Matiu 4
4
Uluaou mutovonu Iesua
1Xe ili'i la Ulenu Laixe mulaixu Iesua no xale lia esiesi so Uluaou utovonu. 2La Iesua muxolu aso 40 xe olovoxo 40 la uno'u la'ilali uasi xo mole musolixu. 3Mukalu la anu mosou tovotovo muxali noxou la muvikalanu lexe, “Ai, loxo nini Mosinge Olu manina la navikala mo lavolavo'o uta'olu 'o uxiu uxali pileti.” 4Ia Iesua mukolinu lexe, “Vaikala noxou Mosinge uvikala aloxo 'o, 'Maulixa'a tamitema la ino'u no anu la'ilalisi uasi. Ino'u maulixa'a no anu vaikala mukalusi ane ula noxou Mosingesi.'”
5Xe mune'e la Uluaou mutelaixu no taoni noxou Mosinge e Ielusalemo la mutulusou teitexi e teitexi no latanu Mosinge Tasou. 6Xe mukalu la muvikalanu lexe, “Loxo nini Mosinge Olu la naili'e nalu'esi, xo Mosinge vaikalaou lexe, 'Mosinge upalusi'a ta'angelou so isu'ulineni. Ane'i iitineni no avo'a so tava'ine ukaka no anu lavo'o uasi.'” 7Xe Iesua muvikalanu aloxo 'ola, “Mosinge vaikalaou kalumo lexe, 'Mamu so natovonu Mosinge Anu Tatananeni.'”
8Xe ili'ila la Uluaou muno'u Iesua mutelaixu no la'olu vile teitexi e teitexi. Mukalu la mulosoiouxu xalexale lia noxi'a takingi mo tatemanu lialia mukalusi. Mumaisou lexe mulolutu mo lailaixe. 9La Uluaou muvikalanu lexe, “Loxo nini natangatuluilo mo na'itinu ualasilo, la eni alosine xalexale lia anene mukalusi.” 10La Iesua mukolinu lexe, “Uluaou, Nalai! Xo Mosinge vaikalaou lexe, 'Naitinu Mosinge anu Tatananeni ualasousi, mo nalomuxu anusisi.'”
11Ioxe, laso Uluaou muxexesou. Mukalu la ta'angelo talaixe mine'e so misu'ulinu Iesua.
Iesua musoko'u xaixai noxou ne Xalili
12Ioxe, Iesua mulomu lexe ane'i mimulaxu Tioni no lakalavusu la anu mulai no xale lia ne Xalili. 13La anu muvula ne Nasaleti mulai muxolu ne Kapeniamu. Kapeniamu ne anu uxolu no pa'umolu kupa toxoxu Xalili no liaxa'a laili noxou Sevuluni xe noxou Napitali. 14Laso no anu vote'i anene la anu muxalixu nene'axu vaikalaou Mosinge anu ane mulemolu no anaxu polopeti Aisaia aloxo 'o, 15“Liaxa'a laili noxou Sevuluni xe noxou Napitali ne muxolu alai no vote'i tatila e ulai no luaki. Anu uxolu xalevile no anu lexa Tiotani. La anene xale lia ne Xalili ane. Ane'i tamitema noale'ale tavu'alo italupexa ne. 16Ioxe, tatemanu xale lia ne ane'i a mixoxolu no isivoxosi sika mimaisou lamana tatila. Ane'i a mitalupexa no anu maimaixu soli sika lamana mutalosi'asi.”
Iesua mu'avali'a se'i so ixali tatisaipeliou
17Ioxe, no voxo anene la Iesua musoko'u so uvotovotone'i tamitema la muvikala aloxo 'o, “Ngingi ngaxiunu mo nga'isalilinoxu opongengi so susu noxinge xo voxo so Mosinge molu u'uli laxune'i tamitemaou no tualasou a mune'e alai mukalu 'oe.”
18La voxo vile Iesua mumuamua'i no pa'umolu kupa toxoxu ne Xalili. Mumuamua'i la muxalisi'a Saimoni e ilemolu lexe Pita ilou vimou Anitilu a i'oxo so isu'anu uveni no kupa ne xo anene xaixai noxi'a so ikaine'i tasinana. 19La Iesua muvikalane'i ilou lexe, “Ngingi ngolou ngane'e ngamulileli. Xo vaimomo 'o ngingi ngataxusi'a tasinana, ia eni alosoiengi so ngataxusi'a tamitema.” 20Sila alaxu vilesisi ilou mi'italonu uvenixa'a la mimulinu.
21Xe Iesua mumuamua'i musuku sevilela la mumaisi'a tamitema tamei oli'a mami'a ixolu. Vile ualasou lexe Tiemisi xe vimou ualasou lexe Tioni. Ane'i oli'a mami'a Sepeti a mixolu no poutii'a tatila so i'isalilinoxu uvenixa'a. Iesua mumaisi'a la mu'avali'a ilou. 22Sila alaxu vilesisi ilou mixexesou mami'a no anu pouti io mimulinu Iesua milai.
Iesua mulanu vaikala mo mupaipoune'i tamitema tavu'alo
23La Iesua muxixao no xale lia ne Xalili mukalusi mo loxo uxali no tuala ne'ei la ulavusou u'unalai no tasou lavuloto noxi'a so uvotovotone'i. Muvotone'i la mulanu vaikala laixesou voxo so Mosinge anu molu u'uli laxune'i tamitemaou. Xe tamitema ta'ei mitavulenu tu'utu'umaxu no vasime'a o siki iouiou mukasi'a la anu mupaipoune'isi. 24Ioxe, a'alosou muxixaousou xale lia ne Silia mukalusi. Laso mine'ene'i tamenexi'a ta'ei pipiena iouiou mukasi'a xe mitavulenu tu'umaxu xe ta'angelo tamasua mikasi'a xe ane'i ane i'olo'olo sika ilapau xe ane'i ane xixine'i musoisoli. Mine'ene'i noxou Iesua laso mupamauline'i. 25La tamitema tavu'alo e tavu'alo so Xalili xe xale lia ne Tekapolisi xe ne Ielusalemo xe ne Iutea xe no xale lia ane muxolu xalevile no lexa Tiotani a mimulimulinu Iesua.
Copyright 1999 New Tribes Mission, Sanford, FL 32771-1487
Matiu 4
4
Uluaou mutovonu Iesua
1Xe ili'i la Ulenu Laixe mulaixu Iesua no xale lia esiesi so Uluaou utovonu. 2La Iesua muxolu aso 40 xe olovoxo 40 la uno'u la'ilali uasi xo mole musolixu. 3Mukalu la anu mosou tovotovo muxali noxou la muvikalanu lexe, “Ai, loxo nini Mosinge Olu manina la navikala mo lavolavo'o uta'olu 'o uxiu uxali pileti.” 4Ia Iesua mukolinu lexe, “Vaikala noxou Mosinge uvikala aloxo 'o, 'Maulixa'a tamitema la ino'u no anu la'ilalisi uasi. Ino'u maulixa'a no anu vaikala mukalusi ane ula noxou Mosingesi.'”
5Xe mune'e la Uluaou mutelaixu no taoni noxou Mosinge e Ielusalemo la mutulusou teitexi e teitexi no latanu Mosinge Tasou. 6Xe mukalu la muvikalanu lexe, “Loxo nini Mosinge Olu la naili'e nalu'esi, xo Mosinge vaikalaou lexe, 'Mosinge upalusi'a ta'angelou so isu'ulineni. Ane'i iitineni no avo'a so tava'ine ukaka no anu lavo'o uasi.'” 7Xe Iesua muvikalanu aloxo 'ola, “Mosinge vaikalaou kalumo lexe, 'Mamu so natovonu Mosinge Anu Tatananeni.'”
8Xe ili'ila la Uluaou muno'u Iesua mutelaixu no la'olu vile teitexi e teitexi. Mukalu la mulosoiouxu xalexale lia noxi'a takingi mo tatemanu lialia mukalusi. Mumaisou lexe mulolutu mo lailaixe. 9La Uluaou muvikalanu lexe, “Loxo nini natangatuluilo mo na'itinu ualasilo, la eni alosine xalexale lia anene mukalusi.” 10La Iesua mukolinu lexe, “Uluaou, Nalai! Xo Mosinge vaikalaou lexe, 'Naitinu Mosinge anu Tatananeni ualasousi, mo nalomuxu anusisi.'”
11Ioxe, laso Uluaou muxexesou. Mukalu la ta'angelo talaixe mine'e so misu'ulinu Iesua.
Iesua musoko'u xaixai noxou ne Xalili
12Ioxe, Iesua mulomu lexe ane'i mimulaxu Tioni no lakalavusu la anu mulai no xale lia ne Xalili. 13La anu muvula ne Nasaleti mulai muxolu ne Kapeniamu. Kapeniamu ne anu uxolu no pa'umolu kupa toxoxu Xalili no liaxa'a laili noxou Sevuluni xe noxou Napitali. 14Laso no anu vote'i anene la anu muxalixu nene'axu vaikalaou Mosinge anu ane mulemolu no anaxu polopeti Aisaia aloxo 'o, 15“Liaxa'a laili noxou Sevuluni xe noxou Napitali ne muxolu alai no vote'i tatila e ulai no luaki. Anu uxolu xalevile no anu lexa Tiotani. La anene xale lia ne Xalili ane. Ane'i tamitema noale'ale tavu'alo italupexa ne. 16Ioxe, tatemanu xale lia ne ane'i a mixoxolu no isivoxosi sika mimaisou lamana tatila. Ane'i a mitalupexa no anu maimaixu soli sika lamana mutalosi'asi.”
Iesua mu'avali'a se'i so ixali tatisaipeliou
17Ioxe, no voxo anene la Iesua musoko'u so uvotovotone'i tamitema la muvikala aloxo 'o, “Ngingi ngaxiunu mo nga'isalilinoxu opongengi so susu noxinge xo voxo so Mosinge molu u'uli laxune'i tamitemaou no tualasou a mune'e alai mukalu 'oe.”
18La voxo vile Iesua mumuamua'i no pa'umolu kupa toxoxu ne Xalili. Mumuamua'i la muxalisi'a Saimoni e ilemolu lexe Pita ilou vimou Anitilu a i'oxo so isu'anu uveni no kupa ne xo anene xaixai noxi'a so ikaine'i tasinana. 19La Iesua muvikalane'i ilou lexe, “Ngingi ngolou ngane'e ngamulileli. Xo vaimomo 'o ngingi ngataxusi'a tasinana, ia eni alosoiengi so ngataxusi'a tamitema.” 20Sila alaxu vilesisi ilou mi'italonu uvenixa'a la mimulinu.
21Xe Iesua mumuamua'i musuku sevilela la mumaisi'a tamitema tamei oli'a mami'a ixolu. Vile ualasou lexe Tiemisi xe vimou ualasou lexe Tioni. Ane'i oli'a mami'a Sepeti a mixolu no poutii'a tatila so i'isalilinoxu uvenixa'a. Iesua mumaisi'a la mu'avali'a ilou. 22Sila alaxu vilesisi ilou mixexesou mami'a no anu pouti io mimulinu Iesua milai.
Iesua mulanu vaikala mo mupaipoune'i tamitema tavu'alo
23La Iesua muxixao no xale lia ne Xalili mukalusi mo loxo uxali no tuala ne'ei la ulavusou u'unalai no tasou lavuloto noxi'a so uvotovotone'i. Muvotone'i la mulanu vaikala laixesou voxo so Mosinge anu molu u'uli laxune'i tamitemaou. Xe tamitema ta'ei mitavulenu tu'utu'umaxu no vasime'a o siki iouiou mukasi'a la anu mupaipoune'isi. 24Ioxe, a'alosou muxixaousou xale lia ne Silia mukalusi. Laso mine'ene'i tamenexi'a ta'ei pipiena iouiou mukasi'a xe mitavulenu tu'umaxu xe ta'angelo tamasua mikasi'a xe ane'i ane i'olo'olo sika ilapau xe ane'i ane xixine'i musoisoli. Mine'ene'i noxou Iesua laso mupamauline'i. 25La tamitema tavu'alo e tavu'alo so Xalili xe xale lia ne Tekapolisi xe ne Ielusalemo xe ne Iutea xe no xale lia ane muxolu xalevile no lexa Tiotani a mimulimulinu Iesua.
Copyright 1999 New Tribes Mission, Sanford, FL 32771-1487