পত্থম 19
19
পাপে ভরা সদোম
1সেদিন্যে সাজোন্যে অক্তত্ সে দ্বিজন স্বর্গদূত্ সদোম শঅরত্ যেইনে লুমিলাক্। লোটে সেক্কে শঅর গেট্টো কুরে বুয়োই আঘে। তারারে দেগিনে তে উদিনে ঠিয়েল আর মাঢা নিগিরিনে জু জু জানেইনে কলঅ, 2“শুনো, আর উজেই ন-যেইনে তুমি দোয়্যে গুরি তমার এ চাগরবো ঘরত্ এজঅ আর আত্-টেং ধোইনে রেত্তো কাদঅ। নয়দ বেন্যে পোত্যে উদিনে আরঅ যাহ্ ধুরিবা।”
জোবত্ তারা কলাক্, “না, আমি এ শঅর ভিদিরে রেত্তো কাদেবং।”
3মাত্তর্ লোটে যেক্কে অমকদ কোজোলী গরা ধুরিলো সেক্কে তারা তা সমারে যেইনে তা ঘরত্ উদিলাক্। পরেদি লোট সদানেইয়্যে পিদে শিগিনে তারাত্তে এক্কো হানার্ যুক্কোল্ গুরিলো, সেক্কে তারায়ো হানা-বিনে গুরিলাক্। 4মাত্তর্ তারা ঘুমোত্ পড়িবার্ আগেদি সদোম শঅরর্ বেক্ গাবুজ্যে আর বুড়োগুনে এইনে ঘরান্ ঘিরি ফেলেলাক্। 5তারা লোটরে ডাগিনে কলাক্, এচ্চ্যে রেদোত্ যে দ্বিজন মানুচ্ তমা ইধু এচ্চ্যন্ তারা কুদু? তারারে নিগিলেনে আমা ইধু আন। আমি সে দ্বিজন মরত্ পুয়ো সমারে বেশ্যেমি গুরিবোং।
6সেক্কে লোটে দোরান বারেন্দি মানুচ্চুনো মুজুঙোত্ গেলঅ আর তা পিজেন্দি দোরান্ বানি দিইনে কলঅ, 7মঅ ভেইয়ুন মুই তমারে কোজোলী গরঙর্, তুমি এ বাবোত্যে বজং কাম্ ন-গোজ্য। 8চঅ, মর্ দ্বিবে ঝি আগন্। তারা কনদিন্অ কনঅ মরদ সমারে ন-থান্। তারারে মুই তমা ইধু নিগিলেনে আনঙর্। তারা সমারে তমার্ যিয়েন হুজি গরঅ, মাত্তর্ এ মানুচ্চুনোরে কিচ্ছু ন-গোজ্য, কিত্তে তারা মঅ ঘরত্ আশ্রয় নেযেয়োন।
9মাত্তর্ তারা কলাক্, “যাহ্, যাহ্, পত্তানত্তুন্ সুরি যাহ্!” তারা আরঅ কলাক্, “মানুচ্চো আমা ইধু এচ্চ্যেদে বিদেশী ইজেবে, আর সে পরেত্তুন্ ধুরি আমা উগুরে বানা মুরুব্বী গিরি গুরি বেরার্। ইক্কিনে আমি তারাত্তুন্অ বেশ্ তঅ সমারে আরঅ বজং বেবহার্ গুরিবোং।” ইয়েন্ কোইনে তারা উজেই যেইনে ঘরর্ দোরান্ ভাঙি ফেলেবাত্তে লোটরে অমকদ ঠিলি দিয়া ধুরিলাক। 10সেক্কে সে দ্বিজন মান্জে আত্ বাড়েইনে লোটরে ঘরঅ ভিদিরে টানি নেযেনে দোরান্ বানি দিলাক্। 11সে পরেদি তারা পহ্র গুরি ঝিমিলেনি দিলাক্, আর সেক্কে দোরান বারেন্দি ঠিয়েই রোইয়্যে গাবুজ্যে আর বুড়ো মানুচ্চুনে অদাতদ্ চোগেদি আর ন-দেগিলাক্। সেক্কে সে মানুচ্চুনে দোরান্ তগাদে তগাদে অরান্ ওই পড়িলাক্।
লোটর সদোম শঅরান ফেলেই যানা
12পরেদি সে দ্বিজন মান্জে লোটরে পুযোর্ গুরিলাক, “এ শঅরত্ তর্ জামেই, পুঅ, ঝি-বা আর কনঅ কুদুম্মো আগন্ নাকি? তারা বেক্কুনোরে লোইনে এ জাগানত্তুন্ তুই নিগিলি যাহ্, 13কিত্তে এ চাগালাগান্ ভস্ত গুরি ফেলেবাত্ত্যে আমি যুক্কোল ওই আগিই। এ চাগালার্ মানুচ্চুনো বিরুদ্বে লগেপ্রভু ইধু এদক্ বেশ্ গুরি রঅ রঅ অর্ যে, তে সিয়েন্ ভস্ত গুরিবাত্তে আমারে পাদেই দিয়্যে।”
14সেক্কে লোটে বারেন্দি যেইনে যিগুনে তার জামেই অবাক্ তারারে কলঅ, “তুমি যাদিমাদি এ জাগাগান্ ছাড়ি যগোই কিত্তে লগেপ্রভু এ শঅরান্ ভস্ত গুরিবাত্তে যুক্কোল ওই আঘে।” মাত্তর্ তারা মনে গুরিলাক তে বিগিদি গরের্।
15পহ্র অনার্ পরেদি সে স্বর্গদূত্তুনে লোটরে ইজিরে দিইনে কলাক্, যাদি গর্। তর্ মোক্ আর তর্ দ্বিবে ঝি যিগুনে ইধু আগন্ তারারে লোইনে নিগিলি যাহ্। সিয়েন্ ন-গুরিলে যে সাজা-এ শঅরান উগুরে লামি এজের্ তুয়ো সে ভিদিরে পুড়িনে ভস্ত ওই যেবে।
16মাত্তর্ লোটে যেম্-যাঙর্ গরা দোজ্যে। কিত্যে লগেপ্রভুর্ দোয়্যে তা উগুরে এলঅ বিলিনে সে দ্বিজনে তারা পুরো পরিবারবোরে আদত্ ধুরি টানিনে শঅর বারেন্দি আনিলাক্। 17বেক্কুনোরে নিগিলে আনানার্ পরেদি সে দ্বিজনত্তুন্ একজনে কলঅ, “বাঁজিবার্ চেলে ধেই যঅ। পিজেন্দি ন-চেবা আর এ সংজাগানর্ কনঅ জাগাত্ ন থামেবা। মুড়ো উগুরে ধেই যঅ; সিয়েন্ ন-গুরিলে তমাত্তুনো মরা পুড়িবো।”
18সেক্কে লোটে কলঅ, “না, না। 19চঅ, তমা এ চাগর্বো উগুরে তুমি হুজি ওইয়ো, আর মঅ পরাণান্ রোক্ষ্যে গুরিনে তুমি মত্তে যিয়েন্ গুরিবার্ তাত্তুনঅ বেশ্ গোজ্য। মাত্তর্ মুই মুড়ো উগুরে ধেই যেই ন-পারিম্। তা আগেদি অয়ত এ দজাগান্ মঅ উগুরে পুড়িদো আর মুই মুরি যেদুং। 20চঅ, ধেই যেবার্ অলে উই চিগোন্ আদামান দঅ কায়-কুরে। পরাণান্ বাজেবাত্তে মরে সিদু ধেই যেবাত্তে দুয়ো। আদামান্ সেদক্ দাঙর্ নয়।”
21স্বর্গদূত্তো তারে কলঅ, “মুই তর্ এ কোজোলীগান রাগেলুং। যে আদামান কধা তুই কলে সিয়েন্ মুই ভস্ত ন-গুরিম্। 22মাত্তর্ যাদিমাদি গুরি সিদু ধেই যাহ্। তুই সিদু ন-লুমোনা সং মুই কিচ্ছু গুরি ন-পারঙর্।” লোট কধালোই আদামান নাঙান্ অলঅ সোয়র (যিয়েনর্ ভেদ্তান্ “চিগোন্”)।
সদোম আর ঘমোরা ভস্ত অনা
23লোটে যেক্কে সোয়রত্ যেইনে লুমিলো সেক্কে বেলান্ উদি যেইয়্যে। 24সে পরেদি লগেপ্রভু স্বর্গর লগেপ্রভুত্তুন্ সদোম্ আর ঘমোরা উগুরে গন্ধক আর আগুনো ঝড় আরাম্ভ গুরিলো। 25তে সে শঅর দ্বিয়েনত্, বেক্ সংজাগাগান, শঅরর্ বেক্ মানুচ্চুন্ আর সে ভুইয়ো উগুরে জোর্মেয়্যে বেক্কানি ভস্ত গুরি দিলো। 26লোট মোক্কো লোট পিজেদি ওইনে পিচ্ছো ফিরি চেলঅ, আর সেনে তে নুনোর এক্কো থুনি ওই গেলঅ।
27তার কেল্যে অব্রাহামে বেন্যেপোত্যে উদিনে সে জাগানত্ গেলঅ যিয়েনত্ গেল্ল্যে কেল্যে তে লগেপ্রভু মুজুঙোত্ এলঅ। 28তে তলেদি সদোম, ঘমোরা আর বেক্ সংজাগায়ান ইন্দি রিনি চেইনে দেগিলোদে, চুলোত্তুন্ যেধোক্ক্যেন ধূমো উদে সেধোক্ক্যেন সে চাগালাগানত্তুন ধূমো উদের্।
29এধোক্ক্যেনগুরি লোটে যিয়েনত্ বজত্তি গুরিদো গোজেনে সে সংজাগানর্ শঅরানি ভস্ত গুরিবার্ সলাবোত্ অব্রাহাম কধানি ভাবিনে লোটরে সিদুগোর দজাত্তুন্ সোরেই আনিলো।
অম্মোনীয় আর মোয়াবীয়গুনোর্ জর্ম
30সোয়বত্ থাগদে সাহস্ ন-অলঅ বিলিনে লোটে তার ঝি দ্বিবেরে নেযেইনে সিয়েনত্তুন্ নিগিলি এইনে মুড়ো-মুড়ি চাগালাত্ ধেই গেলাক। সিয়েনত্ এক্কো গাদত্ তারা থেলাক্। 31পরেদি একদিন্যে দাঙর্ ঝিবো চিগোন্ ঝিবোরে কলঅ, “বাবাদঅ বুড়ো ওই যার্। এ চাগালাত্ এধোক্ক্যেন কনঅ মরদ্ নেই যিবে এইনে সংসার সুদোম মজিম্ আমারে মোক্ ইজেবে লোই পারন্। 32আদিস্, আমি আমা বাপ্পোরে আংগুর-রস হাবেইনে মাত্তল্ গুরি তাইধু যেই। সেক্কে বাবারে দিইনে আমি আমা বংশগুন্ রোক্ষ্যে গুরি পারিবোং।”
33সে কধামজিম্ সেদিন্যে রেদোত্ তারা বাপ্পোরে আংগুর-রস হাবেইনে মাত্তল্ বানেয়োন। সে পরেদি দাঙর্ ঝিবো তা বাব লগে ঘুম্ যেবাত্তে গেলঅ, মাত্তর্ কক্কে তে ঘুমোত্ পুড়িলো আর কক্কে বা উদি গেলঅ লোটে সিয়েন্ টার্অ ন-পেলঅ। 34তার্ কেল্যে দাঙর্বো চিগোন্নোরে কলঅ, “চাহ্, কেল্যে রেদোত্ মুই বাবা লগে ঘুম্ যেয়োং। আদিচ্, এচ্চ্যে রেদোত্অ তারে সেধোক্ক্যেন গুরি মাত্তল্ গুরিই, সে পরেদি তুই যেইনে তা লগে ঘুম্ যেবেগোই। সেক্কে বাবারে দিইনে আমি আমা বংশবো রোক্ষ্যে গুরি পারিবোং।” 35এধোক্ক্যেনগুরি তারা সে রেদোত্অ তারা বাপ্পোরে আংগুর-রস হাবেইনে মাত্তল্ গুরিলাক্ আর চিগোন ঝিবো বাবঅ লগে ঘুম্ গেলঅ। ঝিবো কক্কে তা লগে ঘুমোত্ পড়ল আর কক্কে বা উদি গেলঅ তে সিয়েন্ টার্অ ন-পেলঅ। 36এধোক্ক্যেনগুরি লোটর দ্বিবে ঝি তারা বাপ্পোরে দিইনে পিদিলী অলাক্। 37পরেদি দাঙর্ ঝিবোর্ এক্কো পুয়ো অলে তে তা নাঙান্ রাগেল মোয়াব (যিয়েনর ভেদ্তান্ “বাবত্তুন্”)। এ মোয়াবেয়ই এ জাগার্ মোয়াবীয়গুনোর্ আগবাব্। 38পরেদি চিগোন ঝিবোর্অ এক্কো পুয়ো অলঅ, আর তে তা নাঙান্ রাগেল বিন্-অম্মি (যিয়েনর ভেদ্তান্ “মঅ বংশর্ পুয়ো”)। তে সিদুগোর অম্মোনীয়গুনোর আগঅ বাব্।
Copyright © 2021 Bangladesh Bible Society
পত্থম 19
19
পাপে ভরা সদোম
1সেদিন্যে সাজোন্যে অক্তত্ সে দ্বিজন স্বর্গদূত্ সদোম শঅরত্ যেইনে লুমিলাক্। লোটে সেক্কে শঅর গেট্টো কুরে বুয়োই আঘে। তারারে দেগিনে তে উদিনে ঠিয়েল আর মাঢা নিগিরিনে জু জু জানেইনে কলঅ, 2“শুনো, আর উজেই ন-যেইনে তুমি দোয়্যে গুরি তমার এ চাগরবো ঘরত্ এজঅ আর আত্-টেং ধোইনে রেত্তো কাদঅ। নয়দ বেন্যে পোত্যে উদিনে আরঅ যাহ্ ধুরিবা।”
জোবত্ তারা কলাক্, “না, আমি এ শঅর ভিদিরে রেত্তো কাদেবং।”
3মাত্তর্ লোটে যেক্কে অমকদ কোজোলী গরা ধুরিলো সেক্কে তারা তা সমারে যেইনে তা ঘরত্ উদিলাক্। পরেদি লোট সদানেইয়্যে পিদে শিগিনে তারাত্তে এক্কো হানার্ যুক্কোল্ গুরিলো, সেক্কে তারায়ো হানা-বিনে গুরিলাক্। 4মাত্তর্ তারা ঘুমোত্ পড়িবার্ আগেদি সদোম শঅরর্ বেক্ গাবুজ্যে আর বুড়োগুনে এইনে ঘরান্ ঘিরি ফেলেলাক্। 5তারা লোটরে ডাগিনে কলাক্, এচ্চ্যে রেদোত্ যে দ্বিজন মানুচ্ তমা ইধু এচ্চ্যন্ তারা কুদু? তারারে নিগিলেনে আমা ইধু আন। আমি সে দ্বিজন মরত্ পুয়ো সমারে বেশ্যেমি গুরিবোং।
6সেক্কে লোটে দোরান বারেন্দি মানুচ্চুনো মুজুঙোত্ গেলঅ আর তা পিজেন্দি দোরান্ বানি দিইনে কলঅ, 7মঅ ভেইয়ুন মুই তমারে কোজোলী গরঙর্, তুমি এ বাবোত্যে বজং কাম্ ন-গোজ্য। 8চঅ, মর্ দ্বিবে ঝি আগন্। তারা কনদিন্অ কনঅ মরদ সমারে ন-থান্। তারারে মুই তমা ইধু নিগিলেনে আনঙর্। তারা সমারে তমার্ যিয়েন হুজি গরঅ, মাত্তর্ এ মানুচ্চুনোরে কিচ্ছু ন-গোজ্য, কিত্তে তারা মঅ ঘরত্ আশ্রয় নেযেয়োন।
9মাত্তর্ তারা কলাক্, “যাহ্, যাহ্, পত্তানত্তুন্ সুরি যাহ্!” তারা আরঅ কলাক্, “মানুচ্চো আমা ইধু এচ্চ্যেদে বিদেশী ইজেবে, আর সে পরেত্তুন্ ধুরি আমা উগুরে বানা মুরুব্বী গিরি গুরি বেরার্। ইক্কিনে আমি তারাত্তুন্অ বেশ্ তঅ সমারে আরঅ বজং বেবহার্ গুরিবোং।” ইয়েন্ কোইনে তারা উজেই যেইনে ঘরর্ দোরান্ ভাঙি ফেলেবাত্তে লোটরে অমকদ ঠিলি দিয়া ধুরিলাক। 10সেক্কে সে দ্বিজন মান্জে আত্ বাড়েইনে লোটরে ঘরঅ ভিদিরে টানি নেযেনে দোরান্ বানি দিলাক্। 11সে পরেদি তারা পহ্র গুরি ঝিমিলেনি দিলাক্, আর সেক্কে দোরান বারেন্দি ঠিয়েই রোইয়্যে গাবুজ্যে আর বুড়ো মানুচ্চুনে অদাতদ্ চোগেদি আর ন-দেগিলাক্। সেক্কে সে মানুচ্চুনে দোরান্ তগাদে তগাদে অরান্ ওই পড়িলাক্।
লোটর সদোম শঅরান ফেলেই যানা
12পরেদি সে দ্বিজন মান্জে লোটরে পুযোর্ গুরিলাক, “এ শঅরত্ তর্ জামেই, পুঅ, ঝি-বা আর কনঅ কুদুম্মো আগন্ নাকি? তারা বেক্কুনোরে লোইনে এ জাগানত্তুন্ তুই নিগিলি যাহ্, 13কিত্তে এ চাগালাগান্ ভস্ত গুরি ফেলেবাত্ত্যে আমি যুক্কোল ওই আগিই। এ চাগালার্ মানুচ্চুনো বিরুদ্বে লগেপ্রভু ইধু এদক্ বেশ্ গুরি রঅ রঅ অর্ যে, তে সিয়েন্ ভস্ত গুরিবাত্তে আমারে পাদেই দিয়্যে।”
14সেক্কে লোটে বারেন্দি যেইনে যিগুনে তার জামেই অবাক্ তারারে কলঅ, “তুমি যাদিমাদি এ জাগাগান্ ছাড়ি যগোই কিত্তে লগেপ্রভু এ শঅরান্ ভস্ত গুরিবাত্তে যুক্কোল ওই আঘে।” মাত্তর্ তারা মনে গুরিলাক তে বিগিদি গরের্।
15পহ্র অনার্ পরেদি সে স্বর্গদূত্তুনে লোটরে ইজিরে দিইনে কলাক্, যাদি গর্। তর্ মোক্ আর তর্ দ্বিবে ঝি যিগুনে ইধু আগন্ তারারে লোইনে নিগিলি যাহ্। সিয়েন্ ন-গুরিলে যে সাজা-এ শঅরান উগুরে লামি এজের্ তুয়ো সে ভিদিরে পুড়িনে ভস্ত ওই যেবে।
16মাত্তর্ লোটে যেম্-যাঙর্ গরা দোজ্যে। কিত্যে লগেপ্রভুর্ দোয়্যে তা উগুরে এলঅ বিলিনে সে দ্বিজনে তারা পুরো পরিবারবোরে আদত্ ধুরি টানিনে শঅর বারেন্দি আনিলাক্। 17বেক্কুনোরে নিগিলে আনানার্ পরেদি সে দ্বিজনত্তুন্ একজনে কলঅ, “বাঁজিবার্ চেলে ধেই যঅ। পিজেন্দি ন-চেবা আর এ সংজাগানর্ কনঅ জাগাত্ ন থামেবা। মুড়ো উগুরে ধেই যঅ; সিয়েন্ ন-গুরিলে তমাত্তুনো মরা পুড়িবো।”
18সেক্কে লোটে কলঅ, “না, না। 19চঅ, তমা এ চাগর্বো উগুরে তুমি হুজি ওইয়ো, আর মঅ পরাণান্ রোক্ষ্যে গুরিনে তুমি মত্তে যিয়েন্ গুরিবার্ তাত্তুনঅ বেশ্ গোজ্য। মাত্তর্ মুই মুড়ো উগুরে ধেই যেই ন-পারিম্। তা আগেদি অয়ত এ দজাগান্ মঅ উগুরে পুড়িদো আর মুই মুরি যেদুং। 20চঅ, ধেই যেবার্ অলে উই চিগোন্ আদামান দঅ কায়-কুরে। পরাণান্ বাজেবাত্তে মরে সিদু ধেই যেবাত্তে দুয়ো। আদামান্ সেদক্ দাঙর্ নয়।”
21স্বর্গদূত্তো তারে কলঅ, “মুই তর্ এ কোজোলীগান রাগেলুং। যে আদামান কধা তুই কলে সিয়েন্ মুই ভস্ত ন-গুরিম্। 22মাত্তর্ যাদিমাদি গুরি সিদু ধেই যাহ্। তুই সিদু ন-লুমোনা সং মুই কিচ্ছু গুরি ন-পারঙর্।” লোট কধালোই আদামান নাঙান্ অলঅ সোয়র (যিয়েনর্ ভেদ্তান্ “চিগোন্”)।
সদোম আর ঘমোরা ভস্ত অনা
23লোটে যেক্কে সোয়রত্ যেইনে লুমিলো সেক্কে বেলান্ উদি যেইয়্যে। 24সে পরেদি লগেপ্রভু স্বর্গর লগেপ্রভুত্তুন্ সদোম্ আর ঘমোরা উগুরে গন্ধক আর আগুনো ঝড় আরাম্ভ গুরিলো। 25তে সে শঅর দ্বিয়েনত্, বেক্ সংজাগাগান, শঅরর্ বেক্ মানুচ্চুন্ আর সে ভুইয়ো উগুরে জোর্মেয়্যে বেক্কানি ভস্ত গুরি দিলো। 26লোট মোক্কো লোট পিজেদি ওইনে পিচ্ছো ফিরি চেলঅ, আর সেনে তে নুনোর এক্কো থুনি ওই গেলঅ।
27তার কেল্যে অব্রাহামে বেন্যেপোত্যে উদিনে সে জাগানত্ গেলঅ যিয়েনত্ গেল্ল্যে কেল্যে তে লগেপ্রভু মুজুঙোত্ এলঅ। 28তে তলেদি সদোম, ঘমোরা আর বেক্ সংজাগায়ান ইন্দি রিনি চেইনে দেগিলোদে, চুলোত্তুন্ যেধোক্ক্যেন ধূমো উদে সেধোক্ক্যেন সে চাগালাগানত্তুন ধূমো উদের্।
29এধোক্ক্যেনগুরি লোটে যিয়েনত্ বজত্তি গুরিদো গোজেনে সে সংজাগানর্ শঅরানি ভস্ত গুরিবার্ সলাবোত্ অব্রাহাম কধানি ভাবিনে লোটরে সিদুগোর দজাত্তুন্ সোরেই আনিলো।
অম্মোনীয় আর মোয়াবীয়গুনোর্ জর্ম
30সোয়বত্ থাগদে সাহস্ ন-অলঅ বিলিনে লোটে তার ঝি দ্বিবেরে নেযেইনে সিয়েনত্তুন্ নিগিলি এইনে মুড়ো-মুড়ি চাগালাত্ ধেই গেলাক। সিয়েনত্ এক্কো গাদত্ তারা থেলাক্। 31পরেদি একদিন্যে দাঙর্ ঝিবো চিগোন্ ঝিবোরে কলঅ, “বাবাদঅ বুড়ো ওই যার্। এ চাগালাত্ এধোক্ক্যেন কনঅ মরদ্ নেই যিবে এইনে সংসার সুদোম মজিম্ আমারে মোক্ ইজেবে লোই পারন্। 32আদিস্, আমি আমা বাপ্পোরে আংগুর-রস হাবেইনে মাত্তল্ গুরি তাইধু যেই। সেক্কে বাবারে দিইনে আমি আমা বংশগুন্ রোক্ষ্যে গুরি পারিবোং।”
33সে কধামজিম্ সেদিন্যে রেদোত্ তারা বাপ্পোরে আংগুর-রস হাবেইনে মাত্তল্ বানেয়োন। সে পরেদি দাঙর্ ঝিবো তা বাব লগে ঘুম্ যেবাত্তে গেলঅ, মাত্তর্ কক্কে তে ঘুমোত্ পুড়িলো আর কক্কে বা উদি গেলঅ লোটে সিয়েন্ টার্অ ন-পেলঅ। 34তার্ কেল্যে দাঙর্বো চিগোন্নোরে কলঅ, “চাহ্, কেল্যে রেদোত্ মুই বাবা লগে ঘুম্ যেয়োং। আদিচ্, এচ্চ্যে রেদোত্অ তারে সেধোক্ক্যেন গুরি মাত্তল্ গুরিই, সে পরেদি তুই যেইনে তা লগে ঘুম্ যেবেগোই। সেক্কে বাবারে দিইনে আমি আমা বংশবো রোক্ষ্যে গুরি পারিবোং।” 35এধোক্ক্যেনগুরি তারা সে রেদোত্অ তারা বাপ্পোরে আংগুর-রস হাবেইনে মাত্তল্ গুরিলাক্ আর চিগোন ঝিবো বাবঅ লগে ঘুম্ গেলঅ। ঝিবো কক্কে তা লগে ঘুমোত্ পড়ল আর কক্কে বা উদি গেলঅ তে সিয়েন্ টার্অ ন-পেলঅ। 36এধোক্ক্যেনগুরি লোটর দ্বিবে ঝি তারা বাপ্পোরে দিইনে পিদিলী অলাক্। 37পরেদি দাঙর্ ঝিবোর্ এক্কো পুয়ো অলে তে তা নাঙান্ রাগেল মোয়াব (যিয়েনর ভেদ্তান্ “বাবত্তুন্”)। এ মোয়াবেয়ই এ জাগার্ মোয়াবীয়গুনোর্ আগবাব্। 38পরেদি চিগোন ঝিবোর্অ এক্কো পুয়ো অলঅ, আর তে তা নাঙান্ রাগেল বিন্-অম্মি (যিয়েনর ভেদ্তান্ “মঅ বংশর্ পুয়ো”)। তে সিদুগোর অম্মোনীয়গুনোর আগঅ বাব্।
Copyright © 2021 Bangladesh Bible Society