ÏOANNIS 1
1
U Ktien ka Jingim
1 #
Jen. 1:1; 1 Ïoan. 1:1; Jpw. 19:13; Ïoan. 17:5. Ha kaba mynnyngkong u la don U Ktien, bad uta U Ktien u la don bad U Blei, bad uta U Ktien u la long U Blei. 2Une u la don ha kaba mynnyngkong bad U Blei. 3#Kol. 1:16; 1 Kor. 8:6; Heb. 1:2.Da u, la long kiei kiei baroh; bad khlem ma u, ym shym la long kaei kaei ruh kaba la long. 4#Ïoan. 5:26; 11:25; 14:6.Ha u, la don ka jingim; bad kata ka jingim ka la long ka jingshai jong ki briew. 5#Ïoan. 9:5; 12:46.Bad kata ka jingshai ka shai ha ka ba-dum; hynrei, kata ka ba-dum kam pdiang ïa ka.
6 #
Mrk. 1:4; Mat. 3:1; Luk. 3:3; Ïoan. 1:19-23. La mih u briew, ba la phah da U Blei, uba kyrteng “u Ïoannis”. 7Une, u la mih noh ïa ka ban phla, ba un ïoh phla shaphang uta U Jingshai, ba baroh kin ïoh ngeit da U. 8U hi um long uta U Jingshai, hynrei, u la mih noh ba un ïoh phla shaphang uta U Jingshai.
9 #
1 Ïoan. 2:8. Uta, u la long U Jingshai U bashisha, u ban sa wan ha ka pyrthei, uba pynshai ïa ki briew baroh. 10U la long ha ka pyrthei, bad ka pyrthei ka la long da u, pynban, ka pyrthei kam shym la ithuh ïa u. 11U la wan sha kiei kiei la ki jong, bad kita kiba dei la ki jong kim shym la pdiang ïa u. 12#Gal. 3:26; Ïoan. 3:18; 1 Ïoan. 5:13.Hynrei, kat kiba la pdiang ïa u, ha kito, u la ai bor ban long ki khun U Blei, kata, ha kita kiba ngeit ha ka kyrteng jong u: 13#Ïoan. 3:5; 1 Pet. 1:23; Jak. 1:18; 1 Ïoan. 3:9.kiba la kha, ym na ka snam, lymne na ka mon ka doh, lymne na ka mon u briew, hynrei, na U Blei.
14 #
Rom. 1:3; Gal. 4:4; Php. 2:7; 1 Tim. 3:16; Heb. 2:14; 1 Ïoan. 4:2. Uta U Ktien te u la kynja doh, bad u la shong sah hapdeng jong ngi; bad ngi la ïoh-khmih shaiñ ïa ka burom jong u, ka burom kaba da kat ka jong uba la kha marwei na U Kpa, ba la dap da ka jingaiei bad ka jingshisha. 15#Ïoan. 1:30.(U Ïoannis u la phla shaphang jong U, bad u la pyrta, u da ong, “Une, u long uta ïa uba nga la ong, ‘Uta uba wan nadien jong nga, u la jia long shuwa jong nga, naba u la shuwa ïa nga.’ ”) 16#Kol. 1:19; 2:9; Eph. 1:23; Rom. 5:21.Bad na ka jingdap jong U, ngi baroh ngi la ïoh pdiang, bad ka jingaiei kaba da kat ka jingaiei. 17#Ïoan. 7:19.Naba ïa Ka Hukum la ai da u Moses; hynrei, ka jingaiei bad ka jingshisha ki la wan da U Jisu Khrist. 18#Eks. 33:20; Ïoan. 6:26; 1 Ïoan. 4:12; Ïoan. 3:11.Ym don mano mano ruh ba la ïohi ïa U Blei mynno mynno ruh; uta U Khun ba la kha marwei, uba long ha ka shadem U Kpa, u hi u la pynpaw ïa u.
Ka jingphla u Ïoannis Nongpynbaptis
(Mat. 3:1-12; Mrk. 1:1-8; Luk. 3:1-18)
19 #
Ïoan. 1:6. Kane te ka long ka jingphla u Ïoannis, mynba ki Jiw ki la ïaphah na Jerusalem ïa ki lyngdoh bad ki Lebi ban kylli ïa u, “Me long uei?” 20#Ïoan. 3:28.Te u la phla, bad um shym la len, bad u la phla, “Nga ngam long uta U Khrist.” 21#Mal. 4:5; Deu. 18:15,18; Mat. 11:14; 16:14; Mrk. 9:13; Mat. 17:13.Te ki la ïakylli ïa u, “Kumno te? me long u Elias?” U ong te, “Ngam long.” “Me long uta u nongïathuhlypa?” U la ïathuh ruh, “Em.” 22Haba kumta, ki la ïa-ong ha u, “Me long uei te? ba ngin ïoh ïathuh ha kita kiba la phah ïa ngi. Kumno me ong shaphang ïa lade?” 23#Isa. 40:3; Mrk. 1:3; Mat. 3:3; Luk. 3:4.U la ïathuh, “nga long ka ktien jong uba pyrta ha ka ri khlaw, ‘To phin pynbeit ïa ka lynti U Trai’, kumba ong u Isaïah u nongïathuhlypa.”
24Kita te ïa kiba la phah, ki la long na ki Pharisi. 25Te ki la ïakylli ïa u, bad ki la ïa-ong ha u, “Hato balei ba me pynbaptis, haba me mem long uta U Khrist, lymne u Elias, lymne uta u nongïathuhlypa?” 26#Mrk. 1:7-8; Mat. 3:11; Luk. 3:16.U Ïoannis u la ïathuh ha ki u da ong, “Nga, nga pynbaptis da ka um: hynrei, don uba ïeng hapdeng jong phi, ïa uba phi phim ithuh; 27uta uba wan nadien jong nga, uba la jia long shuwa jong nga, uba nga ngam long uba bit ba ngan ïoh loit noh wat ïa ka jingteh ka juti jong u.” 28#Ïoan. 3:26; 10:40.Ïa kine kiei kiei ruh la leh ha Bethania sha shiliang ka Jordan, ha kaba u Ïoannis u pynbaptis.
U Khun langbrot jong U Blei
29 #
Ïoan. 1:36; Isa. 53:7; Ki Kam. 8:32; 1 Pet. 1:19; Jpw. 5:6; 1 Ïoan. 3:5. Ha kaba lashai, u Ïoannis u ïohi ïa U Jisu ba U wan ha u, bad u ong, “Ha khmih, U Khun langbrot jong U Blei, uba kit noh ïa ka pop ka jong ka pyrthei! 30#Ïoan. 1:15.Dei une ba nga la ong shaphang jong U, ‘U briew u wan nadien jong nga, uba la jia long shuwa jong nga, naba u la shuwa ïa nga.’ 31Nga te ngam pat shym la ithuh ïa U; hynrei, khnang ba yn pynpaw ïa U ha Israel, namar kata keiñ, nga la wan pynbaptis da ka um.” 32#Mrk. 1:10; Mat. 3:16; Luk. 3:22.U Ïoannis u la phla ruh u da ong, “Nga la ïohi ïa U Mynsiem ba u hiar kum ka paro na bneng, bad u la sah halor jong U. 33Nga te, ngam pat shym la ithuh ïa U, hynrei, uta uba la phah ïa nga ban pynbaptis da ka um, uta u la lah ong ha nga, ‘Uta halor uba men ïohi ïa U Mynsiem ba u hiar bad ba u sah halor jong U, dei uta keiñ, uba pynbaptis da U Mynsiem Bakhuid.’ 34Te nga la ïohi, bad nga la phla ba une U long U Khun U Blei.”
Ki synran banyngkong U Jisu
35 #
Luk. 7:18. Ha kaba lashai pat, u Ïoannis u dang ïeng bad ar ngut na ki synran jong u; 36te haba u la khmih shaiñ ha U Jisu katba U ïaid, u ong, “Ha khmih, U Khun langbrot jong U Blei!” 37Kita ar ngut ki synran te ki la ïohsngew ïa u ba u kren, bad ki la ïabud ïa U Jisu. 38U Jisu te haba u la phai, bad u la ïohi ïa ki ba ki ïabud, u ong ha ki, “Phi ïawad aïu?” Ki te ki la ïathuh ha u, “Ko Rabbi” (kaba long haba la batai, “Ko Nonghikai”), “hangno me shong?” 39U ong ha ki, “To ale, te phin sa ïohi.” Te ki la leit, bad ki la ïohi hangno ba u shong, bad ki la ïasah lem bad u ha kata ka sngi: te ka la long hamar kaba shiphew baje. 40#Mat. 4:18-22; Mrk. 1:16-20; Luk. 5:2-11.U Andriw u para u Simon Petros, u la long uwei na kita ar ngut kiba la ïohsngew na u Ïoannis, bad kiba la ïabud ïa U. 41#Dan. 9:25; Ïoan. 4:25.Une u shem nyngkong ïa u para jong u hi u Simon, bad u ong ha u, “Ngi la shem ïa u Messiah” (kaba long haba la batai, “U Khrist”). 42#Ïoan. 21:15-17; 1 Kor. 15:5; Mat. 16:18.U la wallam ruh ïa u ha U Jisu; U Jisu te haba U la khmih shaiñ ïa u, U la ong, “Me long u Simon u khun u Jona? yn khot ïa me ‘u Kephas’ ” (kaba long haba la batai, “u Maw”).
U Jisu u khot ïa u Philip bad ïa u Nathanael
43 #
Mat. 10:3; Ïoan. 6:5; 12:21; 14:8. Ha kaba lashai, U Jisu u la mon ban leit noh sha Galilaïa; bad U shem ïa u Philip, bad U ong ha u, “To bud ïa nga.” 44Te u Philip u la long na Bethsaida, na ka shnong u Andriw bad u Petros. 45#Luk. 24:27.U Philip u shem ïa u Nathanael, bad u ong ha u, “Ngi la shem ïa uta uba u Moses ha Ka Hukum, bad Ki Nongïathuhlypa, ki la thoh shaphang jong U, ïa U Jisu keiñ, u khun u Joseph, uba na Nasaret.” 46#Ïoan. 7:41; Mrk. 6:2.U Nathanael te u la ong ha u, “Ka lah kaei kaei ruh ka babha ban long na Nasaret?” U Philip u ïathuh ha u, “To ale, to khmih ruh.” 47U Jisu u la ïohi ïa u Nathanael ba u wan ha U, te U ong shaphang jong u, “Ha khmih u kynja Israel uba da shisha! ha u bymdon kaba arsap.” 48U Nathanael u kylli ïa U, “Nangno me ithuh ïa nga?” U Jisu u la ïathuh bad U la ong ha u, “Shuwa ba um pat khot u Philip ïa me, mynba me la don hapoh uto u dieng Dumbur, nga la ïohi ïa me.” 49#Salm. 2:7; Mrk. 15:32; Ïoan. 12:13.U Nathanael u la ïathuh bad u ong ha U, “Ko Rabbi; me, me long U Khun U Blei; me, me long U Syiem jong u Israel!” 50U Jisu u la ïathuh bad U la ong ha u, “Naba nga la ong ha me, ‘Nga la ïohi ïa me hapoh uto u dieng Dumbur’, me ngeit? Men ïohi keiñ ïa kiei kiei ruh kiba kham khraw ïa kine.” 51#Jen. 28:12; Luk. 3:21.U ong ruh ha u, “Shisha, shisha nga ong ha phi: phin sa ïohi ïa ka bneng ba la plie, bad ïa ki angel U Blei ba ki ïakiew bad ki ïahiar ha U Khun u briew.”
The Bible Society of India
ÏOANNIS 1
1
U Ktien ka Jingim
1 #
Jen. 1:1; 1 Ïoan. 1:1; Jpw. 19:13; Ïoan. 17:5. Ha kaba mynnyngkong u la don U Ktien, bad uta U Ktien u la don bad U Blei, bad uta U Ktien u la long U Blei. 2Une u la don ha kaba mynnyngkong bad U Blei. 3#Kol. 1:16; 1 Kor. 8:6; Heb. 1:2.Da u, la long kiei kiei baroh; bad khlem ma u, ym shym la long kaei kaei ruh kaba la long. 4#Ïoan. 5:26; 11:25; 14:6.Ha u, la don ka jingim; bad kata ka jingim ka la long ka jingshai jong ki briew. 5#Ïoan. 9:5; 12:46.Bad kata ka jingshai ka shai ha ka ba-dum; hynrei, kata ka ba-dum kam pdiang ïa ka.
6 #
Mrk. 1:4; Mat. 3:1; Luk. 3:3; Ïoan. 1:19-23. La mih u briew, ba la phah da U Blei, uba kyrteng “u Ïoannis”. 7Une, u la mih noh ïa ka ban phla, ba un ïoh phla shaphang uta U Jingshai, ba baroh kin ïoh ngeit da U. 8U hi um long uta U Jingshai, hynrei, u la mih noh ba un ïoh phla shaphang uta U Jingshai.
9 #
1 Ïoan. 2:8. Uta, u la long U Jingshai U bashisha, u ban sa wan ha ka pyrthei, uba pynshai ïa ki briew baroh. 10U la long ha ka pyrthei, bad ka pyrthei ka la long da u, pynban, ka pyrthei kam shym la ithuh ïa u. 11U la wan sha kiei kiei la ki jong, bad kita kiba dei la ki jong kim shym la pdiang ïa u. 12#Gal. 3:26; Ïoan. 3:18; 1 Ïoan. 5:13.Hynrei, kat kiba la pdiang ïa u, ha kito, u la ai bor ban long ki khun U Blei, kata, ha kita kiba ngeit ha ka kyrteng jong u: 13#Ïoan. 3:5; 1 Pet. 1:23; Jak. 1:18; 1 Ïoan. 3:9.kiba la kha, ym na ka snam, lymne na ka mon ka doh, lymne na ka mon u briew, hynrei, na U Blei.
14 #
Rom. 1:3; Gal. 4:4; Php. 2:7; 1 Tim. 3:16; Heb. 2:14; 1 Ïoan. 4:2. Uta U Ktien te u la kynja doh, bad u la shong sah hapdeng jong ngi; bad ngi la ïoh-khmih shaiñ ïa ka burom jong u, ka burom kaba da kat ka jong uba la kha marwei na U Kpa, ba la dap da ka jingaiei bad ka jingshisha. 15#Ïoan. 1:30.(U Ïoannis u la phla shaphang jong U, bad u la pyrta, u da ong, “Une, u long uta ïa uba nga la ong, ‘Uta uba wan nadien jong nga, u la jia long shuwa jong nga, naba u la shuwa ïa nga.’ ”) 16#Kol. 1:19; 2:9; Eph. 1:23; Rom. 5:21.Bad na ka jingdap jong U, ngi baroh ngi la ïoh pdiang, bad ka jingaiei kaba da kat ka jingaiei. 17#Ïoan. 7:19.Naba ïa Ka Hukum la ai da u Moses; hynrei, ka jingaiei bad ka jingshisha ki la wan da U Jisu Khrist. 18#Eks. 33:20; Ïoan. 6:26; 1 Ïoan. 4:12; Ïoan. 3:11.Ym don mano mano ruh ba la ïohi ïa U Blei mynno mynno ruh; uta U Khun ba la kha marwei, uba long ha ka shadem U Kpa, u hi u la pynpaw ïa u.
Ka jingphla u Ïoannis Nongpynbaptis
(Mat. 3:1-12; Mrk. 1:1-8; Luk. 3:1-18)
19 #
Ïoan. 1:6. Kane te ka long ka jingphla u Ïoannis, mynba ki Jiw ki la ïaphah na Jerusalem ïa ki lyngdoh bad ki Lebi ban kylli ïa u, “Me long uei?” 20#Ïoan. 3:28.Te u la phla, bad um shym la len, bad u la phla, “Nga ngam long uta U Khrist.” 21#Mal. 4:5; Deu. 18:15,18; Mat. 11:14; 16:14; Mrk. 9:13; Mat. 17:13.Te ki la ïakylli ïa u, “Kumno te? me long u Elias?” U ong te, “Ngam long.” “Me long uta u nongïathuhlypa?” U la ïathuh ruh, “Em.” 22Haba kumta, ki la ïa-ong ha u, “Me long uei te? ba ngin ïoh ïathuh ha kita kiba la phah ïa ngi. Kumno me ong shaphang ïa lade?” 23#Isa. 40:3; Mrk. 1:3; Mat. 3:3; Luk. 3:4.U la ïathuh, “nga long ka ktien jong uba pyrta ha ka ri khlaw, ‘To phin pynbeit ïa ka lynti U Trai’, kumba ong u Isaïah u nongïathuhlypa.”
24Kita te ïa kiba la phah, ki la long na ki Pharisi. 25Te ki la ïakylli ïa u, bad ki la ïa-ong ha u, “Hato balei ba me pynbaptis, haba me mem long uta U Khrist, lymne u Elias, lymne uta u nongïathuhlypa?” 26#Mrk. 1:7-8; Mat. 3:11; Luk. 3:16.U Ïoannis u la ïathuh ha ki u da ong, “Nga, nga pynbaptis da ka um: hynrei, don uba ïeng hapdeng jong phi, ïa uba phi phim ithuh; 27uta uba wan nadien jong nga, uba la jia long shuwa jong nga, uba nga ngam long uba bit ba ngan ïoh loit noh wat ïa ka jingteh ka juti jong u.” 28#Ïoan. 3:26; 10:40.Ïa kine kiei kiei ruh la leh ha Bethania sha shiliang ka Jordan, ha kaba u Ïoannis u pynbaptis.
U Khun langbrot jong U Blei
29 #
Ïoan. 1:36; Isa. 53:7; Ki Kam. 8:32; 1 Pet. 1:19; Jpw. 5:6; 1 Ïoan. 3:5. Ha kaba lashai, u Ïoannis u ïohi ïa U Jisu ba U wan ha u, bad u ong, “Ha khmih, U Khun langbrot jong U Blei, uba kit noh ïa ka pop ka jong ka pyrthei! 30#Ïoan. 1:15.Dei une ba nga la ong shaphang jong U, ‘U briew u wan nadien jong nga, uba la jia long shuwa jong nga, naba u la shuwa ïa nga.’ 31Nga te ngam pat shym la ithuh ïa U; hynrei, khnang ba yn pynpaw ïa U ha Israel, namar kata keiñ, nga la wan pynbaptis da ka um.” 32#Mrk. 1:10; Mat. 3:16; Luk. 3:22.U Ïoannis u la phla ruh u da ong, “Nga la ïohi ïa U Mynsiem ba u hiar kum ka paro na bneng, bad u la sah halor jong U. 33Nga te, ngam pat shym la ithuh ïa U, hynrei, uta uba la phah ïa nga ban pynbaptis da ka um, uta u la lah ong ha nga, ‘Uta halor uba men ïohi ïa U Mynsiem ba u hiar bad ba u sah halor jong U, dei uta keiñ, uba pynbaptis da U Mynsiem Bakhuid.’ 34Te nga la ïohi, bad nga la phla ba une U long U Khun U Blei.”
Ki synran banyngkong U Jisu
35 #
Luk. 7:18. Ha kaba lashai pat, u Ïoannis u dang ïeng bad ar ngut na ki synran jong u; 36te haba u la khmih shaiñ ha U Jisu katba U ïaid, u ong, “Ha khmih, U Khun langbrot jong U Blei!” 37Kita ar ngut ki synran te ki la ïohsngew ïa u ba u kren, bad ki la ïabud ïa U Jisu. 38U Jisu te haba u la phai, bad u la ïohi ïa ki ba ki ïabud, u ong ha ki, “Phi ïawad aïu?” Ki te ki la ïathuh ha u, “Ko Rabbi” (kaba long haba la batai, “Ko Nonghikai”), “hangno me shong?” 39U ong ha ki, “To ale, te phin sa ïohi.” Te ki la leit, bad ki la ïohi hangno ba u shong, bad ki la ïasah lem bad u ha kata ka sngi: te ka la long hamar kaba shiphew baje. 40#Mat. 4:18-22; Mrk. 1:16-20; Luk. 5:2-11.U Andriw u para u Simon Petros, u la long uwei na kita ar ngut kiba la ïohsngew na u Ïoannis, bad kiba la ïabud ïa U. 41#Dan. 9:25; Ïoan. 4:25.Une u shem nyngkong ïa u para jong u hi u Simon, bad u ong ha u, “Ngi la shem ïa u Messiah” (kaba long haba la batai, “U Khrist”). 42#Ïoan. 21:15-17; 1 Kor. 15:5; Mat. 16:18.U la wallam ruh ïa u ha U Jisu; U Jisu te haba U la khmih shaiñ ïa u, U la ong, “Me long u Simon u khun u Jona? yn khot ïa me ‘u Kephas’ ” (kaba long haba la batai, “u Maw”).
U Jisu u khot ïa u Philip bad ïa u Nathanael
43 #
Mat. 10:3; Ïoan. 6:5; 12:21; 14:8. Ha kaba lashai, U Jisu u la mon ban leit noh sha Galilaïa; bad U shem ïa u Philip, bad U ong ha u, “To bud ïa nga.” 44Te u Philip u la long na Bethsaida, na ka shnong u Andriw bad u Petros. 45#Luk. 24:27.U Philip u shem ïa u Nathanael, bad u ong ha u, “Ngi la shem ïa uta uba u Moses ha Ka Hukum, bad Ki Nongïathuhlypa, ki la thoh shaphang jong U, ïa U Jisu keiñ, u khun u Joseph, uba na Nasaret.” 46#Ïoan. 7:41; Mrk. 6:2.U Nathanael te u la ong ha u, “Ka lah kaei kaei ruh ka babha ban long na Nasaret?” U Philip u ïathuh ha u, “To ale, to khmih ruh.” 47U Jisu u la ïohi ïa u Nathanael ba u wan ha U, te U ong shaphang jong u, “Ha khmih u kynja Israel uba da shisha! ha u bymdon kaba arsap.” 48U Nathanael u kylli ïa U, “Nangno me ithuh ïa nga?” U Jisu u la ïathuh bad U la ong ha u, “Shuwa ba um pat khot u Philip ïa me, mynba me la don hapoh uto u dieng Dumbur, nga la ïohi ïa me.” 49#Salm. 2:7; Mrk. 15:32; Ïoan. 12:13.U Nathanael u la ïathuh bad u ong ha U, “Ko Rabbi; me, me long U Khun U Blei; me, me long U Syiem jong u Israel!” 50U Jisu u la ïathuh bad U la ong ha u, “Naba nga la ong ha me, ‘Nga la ïohi ïa me hapoh uto u dieng Dumbur’, me ngeit? Men ïohi keiñ ïa kiei kiei ruh kiba kham khraw ïa kine.” 51#Jen. 28:12; Luk. 3:21.U ong ruh ha u, “Shisha, shisha nga ong ha phi: phin sa ïohi ïa ka bneng ba la plie, bad ïa ki angel U Blei ba ki ïakiew bad ki ïahiar ha U Khun u briew.”
The Bible Society of India