Jɛ́nɛ́sì 9
9
Gèɖèpɔ́ɔ̀ kè Nóà dè wuɖu
1Hwɛ̀ ké Gèɖèpɔ́ɔ̀ po ma Nóà kè ɔ dyú-gàà ɓěɔ̀ mana kɔ̃, ké ɔ ɖá, “Ɓě mu dúún zaìn, ɓɛ́ ɓě ké dyí vò, ɓɛ́ ɓě ké ɓóɖó-kpàɔ̀ kɔ̃ dyi dyíìn. 2Ɓěɛ̀ dyi-fɛ̃̀ìn-fɛ̃̀ìn kè ɓěɛ̀ díɖí mu nimii séín kè naà séín kè ɓíɖíi-dyi-nà-ɖɛ̀ séín kè zimii séín kɔ̃ nììn, ké ḿ ɖǎ wa ɓě nyí. 3Ké ɖɛ séín nì cĩ́ɛń nyɛɛ mu ɓěɛ̀ ɖii-ɖɛ̀ jǔùn. Kà dyúáɖò kà ḿ nyí ma kà ɓě ɓáá-ɖɛ̀ ɓěɔ̀ kɛɛ, kǎà ḿ nyí ɓě ɖɛ séín. 4Kɛɛ ɓěǐn ɖá ɓɛ́ ɓě ké suaɖɛ̀ sè nyɔmɔɔ múɛɛ ɖi, sepóɛɖé fɛ̀ɛ̀ nì ɖé nyɔmɔɔ̀ mú. 5Ɔ jǔ ké nyɔ ɖò mɔɔ nimii ɖò dyi nyɔ ɖò fɛ̀ɛ̀ xwa zà ní, nìí, ní mu ɔ kpa zàùn wɛ̃́ɛ́. 6Nyɔ kã̀ìn séín ɓɛ́ wa mu waà mǔè ɖò nììn nyɔmɔɔ dyi wáɖáìn nyɛɛ, wa ɓéɖé ɓɛ́ wa ké ɔ nììn nyɔmɔɔ dyi wáɖáìn ɖekè, sepóɛɖé ḿ mɛ ma nyɔǔn kà ḿ mìɔùn nyuà nìɛ̀ kɛ. 7Ɖɛ ḿ cɛ̃ ma ɓě gboɛɛ mɛ nì ɓě hwìɖǐi. Ɓě ɓéɖé ɓɛ́ ɓě ké dúún zaìn, ɓɛ́ ɓě ké dyí vò, ɓɛ́ ɓě ké ɓóɖó-kpàɔ̀ kɔ̃ dyi dyíìn.”
8Ké Gèɖèpɔ́ɔ̀ cɛ̃ɛ ma Nóà kè ɔ dyú-gàà ɓěɔ̀ gbo ɖe, ké ɔ ɖá, 9“Gmɔ̀ nɔ̄, ɓó kàǔn wɛ̃ɛ, ḿ kè ɓě kè ɓěɛ̀ gbǒ-xwíníín gànáɔ̀ 10ɔ kè ɖɛ séín nì cĩ́ɛń ɖé ɓóɖó-kpàɔ̀ kɔ̃ mɔ̀à naà kè nyúà-ɖɛ̀ kè xwáɖá-xwíɖíi-nìmìì, ɓɛ́ ɓě kè wa sɔ̀à ɖé méèɔ̀ múɛɛ nì wuɖu dèɛ̌n. 11Ɓěà dèè-wùɖùɔ̀ kɛà kɛ̀. Ḿ se náá fɛ̀ɛ̀ ɖò mú gbɔɔ̌ mu ɖe dyììn ɖé ní-tò mú. Ní-tò ɖò se nìɛ̌ mu, ɓɛ́ ɔ ké ɓóɖó-kpàɔ̀ mú gbɔɔ̀ ɖe fɔɔ cá. 12Ké sè-ná-sèɛ̀ dèè-wùɖù ɓɛ́ ɓěà dèà kɛɛ dyí-tɛ̀mɛ̀ìn-ɖɛ̀ kɛà kɛ̀. 13Ní mu ní ní-mɛ̀nɛ̀ɔ̀ ɖé dyɔɔ̀ dyí poùn, ɓɛ́ ɔ ké dèè-wùɖù nìà ɓó ḿ kè ɓóɖó-kpà gànáɔ̀ pṹa kɛɛ dyí-tɛ̀mɛ̀ìn-ɖɛ̀ jǔ. 14Ti séín ní mu ní-kpò ɖé dyɔɔ̀ dyí dyàùn, ké ní-mɛ̀nɛ̀ɔ̀ mu xwáɖáún wóɖóùn ɖéɛ múɛɛ, 15nìí, dèè-wùɖù nìà ɓó ḿ kè ɓě kè ɖɛ kã̀ìn séín ɓéɖé fɛ̀ɛ̀ kɛɛ pṹa kɛɛ jè mu ḿ hwìɖǐi dyiìn. Ké ní ɖò se ɖaɓaá mu, ɓɛ́ ɔ ké ní-tò ɖò nyu ɓɛ́ ɔ ké fɛ̀ɛ̀ séín mú gbɔɔ̀ ɖe fɔɔ cá. 16Ti séín ní-mɛ̀nɛ̀ɔ̀ mu xwáɖáún wóɖóùn ɖé dyɔɔ̀ dyíɛɛ, ní muɛ dyéìn, ké sè-ná-sèɛ̀ dèè-wùɖù nìà ɓó ḿ kè ɖɛ séín ɓéɖé fɛ̀ɛ̀ ɖé ɓóɖó-kpàɔ̀ kɔ̃ɛɛ pṹa kɛɛ jè mu ḿ hwìɖǐi dyiìn.” 17Ké Gèɖèpɔ́ɔ̀ cɛ̃ɛ ma Nóà gbo ɖe, ké ɔ ɖá, “Ní-mɛ̀nɛ̀ɔ̀ mɔ̀ dèè-wùɖù ɓɛ́ ḿ kè fɔ̀ɔ̀-ɖɛ̀ séín nì ɓóɖó-kpàɔ̀ kɔ̃ɛɛ ɖǎà dèɛɛ dyí-tɛ̀mɛ̀ìn-ɖɛ̀.”
Nóàà dyú-gàà ɓěɔ̀
18Nóàà dyú-gàà ɓě ɓɛ́ wa sɔ̀ ma kà ɖé méèɔ̀ múɛɛ, wa kɛà kɛ̀: Cɛ̃́ìn kè Hɛ̃́ìn ɔ kè Jéfɛ̀. Hɛ̃́ìn mɔ̀ ma Kénà ɓǎ. 19Nyɔ tã ɓěa mɔ̀ ma Nóàà dyú-gàà ɓě kɔ̃̀ mú ɓɛ́ toɖo-kɔ̃-nyɔ̀ séín sɔ̀ ma kɛ. 20Wé ɖòɛ̀ ɓaɖaa, Nóà ɓɛ́ ɔ mɔ̀ ma geɖe-nyu-nyɔ̀ kɛɛ ɓá ma géɖéè kɔ̃̀ ɓo ɓɛ́ wa nyu wã́ìn múɛ. 21Ti ɓɛ́ ɔ ɖǎ ma wã́ìn sɔ̀ìn ma ɖé ɔ géɖéèɔ̀ múɛɛ ɓáún-ɓáún ná kɛɛ, wã́ìnɔ̀ nyu ma ɔ ní. Ké ɔ fɔ̀nɔ̀ ma gbɔ, ké ɔ pɛ̃́ ma ɖé ɔ jàɖàìn-gbòɔ̀ mú dyi. 22Ké Hɛ̃́ìn mɔ̀à Kénà ɓǎɔ̀ kɛɛ gmɔ̀ ma ɔ ɓǎà gbɔ-fɔ̀nɔ̀-fɔ̀nɔ̀ɔ̀ dya gãa, ké ɔ cɛ̃ ma wa ɓǎà gbɔ fɔ̀nɔ̀ jè ɔ ɖíí-gàà sɔ̃́ ɓě nì ma kà ɖé píéɛɛ gbo. 23Púɛɛ, Cɛ̃́ìn kè Jéfɛ̀ ɖú ma kɔ̃in-wáɖá-ɖɔ̀ ɖò dyí, ké wa gbaa ma kɔ̃ún dyi. Ké wa naìn ma kɔ̃ ɖei, ké wa mu. Ké wa wáɖáa ma wa ɓǎ kɔ̃in, ké wa ɓáìn ma ɔ gbɔ-fɔ̀nɔ̀-fɔ̀nɔ̀ɔ̀ ɖɔ kɔ̃in. Wa pòìn ma ɖé kɔ̃, wa ní kɔ̃̀ ɖà wa ɓǎà gbɔ-fɔ̀nɔ̀-fɔ̀nɔ̀ɔ̀ dyé jè. 24Ti ɓɛ́ Nóà sɔ̀ ma ɔ nɔmɔɔ-kũ̀ùnɔ̀ mú, ké ɔ wɔ̃́ kpeɖe ɔ dyú-gàà dyùwè mɔ̀à Hɛ̃́ìn kɛɛ nyu ma kà ɔ bũ̌ɛ jèɛɛ, 25púɛɛ, ɔ cɛ̃ɛ ma, ké ɔ ɖá,
“Hwòɛ̌-wùɖù nì Kénàà gbǒ-xwíníínɔ̀ kɔ̃!
Wa mu gǐì séínɛ̀ gǐì jǔùn ɓó Cɛ̃́ìn kè Jéfɛ̀ɛ̀ gbǒ-xwíníínɔ̀ gbo.
26Ɓěà ɓàìn Bounɓoɔ̀, sepóɛɖé ɔ mu Cɛ̃́ìn Gèɖèpɔ́ɔ̀ jǔùn!
Ké Kénàà gbǒ-xwíníínɔ̀ mu Cɛ̃́ìn nììn gbǒ-xwíníínɔ̀ gǐì jǔùn.
27Gèɖèpɔ́ɔ̀ mɛ po Jéfɛ̀ɛ̀ gbǒ-xwíníínɔ̀ páɔ̀ kɔ̃.
Ké wa mɛ dyé mana ɓɛ́ Cɛ̃́ìn gbǒ-xwíníínɔ̀ mu ɓéɖéìn nyɛɛ ɖò ɖekè.
Ké Kénàà gbǒ-xwíníínɔ̀ mu Jéfɛ̀ nììn gbǒ-xwíníínɔ̀ gǐì jǔùn ɖekè.”
28Sɔ̀ìn ɓó ní-tòɔ̀ gboɛɛ, Nóà nyu ma zɔ̃ hɔ̃dɛ̀ɖɛ̀ tã kè kpáɖá-nyɔ sɔ̃́ ɓaɖa-bùè ɖe. 29Zɔ̃ jĩ̀ kà ɓɛ́ Nóà nyu ma kɛɛ mɔ̀ ma zɔ̃ hɔ̃dɛ̀ɖɛ̀ mɛ̀nɛ̌ìn-hĩinyɛ kè kpáɖá-nyɔ sɔ̃́ ɓaɖa-bùè, hwɛ̀ ké ɔ mɛ́ ma.
נבחרו כעת:
Jɛ́nɛ́sì 9: ƁB02
הדגשה
שתף
העתק
רוצים לשמור את ההדגשות שלכם בכל המכשירים שלכם? הירשמו או היכנסו
Bassa Bible © Bible Society Liberia, 2002.
Jɛ́nɛ́sì 9
9
Gèɖèpɔ́ɔ̀ kè Nóà dè wuɖu
1Hwɛ̀ ké Gèɖèpɔ́ɔ̀ po ma Nóà kè ɔ dyú-gàà ɓěɔ̀ mana kɔ̃, ké ɔ ɖá, “Ɓě mu dúún zaìn, ɓɛ́ ɓě ké dyí vò, ɓɛ́ ɓě ké ɓóɖó-kpàɔ̀ kɔ̃ dyi dyíìn. 2Ɓěɛ̀ dyi-fɛ̃̀ìn-fɛ̃̀ìn kè ɓěɛ̀ díɖí mu nimii séín kè naà séín kè ɓíɖíi-dyi-nà-ɖɛ̀ séín kè zimii séín kɔ̃ nììn, ké ḿ ɖǎ wa ɓě nyí. 3Ké ɖɛ séín nì cĩ́ɛń nyɛɛ mu ɓěɛ̀ ɖii-ɖɛ̀ jǔùn. Kà dyúáɖò kà ḿ nyí ma kà ɓě ɓáá-ɖɛ̀ ɓěɔ̀ kɛɛ, kǎà ḿ nyí ɓě ɖɛ séín. 4Kɛɛ ɓěǐn ɖá ɓɛ́ ɓě ké suaɖɛ̀ sè nyɔmɔɔ múɛɛ ɖi, sepóɛɖé fɛ̀ɛ̀ nì ɖé nyɔmɔɔ̀ mú. 5Ɔ jǔ ké nyɔ ɖò mɔɔ nimii ɖò dyi nyɔ ɖò fɛ̀ɛ̀ xwa zà ní, nìí, ní mu ɔ kpa zàùn wɛ̃́ɛ́. 6Nyɔ kã̀ìn séín ɓɛ́ wa mu waà mǔè ɖò nììn nyɔmɔɔ dyi wáɖáìn nyɛɛ, wa ɓéɖé ɓɛ́ wa ké ɔ nììn nyɔmɔɔ dyi wáɖáìn ɖekè, sepóɛɖé ḿ mɛ ma nyɔǔn kà ḿ mìɔùn nyuà nìɛ̀ kɛ. 7Ɖɛ ḿ cɛ̃ ma ɓě gboɛɛ mɛ nì ɓě hwìɖǐi. Ɓě ɓéɖé ɓɛ́ ɓě ké dúún zaìn, ɓɛ́ ɓě ké dyí vò, ɓɛ́ ɓě ké ɓóɖó-kpàɔ̀ kɔ̃ dyi dyíìn.”
8Ké Gèɖèpɔ́ɔ̀ cɛ̃ɛ ma Nóà kè ɔ dyú-gàà ɓěɔ̀ gbo ɖe, ké ɔ ɖá, 9“Gmɔ̀ nɔ̄, ɓó kàǔn wɛ̃ɛ, ḿ kè ɓě kè ɓěɛ̀ gbǒ-xwíníín gànáɔ̀ 10ɔ kè ɖɛ séín nì cĩ́ɛń ɖé ɓóɖó-kpàɔ̀ kɔ̃ mɔ̀à naà kè nyúà-ɖɛ̀ kè xwáɖá-xwíɖíi-nìmìì, ɓɛ́ ɓě kè wa sɔ̀à ɖé méèɔ̀ múɛɛ nì wuɖu dèɛ̌n. 11Ɓěà dèè-wùɖùɔ̀ kɛà kɛ̀. Ḿ se náá fɛ̀ɛ̀ ɖò mú gbɔɔ̌ mu ɖe dyììn ɖé ní-tò mú. Ní-tò ɖò se nìɛ̌ mu, ɓɛ́ ɔ ké ɓóɖó-kpàɔ̀ mú gbɔɔ̀ ɖe fɔɔ cá. 12Ké sè-ná-sèɛ̀ dèè-wùɖù ɓɛ́ ɓěà dèà kɛɛ dyí-tɛ̀mɛ̀ìn-ɖɛ̀ kɛà kɛ̀. 13Ní mu ní ní-mɛ̀nɛ̀ɔ̀ ɖé dyɔɔ̀ dyí poùn, ɓɛ́ ɔ ké dèè-wùɖù nìà ɓó ḿ kè ɓóɖó-kpà gànáɔ̀ pṹa kɛɛ dyí-tɛ̀mɛ̀ìn-ɖɛ̀ jǔ. 14Ti séín ní mu ní-kpò ɖé dyɔɔ̀ dyí dyàùn, ké ní-mɛ̀nɛ̀ɔ̀ mu xwáɖáún wóɖóùn ɖéɛ múɛɛ, 15nìí, dèè-wùɖù nìà ɓó ḿ kè ɓě kè ɖɛ kã̀ìn séín ɓéɖé fɛ̀ɛ̀ kɛɛ pṹa kɛɛ jè mu ḿ hwìɖǐi dyiìn. Ké ní ɖò se ɖaɓaá mu, ɓɛ́ ɔ ké ní-tò ɖò nyu ɓɛ́ ɔ ké fɛ̀ɛ̀ séín mú gbɔɔ̀ ɖe fɔɔ cá. 16Ti séín ní-mɛ̀nɛ̀ɔ̀ mu xwáɖáún wóɖóùn ɖé dyɔɔ̀ dyíɛɛ, ní muɛ dyéìn, ké sè-ná-sèɛ̀ dèè-wùɖù nìà ɓó ḿ kè ɖɛ séín ɓéɖé fɛ̀ɛ̀ ɖé ɓóɖó-kpàɔ̀ kɔ̃ɛɛ pṹa kɛɛ jè mu ḿ hwìɖǐi dyiìn.” 17Ké Gèɖèpɔ́ɔ̀ cɛ̃ɛ ma Nóà gbo ɖe, ké ɔ ɖá, “Ní-mɛ̀nɛ̀ɔ̀ mɔ̀ dèè-wùɖù ɓɛ́ ḿ kè fɔ̀ɔ̀-ɖɛ̀ séín nì ɓóɖó-kpàɔ̀ kɔ̃ɛɛ ɖǎà dèɛɛ dyí-tɛ̀mɛ̀ìn-ɖɛ̀.”
Nóàà dyú-gàà ɓěɔ̀
18Nóàà dyú-gàà ɓě ɓɛ́ wa sɔ̀ ma kà ɖé méèɔ̀ múɛɛ, wa kɛà kɛ̀: Cɛ̃́ìn kè Hɛ̃́ìn ɔ kè Jéfɛ̀. Hɛ̃́ìn mɔ̀ ma Kénà ɓǎ. 19Nyɔ tã ɓěa mɔ̀ ma Nóàà dyú-gàà ɓě kɔ̃̀ mú ɓɛ́ toɖo-kɔ̃-nyɔ̀ séín sɔ̀ ma kɛ. 20Wé ɖòɛ̀ ɓaɖaa, Nóà ɓɛ́ ɔ mɔ̀ ma geɖe-nyu-nyɔ̀ kɛɛ ɓá ma géɖéè kɔ̃̀ ɓo ɓɛ́ wa nyu wã́ìn múɛ. 21Ti ɓɛ́ ɔ ɖǎ ma wã́ìn sɔ̀ìn ma ɖé ɔ géɖéèɔ̀ múɛɛ ɓáún-ɓáún ná kɛɛ, wã́ìnɔ̀ nyu ma ɔ ní. Ké ɔ fɔ̀nɔ̀ ma gbɔ, ké ɔ pɛ̃́ ma ɖé ɔ jàɖàìn-gbòɔ̀ mú dyi. 22Ké Hɛ̃́ìn mɔ̀à Kénà ɓǎɔ̀ kɛɛ gmɔ̀ ma ɔ ɓǎà gbɔ-fɔ̀nɔ̀-fɔ̀nɔ̀ɔ̀ dya gãa, ké ɔ cɛ̃ ma wa ɓǎà gbɔ fɔ̀nɔ̀ jè ɔ ɖíí-gàà sɔ̃́ ɓě nì ma kà ɖé píéɛɛ gbo. 23Púɛɛ, Cɛ̃́ìn kè Jéfɛ̀ ɖú ma kɔ̃in-wáɖá-ɖɔ̀ ɖò dyí, ké wa gbaa ma kɔ̃ún dyi. Ké wa naìn ma kɔ̃ ɖei, ké wa mu. Ké wa wáɖáa ma wa ɓǎ kɔ̃in, ké wa ɓáìn ma ɔ gbɔ-fɔ̀nɔ̀-fɔ̀nɔ̀ɔ̀ ɖɔ kɔ̃in. Wa pòìn ma ɖé kɔ̃, wa ní kɔ̃̀ ɖà wa ɓǎà gbɔ-fɔ̀nɔ̀-fɔ̀nɔ̀ɔ̀ dyé jè. 24Ti ɓɛ́ Nóà sɔ̀ ma ɔ nɔmɔɔ-kũ̀ùnɔ̀ mú, ké ɔ wɔ̃́ kpeɖe ɔ dyú-gàà dyùwè mɔ̀à Hɛ̃́ìn kɛɛ nyu ma kà ɔ bũ̌ɛ jèɛɛ, 25púɛɛ, ɔ cɛ̃ɛ ma, ké ɔ ɖá,
“Hwòɛ̌-wùɖù nì Kénàà gbǒ-xwíníínɔ̀ kɔ̃!
Wa mu gǐì séínɛ̀ gǐì jǔùn ɓó Cɛ̃́ìn kè Jéfɛ̀ɛ̀ gbǒ-xwíníínɔ̀ gbo.
26Ɓěà ɓàìn Bounɓoɔ̀, sepóɛɖé ɔ mu Cɛ̃́ìn Gèɖèpɔ́ɔ̀ jǔùn!
Ké Kénàà gbǒ-xwíníínɔ̀ mu Cɛ̃́ìn nììn gbǒ-xwíníínɔ̀ gǐì jǔùn.
27Gèɖèpɔ́ɔ̀ mɛ po Jéfɛ̀ɛ̀ gbǒ-xwíníínɔ̀ páɔ̀ kɔ̃.
Ké wa mɛ dyé mana ɓɛ́ Cɛ̃́ìn gbǒ-xwíníínɔ̀ mu ɓéɖéìn nyɛɛ ɖò ɖekè.
Ké Kénàà gbǒ-xwíníínɔ̀ mu Jéfɛ̀ nììn gbǒ-xwíníínɔ̀ gǐì jǔùn ɖekè.”
28Sɔ̀ìn ɓó ní-tòɔ̀ gboɛɛ, Nóà nyu ma zɔ̃ hɔ̃dɛ̀ɖɛ̀ tã kè kpáɖá-nyɔ sɔ̃́ ɓaɖa-bùè ɖe. 29Zɔ̃ jĩ̀ kà ɓɛ́ Nóà nyu ma kɛɛ mɔ̀ ma zɔ̃ hɔ̃dɛ̀ɖɛ̀ mɛ̀nɛ̌ìn-hĩinyɛ kè kpáɖá-nyɔ sɔ̃́ ɓaɖa-bùè, hwɛ̀ ké ɔ mɛ́ ma.
Bassa Bible © Bible Society Liberia, 2002.