Jɛnɛsis 26
26
Isak yahi Gerar
1 #
Jɛn 12.10; 20.2 Hɔmɔ ba shikpɔŋ lɛ nɔ; soro klɛŋklɛŋ hɔmɔ ni ba yɛ Abraham yinɔ lɛ. Isak yiŋ etee Filistibii amaŋtsɛ Abimelek ŋɔɔ yɛ Gerar. 2Shi Yehowa jie ehe kpo etsɔ̃ɔ Isak ni ekɛɛ: “Kaaya Ijipt; shi hii shi yɛ shikpɔŋ ni matsɔ̃ɔ bo lɛ nɔ; 3#Jɛn 12.7; 22.16-18 too gbɔ yɛ shikpɔŋ nɛɛ nɔ; ni mikɛ bo aaahi shi, ni majɔɔ bo, ejaakɛ bo kɛ oshwiei mikɛ nɛkɛ shikpɔŋ nɛɛ fɛɛ baahã, 4#Jɛn 15.5; 12.3 ni maye kitã ni mikã otsɛ Abraham lɛ nɔ. Mibahã oshwiei afa tamɔ bɔ ni mikã otsɛ Abraham kitã lɛ. Mibahã oshwiei afa tamɔ ŋwɛi ŋulamii, ni mibaŋɔ nɛkɛ shikpɔji nɛɛ fɛɛ mahã oshwiei lɛ. Oshwiei lɛ mli aaajɛ ajɔɔ shikpɔŋ lɛ nɔ jeŋ maji lɛ fɛɛ, 5ejaakɛ Abraham bo migbee toi, ni eye mimlai kɛ mikitãi lɛ anɔ.”
6No hewɔ lɛ, Isak hi shi yɛ Gerar. 7#Jɛn 12.13; 20.2 Ni be ni jɛibii lɛ bi eŋa lɛ he sane lɛ, eto he akɛ, “Minyɛmi yoo ni”. Ejaakɛ eeshe gbeyei ni ekɛɛɛ akɛ: “Miŋa ni.” Ni ekɛɛ hu yɛ eyiŋ akɛ, “Bɔ ni afee ni jɛibii lɛ akabagbe mi yɛ Rebeka hewɔ; ejaakɛ Rebeka he yɛ fɛo.” 8#Abɛi 5.18 Ni eba mli akɛ be ni Isak ehi jɛi be kplaŋŋ lɛ, Filistibii amaŋtsɛ Abimelek bu samflɛ naa, ni ena ni Isak kɛ eŋa Rebeka miishwɛ. 9Kɛkɛ ni Abimelek tsɛ Isak ni ekɛɛ lɛ akɛ, “Eei, asomoaŋ, yoo lɛ oŋa ni! Te fee tɛŋŋ ni okɛɛ akɛ, ‘Minyɛmi yoo ji lɛ lɛ?’ ” Ni Isak kɛɛ lɛ akɛ, “Bɔ ni afee ni akagbe mi yɛ ehewɔ, no hã mikɛɛ nakai lɛ.” 10Ni Abimelek kɛɛ, “Mɛni ofee wɔ nɛɛ? Shwɛ fioo ni maŋbii lɛ eko kɛ oŋa lɛ ana bɔlɛ. Eba lɛ nakai kulɛ ohã sɔ̃ etere wɔ.” 11Ni Abimelek wo maŋ lɛ fɛɛ kitã akɛ, “Mɔ ni aaata nuu nɛɛ loo eŋa lɛ he lɛ, gbe aaagbe lɛ!”
12 #
Abɛi 10.32
Ni Isak fee ŋmɔ, ni edu nii yɛ nakai shikpɔŋ lɛ nɔ; ni ena nakai bɔ toi oha yɛ nakai afi lɛ nɔ nɔŋŋ, ejaakɛ Yehowa jɔɔ lɛ. 13Ni Isak tsɔ̃ gbɔmɔ wulu. Ni eshwere aahu kɛyashi etsɔ̃ gbɔmɔ agbo kpanaa. 14Ena too kui kɛ tsina kui kɛ webii pii. Ni Filistibii lɛ ahiɛ kɔ̃ enɔ. 15#Jɛn 21.25 No hewɔ lɛ, nubui fɛɛ ni Isak tsɛ Abraham tsuji lɛ je yɛ lɛ Abraham lɛ yinɔ lɛ, Filistibii lɛ tsimɔ fɛɛ ni amɛloo su amɛwo amɛmli obɔ̃ tɔtɔɔtɔ.
16Kɛkɛ ni Abimelek kɛɛ Isak akɛ, “Jee wɔshikpɔŋ lɛ nɔ ni oya. Ejaakɛ ohe ewa fe wɔ!” 17No hewɔ lɛ, Isak je jɛi ni eyashi ebuu yɛ Gerar jɔɔ lɛ mli, ni ehi jɛi. 18Ni Isak saa eje nubui lɛ ni aje yɛ etsɛ Abraham yinɔ lɛ, ejaakɛ Abraham gbele sɛɛ lɛ Filistibii lɛ tsimɔ; ni eŋɔ gbɛii ni etsɛ Abraham ŋɔ wo amɛ lɛ nɔŋŋ ewo amɛ ekoŋŋ. 19Ni Isak bihii lɛ tsa nubu yɛ jɔɔ lɛ mli ni amɛna nu yɛ jɛi. 20Ni Gerar koolookwɛlɔi lɛ kɛ Isak koolookwɛlɔi lɛ be ni amɛkɛɛ, “Nu nɛɛ wɔnɔŋ.” No hewɔ lɛ, Isak wo nubu lɛ gbɛi akɛ, “Esek”, ejaakɛ amɛkɛ lɛ be yɛ he. 21Isak tsuji lɛ je nubu kroko, ni amɛbe yɛ no hu he. No hewɔ lɛ, Isak wo nubu lɛ akɛ, “Sitna”; eshishi ji “Hetsɛ̃”. 22Isak fã eshi jɛi, ni eyaje nubu kroko ni no lɛ amɛbeee yɛ he; ni Isak tsɛ nubu lɛ akɛ “Rehobot”; eshishi ji, “Yehowa ehã wɔ gbɛ koni wɔshwere yɛ shikpɔŋ lɛ nɔ.”
23Isak shi jɛi etee Beersheba. 24Yehowa jie ehe kpo etsɔ̃ɔ lɛ nakai nyɔɔŋ lɛ mli nɔŋŋ ni ekɛɛ, “Mi ji otsɛ Abraham Nyɔŋmɔ lɛ; kaashe gbeyei, ejaakɛ mikɛ bo yɛ, ni majɔɔ bo; mahã oshwiei afa yɛ mitsulɔ Abraham hewɔ.” 25Isak mã afɔleshãa latɛ yɛ jɛi, ni eja Yehowa yɛ jɛi; ni eshi ebuu lɛ yɛ jɛi. Ni Isak je nubu yɛ jɛi hu.
Isak kɛ Abimelek kpãŋ
26 #
Jɛn 21.22
Abimelek kɛ enaanyo Ahuzal kɛ etatsɛ Fikol jɛ Gerar ba Isak ŋɔɔ. 27Ni Isak kɛɛ amɛ akɛ, “Mɛni hewɔ nyɛbaa miŋɔɔ, nyɛ ni nyɛnyɛɔ mi ni nyɛshwie mi yɛ nyɛmasɛi lɛ?” 28Ni amɛkɛɛ, “Naa, wɔna akɛ Yehowa kɛ bo yɛ, no hewɔ lɛ, hã ni wɔkɛ bo akpãŋ kpãŋmɔ ko, 29akɛ ofeŋ wɔ efɔŋ ko ejaakɛ wɔfeko bo efɔŋ ko akɛ ja ekpakpa kɛkɛ; ni wɔsaa wɔwo bo gbɛ yɛ hejɔlɛ mli; ni Yehowa ejɔɔ bo!” 30Ni Isak ŋmɛ amɛ okplɔ̃, ni amɛye nii, ni amɛnu nɔ ko. 31Ni amɛte shi leebi maŋkpa ni amɛkãmɔ amɛhe kitãi. Ni Isak wo amɛ gbɛ ni amɛshi eŋɔɔ yɛ hejɔlɛ mli.
32Ni eba mli nakai gbi lɛ nɔŋŋ akɛ Isak tsuji lɛ ba ni amɛbagba lɛ nubu ni amɛje lɛ he sane akɛ, “Wɔyanina nu.” 33#Jɛn 21.21, 31 Ni Isak wo nubu lɛ akɛ “Shiba”. No hewɔ ni atsɛɔ maŋ lɛ akɛ, “Beersheba” kɛ ŋmɛnɛ lɛ. 34#Jɛn 36.2, 3 Be ni Esau ye afii nyɔŋmai ejwɛ lɛ, ekpee Hit oblayei enyɔ komɛi: Yudit, Hitnyo Beeri biyoo lɛ, kɛ Basemat Elon biyoo lɛ. 35Ni yei nɛɛ ahe sane lɛ fee Isak kɛ Rebeka dɔlɛ waa diɛŋtsɛ.
נבחרו כעת:
Jɛnɛsis 26: NEGAB
הדגשה
שתף
העתק
רוצים לשמור את ההדגשות שלכם בכל המכשירים שלכם? הירשמו או היכנסו
Bible in Ga Language © Bible Society of Ghana, 2020.
Jɛnɛsis 26
26
Isak yahi Gerar
1 #
Jɛn 12.10; 20.2 Hɔmɔ ba shikpɔŋ lɛ nɔ; soro klɛŋklɛŋ hɔmɔ ni ba yɛ Abraham yinɔ lɛ. Isak yiŋ etee Filistibii amaŋtsɛ Abimelek ŋɔɔ yɛ Gerar. 2Shi Yehowa jie ehe kpo etsɔ̃ɔ Isak ni ekɛɛ: “Kaaya Ijipt; shi hii shi yɛ shikpɔŋ ni matsɔ̃ɔ bo lɛ nɔ; 3#Jɛn 12.7; 22.16-18 too gbɔ yɛ shikpɔŋ nɛɛ nɔ; ni mikɛ bo aaahi shi, ni majɔɔ bo, ejaakɛ bo kɛ oshwiei mikɛ nɛkɛ shikpɔŋ nɛɛ fɛɛ baahã, 4#Jɛn 15.5; 12.3 ni maye kitã ni mikã otsɛ Abraham lɛ nɔ. Mibahã oshwiei afa tamɔ bɔ ni mikã otsɛ Abraham kitã lɛ. Mibahã oshwiei afa tamɔ ŋwɛi ŋulamii, ni mibaŋɔ nɛkɛ shikpɔji nɛɛ fɛɛ mahã oshwiei lɛ. Oshwiei lɛ mli aaajɛ ajɔɔ shikpɔŋ lɛ nɔ jeŋ maji lɛ fɛɛ, 5ejaakɛ Abraham bo migbee toi, ni eye mimlai kɛ mikitãi lɛ anɔ.”
6No hewɔ lɛ, Isak hi shi yɛ Gerar. 7#Jɛn 12.13; 20.2 Ni be ni jɛibii lɛ bi eŋa lɛ he sane lɛ, eto he akɛ, “Minyɛmi yoo ni”. Ejaakɛ eeshe gbeyei ni ekɛɛɛ akɛ: “Miŋa ni.” Ni ekɛɛ hu yɛ eyiŋ akɛ, “Bɔ ni afee ni jɛibii lɛ akabagbe mi yɛ Rebeka hewɔ; ejaakɛ Rebeka he yɛ fɛo.” 8#Abɛi 5.18 Ni eba mli akɛ be ni Isak ehi jɛi be kplaŋŋ lɛ, Filistibii amaŋtsɛ Abimelek bu samflɛ naa, ni ena ni Isak kɛ eŋa Rebeka miishwɛ. 9Kɛkɛ ni Abimelek tsɛ Isak ni ekɛɛ lɛ akɛ, “Eei, asomoaŋ, yoo lɛ oŋa ni! Te fee tɛŋŋ ni okɛɛ akɛ, ‘Minyɛmi yoo ji lɛ lɛ?’ ” Ni Isak kɛɛ lɛ akɛ, “Bɔ ni afee ni akagbe mi yɛ ehewɔ, no hã mikɛɛ nakai lɛ.” 10Ni Abimelek kɛɛ, “Mɛni ofee wɔ nɛɛ? Shwɛ fioo ni maŋbii lɛ eko kɛ oŋa lɛ ana bɔlɛ. Eba lɛ nakai kulɛ ohã sɔ̃ etere wɔ.” 11Ni Abimelek wo maŋ lɛ fɛɛ kitã akɛ, “Mɔ ni aaata nuu nɛɛ loo eŋa lɛ he lɛ, gbe aaagbe lɛ!”
12 #
Abɛi 10.32
Ni Isak fee ŋmɔ, ni edu nii yɛ nakai shikpɔŋ lɛ nɔ; ni ena nakai bɔ toi oha yɛ nakai afi lɛ nɔ nɔŋŋ, ejaakɛ Yehowa jɔɔ lɛ. 13Ni Isak tsɔ̃ gbɔmɔ wulu. Ni eshwere aahu kɛyashi etsɔ̃ gbɔmɔ agbo kpanaa. 14Ena too kui kɛ tsina kui kɛ webii pii. Ni Filistibii lɛ ahiɛ kɔ̃ enɔ. 15#Jɛn 21.25 No hewɔ lɛ, nubui fɛɛ ni Isak tsɛ Abraham tsuji lɛ je yɛ lɛ Abraham lɛ yinɔ lɛ, Filistibii lɛ tsimɔ fɛɛ ni amɛloo su amɛwo amɛmli obɔ̃ tɔtɔɔtɔ.
16Kɛkɛ ni Abimelek kɛɛ Isak akɛ, “Jee wɔshikpɔŋ lɛ nɔ ni oya. Ejaakɛ ohe ewa fe wɔ!” 17No hewɔ lɛ, Isak je jɛi ni eyashi ebuu yɛ Gerar jɔɔ lɛ mli, ni ehi jɛi. 18Ni Isak saa eje nubui lɛ ni aje yɛ etsɛ Abraham yinɔ lɛ, ejaakɛ Abraham gbele sɛɛ lɛ Filistibii lɛ tsimɔ; ni eŋɔ gbɛii ni etsɛ Abraham ŋɔ wo amɛ lɛ nɔŋŋ ewo amɛ ekoŋŋ. 19Ni Isak bihii lɛ tsa nubu yɛ jɔɔ lɛ mli ni amɛna nu yɛ jɛi. 20Ni Gerar koolookwɛlɔi lɛ kɛ Isak koolookwɛlɔi lɛ be ni amɛkɛɛ, “Nu nɛɛ wɔnɔŋ.” No hewɔ lɛ, Isak wo nubu lɛ gbɛi akɛ, “Esek”, ejaakɛ amɛkɛ lɛ be yɛ he. 21Isak tsuji lɛ je nubu kroko, ni amɛbe yɛ no hu he. No hewɔ lɛ, Isak wo nubu lɛ akɛ, “Sitna”; eshishi ji “Hetsɛ̃”. 22Isak fã eshi jɛi, ni eyaje nubu kroko ni no lɛ amɛbeee yɛ he; ni Isak tsɛ nubu lɛ akɛ “Rehobot”; eshishi ji, “Yehowa ehã wɔ gbɛ koni wɔshwere yɛ shikpɔŋ lɛ nɔ.”
23Isak shi jɛi etee Beersheba. 24Yehowa jie ehe kpo etsɔ̃ɔ lɛ nakai nyɔɔŋ lɛ mli nɔŋŋ ni ekɛɛ, “Mi ji otsɛ Abraham Nyɔŋmɔ lɛ; kaashe gbeyei, ejaakɛ mikɛ bo yɛ, ni majɔɔ bo; mahã oshwiei afa yɛ mitsulɔ Abraham hewɔ.” 25Isak mã afɔleshãa latɛ yɛ jɛi, ni eja Yehowa yɛ jɛi; ni eshi ebuu lɛ yɛ jɛi. Ni Isak je nubu yɛ jɛi hu.
Isak kɛ Abimelek kpãŋ
26 #
Jɛn 21.22
Abimelek kɛ enaanyo Ahuzal kɛ etatsɛ Fikol jɛ Gerar ba Isak ŋɔɔ. 27Ni Isak kɛɛ amɛ akɛ, “Mɛni hewɔ nyɛbaa miŋɔɔ, nyɛ ni nyɛnyɛɔ mi ni nyɛshwie mi yɛ nyɛmasɛi lɛ?” 28Ni amɛkɛɛ, “Naa, wɔna akɛ Yehowa kɛ bo yɛ, no hewɔ lɛ, hã ni wɔkɛ bo akpãŋ kpãŋmɔ ko, 29akɛ ofeŋ wɔ efɔŋ ko ejaakɛ wɔfeko bo efɔŋ ko akɛ ja ekpakpa kɛkɛ; ni wɔsaa wɔwo bo gbɛ yɛ hejɔlɛ mli; ni Yehowa ejɔɔ bo!” 30Ni Isak ŋmɛ amɛ okplɔ̃, ni amɛye nii, ni amɛnu nɔ ko. 31Ni amɛte shi leebi maŋkpa ni amɛkãmɔ amɛhe kitãi. Ni Isak wo amɛ gbɛ ni amɛshi eŋɔɔ yɛ hejɔlɛ mli.
32Ni eba mli nakai gbi lɛ nɔŋŋ akɛ Isak tsuji lɛ ba ni amɛbagba lɛ nubu ni amɛje lɛ he sane akɛ, “Wɔyanina nu.” 33#Jɛn 21.21, 31 Ni Isak wo nubu lɛ akɛ “Shiba”. No hewɔ ni atsɛɔ maŋ lɛ akɛ, “Beersheba” kɛ ŋmɛnɛ lɛ. 34#Jɛn 36.2, 3 Be ni Esau ye afii nyɔŋmai ejwɛ lɛ, ekpee Hit oblayei enyɔ komɛi: Yudit, Hitnyo Beeri biyoo lɛ, kɛ Basemat Elon biyoo lɛ. 35Ni yei nɛɛ ahe sane lɛ fee Isak kɛ Rebeka dɔlɛ waa diɛŋtsɛ.
Bible in Ga Language © Bible Society of Ghana, 2020.