MAWUTO HA WASU 5
5
1Kyasia kukeri-pfo Msoṟo mu ewio rina lyake nyi Ananyia na mka oke nyi Sapfira. Kahenda ikumba kihamba kyake. 2Kaṟoṟokwo-ho wuhuru wulya maata mka aichi, kacha arie-ho kiteeno kilya kakilerya oo madendenyi ha wasu. 3Petro kambia, “lyo Ananyia, nyi kili Satana akuichwo ipfo ngoonyi yapfo icha iwia Mumuyo Mwele wongo na iṟoṟokwo wuhuru wo dema lyo maata? 4Nyi kulawechiidima ikukaya nafo fui fopfo na ili fuwei mkumbe cha kiwei kyapfo kya oru lopfo? A ili kindo kido kikucheye ipfo mrimenyi fopfo nyi ki? Ma chi wandu owalembapfo chila Ruwa!” 5Ananyia kekiicho ado adi kaho wanda kapfa. Wuowu wung'anyi wukahoya wandu walya waleicho iki wose. 6Kukakure wanake wakamwira-ho wakamduo nja wakamṟika. 7Oweṟe cha hando ha saa tsiṟaṟu mka ulya oke kawecha iida naho alaichi kilya kyambutika. 8Petro kambesa, “Kenjiwia nyi mukumbye dema lyo wuhuru na iwo?” Nao kahamba, “Ee na kui wuhuru wo.” 9Petro kambia, “A ikyo nyi kya iki ili mleidikyana mudi muwawi ke muche iseenga Mumuyo o Mndumii? Ambuya wandu walya wahenda iṟika mii opfo aiho oo mongo, nawo wechikuduo na iyo.” 10Nalyo liyenyi kaho wanda oo madendenyi hake kapfa. Wanake walya wakaida naho wakakoya amepfa wakamduo nja wakahenda imṟika kufui na mii. 11Nahong'u wuowu wung'anyi wukahoya siṟi yose na wandu wose waleicho ishi.
Wasu wa Yesu wawuta maṟiho
12Na kui mawoko ha wasu kukatanyika shichano na maṟihio hafoi kiidi kya wandu. Nawo wose nyi wawekeri alya kidangashenyi kya Solomon wai na mhio fumu. 13Na ipfo kiidi kya wandu wengi wose kwipfo ma umu alekaria ilungana nawopfo, wandu wakawahonerya mnu. 14Kyasia kukahenda kochiengeṟyo-ho wandu waidikye Mndumii mamingi fung'anyi fo womi na waka. 15Koikyo kukatana wandu waluo wawa moleṟyo ipfo njiehu tsing'anyi wawalaṟe njonyi-hu na shitaṟe-hu kundu Petro kacha kiṟishe kyake tupu kiwikye umu-ho owo mṟishe. 16Nafo mamwingi fo mṟinyi ikeri kulya mbai mbai ya Yerusalemu wakasumbuhana wechiende waluo na iwo wai walise wukiwa nyi waṟufu wawicho, nawo wose wakachiṟo.
Waliso wukiwa
17Kukakure mkohanyi ang'anyi na walya wose wawei kimu nao, iwo nyiwo wawei wa msanzyenyi fo Masadukayo, wakakure waichwo wunyeng'i. 18Wakawada wasu wakawawika mbenyi ya mwapfungo. 19Na malaika o Mndumii kacha kapfungwo mongo ya mba iya ya wapfungo kio kawawuta-pfo kahamba. 20“Hendenyi muhoṟoke hekalunyi muwie wandu madedo ha hose ha moo fu.” 21Nawo wekiicho iki wakahenda kilawo kulya hekalunyi wakawoka ilosha. Mkohanyi ang'anyi kacha arianyi na walya wake wakalaha chila iya ing'anyi sanza-pfo na wameku wasambuṟe waana wa Israeli wose wakaduma wandu kulya kipfungyonyi wawaendepfo. 22Waṟundi walya wekishika-pfo walawawone kulya kipfungyonyi wakawuya wakaongoya wehamba. 23“Mba ya wapfungo nawo iwenjipfunge neng'cha wyoo na waringi nawo wawehoṟoki alya mbele ya mongo; kya indi lupfungwo mongo lokoya-pfo mndupfo.” 24Mchili o hekalu na wakohanyi walya wanene waicho wadi isho wakahoyo nyi ipfiio nyi mdo kipfa kyawo wakahamba, “Iki nyi kirie iwa-se kida ngesa?” 25Kukacha-pfo mndu kawashitsya mbonyi ke wandu walya mlewashingya kulya mba ya wapfungo nyi kulya hekalunyi wai wahoṟoki wechilosha wandu. 26Nahong'u mchili ulya kukure kahenda kimu na waṟundi walya wakawaende, indi chi kui pfinyapfo kyamba waleowuo wandu walache iwakumbya maho. 27Wakawaende wakawaanduya ipfo mengenyi. Mkohanyi mnene kawawesa kehamba. 28 “Alae chi lulembawasa nyo na imtutuma munu ke mulaloshe mochisenda rina lyi, nanyo ambuyenyi momeichuṟa Yerusalemu shilosho shanu, nawo mukundi iluendye samu ya mndu ulya ikucheye huyadu.” 29Petro kimu na wasu wakahalwo wakahamba, “Nyi kiwaṟi iindya Ruwa kota wandu. 30Ruwa chu o waku wadu alemṟutsa Yesu ko wapfu nyio ichu mlembaha mochimmasa kidi-hu. 31Nao nyio ichu Ruwa alemira na owoko loke lo kulyo kamtana mwitoṟi mokiṟa wandu nainenge Waisraeli mdumbuye na mhoṟye fo njonyamaṟo. 32Natso nyi lukeri waṟingishi wa mbonytsi na Mumuyo Mwele aiho ichu Ruwa ainengye walya wamwidikye wose.” 33Wekiicho wado kikawakoṟa ngoo tsawo wakakusaṟa kewawaha. 34Kukakure-ho umu o chila iya ing'nyi nyi mndu Mfarisayo rina lyake nyi Gamalieli ai mlosha o mawawaso moindyo nyi wandu wose kawawasa ke wasu wadao kya nja oweṟe. 35Kawawia, “Lanye wasoṟo wa Israeli, kuṟisenyi kya wandu wa kya kindo mochiwawutya. 36Cha kipfa numa ya mafiri ha kulekure mndu elaho nyi Teuda kechikuhamba ke nyi mndu ang'anyi wandu wafoi washikie mahana haana wakamwosha. Kekiwoho wakarahanyika wose. 37Numa kukakure mndu elaho Yuda Mgalilaya shiheri shilya sherehyo okamba wandu wafoi wakamwosha, kekipfa wakarahanyika wose. 38Kyasiang'u wulalu ngambia le, Kuihia meṟenyi ko wandu wa. Walekyenyi wahende. Cha kipfa kokoya chila ii ang'u mawuto na hai nyi ha kiwandu nyi kechifunjika. 39Kya indi kokoya nyi ikeri ya Ruwa mochiidima iifunjapfo. Mulache ikoyo nyi mui wekapana na Ruwa.” Nawo wakaidikya madedo halya hake. 40Wakalaha wasu wakawakapa wakawawawasa waladede-se kui rina lya Yesu, wakawasama. 41Nawo wakakure ipfo oshangunyi lo chila iya wai waṟamtsu cha kipfa kya isutso kipfa kya rina lya Yesu. 42Nawo ma walakudeye waleehenda-se yongwo mbonyi tsa Yesu mafiri hose ipfo hekalunyi na kui mba kui mba.
Watarami wasambuṟo
נבחרו כעת:
MAWUTO HA WASU 5: KIM2
הדגשה
שתף
העתק
רוצים לשמור את ההדגשות שלכם בכל המכשירים שלכם? הירשמו או היכנסו
Kimochi Bible © Bible Society of Tanzania, 2016.
MAWUTO HA WASU 5
5
1Kyasia kukeri-pfo Msoṟo mu ewio rina lyake nyi Ananyia na mka oke nyi Sapfira. Kahenda ikumba kihamba kyake. 2Kaṟoṟokwo-ho wuhuru wulya maata mka aichi, kacha arie-ho kiteeno kilya kakilerya oo madendenyi ha wasu. 3Petro kambia, “lyo Ananyia, nyi kili Satana akuichwo ipfo ngoonyi yapfo icha iwia Mumuyo Mwele wongo na iṟoṟokwo wuhuru wo dema lyo maata? 4Nyi kulawechiidima ikukaya nafo fui fopfo na ili fuwei mkumbe cha kiwei kyapfo kya oru lopfo? A ili kindo kido kikucheye ipfo mrimenyi fopfo nyi ki? Ma chi wandu owalembapfo chila Ruwa!” 5Ananyia kekiicho ado adi kaho wanda kapfa. Wuowu wung'anyi wukahoya wandu walya waleicho iki wose. 6Kukakure wanake wakamwira-ho wakamduo nja wakamṟika. 7Oweṟe cha hando ha saa tsiṟaṟu mka ulya oke kawecha iida naho alaichi kilya kyambutika. 8Petro kambesa, “Kenjiwia nyi mukumbye dema lyo wuhuru na iwo?” Nao kahamba, “Ee na kui wuhuru wo.” 9Petro kambia, “A ikyo nyi kya iki ili mleidikyana mudi muwawi ke muche iseenga Mumuyo o Mndumii? Ambuya wandu walya wahenda iṟika mii opfo aiho oo mongo, nawo wechikuduo na iyo.” 10Nalyo liyenyi kaho wanda oo madendenyi hake kapfa. Wanake walya wakaida naho wakakoya amepfa wakamduo nja wakahenda imṟika kufui na mii. 11Nahong'u wuowu wung'anyi wukahoya siṟi yose na wandu wose waleicho ishi.
Wasu wa Yesu wawuta maṟiho
12Na kui mawoko ha wasu kukatanyika shichano na maṟihio hafoi kiidi kya wandu. Nawo wose nyi wawekeri alya kidangashenyi kya Solomon wai na mhio fumu. 13Na ipfo kiidi kya wandu wengi wose kwipfo ma umu alekaria ilungana nawopfo, wandu wakawahonerya mnu. 14Kyasia kukahenda kochiengeṟyo-ho wandu waidikye Mndumii mamingi fung'anyi fo womi na waka. 15Koikyo kukatana wandu waluo wawa moleṟyo ipfo njiehu tsing'anyi wawalaṟe njonyi-hu na shitaṟe-hu kundu Petro kacha kiṟishe kyake tupu kiwikye umu-ho owo mṟishe. 16Nafo mamwingi fo mṟinyi ikeri kulya mbai mbai ya Yerusalemu wakasumbuhana wechiende waluo na iwo wai walise wukiwa nyi waṟufu wawicho, nawo wose wakachiṟo.
Waliso wukiwa
17Kukakure mkohanyi ang'anyi na walya wose wawei kimu nao, iwo nyiwo wawei wa msanzyenyi fo Masadukayo, wakakure waichwo wunyeng'i. 18Wakawada wasu wakawawika mbenyi ya mwapfungo. 19Na malaika o Mndumii kacha kapfungwo mongo ya mba iya ya wapfungo kio kawawuta-pfo kahamba. 20“Hendenyi muhoṟoke hekalunyi muwie wandu madedo ha hose ha moo fu.” 21Nawo wekiicho iki wakahenda kilawo kulya hekalunyi wakawoka ilosha. Mkohanyi ang'anyi kacha arianyi na walya wake wakalaha chila iya ing'anyi sanza-pfo na wameku wasambuṟe waana wa Israeli wose wakaduma wandu kulya kipfungyonyi wawaendepfo. 22Waṟundi walya wekishika-pfo walawawone kulya kipfungyonyi wakawuya wakaongoya wehamba. 23“Mba ya wapfungo nawo iwenjipfunge neng'cha wyoo na waringi nawo wawehoṟoki alya mbele ya mongo; kya indi lupfungwo mongo lokoya-pfo mndupfo.” 24Mchili o hekalu na wakohanyi walya wanene waicho wadi isho wakahoyo nyi ipfiio nyi mdo kipfa kyawo wakahamba, “Iki nyi kirie iwa-se kida ngesa?” 25Kukacha-pfo mndu kawashitsya mbonyi ke wandu walya mlewashingya kulya mba ya wapfungo nyi kulya hekalunyi wai wahoṟoki wechilosha wandu. 26Nahong'u mchili ulya kukure kahenda kimu na waṟundi walya wakawaende, indi chi kui pfinyapfo kyamba waleowuo wandu walache iwakumbya maho. 27Wakawaende wakawaanduya ipfo mengenyi. Mkohanyi mnene kawawesa kehamba. 28 “Alae chi lulembawasa nyo na imtutuma munu ke mulaloshe mochisenda rina lyi, nanyo ambuyenyi momeichuṟa Yerusalemu shilosho shanu, nawo mukundi iluendye samu ya mndu ulya ikucheye huyadu.” 29Petro kimu na wasu wakahalwo wakahamba, “Nyi kiwaṟi iindya Ruwa kota wandu. 30Ruwa chu o waku wadu alemṟutsa Yesu ko wapfu nyio ichu mlembaha mochimmasa kidi-hu. 31Nao nyio ichu Ruwa alemira na owoko loke lo kulyo kamtana mwitoṟi mokiṟa wandu nainenge Waisraeli mdumbuye na mhoṟye fo njonyamaṟo. 32Natso nyi lukeri waṟingishi wa mbonytsi na Mumuyo Mwele aiho ichu Ruwa ainengye walya wamwidikye wose.” 33Wekiicho wado kikawakoṟa ngoo tsawo wakakusaṟa kewawaha. 34Kukakure-ho umu o chila iya ing'nyi nyi mndu Mfarisayo rina lyake nyi Gamalieli ai mlosha o mawawaso moindyo nyi wandu wose kawawasa ke wasu wadao kya nja oweṟe. 35Kawawia, “Lanye wasoṟo wa Israeli, kuṟisenyi kya wandu wa kya kindo mochiwawutya. 36Cha kipfa numa ya mafiri ha kulekure mndu elaho nyi Teuda kechikuhamba ke nyi mndu ang'anyi wandu wafoi washikie mahana haana wakamwosha. Kekiwoho wakarahanyika wose. 37Numa kukakure mndu elaho Yuda Mgalilaya shiheri shilya sherehyo okamba wandu wafoi wakamwosha, kekipfa wakarahanyika wose. 38Kyasiang'u wulalu ngambia le, Kuihia meṟenyi ko wandu wa. Walekyenyi wahende. Cha kipfa kokoya chila ii ang'u mawuto na hai nyi ha kiwandu nyi kechifunjika. 39Kya indi kokoya nyi ikeri ya Ruwa mochiidima iifunjapfo. Mulache ikoyo nyi mui wekapana na Ruwa.” Nawo wakaidikya madedo halya hake. 40Wakalaha wasu wakawakapa wakawawawasa waladede-se kui rina lya Yesu, wakawasama. 41Nawo wakakure ipfo oshangunyi lo chila iya wai waṟamtsu cha kipfa kya isutso kipfa kya rina lya Yesu. 42Nawo ma walakudeye waleehenda-se yongwo mbonyi tsa Yesu mafiri hose ipfo hekalunyi na kui mba kui mba.
Watarami wasambuṟo
Kimochi Bible © Bible Society of Tanzania, 2016.