Ɖúù 7:21-22

Ké ɓó tia ɓaɖaa, Jízɛ̀ kánáìn ma nyɔ ɓě ɓéɖé ma wɛ́-dù kò-kò ɓěɛɛ dyi, ké ɔ zà ma wa zùù gbà ɓě mú, ké ɔ nyuɛ ké dyéɖéín-dyi-kpè-nyɔ̀ ɓáún-ɓáún dyé ma dyi. Ké Jízɛ̀ cɛ̃ɛ ma nyɔ ɓě sɔ̀ ma kà ɖé Jɔ̃́ɔ́ gboɛɛ gbo, ké ɔ ɖá, “Ɓě mu, ɓɛ́ ɓě ké ɖɛ ɓě dyéà kɛ kè ɖɛ ɓě wɔ̃́à kɛɛ jè Jɔ̃́ɔ́ gbo cɛ̃. Ḿ nyuɛ ké nyɔ ɓě kpè ma dyéɖéín dyiɛɛ dyé dyi. Ké ḿ nyuɛ ké kɔ́ɖɔ́-nyɔ̀ ɓěɔ̀ ɓɛ́ìn nàà. Ké ḿ nyuɛ ké caà-nyɔ̀ ɓěɔ̀ káná dyi. Ké ḿ nyuɛ ké sṹú-nyɔ̀ ɓěɔ̀ wɔ̃́ dyi. Ké ḿ nyuɛ ké nyɔ ɓě ɖǎ mɛ́ɛ ɓéɖé fɛ̀ɛ̀ ɖe, ké gǎ-dyé-nyɔ̀ ɓěɔ̀ ɖǎ bɔ̃̌ nɔ̀mɔ̀ dyíinɔ̀ wɔ̃́.