Kumsada 5
5
Jorson di Set
(1 Kron 1.1-4)
1Es i lista di jorson di#Luk 3.36-38 Adon. Na dia ku Deus kumpu jinti, i kumpu elis suma el, Deus. 2I kumpu elis macu#Kap 1.27 ku femia. Na tempu ki kumpu elis, i bensua elis, i coma se nomi Adon.
3Adon vivi 130 anu, i padi un fiju ku parsil,#1 Kor 15.48 i comal Set. 4Dipus di padi Set, Adon vivi 800 anu; i padi fijus, macu ku femia. 5Tudu vida di Adon i 930 anu; dipus i muri.
6Set vivi 105 anu, i padi Enos. 7Dipus di padi Enos, Set vivi 807 anu; i padi fijus macu ku femia. 8Tudu vida di Set i 912 anu; dipus i muri.
9Enos vivi 90 anu, i padi Kenan. 10Dipus di padi Kenan, Enos vivi 815 anu; i padi fijus macu ku femia. 11Tudu vida di Enos i 905 anu; dipus i muri.
12Kenan vivi 70 anu, i padi Maalalel. 13Dipus di padi Maalalel, Kenan vivi 840 anu; i padi fijus macu ku femia. 14Tudu vida di Kenan i 910 anu; dipus i muri.
15Maalalel vivi 65 anu, i padi Jared. 16Dipus di padi Jared, Maalalel vivi 830 anu; i padi fijus macu ku femia. 17Tudu vida di Maalalel i 895 anu; dipus i muri.
18Jared vivi 162 anu, i padi Enok.
19Dipus di padi Enok, Jared vivi 800 anu; i padi fijus macu ku femia. 20Tudu vida di Jared i 962 anu; dipus i muri.
21Enok vivi 65 anu, i padi Metuselá. 22Dipus di padi Metuselá, Enok yanda ku Deus 300 anu; i padi fijus macu ku femia. 23Tudu vida di Enok i 365 anu. 24Enok#Eb 11.5; Jud 14-15 yanda ku Deus. I ka bin ojadu mas, pabia Deus lebal.
25Metuselá vivi 187 anu, i padi Lamek. 26Dipus di padi Lamek, Metuselá vivi 782 anu; i padi fijus macu ku femia. 27Tudu vida di Metuselá i 969 anu; dipus i muri.
28Lamek vivi 182 anu, i padi un fiju, 29i comal nomi di Noe,#5.29 Noe signifika diskansu. i fala: “Es na diskansanu di tarbaju pisadu ku no ta fasi ku no mon, ku kansera ku bin pabia SIÑOR maldisua con.” 30Dipus di padi Noe, Lamek vivi 595 anu; i padi fijus macu ku femia. 31Tudu vida di Lamek i 777 anu; dipus i muri.
32Noe staba na idadi di 500 anu, i padi Sen, Kan ku Jafé.
נבחרו כעת:
Kumsada 5: povB
הדגשה
שתף
העתק
רוצים לשמור את ההדגשות שלכם בכל המכשירים שלכם? הירשמו או היכנסו
© 1993-2020, Instituto de Tradução e Alfabetização