Maatewos 12
12
Gaafii Waan Sanbataa
(Mar. 2:23-28; Luq. 6:1-5)
1Bara sun, Yesus guyyaa Sanbataa oobruu dargaayyee tokko keessa dabre, jarii isaa beela'ee jennaan midhaan xuruuratee nyaate. 2Fariisotii waan kana arginaan Yesusiin, “Ilaal, jarii kankee waan guyyaa Sanbataa tolchuu hinmalin tolchaa!” jetteen. 3Innii ammoo deebisee warraan, “Isan waan Daawtii fi jarii isa waliin jiru beelomnaan ta'e hindubbimnee? 4Innii Mana Waaqaa olseenee, qixxaa Waaqaa baasan, ka qaallolee malee, namii tokkoolleen nyaachuu hinmalin fudhatee, nyaatee waahela ufiilleen ga'e. 5Yokaan isan seera Musee keessa akka qaalloleen guyyaa Sanbataa mana Waaqaa keessa seera Sanbataa cabsitu ammoo wallaala hinqamnee hindubbimnee? 6Waan anin isanitti himuu, wantii mana Waaqaa irra guddoo arma jirti. 7#Mat. 9:13 Innii ammoo, ‘Yo silaa jecha, anin naasuu malee sooriyoo horii hinfedhu’ jedhu beettanii, isan nama wallaala hinqamne wallaala itti hinmurtan. 8Wantii akkanaatiif ilmii namaa guddaa Sanbataati” isaniin jedhe.
Akka Yesus Namicha Harkii Rifaate Fayyise
(Mar. 3:1-6; Luq. 6:6-11)
9Yesus achii deemnaan mana waldeennaa tokko olseene. 10Namicha tokko ka harkii rifateetti achi jiraa jennaan, jarii akka silaa Yesus himataan, “Guyyaa Sanbataa nama fayyisuun fulaa moo fulaaniiti?” jedhee gaafate. 11#Luq. 14:5 Yesus deebisee warraan, “Isanii kana keessa, namii hoolaa tokko qabu, ka yo innii guyyaa Sanbataa boolla keessa bu'e, hamphaaree boolla keessaa hinbaamne eennu? 12Namii hoolaa irra hinjiruu ree? Yoos, guyyaa Sanbataa waan dansaa tolchuun fulaa” jedheen. 13Jennaan innii namichaan, “Harka kankee diriirfadhu” jedhee, namichii harka diriirfanaan harkii fayyee, akkuma harka kaanii ta'e. 14Fariisotii yaatee korattee akka Yesus ijjeeftu mari'atte.
Waan Hojjattaa Waaqii Foohatee
15Yesus waan kana dhageennaan ka'ee achii deeme; jennaan namii hedduun isa gula yaa'e; innii nama cufaa fayyisee, 16ammallee biyyaan waan kiyya namatti hinhiminaa jedhee seerate; 17akka wantii raagii Isaayaas jedhee guutamtu 18innii, “Hojjataan kiyya ka anin foohadhe kana, ka anin jaaladhu, ka guddoo na gammachiisu, anin hafuura kiyya isatti erga, innii murtii tiyya gosa cufaatti hima, 19innii hinmormu yokaan lallabee hin iyyu, yokaan namii tokkoolleen qoonqoo isaa karaa keessatti hindhaga'u. 20Innii haga dhugaa dabsachiisutti, illaadduu millatee hincabsu, yokaan ibsee aartuullee hindhaamsu. 21Gochitii cuftii maqaa isaa abdatti” jedhe.
Waan Yesusitii Fi Bi'elzebulii
(Mar. 3:20-30; Luq. 11:14-23)
22Jennaan namicha tokko ka jinniin ilaa fi afaan duuchite Yesusittiin dhufanii, Yesus isa fayyise, namichii kaan dubbatee ilaalleen lafa arge. 23Biyyitii cuftii mamtee, “Kunin danda'eetti ilma Daawit ta'aa?” jette. 24#Mat. 9:34; 10:25 Fariisotii ammoo waan kana dhageennaan, “Namii kunin guddaa jinnii, ka Bi'elzeebul jedhan, isa qofaatti jinnii baasaa” jette. 25Yesus herrega warraa beennaan, “Namii lafa tokkoo ka gosaan gargarii qoodamu inbada. Ammallee dirii yokaan manii gargarii qoodamu akka dhaabatu hinqabu. 26Akkasumaa duuba sheexanii yo Sheexanaa baasee, innii yaayyuu gargarii qoodamee, akkam danda'ee jabeennaan lafa fida ree? 27Anin yo maqaa Bi'el zebuliti jinnii baasee, ilmaan teessan maqaa eennuutiin baafti? Tanaaf ijoolluma teessanitti isanitti mura. 28Ammoo yo anin hafuura Waaqaatiin jinnii baasee, yo sun mootummaan Waaqaa ya dhi'aatte” jedhe.
29“Yo qaraa abbaa manaa hidhamellee namii akkam danda'ee mana nama jabaa seenee mi'a hatuu dandaa? Yo qaraa isa hidhe mana isaa seenee hatuu dandaa.”
30 #
Mar. 9:40 “Namii na waliin hinjirre nyaapha kiyya; namii na waliin wa hinguurree wa firfirisa. 31Tanaaf waan anin isanitti himuu, cubbuu fi arraba hamaa namii wa arrabsu, namaa in araaraman, namii ammoo Hafuura Qulqullootti muratuu araarama hinargatu. 32#Luq. 12:10 Namii ilma namaa miidhu araarama argata; namii Hafuura Qulqulloo miidhu ammoo haga jiruu jireennaallee araarama hinargatu” jedheen.
Waan Mukaa Fi Midhaan Isaa
(Luq. 6:43-45)
33 #
Mat. 7:20; Luq. 6:44 Yesus itti dabree, “Mukii dansaan midhaan dansaa dhala, mukii hamaan midhaan hamoo dhala. Mukaa cufaa midhaan innii dhaluun beekan. 34#Mat. 3:7; 23:33; 15:18; Luq. 3:7; 6:45 Isan ilmoolee bofaati! Isan yo hamaamoo taatan akkam dandeettanii waan dansaa dubbattan? Wantii akkanaatiif afaan waan garaan qabu dubbatan.” 35Namii dansaan horii ufii dansaa keessaa waan dansaa baasa; namii hamaalleen horii ufii hamaa keessaa waan hamtuu baasa.
36“Waan anin isanitti himuu, guyyaa muraa Waaqii nama cufaa dubbii didiqqoo silaa jechaa hinmalin ta innii jedhe, gaafata. 37Dubbii teetiin dhugaa si muran, ammallee dubbii teetiin wallaala sitti muran” jedhe.
Akka Jarii Seera Beekuu Fi Fariisotii Akeeka Barbaadde
(Mar. 8:11-12; Luq. 11:29-32)
38 #
Mat. 6:1; Mar. 8:11; Luq. 11:16 Jennaan jarii seera beekuu fi fariisotii Yesusiin, “Aabboo, nu akeeka atin tolchitu argu feenna” jedhan. 39#16:4; Mar. 8:22 Yesus ammoo, “Dhalootii kunin hamaa, Waaqaa didaa, akeeka barbaada, ka raaga Yoonaas malee akeekii nama agarsiisan hinjiru. 40Akkuma Yoonaas guyyaa sadii fi halkan sadii garaa qurxummii keessa taa'ee, akkasuma ilmii namaalleen guyyaa sadii fi halkan sadii boolla keessa taa'a. 41Biyyitii Niwwee guyyaa muraa kaateetti dhaloota kana himatti, waan warrii marroo oduu dansaa ta Yoonaas himeef cubbuu irraa deebi'eef. Ammoo kunoo, namii Yoonaas irra jiru arma jira. 42Guyyaa muraa qaalittiin lafa mirgaa olkaateetti dhaloota kana himatti; isiin akka qarooma Solomoon caqafatu muummee lafaatii dhufte; ammoo kunoo wantii Solomoon irra jiraa arma jirti” jedhe.
Waan Deebi'a Jinnii
(Luq. 11:24-26)
43“Jinniin yo nama keessaa baatu, lafa bisaan hinqamne keessa marteetti boqota barbaaddi; yo dhabdu, 44armaa achi, ‘Anin mana kiyya ka keessaa dhufeetti deebi'a’ ufiin jetti. Deebitee dhumnaan mana duwwaa, ka haranii qophaa'e argitti. 45Isiin deemteetti jinnii torba dhibii ta isii irra hamaamtuutiin dhufti; duuba seenaaniit achi qubatan. Jireennii nama sunii ka lameessoo jireenna qaraa irra hamaa. Dhalootii hamaan kuniilleen akkasuma ta'a” jedhe.
Waan Obbooleeyyan Dhugaa
(Mar. 3:31-35; Luq. 8:19-21)
46Adoo innii taa'ee gumiin haasa'uu, haadhaa fi obbooleeyyan isaa ala ejaajjanii isaan dubbachuu fedhan. 47Jennaan namii tokko Yesusiin, “Ilaal, haateetii fi obbooleeyyan tantee ala ejaajjanii siin dubbachuu fedhanii” jedhe. 48Yesus ammoo namicha isatti himeen, “Haadhaa fi obbooleeyyan tiyya eennu?” jedhe. 49Jennaan innii jara ufiitti quba qabee, “Kunnoo, haadhaa fi obbooleeyyan tiyya jara kana. 50Nama waan Abbaan kiyya ka gubbaa fedhu tolchu callatti obbooleessaa, obbooleetii fi haadha tiyya” jedhe.
נבחרו כעת:
Maatewos 12: KakHaa
הדגשה
שתף
העתק
רוצים לשמור את ההדגשות שלכם בכל המכשירים שלכם? הירשמו או היכנסו