n daŋso nùghù è kɔʼ, kàʼ ndùw è bwìi (fə mò lo tənûu èghə̄m à ghè tò tə bə̀ghà). Ghəa ghe kôʼ tsughu ghəa yì, dzughu zə n zum ghee. 43Ù n tɔ̀ʼ kʉ̀ɛɛn tsùghu ghee enyəa ghùw lò zuūw ghəa zə̀, dzɛ̀ enyəa ghe kəŋo fughu kəfəgha wɛ vʉ̄ zə.
