मत्ती 12
12
बिसैना दिनिक प्रभु
मर्कूस २:२३-२८; ३:१-६; लूका ६:१-११
1उ समयम येशू बिसैना दिनम आपन चेलन्हकसँग गोहूँ बुइल खेत्वओर्से जाइटलह। भुँख लग्लकओर्से उहाँक चेलाहुँक्र गोहूँक बाल टुर्ने मिस्टी खाइलग्ल।#व्य २३:२५ 2यी देख्क फरिसीहुँक्र उहाँह कल, “हेरी त अप्नक चेलन बिसैना दिनम व्यवस्थक नियम अनुसार नैकरपर्ना काम करट।”
3येशू हुँकन जवाफ देल, “दाऊद ओ हुँकहार सङ्घरेन भुँखाइल ब्याला दाऊद का कर्लह, का टुह्र पहर्ल नैहुइटो?#१ शमू २१:१-६ 4कसिक ऊ परमेश्वरक घरम पैँठ्क उहाँह चह्राइल रोटी आपन सङ्घरेन्हकसँग मिल्क खैलह, जब कि व्यवस्था अनुसार पूजारीहुँक्र बाहेक और कौनोजन उ रोटी खाइ नैपाजाए।#लेवी २४:९ 5टुह्र व्यवस्थम नैपहर्ल हुइटो, मन्दिरम पूजारी बिसैना दिनम समेत काम कर्ठ? असिक हुँक्र बिसैना दिनिक नियमह भङ्ग कर्ठ, उहफे हुँक्र दोषी नैमान्जैट।#गन्ती २८:९-१० 6मै टुँहन कहटुँ, मन्दिरसे बरा कौनो यिहाँ बा। 7‘मै बलि नाही, तर दया करल चहठुँ’ कैक परमेश्वरक कहल बात बुझल्रटो कलसे निर्दोष मनैयह दोष लगैने नैरलहो।#मत्ती ९:१३; होशे ६:६ 8मै मनैयक छावा, बिसैना दिनिक फे प्रभु हुइटुँ।”
9उहाँसे निकर्क येशू हुँकन्हक सभाघरम गैल। 10उ ठाउँम एकठो हाँठ सुखल मनैया रह। फरिसीहुँक्र येशूह दोष लगैना विचारले प्रश्न पुछ्ल, “बिसैना दिनम कौनो बेरम्हेन चोखैना ठीक हो का?”
11येशू जवाफ देल, “बिसैना दिनम टुन्हकमध्ये केक्रो भेँरी खटाहम गिरल कलसे ओहीह बाहर नैनिक्रैटो का?#लूक १४:५ 12भेँरीनसे त मनै धेर मूल्यवान हुइट। उहओर्से बिसैना दिनम मजा काम कर्ना ठीक हो।”
13तबदोस्र येशू उ हाँठ सुखल मनैयह कल, “टुँहार हाँठ तन्काओ।” ऊ हाँठ तन्काइल त वाकर हाँठ चोखागैलस। 14तब फरिसीहुँक्र सभाघरमसे निकर्क गैल ओ येशूह कसिक मुवाइ कैक सरसल्लाह करलग्ल।
परमेश्वरक र्वाजल सेवक
15आपन विरोधम सरसल्लाह करट कैक थाहाँ पैल त येशू उहाँसे गैगिल। धेर जन उहाँक पाछ लग्ल, ओ उहाँ आपन पाछ लगुइयन्हक बीचम रहल बेरम्हेन चोखैल। 16तर उहाँ हुँकन यी विषयम कौनोजहनसे कुछु जिन बटोइहो कैक चेताउनी देल। 17यी यशैया अगमवक्ताद्वारा परमेश्वरक ब्वालल् वचन पूरा ह्वाए अइलक बात हो,
18“म्वार र्वाजल प्रिय सेवक यिह हुइट।
हिँकहीनसे मै धेर खुशी बाटुँ।
हिँकाहारम मै आपन आत्मा खन्ह्यादेहम,
तबदोस्र यिह सब जातिक मनैन न्याय प्रचार करहीँ।
19यी ना झैझग्रा करहीँ, ना हल्लाखल्ला करहीँ।
हुँकहार चिच्यैलक गल्लीम कुई फे नैसुनहीँ।
20ऊ मकाइल एकठो नर्कट फे नैटुरहीँ,
जुगुर-जुगुर बर्ना दिया फे नैबुटैहीँ,
ओ अन्तम न्यायह नैजिताक नैछोरहीँ।
21ओ सब जातिक मनै हिँकाहारम आपन आशा करहीँ।”#यशै ४२:१-४
येशू ओ बालजिबुल
मर्कूस ३:२०-३०; लूका ६:४३-४५; ११:१४-२३
22मनै भूत लाग्क आन्धर ओ लाट हुइल् एकठो मनैयह उहाँकठे अन्ल। येशू ओहीह चोखैल त, उ मनैया द्याख ओ ब्वाल सेक्ना हुइल्। 23यी देख्क सब मनै छक्क पर्टी असिक कहलग्ल, “का यी दाऊदक सन्तान हुइट तो?”
24यी बात सुन्क फरिसीहुँक्र कल, “यी मनैया भूतन्हक रज्वा बालजिबुलक शक्तिले भूतन निक्रैठा।”#मत्ती ९:३४; १०:२५
25तर येशू हुँकन्हक विचार थाहाँ पाक कल, “आपसम फूट रहल राज्य नाश हुइठा। असहेँक कौनो सहर या परिवारम फूट बा कलसे उ फे नाश हुइठा। 26यदि शैतान शैतानह निकर्ठा कलसे, ऊ आपनऽ विरोध कर्ठा। तब वाकर राज्य कसिक टिक सेकहीँस? 27यदि टुह्र महीह भूतन्हक रज्वा बालजिबुलक शक्तिले भूतन निक्रैठा कठो कलसे, टुन्हक चेलन क्याकर शक्तिले निक्रैठ? उहओर्से टुन्हक आपन चेलाहुँक्र जो टुँहन दोषी ठह्रैनेबाट। 28मै बालजिबुलक शक्तिले नाहीँ, तर परमेश्वरक शक्तिले भूतन निक्रैठुँ। असिक परमेश्वरक राज्य टुन्हक बीचम आरहल कना बात टुह्र थाहाँ पाइसेक्ठो।
29“पैल्ह बलगर मनैयह बिना बहन्ल, के वाकर घरम जाक वाकर धनमाल लुटसेकी? घरक बलगर मनैयह बहन्लसे केल उ घरह लुट सेक्जैठा।
30“म्वारसँग नैलग्ना मनैया म्वार विरोधी हो। जे महीह जम्मा कर मद्दत नैकरट्, ऊ जम्मा करल फे छिट्काबिडिन पारदेठा।#मर्क ९:४० 31उहओर्से मै टुँहन कहटुँ, मनैन्हक करल सब पाप ओ परमेश्वरक बदनाम कर्लक पाप क्षमा हुइसेकी, तर पवित्र आत्मक विरोधम बदनाम कर्लक पाप क्षमा नैहुइनेहो। 32कुई मै मनैयक छावक विरोधम बोली कलसे, ओहीह क्षमा देजाई, तर पवित्र आत्मक विरोधम बोलुइयह यी युगम ओ अइना युगम फे क्षमा नैदेजैने हो।#लूक १२:१०
33“सँप्रल् फारा फरक लाग त रूख्वा फे सँप्रल् रह परल। रूख्वा सँप्रल् नैरहल कलसे फारा फे नैसँप्रट्। काकरकि रूख्वा त फारमसे चिन्मिल्ठा।#मत्ती ७:२० 34टुह्र साँपन्हक सन्तान! टुह्र अपन्हे दुष्ट बाटो कलसे, कसिक असल काम कर सेक्बो? काकरकि मनम ज्या रठा, उह मुहमसे निक्रठा।#मत्ती ३:७; २३:३३; १५:१८; लूक ३:७ 35मजा मनैया आपन मजा मनमसे मजऽ बात निक्रैठा, तर खराब मनैया आपन खराब मनमसे खराबऽ बात निक्रैठा। 36मै टुँहन कहटुँ, जे बिनकामक बात बट्वाइ ओहीसे न्यायक दिनम एक-एक हिसाब लेजउइया बा। 37काकरकि टुन्हक ब्वालल् वचनक आधारम टुह्र दोषी या निर्दोष ठह्राजैनेबाटो।”
चिन्ह हेर्ना इच्छा
मर्कूस ८:११-१२; लूका ११:२४-२६,२९-३२
38तबदोस्र शास्त्री ओ फरिसीहुँक्रमध्ये कौनो-कौनो कल, “गुरुजी, एकठो अचम्मक चिन्ह देखादी, हम्र ह्यार चाहटी।”#मत्ती १६:१; मर्क ८:११
39येशू हुँकन जवाफ देल, “यी दुष्ट ओ व्यभिचारी जमानक मनै चिन्ह ह्यार खोज्ठ। यी मनैन योना अगमवक्तक चिन्ह बाहेक और चिन्ह नैदेखाजैने हो।#मत्ती १६:४; मर्क ८:१२ 40जसहेँक योना बराभारी मच्छीक प्याटिम तीन दिन तीन रात रलह, ओसहेँक मै मनैयक छावा, फे तीन दिन तीन रात माटीक भित्तर रहम।#योना १:१७ 41न्यायक दिनम निनवे सहरक मनै यी जमानक मनैन उठ्क दोषी ठह्रुइयाबाट। काकरकि योना परमेश्वरक वचन प्रचार कर्ल त, हुँक्र आपन करल पापमसे मन परिवर्तन कैक परमेश्वरकठे घुम्ल। तर हेरो, योनसे महान कौनो यिहाँ बाट।#योना ३:५ 42न्यायक दिनम दक्षिण देशक महारानी यी जमानक मनैन उठ्क दोषी ठह्रुइयाबाटी। काकरकि सोलोमन राजक ज्ञानगुणक बात सुनक लाग ऊ धेर दूरसे अइलही। तर हेरो, सोलोमनसे महान कौनो यिहाँ बाट।#१ राज १०:१-१०; २ इति ९:१-१२
43“जब भूत्वा मनैयकमसे निक्रठा, तब ऊ आराम कर्ना ठाउँ खोज्टी जैठा, तर कहोँ फे नैभेटाइट्। 44नैभेटाइट् त, ऊ ‘जहाँसे निकर्क अइनु, उहँ घुम्क जाइपरल’ कैक कठा। घुम्क गैल् कलसे, ऊ पैल्हक घर खाली, सफासुग्घर ओ सजिसजाउ पारल भेटैठा। 45तबदोस्र जाक अप्नसे आउर दुष्ट-दुष्ट सातठो भूतन लेक अइठा, ओ भित्तर जाक उहँ बास कर्ठ। उ मनैयक दशा पैल्हकसे झन् खराब होजैठस। आजकाल्हिक दुष्ट मनैन्हक दशा फे ओसहेँ हुहीन।”
येशूक डाई ओ भैयन
मर्कूस ३:३१-३५; लूका ८:१९-२१
46येशू भीडक मनैनसे यी बात बट्वैटीरहबेर, उहाँक डाई ओ भैयन आगैल, ओ हुँक्र उहाँसे बात बट्वाइ चाहँट्। 47तब एक जन येशूह कल, “गुरु, अप्नक डाई ओ भैयन अप्नसे बात बट्वाइक लाग बाहर अश्या लागट।”
48येशू खबर अनुइया मनैयह कल, “म्वार डाई के हो, ओ म्वार भैयन के हुइट?” 49तबदोस्र आपन चेलन औँल्याक कल, “हेरो, म्वार डाई ओ म्वार भैयन हिँक्रहे हुइट। 50काकरकि स्वर्गम रना म्वार बाबक आज्ञापालन करुइयन जो म्वार डाई, भैयन, ओ बहिनेन हुइट।”
© 2020, Wycliffe Bible Translators, Inc. All rights reserved.
मत्ती 12
12
बिसैना दिनिक प्रभु
मर्कूस २:२३-२८; ३:१-६; लूका ६:१-११
1उ समयम येशू बिसैना दिनम आपन चेलन्हकसँग गोहूँ बुइल खेत्वओर्से जाइटलह। भुँख लग्लकओर्से उहाँक चेलाहुँक्र गोहूँक बाल टुर्ने मिस्टी खाइलग्ल।#व्य २३:२५ 2यी देख्क फरिसीहुँक्र उहाँह कल, “हेरी त अप्नक चेलन बिसैना दिनम व्यवस्थक नियम अनुसार नैकरपर्ना काम करट।”
3येशू हुँकन जवाफ देल, “दाऊद ओ हुँकहार सङ्घरेन भुँखाइल ब्याला दाऊद का कर्लह, का टुह्र पहर्ल नैहुइटो?#१ शमू २१:१-६ 4कसिक ऊ परमेश्वरक घरम पैँठ्क उहाँह चह्राइल रोटी आपन सङ्घरेन्हकसँग मिल्क खैलह, जब कि व्यवस्था अनुसार पूजारीहुँक्र बाहेक और कौनोजन उ रोटी खाइ नैपाजाए।#लेवी २४:९ 5टुह्र व्यवस्थम नैपहर्ल हुइटो, मन्दिरम पूजारी बिसैना दिनम समेत काम कर्ठ? असिक हुँक्र बिसैना दिनिक नियमह भङ्ग कर्ठ, उहफे हुँक्र दोषी नैमान्जैट।#गन्ती २८:९-१० 6मै टुँहन कहटुँ, मन्दिरसे बरा कौनो यिहाँ बा। 7‘मै बलि नाही, तर दया करल चहठुँ’ कैक परमेश्वरक कहल बात बुझल्रटो कलसे निर्दोष मनैयह दोष लगैने नैरलहो।#मत्ती ९:१३; होशे ६:६ 8मै मनैयक छावा, बिसैना दिनिक फे प्रभु हुइटुँ।”
9उहाँसे निकर्क येशू हुँकन्हक सभाघरम गैल। 10उ ठाउँम एकठो हाँठ सुखल मनैया रह। फरिसीहुँक्र येशूह दोष लगैना विचारले प्रश्न पुछ्ल, “बिसैना दिनम कौनो बेरम्हेन चोखैना ठीक हो का?”
11येशू जवाफ देल, “बिसैना दिनम टुन्हकमध्ये केक्रो भेँरी खटाहम गिरल कलसे ओहीह बाहर नैनिक्रैटो का?#लूक १४:५ 12भेँरीनसे त मनै धेर मूल्यवान हुइट। उहओर्से बिसैना दिनम मजा काम कर्ना ठीक हो।”
13तबदोस्र येशू उ हाँठ सुखल मनैयह कल, “टुँहार हाँठ तन्काओ।” ऊ हाँठ तन्काइल त वाकर हाँठ चोखागैलस। 14तब फरिसीहुँक्र सभाघरमसे निकर्क गैल ओ येशूह कसिक मुवाइ कैक सरसल्लाह करलग्ल।
परमेश्वरक र्वाजल सेवक
15आपन विरोधम सरसल्लाह करट कैक थाहाँ पैल त येशू उहाँसे गैगिल। धेर जन उहाँक पाछ लग्ल, ओ उहाँ आपन पाछ लगुइयन्हक बीचम रहल बेरम्हेन चोखैल। 16तर उहाँ हुँकन यी विषयम कौनोजहनसे कुछु जिन बटोइहो कैक चेताउनी देल। 17यी यशैया अगमवक्ताद्वारा परमेश्वरक ब्वालल् वचन पूरा ह्वाए अइलक बात हो,
18“म्वार र्वाजल प्रिय सेवक यिह हुइट।
हिँकहीनसे मै धेर खुशी बाटुँ।
हिँकाहारम मै आपन आत्मा खन्ह्यादेहम,
तबदोस्र यिह सब जातिक मनैन न्याय प्रचार करहीँ।
19यी ना झैझग्रा करहीँ, ना हल्लाखल्ला करहीँ।
हुँकहार चिच्यैलक गल्लीम कुई फे नैसुनहीँ।
20ऊ मकाइल एकठो नर्कट फे नैटुरहीँ,
जुगुर-जुगुर बर्ना दिया फे नैबुटैहीँ,
ओ अन्तम न्यायह नैजिताक नैछोरहीँ।
21ओ सब जातिक मनै हिँकाहारम आपन आशा करहीँ।”#यशै ४२:१-४
येशू ओ बालजिबुल
मर्कूस ३:२०-३०; लूका ६:४३-४५; ११:१४-२३
22मनै भूत लाग्क आन्धर ओ लाट हुइल् एकठो मनैयह उहाँकठे अन्ल। येशू ओहीह चोखैल त, उ मनैया द्याख ओ ब्वाल सेक्ना हुइल्। 23यी देख्क सब मनै छक्क पर्टी असिक कहलग्ल, “का यी दाऊदक सन्तान हुइट तो?”
24यी बात सुन्क फरिसीहुँक्र कल, “यी मनैया भूतन्हक रज्वा बालजिबुलक शक्तिले भूतन निक्रैठा।”#मत्ती ९:३४; १०:२५
25तर येशू हुँकन्हक विचार थाहाँ पाक कल, “आपसम फूट रहल राज्य नाश हुइठा। असहेँक कौनो सहर या परिवारम फूट बा कलसे उ फे नाश हुइठा। 26यदि शैतान शैतानह निकर्ठा कलसे, ऊ आपनऽ विरोध कर्ठा। तब वाकर राज्य कसिक टिक सेकहीँस? 27यदि टुह्र महीह भूतन्हक रज्वा बालजिबुलक शक्तिले भूतन निक्रैठा कठो कलसे, टुन्हक चेलन क्याकर शक्तिले निक्रैठ? उहओर्से टुन्हक आपन चेलाहुँक्र जो टुँहन दोषी ठह्रैनेबाट। 28मै बालजिबुलक शक्तिले नाहीँ, तर परमेश्वरक शक्तिले भूतन निक्रैठुँ। असिक परमेश्वरक राज्य टुन्हक बीचम आरहल कना बात टुह्र थाहाँ पाइसेक्ठो।
29“पैल्ह बलगर मनैयह बिना बहन्ल, के वाकर घरम जाक वाकर धनमाल लुटसेकी? घरक बलगर मनैयह बहन्लसे केल उ घरह लुट सेक्जैठा।
30“म्वारसँग नैलग्ना मनैया म्वार विरोधी हो। जे महीह जम्मा कर मद्दत नैकरट्, ऊ जम्मा करल फे छिट्काबिडिन पारदेठा।#मर्क ९:४० 31उहओर्से मै टुँहन कहटुँ, मनैन्हक करल सब पाप ओ परमेश्वरक बदनाम कर्लक पाप क्षमा हुइसेकी, तर पवित्र आत्मक विरोधम बदनाम कर्लक पाप क्षमा नैहुइनेहो। 32कुई मै मनैयक छावक विरोधम बोली कलसे, ओहीह क्षमा देजाई, तर पवित्र आत्मक विरोधम बोलुइयह यी युगम ओ अइना युगम फे क्षमा नैदेजैने हो।#लूक १२:१०
33“सँप्रल् फारा फरक लाग त रूख्वा फे सँप्रल् रह परल। रूख्वा सँप्रल् नैरहल कलसे फारा फे नैसँप्रट्। काकरकि रूख्वा त फारमसे चिन्मिल्ठा।#मत्ती ७:२० 34टुह्र साँपन्हक सन्तान! टुह्र अपन्हे दुष्ट बाटो कलसे, कसिक असल काम कर सेक्बो? काकरकि मनम ज्या रठा, उह मुहमसे निक्रठा।#मत्ती ३:७; २३:३३; १५:१८; लूक ३:७ 35मजा मनैया आपन मजा मनमसे मजऽ बात निक्रैठा, तर खराब मनैया आपन खराब मनमसे खराबऽ बात निक्रैठा। 36मै टुँहन कहटुँ, जे बिनकामक बात बट्वाइ ओहीसे न्यायक दिनम एक-एक हिसाब लेजउइया बा। 37काकरकि टुन्हक ब्वालल् वचनक आधारम टुह्र दोषी या निर्दोष ठह्राजैनेबाटो।”
चिन्ह हेर्ना इच्छा
मर्कूस ८:११-१२; लूका ११:२४-२६,२९-३२
38तबदोस्र शास्त्री ओ फरिसीहुँक्रमध्ये कौनो-कौनो कल, “गुरुजी, एकठो अचम्मक चिन्ह देखादी, हम्र ह्यार चाहटी।”#मत्ती १६:१; मर्क ८:११
39येशू हुँकन जवाफ देल, “यी दुष्ट ओ व्यभिचारी जमानक मनै चिन्ह ह्यार खोज्ठ। यी मनैन योना अगमवक्तक चिन्ह बाहेक और चिन्ह नैदेखाजैने हो।#मत्ती १६:४; मर्क ८:१२ 40जसहेँक योना बराभारी मच्छीक प्याटिम तीन दिन तीन रात रलह, ओसहेँक मै मनैयक छावा, फे तीन दिन तीन रात माटीक भित्तर रहम।#योना १:१७ 41न्यायक दिनम निनवे सहरक मनै यी जमानक मनैन उठ्क दोषी ठह्रुइयाबाट। काकरकि योना परमेश्वरक वचन प्रचार कर्ल त, हुँक्र आपन करल पापमसे मन परिवर्तन कैक परमेश्वरकठे घुम्ल। तर हेरो, योनसे महान कौनो यिहाँ बाट।#योना ३:५ 42न्यायक दिनम दक्षिण देशक महारानी यी जमानक मनैन उठ्क दोषी ठह्रुइयाबाटी। काकरकि सोलोमन राजक ज्ञानगुणक बात सुनक लाग ऊ धेर दूरसे अइलही। तर हेरो, सोलोमनसे महान कौनो यिहाँ बाट।#१ राज १०:१-१०; २ इति ९:१-१२
43“जब भूत्वा मनैयकमसे निक्रठा, तब ऊ आराम कर्ना ठाउँ खोज्टी जैठा, तर कहोँ फे नैभेटाइट्। 44नैभेटाइट् त, ऊ ‘जहाँसे निकर्क अइनु, उहँ घुम्क जाइपरल’ कैक कठा। घुम्क गैल् कलसे, ऊ पैल्हक घर खाली, सफासुग्घर ओ सजिसजाउ पारल भेटैठा। 45तबदोस्र जाक अप्नसे आउर दुष्ट-दुष्ट सातठो भूतन लेक अइठा, ओ भित्तर जाक उहँ बास कर्ठ। उ मनैयक दशा पैल्हकसे झन् खराब होजैठस। आजकाल्हिक दुष्ट मनैन्हक दशा फे ओसहेँ हुहीन।”
येशूक डाई ओ भैयन
मर्कूस ३:३१-३५; लूका ८:१९-२१
46येशू भीडक मनैनसे यी बात बट्वैटीरहबेर, उहाँक डाई ओ भैयन आगैल, ओ हुँक्र उहाँसे बात बट्वाइ चाहँट्। 47तब एक जन येशूह कल, “गुरु, अप्नक डाई ओ भैयन अप्नसे बात बट्वाइक लाग बाहर अश्या लागट।”
48येशू खबर अनुइया मनैयह कल, “म्वार डाई के हो, ओ म्वार भैयन के हुइट?” 49तबदोस्र आपन चेलन औँल्याक कल, “हेरो, म्वार डाई ओ म्वार भैयन हिँक्रहे हुइट। 50काकरकि स्वर्गम रना म्वार बाबक आज्ञापालन करुइयन जो म्वार डाई, भैयन, ओ बहिनेन हुइट।”
© 2020, Wycliffe Bible Translators, Inc. All rights reserved.