Jâan 16
16
1«Më tö apö lâme gbɛ̂ sə̈ nyê ndə̂kə̂ pa su nyê ndə̂ nyë zâ rə̂ sə̈ Ndjapä lâme, köbo nə̈ yuabô yû-î. 2Bëte andjê groadje nyê lə̂ anda kə̂ voga Ndjapä. Pânə̈ lo nə̈ wutuadje ndə̂ andjanə̈ ndə̂ andjë won nyê toadje rə̂ bhâtə̂ su andjê pä, kua ndə̂ Ndjapä kä ndə̂ anyë mbô rə̂ lâme. 3Andjë mbö tâ käko bëte andjë wûn-âbo sə̂ Bha mê âdəndjë mëmê-a. 4Praâbalë më tö pö lâme sə̈ nyê ndə̂kə̂ pa, âdə lo nə̈ âsə̈ wutu, sə̂nə̈ te lə̂ nyê pä më tô pö lâme sə̈ nyê alême nə̂.»
Kua ndə̂ Kpɨ̂ki Yingö mbo rə̂
«Më tôâbo pö lâme sə̈ nyê dokʉ̈tchê nə̂-a, bëte më alême kä ndrotə̂ nyê. 5Angaâtə, mê âka pu tchanə̈ ndə̂ tche wân mê, ânyë ngâ akrə balë lə̂ gûtə̂ nyê yuabô mê yû päkëdə̂: ‹Mo âe atə̂ tchêbâ?› 6Praâbalë nyonyo sɨ̂sɨ̈ tə̂ su nyê bëte pö ndə̂ më tô rə̂ sə̈ nyê käko lâme. 7Dëkë më tö lëge pö sə̈ nyê päkëdə̂: Ädäka ndə̂kə̂ pa më ka etə̂. Bëte âdə mê âkabô kâ etə̂, earə̂ kə̂ za könô sə̈ nyê nəabô pu nyê tee-a. Praâbalë âdə mê âka etə̂, kə̂ wan-adje tchë sə̈ nyê. 8Âdə tche ânə, kə̂ mboadje rə̂ ndə̂kə̂ pa azü tchêbêche âtə wunsə̂ ngbongbo rə ndə̂ andjê, kə̂ wunsə̂ kə̂ mbo djîrə̂ rə lakə̂ wa ngbanga ndə̂ Ndjapä. 9Âdə andə̂ pö ndə̂ ngbongbo rə, tchê nyiadje sə̂nə̈ päkëdə̂: Andjë bölotə̂ andjê, bëte andjë zâbo su andjê sə̈ mê-a. 10Âdə andə̂ pö ndə̂kə̂ mbo djîrə̂ rə, tchê nyiadje sə̂nə̈ päkëdə̂: Më âgu atə̂ndə̂ Bha mê, ânyë nyê kä wun bata mê tee-a#16.10 Yɛ̈yɛ̈ da 10 lâme nyï ndjë ndə̂kə̂ to rə̂ kâkë: Lə̂ köbosə̂ kə̂ jo ndə̂ Jezü lə̂ kuzü lakə̂ kenga ndə̂ yê atə̂ lafô, Bha nyîsə̂ nə̈ pä Jezü wä djîrə̂, kə̈ gâmba rə̂ pä tche wätə̂ lëge nə̈ Modô ndə̂ Ndjapä, ânyë ngbanga ndə̂ a wâ rə̂ lə̂ küma yê lâme wâbo djîrə̂-a. Nyë wün Abdj 2.22-24,32-33,36.. 11Âdə andə̂ pö ndə̂kə̂ wa ngbanga, tchê nyiadje sə̂nə̈ päkëdə̂: A wâ ngbanga lə̂ küma makündji ndə̂ tchêbêche âtə nə̂.
12«Më kä la pö tə̂ gbölösə̂nə̈ ndə̂kə̂ to rə̂ sə̈ nyê, praâbalë nyë wâbo ndə̂kə̂ rʉatə̂ su nyê tə̂ pö nə̈ angaâtə-a. 13Âdə Yingö ndə̂ lëge pö nə̈ âwutu, tchê nyiadje sə̂ alëge pö gbɛ̂ sə̈ nyê. Bëte tchê nyiabô sə̂ pö ngbâ su yê tee-a, praâbalë tche ânyisə̂ apö gbɛ̂ ndə̂ tche djê rə̂, kə̂ toadje ndjë pö ndə̂ arə gbɛ̂ ndə̂ âwâ ndə̂kə̂ wutu sə̈ nyê. 14Tchê luadje sə̂ mê, bëte tchê gboadje arə dəndə̂ mê ânyë kə̂ mu rə̂ sə̈ nyê. 15Arə gbɛ̂ ndə̂ Bha mê wâ la rə̂, äwä ndjë tə̂ andə̂ me nə̈, bëte rə̂ kä ndə̂ më tô rə̂ sə̈ nyê pä, tchê gboadje arə dəndə̂ mê ânyë kə̂ mu rə̂ sə̈ nyê.»
Nyonyo ndə̂ âdôtə̂ yê tə̂ mômô
16«Lə̂ kpîɛ̂kpîɛ̂ lö, nyê kä wun bata mê tee-a, pânə̈ lə̂ kpîɛ̂kpîɛ̂ lö nyê kä wun-adje mê.» 17Angâ adjisîpili ndə̂ yê tô rə̂ lə̂ gbâtə̂ andjê päkëdə̂: «Pö lâme nyïndə̂ kə̂ to rə̂ atöko, ndə̂ tche tô rə̂ päkëdə̂: ‹Lə̂ kpîɛ̂kpîɛ̂ lö, nyê kä wun bata mê tee-a, pânə̈ lə̂ kpîɛ̂kpîɛ̂ lö nyê kä wun-adje mê›, la anə̈ ndə̂ tche tô ndjë rə̂ päkëdə̂: ‹Mê âgu atə̂ndə̂ Bha.› 18Tchâme andjë tô rə̂ päkëdə̂: ‹Lə̂ kpîɛ̂kpîɛ̂ lö›, pö lâme nyïndə̂ kə̂ to rə̂ atöko? Ârâ djêâbo tchə̂lə̂ pö ndə̂ tche nyîndə̂ kə̂ to rə̂ lâme-a.» 19Jezü wûnsə̂ nə̈ pä andjë nyïndə̂ kə̂ yu tchë la ngâ pö, tche tô rə̂ sə̈ andjê päkëdə̂: «Nyë sə̈ lakə̂ pu dju pö ndə̂ më tô rə̂ lâme lə̂ gbâtə̂ nyê päkëdə̂: ‹Lə̂ kpîɛ̂kpîɛ̂ lö, nyê kä wun bata mê tee-a, pânə̈ lə̂ kpîɛ̂kpîɛ̂ lö, nyê kä wun-adje mê.› 20Ɛn-ɛn, tə̂ lëge nə̈ më tö rə̂ sə̈ nyê: Nyê kɨadje ânyë kə̂ dɨadje tchə̂lə̂ ma nyê, dëkë azü tchêbêche wadje la gbölö mômô. Nyê səadje la nyonyo, praâbalë nyonyo ndə̂ nyê doadje tə̂ yê tə̂ mômô. 21Ndə̂ ngâ ɛ̈chë la güzu âsə lakə̂ zɨ bechë, tche kä la nyonyo bëte lö nyonyo ndə̂ yê wûtu nə̂. Praâbalë âdə tche âzɨ bechë nə̈ nə̂, sə̂ nyonyo ndə̂ yê lâme yu tə̂ yê, tche wa la mômô bëte bechë ndə̂ tche zɨ̂ tchë ësûwu lâme. 22Angaâtə, nyënyê ndjë gbɛ̂, nyë kä lə̂ nyonyo, praâbalë mê kä wun-adje nyê, ânyë su nyê wadje la mômô. Mômô nə̈ lâme, ngâ akrə balë ndə̂kə̂ krʉa rə̂ tə̂ su nyê wâbo-a.
23«Tə̂ lö nə̈ lâme, nyê kä yu bata mê la ngâ pö balë tee-a. Ɛn-ɛn, tə̂ lëge nə̈ më tö rə̂ sə̈ nyê: Rə ndə̂ nyê yuadje kû nə̈ tchânə̂ Bha mê la rə̈ mê, tchê kʉadje rə̂ sə̈ nyê. 24Ndə̂kə̂ wutu ëtə̂ tchô angêta, nyë yûâbo kû ngâ rə la rə̈ mê dämba nə̂-a. Nyë yukû rə, kə̂ gboadje rə̂ ânyë mômô ndə̂ nyê sɨadje sɨ̈.»
Gbôgbô ndə̂ Jezü rö andə̂ tchêbêche âtə
25«Më tô apö lâme sə̈ nyê alême nə̂ lə̂ köbosə̂ andoka. Lö nə̈ tadje tâ ndə̂ mê kä toabô pö la ndoka sə̈ nyê tee-a. Praâbalë mê âto pö ndə̂ âwûn Bha mê kraâ sə̈ nyê. 26Tə̂ lo nə̈ lâme, nyê yuadje kû rə la rə̈ mê, ânyë mê toabô rə̂ sə̈ nyê pä mëmê kä ndə̂ âyuadje kû rə tchânə̂ Bha mê bëte nyê-a, 27bëte Bha la tə̂ yê nyïndə̂ nyê. Tche nyïndə̂ nyê bëte rə̂ ndə̂ nyë nyîndə̂ mê, ânyë kə̈ gâmba rə̂ pä më tö bhândə̂ Ndjapä. 28Më tö bhândə̂ Bha mê ânyë kə̈ nə̂ atə̂ bêche. Angaâtə, mê âgbo pâ cho âtə ndə̂kə̂ dotə̂ mê pu Bha mê.» 29Adjisîpili ndə̂ yê tô rə̂ sə̈ tchë päkëdə̂: «Angaâtə mo kä tôâbo pö lə̂ köbosə̂ andoka-a, praâbalë mo tö pö kraâ. 30Käko ârâ wünsə̂ nə̈ pä mo wünsə̂ arə gbɛ̂, ânyë âkʉ̂ bata sə̂nə̈ pä ngâ akrə kä yû mö la ngâ pö-a, bëte rə̂ kä ânyë ârâ gâmba rə̂ pä mo tö bhândə̂ Ndjapä.» 31Jezü tô rə̂ sə̈ andjê päkëdə̂: «Nyë gämba rə̂ kütû angangaâtə? 32Dalo nə̈ wutuadje, âwûtu nə̂ ndə̂kə̂ pa nyë wrʉrʉ tchə̂lə̂ tə̂ nyê, akrə balë balë lə̂ köbo ndə̂ yê. Nyê gboadje tə̂ mê la kütû mê. Praâbalë më sə̂âbo la kütû mê-a, bëte Bha mê kä ndrotə̂ mê. 33Më tö pö lâme gbɛ̂ sə̈ nyê ndə̂kə̂ pa nyë wa la zɨtɨ su lə̂ köbosə̂ nə̈ ndə̂ nyë wâ balë la mê. Nyê wun-adje yûkü pâ cho âtə, praâbalë äwäpä nyë gbo gbôgbô tə̂ su nyê! Më rô tchêbêche âtə la gbôgbô nə̂!»
© Wycliffe Bible Translators, Inc.
Jâan 16
16
1«Më tö apö lâme gbɛ̂ sə̈ nyê ndə̂kə̂ pa su nyê ndə̂ nyë zâ rə̂ sə̈ Ndjapä lâme, köbo nə̈ yuabô yû-î. 2Bëte andjê groadje nyê lə̂ anda kə̂ voga Ndjapä. Pânə̈ lo nə̈ wutuadje ndə̂ andjanə̈ ndə̂ andjë won nyê toadje rə̂ bhâtə̂ su andjê pä, kua ndə̂ Ndjapä kä ndə̂ anyë mbô rə̂ lâme. 3Andjë mbö tâ käko bëte andjë wûn-âbo sə̂ Bha mê âdəndjë mëmê-a. 4Praâbalë më tö pö lâme sə̈ nyê ndə̂kə̂ pa, âdə lo nə̈ âsə̈ wutu, sə̂nə̈ te lə̂ nyê pä më tô pö lâme sə̈ nyê alême nə̂.»
Kua ndə̂ Kpɨ̂ki Yingö mbo rə̂
«Më tôâbo pö lâme sə̈ nyê dokʉ̈tchê nə̂-a, bëte më alême kä ndrotə̂ nyê. 5Angaâtə, mê âka pu tchanə̈ ndə̂ tche wân mê, ânyë ngâ akrə balë lə̂ gûtə̂ nyê yuabô mê yû päkëdə̂: ‹Mo âe atə̂ tchêbâ?› 6Praâbalë nyonyo sɨ̂sɨ̈ tə̂ su nyê bëte pö ndə̂ më tô rə̂ sə̈ nyê käko lâme. 7Dëkë më tö lëge pö sə̈ nyê päkëdə̂: Ädäka ndə̂kə̂ pa më ka etə̂. Bëte âdə mê âkabô kâ etə̂, earə̂ kə̂ za könô sə̈ nyê nəabô pu nyê tee-a. Praâbalë âdə mê âka etə̂, kə̂ wan-adje tchë sə̈ nyê. 8Âdə tche ânə, kə̂ mboadje rə̂ ndə̂kə̂ pa azü tchêbêche âtə wunsə̂ ngbongbo rə ndə̂ andjê, kə̂ wunsə̂ kə̂ mbo djîrə̂ rə lakə̂ wa ngbanga ndə̂ Ndjapä. 9Âdə andə̂ pö ndə̂ ngbongbo rə, tchê nyiadje sə̂nə̈ päkëdə̂: Andjë bölotə̂ andjê, bëte andjë zâbo su andjê sə̈ mê-a. 10Âdə andə̂ pö ndə̂kə̂ mbo djîrə̂ rə, tchê nyiadje sə̂nə̈ päkëdə̂: Më âgu atə̂ndə̂ Bha mê, ânyë nyê kä wun bata mê tee-a#16.10 Yɛ̈yɛ̈ da 10 lâme nyï ndjë ndə̂kə̂ to rə̂ kâkë: Lə̂ köbosə̂ kə̂ jo ndə̂ Jezü lə̂ kuzü lakə̂ kenga ndə̂ yê atə̂ lafô, Bha nyîsə̂ nə̈ pä Jezü wä djîrə̂, kə̈ gâmba rə̂ pä tche wätə̂ lëge nə̈ Modô ndə̂ Ndjapä, ânyë ngbanga ndə̂ a wâ rə̂ lə̂ küma yê lâme wâbo djîrə̂-a. Nyë wün Abdj 2.22-24,32-33,36.. 11Âdə andə̂ pö ndə̂kə̂ wa ngbanga, tchê nyiadje sə̂nə̈ päkëdə̂: A wâ ngbanga lə̂ küma makündji ndə̂ tchêbêche âtə nə̂.
12«Më kä la pö tə̂ gbölösə̂nə̈ ndə̂kə̂ to rə̂ sə̈ nyê, praâbalë nyë wâbo ndə̂kə̂ rʉatə̂ su nyê tə̂ pö nə̈ angaâtə-a. 13Âdə Yingö ndə̂ lëge pö nə̈ âwutu, tchê nyiadje sə̂ alëge pö gbɛ̂ sə̈ nyê. Bëte tchê nyiabô sə̂ pö ngbâ su yê tee-a, praâbalë tche ânyisə̂ apö gbɛ̂ ndə̂ tche djê rə̂, kə̂ toadje ndjë pö ndə̂ arə gbɛ̂ ndə̂ âwâ ndə̂kə̂ wutu sə̈ nyê. 14Tchê luadje sə̂ mê, bëte tchê gboadje arə dəndə̂ mê ânyë kə̂ mu rə̂ sə̈ nyê. 15Arə gbɛ̂ ndə̂ Bha mê wâ la rə̂, äwä ndjë tə̂ andə̂ me nə̈, bëte rə̂ kä ndə̂ më tô rə̂ sə̈ nyê pä, tchê gboadje arə dəndə̂ mê ânyë kə̂ mu rə̂ sə̈ nyê.»
Nyonyo ndə̂ âdôtə̂ yê tə̂ mômô
16«Lə̂ kpîɛ̂kpîɛ̂ lö, nyê kä wun bata mê tee-a, pânə̈ lə̂ kpîɛ̂kpîɛ̂ lö nyê kä wun-adje mê.» 17Angâ adjisîpili ndə̂ yê tô rə̂ lə̂ gbâtə̂ andjê päkëdə̂: «Pö lâme nyïndə̂ kə̂ to rə̂ atöko, ndə̂ tche tô rə̂ päkëdə̂: ‹Lə̂ kpîɛ̂kpîɛ̂ lö, nyê kä wun bata mê tee-a, pânə̈ lə̂ kpîɛ̂kpîɛ̂ lö nyê kä wun-adje mê›, la anə̈ ndə̂ tche tô ndjë rə̂ päkëdə̂: ‹Mê âgu atə̂ndə̂ Bha.› 18Tchâme andjë tô rə̂ päkëdə̂: ‹Lə̂ kpîɛ̂kpîɛ̂ lö›, pö lâme nyïndə̂ kə̂ to rə̂ atöko? Ârâ djêâbo tchə̂lə̂ pö ndə̂ tche nyîndə̂ kə̂ to rə̂ lâme-a.» 19Jezü wûnsə̂ nə̈ pä andjë nyïndə̂ kə̂ yu tchë la ngâ pö, tche tô rə̂ sə̈ andjê päkëdə̂: «Nyë sə̈ lakə̂ pu dju pö ndə̂ më tô rə̂ lâme lə̂ gbâtə̂ nyê päkëdə̂: ‹Lə̂ kpîɛ̂kpîɛ̂ lö, nyê kä wun bata mê tee-a, pânə̈ lə̂ kpîɛ̂kpîɛ̂ lö, nyê kä wun-adje mê.› 20Ɛn-ɛn, tə̂ lëge nə̈ më tö rə̂ sə̈ nyê: Nyê kɨadje ânyë kə̂ dɨadje tchə̂lə̂ ma nyê, dëkë azü tchêbêche wadje la gbölö mômô. Nyê səadje la nyonyo, praâbalë nyonyo ndə̂ nyê doadje tə̂ yê tə̂ mômô. 21Ndə̂ ngâ ɛ̈chë la güzu âsə lakə̂ zɨ bechë, tche kä la nyonyo bëte lö nyonyo ndə̂ yê wûtu nə̂. Praâbalë âdə tche âzɨ bechë nə̈ nə̂, sə̂ nyonyo ndə̂ yê lâme yu tə̂ yê, tche wa la mômô bëte bechë ndə̂ tche zɨ̂ tchë ësûwu lâme. 22Angaâtə, nyënyê ndjë gbɛ̂, nyë kä lə̂ nyonyo, praâbalë mê kä wun-adje nyê, ânyë su nyê wadje la mômô. Mômô nə̈ lâme, ngâ akrə balë ndə̂kə̂ krʉa rə̂ tə̂ su nyê wâbo-a.
23«Tə̂ lö nə̈ lâme, nyê kä yu bata mê la ngâ pö balë tee-a. Ɛn-ɛn, tə̂ lëge nə̈ më tö rə̂ sə̈ nyê: Rə ndə̂ nyê yuadje kû nə̈ tchânə̂ Bha mê la rə̈ mê, tchê kʉadje rə̂ sə̈ nyê. 24Ndə̂kə̂ wutu ëtə̂ tchô angêta, nyë yûâbo kû ngâ rə la rə̈ mê dämba nə̂-a. Nyë yukû rə, kə̂ gboadje rə̂ ânyë mômô ndə̂ nyê sɨadje sɨ̈.»
Gbôgbô ndə̂ Jezü rö andə̂ tchêbêche âtə
25«Më tô apö lâme sə̈ nyê alême nə̂ lə̂ köbosə̂ andoka. Lö nə̈ tadje tâ ndə̂ mê kä toabô pö la ndoka sə̈ nyê tee-a. Praâbalë mê âto pö ndə̂ âwûn Bha mê kraâ sə̈ nyê. 26Tə̂ lo nə̈ lâme, nyê yuadje kû rə la rə̈ mê, ânyë mê toabô rə̂ sə̈ nyê pä mëmê kä ndə̂ âyuadje kû rə tchânə̂ Bha mê bëte nyê-a, 27bëte Bha la tə̂ yê nyïndə̂ nyê. Tche nyïndə̂ nyê bëte rə̂ ndə̂ nyë nyîndə̂ mê, ânyë kə̈ gâmba rə̂ pä më tö bhândə̂ Ndjapä. 28Më tö bhândə̂ Bha mê ânyë kə̈ nə̂ atə̂ bêche. Angaâtə, mê âgbo pâ cho âtə ndə̂kə̂ dotə̂ mê pu Bha mê.» 29Adjisîpili ndə̂ yê tô rə̂ sə̈ tchë päkëdə̂: «Angaâtə mo kä tôâbo pö lə̂ köbosə̂ andoka-a, praâbalë mo tö pö kraâ. 30Käko ârâ wünsə̂ nə̈ pä mo wünsə̂ arə gbɛ̂, ânyë âkʉ̂ bata sə̂nə̈ pä ngâ akrə kä yû mö la ngâ pö-a, bëte rə̂ kä ânyë ârâ gâmba rə̂ pä mo tö bhândə̂ Ndjapä.» 31Jezü tô rə̂ sə̈ andjê päkëdə̂: «Nyë gämba rə̂ kütû angangaâtə? 32Dalo nə̈ wutuadje, âwûtu nə̂ ndə̂kə̂ pa nyë wrʉrʉ tchə̂lə̂ tə̂ nyê, akrə balë balë lə̂ köbo ndə̂ yê. Nyê gboadje tə̂ mê la kütû mê. Praâbalë më sə̂âbo la kütû mê-a, bëte Bha mê kä ndrotə̂ mê. 33Më tö pö lâme gbɛ̂ sə̈ nyê ndə̂kə̂ pa nyë wa la zɨtɨ su lə̂ köbosə̂ nə̈ ndə̂ nyë wâ balë la mê. Nyê wun-adje yûkü pâ cho âtə, praâbalë äwäpä nyë gbo gbôgbô tə̂ su nyê! Më rô tchêbêche âtə la gbôgbô nə̂!»
© Wycliffe Bible Translators, Inc.