Lûqa 17
17
Efkerdiş û Hukmê Îmanî
(Matta 18:6-7, 18:15-22, 17:20; Marqos 9:42)
1Îsay fina telebandê xo rê wuna va: “Çîyo ki do însanî rayda Ellay ser bifîno, do heqûnheq bibo; hima wax bi o merdimo ki ney rê beno sebeb! 2Oyo ki nê werdîkekan#17:2 Îsa însanan rê vano werdîkek, çiki ê mezbut nîyê, rew ray ser kewnê. ra jewerî ray ser bifîno, ez şima rê vaja, ê merdimî rê jû sîya ayrî girêdê ey mila ew ey çekerê dengizî mîyan, ey rê ney ra rindêrî yo. 3Xo bipawê! Eki birayê to kewno guna, ey ci aqilni, ew eki o tewbe keno se, wexta ey ef ki. 4Eki ey jew roj mîyan di to rê hewt finî nêhekey kerd ew hirg fin ame û va: ‘Ezo tewbe kena, mi ef ki!’, wexta gerek ti ey ef kerê.”
5Wekîlan Rebbî rê va: “Îmanê ma vêşî ki!”
6Rebbî zî înan rê va: “Eki îmanê şima hendê jew dendikdê simaqî gird bîyayê se, wexta şima şayê na tûwêr rê vajê: ‘Herr ra bivijyî ew şo xo dengizî mîyan di ron!’ Ew ay do zî goştareya şima bikerdayê.”
Heqê Xizimkarey
7“Mesela, şima ra jewê koleyêndê ci bibo ew şiro erdî biramo yazî şiro mîyan ver#17:7 Yazî: meyan ver, wexto ki o gem ra yeno keye, kamcînê şima ey rê vano: ‘Bê, sifre di roş, nan bûr.’ 8Hewna o do ey rê nêvajo, ‘Nanê şanî hadre ki, pêşmala xo girêdi ew mi rê xizmet biki ki hetanî ez bûra bişima! Bahdê mina ti zî şenê bûrê û bişimê.’ 9Yazî beno ki o koledê xo rê vajo ‘Ti berxudar bê!’ qandê karo ki to dayo ey ew ey zî ardo herun?
10“Zeydê neya, wexto ki şima zî emrê Ellay heme ard herun, wexta xo bixo wuna vajê, ‘Ma qulê to yê nêercîyayey ê ew ma emrê to ard ca, çiki xora no deynê ma bi.’ ”
Des Merdimê Cizaminî
11Îsa wexto ki hetê Yeruşalîmîya şîyê, raya ey aredê Samerîye û Celîle ra ravêrdê. 12Uja di senî ame nezdidê jû dew, des teney merdimê cizaminî#17:12 Nêweşîna cizamî, îltîhabê ganî ya. amey vera Ey ew dûrî vinderdî. 13Înan venga dûrî ra veynda va: “Îsa, Begê ma! Ma rê rehma xo bik!”
14Îsay ê dî ew înan rê wuna va: “Şirê kahînan hetek ew xo înan misnê!” Ew ê hewna ray ra bî, cizam ra bî weşî.
15Nînan ra jewê ci vîneno ki bîyo weş, ey venga Ellay rê şukur kerd û embazandê xo hetek ra peyser ageyra. 16Ame lingandê Îsay verd', rîyê xo na erda ew Ey rê va: “Ti berxudar bê!” Ew no jew Samerîyeyij bi.
17Îsay va: “Şima des heme weş nêbîbî? Ê new teney bînî yê kotî di? 18Bê nê xerîbî, kes peyser nîyame ki Ellay rê hemd û şukur bikero?” 19Bahdo nê mêrdekî rê va: “Werz pay û şo keyedê xo, îmanê to ti reynayê.”
Hukumdareya Ellay Do Çimhal Bîro?
(Matta 24:23-28,37-41)
20Tayn Ferîsîyan Îsay ra pers kerd va: “Hukumdareya Ellay do çimhal bîro?”
Îsay înan rê wuna va: “Wexto ki Hukumdareya Ellay bîro, kes do ay nêşo çimana bivîno. 21Ew kes do nêşo vajo, bewnî, a ya tîya di, yazî a ya uja di! Çiki xora a ya nika ra şima mîyan di!”
22Bahdo Îsay telebandê xo rê wuna va: “Winî rojê do bîro ki şima do bol qayilî bê rojandê Lajdê Însanî#17:22 Rojê Lajdê Însanî, yanê, wexto ki Lajê Însanî do hukumdarey bikero. ra jew rojek bivînê, hima şima do nêvînê. 23Ew ê do şima rê vajê ‘Bewnîrê, Lajê Însanî yo uja di!’ Yazî ‘Bewnîrê, O yo tîya di!’ Hima şima înan dima meşirê uja. 24Çiki wexto ki virsik akewna, senî na kiştda dinyay ra heta a kiştda dinyay roşn dana se, Lajê Însanî do zî rojdê xo di winî bîro. 25Hima verî gerek O bol ezîyet banco ew no cisnê nikay do Ey nêhesibno.
26“Zey wextdê Nûhî, rojê Lajdê Însanî do zî winî bo. 27Hetanî roja ki Nûh nişt gemî, zeydê hirg rojîya merdimî wenê, şimenê ew jewjîyenê. Bahdo tofan ame ew ê pêro merdî. 28Wextdê Lûtî#17:28 Lût hêganê Îbrahîmî bi. di zî winî bi. Merdiman werdê û şimitê, girotê û rotê, erdî karritê ew banî viraştê. 29Hima roja ki Lût Sodom ra vijya teber, azmîn ra adir û axuya varay ew merdimê a sûk pêro merdî.
30“A roja ki Lajê Însanî do biaso, a do zî zeydê ê rojan bo. 31A roj di, merdimo ki a çeq di banî sero, wa cêr nêşiro qandê çîdê xo, ew zeydê neya, kamo ki gema, wa peyser keyedê xo nîyageyro. 32Cenîyera Lûtî bîyarê xo vîrî!#17:32 Îsay merdimê ki ci dima şîyê, ê pey hesnay ki, wa zeydê cenîyerda Lûtîya qusur nêkerê: A wexto ki Sodom ra remayê, goştareya Ellay nêkerd û peyser weynî ew hima herun di bî estûna sol. (Bewnîrê kitabdê Yaratılış'î di 19:26.) 33Jewo ki vajo, ez ganê xo bireyna, o do ey vinî kero, naqor jewo ki no dinya di ganê xo vinî kero, o do ganê xo bireyno. 34Ez şima rê vaja: Şewda nê rojî di, di merdimîyê ki jû ca di kewtey ê, jewê înan do bigêrîyo ew jewê ci do pey di bimano. 35-36Di cenîyê ki pîya distarî tahnenê, jûwa înan do bigêrîyo ew jûwa ci do bimano.”
37Teleban Îsay ra pers kerd va: “Rebbî, nê girwey do kotî bibê?”
Ey zî înan rê va: “Leş kotî di bo, qertelî do zî uja di arêbîyê pêser.”#17:37 Zey qertelî leşî kotî misnenê ew winî nişan bidayê, wexta telebey do nişanî bivînê ew bizanê kotî çimhal na roj ameya nezdi.
© (Active), Wycliffe Bible Translators, Inc. All rights reserved.
Lûqa 17
17
Efkerdiş û Hukmê Îmanî
(Matta 18:6-7, 18:15-22, 17:20; Marqos 9:42)
1Îsay fina telebandê xo rê wuna va: “Çîyo ki do însanî rayda Ellay ser bifîno, do heqûnheq bibo; hima wax bi o merdimo ki ney rê beno sebeb! 2Oyo ki nê werdîkekan#17:2 Îsa însanan rê vano werdîkek, çiki ê mezbut nîyê, rew ray ser kewnê. ra jewerî ray ser bifîno, ez şima rê vaja, ê merdimî rê jû sîya ayrî girêdê ey mila ew ey çekerê dengizî mîyan, ey rê ney ra rindêrî yo. 3Xo bipawê! Eki birayê to kewno guna, ey ci aqilni, ew eki o tewbe keno se, wexta ey ef ki. 4Eki ey jew roj mîyan di to rê hewt finî nêhekey kerd ew hirg fin ame û va: ‘Ezo tewbe kena, mi ef ki!’, wexta gerek ti ey ef kerê.”
5Wekîlan Rebbî rê va: “Îmanê ma vêşî ki!”
6Rebbî zî înan rê va: “Eki îmanê şima hendê jew dendikdê simaqî gird bîyayê se, wexta şima şayê na tûwêr rê vajê: ‘Herr ra bivijyî ew şo xo dengizî mîyan di ron!’ Ew ay do zî goştareya şima bikerdayê.”
Heqê Xizimkarey
7“Mesela, şima ra jewê koleyêndê ci bibo ew şiro erdî biramo yazî şiro mîyan ver#17:7 Yazî: meyan ver, wexto ki o gem ra yeno keye, kamcînê şima ey rê vano: ‘Bê, sifre di roş, nan bûr.’ 8Hewna o do ey rê nêvajo, ‘Nanê şanî hadre ki, pêşmala xo girêdi ew mi rê xizmet biki ki hetanî ez bûra bişima! Bahdê mina ti zî şenê bûrê û bişimê.’ 9Yazî beno ki o koledê xo rê vajo ‘Ti berxudar bê!’ qandê karo ki to dayo ey ew ey zî ardo herun?
10“Zeydê neya, wexto ki şima zî emrê Ellay heme ard herun, wexta xo bixo wuna vajê, ‘Ma qulê to yê nêercîyayey ê ew ma emrê to ard ca, çiki xora no deynê ma bi.’ ”
Des Merdimê Cizaminî
11Îsa wexto ki hetê Yeruşalîmîya şîyê, raya ey aredê Samerîye û Celîle ra ravêrdê. 12Uja di senî ame nezdidê jû dew, des teney merdimê cizaminî#17:12 Nêweşîna cizamî, îltîhabê ganî ya. amey vera Ey ew dûrî vinderdî. 13Înan venga dûrî ra veynda va: “Îsa, Begê ma! Ma rê rehma xo bik!”
14Îsay ê dî ew înan rê wuna va: “Şirê kahînan hetek ew xo înan misnê!” Ew ê hewna ray ra bî, cizam ra bî weşî.
15Nînan ra jewê ci vîneno ki bîyo weş, ey venga Ellay rê şukur kerd û embazandê xo hetek ra peyser ageyra. 16Ame lingandê Îsay verd', rîyê xo na erda ew Ey rê va: “Ti berxudar bê!” Ew no jew Samerîyeyij bi.
17Îsay va: “Şima des heme weş nêbîbî? Ê new teney bînî yê kotî di? 18Bê nê xerîbî, kes peyser nîyame ki Ellay rê hemd û şukur bikero?” 19Bahdo nê mêrdekî rê va: “Werz pay û şo keyedê xo, îmanê to ti reynayê.”
Hukumdareya Ellay Do Çimhal Bîro?
(Matta 24:23-28,37-41)
20Tayn Ferîsîyan Îsay ra pers kerd va: “Hukumdareya Ellay do çimhal bîro?”
Îsay înan rê wuna va: “Wexto ki Hukumdareya Ellay bîro, kes do ay nêşo çimana bivîno. 21Ew kes do nêşo vajo, bewnî, a ya tîya di, yazî a ya uja di! Çiki xora a ya nika ra şima mîyan di!”
22Bahdo Îsay telebandê xo rê wuna va: “Winî rojê do bîro ki şima do bol qayilî bê rojandê Lajdê Însanî#17:22 Rojê Lajdê Însanî, yanê, wexto ki Lajê Însanî do hukumdarey bikero. ra jew rojek bivînê, hima şima do nêvînê. 23Ew ê do şima rê vajê ‘Bewnîrê, Lajê Însanî yo uja di!’ Yazî ‘Bewnîrê, O yo tîya di!’ Hima şima înan dima meşirê uja. 24Çiki wexto ki virsik akewna, senî na kiştda dinyay ra heta a kiştda dinyay roşn dana se, Lajê Însanî do zî rojdê xo di winî bîro. 25Hima verî gerek O bol ezîyet banco ew no cisnê nikay do Ey nêhesibno.
26“Zey wextdê Nûhî, rojê Lajdê Însanî do zî winî bo. 27Hetanî roja ki Nûh nişt gemî, zeydê hirg rojîya merdimî wenê, şimenê ew jewjîyenê. Bahdo tofan ame ew ê pêro merdî. 28Wextdê Lûtî#17:28 Lût hêganê Îbrahîmî bi. di zî winî bi. Merdiman werdê û şimitê, girotê û rotê, erdî karritê ew banî viraştê. 29Hima roja ki Lût Sodom ra vijya teber, azmîn ra adir û axuya varay ew merdimê a sûk pêro merdî.
30“A roja ki Lajê Însanî do biaso, a do zî zeydê ê rojan bo. 31A roj di, merdimo ki a çeq di banî sero, wa cêr nêşiro qandê çîdê xo, ew zeydê neya, kamo ki gema, wa peyser keyedê xo nîyageyro. 32Cenîyera Lûtî bîyarê xo vîrî!#17:32 Îsay merdimê ki ci dima şîyê, ê pey hesnay ki, wa zeydê cenîyerda Lûtîya qusur nêkerê: A wexto ki Sodom ra remayê, goştareya Ellay nêkerd û peyser weynî ew hima herun di bî estûna sol. (Bewnîrê kitabdê Yaratılış'î di 19:26.) 33Jewo ki vajo, ez ganê xo bireyna, o do ey vinî kero, naqor jewo ki no dinya di ganê xo vinî kero, o do ganê xo bireyno. 34Ez şima rê vaja: Şewda nê rojî di, di merdimîyê ki jû ca di kewtey ê, jewê înan do bigêrîyo ew jewê ci do pey di bimano. 35-36Di cenîyê ki pîya distarî tahnenê, jûwa înan do bigêrîyo ew jûwa ci do bimano.”
37Teleban Îsay ra pers kerd va: “Rebbî, nê girwey do kotî bibê?”
Ey zî înan rê va: “Leş kotî di bo, qertelî do zî uja di arêbîyê pêser.”#17:37 Zey qertelî leşî kotî misnenê ew winî nişan bidayê, wexta telebey do nişanî bivînê ew bizanê kotî çimhal na roj ameya nezdi.
© (Active), Wycliffe Bible Translators, Inc. All rights reserved.