प्रतिनिधि 2
2
शुची आत्माई विश्वासी पुठ एण
1प्रभु यीशु मर कइ दुबारी जीणे सत हफ्ते पता पिन्तेकुस्त नओएं त्योहार आ, त तेस रोज से सोब विश्वासी भाई भेण यक जगाई कठे थिए। 2अजगता तेज तुफाने ईं अम्बर केआं गड़गड़ाहट भुई, त जेठि से बिशो थिए से घर पूरा भर छड़ा। 3तोउं तठि आगी लौई किछ निसु त यक यक भोई कइ तेन्हि बिचा हर जेईं पुठ बिश गे। 4त से सोब शुची आत्माई बेलि भरी गे। त जीं शुची आत्माई तेन्के धे बोलुणे ताकत दिती, तीं से होरी होरी भाषा अन्तर बोलुण लगे।
5तेन्हि त्योहारे दिनि, हर यक देश केआं यहूदी भक्त यरुशलेम शेहर अन्तर अओ थिए। 6त ईं अवाज शुण कइ तठि मेह्णु के सुआ हेल भोई गई। मेह्णु टकभक घेई गे, किस कि तेन्हि बिचा हर यक जेईं से विश्वासी अपु अपु भाषा अन्तर बोक कते शुणे। 7से सोब हैरान भोई कइ बोलुण लगे, “हेरे, ए जे बोक करण लगो असे, ए सोब मेह्णु कि गलीले ना भिन्थ ना? 8त फिर असी सोबी किस अपु अपु भाषा शुणती?” 9तठि होरे होरे देशे मेह्णु थिए, जीं कि पारथी, मेदी, एलामी, मेसोपोटामिया, यहूदिया, कप्पादूकिया, पुन्तुस त एशिया, 10फ्रूगिया, पंफूलिया, मिस्र त कुरेन शेहरे औत-कोते लीबिया देशे मेह्णु त रोम शेहरे यात्री, 11होर क्रेते टापु मेह्णु त अरब इलाके मेह्णु, मतलब यहूदी त यहूदी धरम मानणे बाड़े सोब गैर यहूदी थिए। तेन्हि अपफ बुच बोलुण लाउ, “तोउं बि अस एन्हि मेह्णु अपु अपु भाषाई अन्तर परमेश्वरे किओ बोडे बोडे कमे बारे बोक करण कीं शुणते?” 12त से सोब हैरान भोई गे त परेशान भोई कइ यक होरी जे बोलुण लगे, “ए की भुण लगो असु?” 13पर होरी मखोल कर कइ बोलु, “ए त अढावा अराखे नशे अन्तर असे।”
पतरसे भाषण
14तपल पतरस तेन्हि ग्याराह चेली जोई खड़ भुआ त जोरी जोई तेन्हि जे बोलुण लगा, “ए यहूदी भाईओ त यरुशलेम शेहरे सोबी मेह्णुओ! में बोक धिक शुणे त मोउं इसे बारे बताण दिए। 15तुस जीं सोचुण लगो असे कि अस नशे अन्तर असे, ए ठीक नेईं, किस कि होता भ्यागे नौ बजो असे। 16पर ए से बोक भो, जे योएल भविष्य वक्ते बोलो थी:
17‘परमेश्वर बोता कि अखिरि रोजी अन्तर ईं भुन्तु कि
अउं अपु आत्मा सोबी मेह्णु पुठ छता,
त तुं कुआ त तुं कुई भविष्य वाणि कते,
होर तुं जवान मेह्णु दर्शण भुन्ते,
त तुं स्याणे सुपुन हेरते।
18होर त होर, तेन्हि रोजी अउं अपु सेवक त सेविका पुठ बि
अपु आत्मा छता, त से बि भविष्य वाणि कते।
19होर अउं खड़ी अम्बर पुठ चमत्कार
त उन्न धरती पुठ होरे होरे निशाणी,
मतलब लहु, आग त तुउए बदेए हरालता;
20प्रभु एणे तेस बोडे त सुआ खास रोज केआं पेहले
दिस अन्हारु भोई घेन्तु
त जोसुण लहुए ईं भोई घेन्ति।
21होर जे कोउं प्रभु नओं नी कइ प्रार्थना कराल, से बच घेन्ता।’”#जोएल 2:28-32
22“ए इस्राएली मेह्णुओ, ध्यान जोई शुणे: नासरत ग्रां अन्तर यीशु नओएं यक मेह्णु थिआ। परमेश्वरे तेसे बेलि तुं बुछ बोडे ताकत बाड़े कम, चमत्कार, त निशाणी हराल कइ साबित किउ कि यीशु तसे कनारा अओ थिआ। एसे बारे तुस बि जाणते। 23सेईंए यीशु तुसी परमेश्वरे समझ त बड़ाओ योजनाई हेसाब जोई अधर्मी मेह्णु के हथ टोवाई छड़ा, त क्रूस पुठ ढनाई कइ मरवाई छड़ा। 24पर परमेश्वरे सेईंए मरण केआं छुड़कइ कइ दुबारी जीआ; किस कि ईं त भोईए ना बटतुथ कि से मरणे वश अन्तर रिहे। 25किस कि दाऊद राजा तसे बारे बोता,
‘अउं प्रभु हमेशा अपु समाणि हेरता रेहा,
अउं कमजोर ना भुन्ता, किस कि से में देहणा कना असा;
26इस बझई जुए में मन खुश भुआ, त अउं भजन लाण मस्त भुआ;
होर त होर, में मुकणे बाड़ी जिन्दगी परमेश्वर पुठ उम्मीद कती रेहन्ती।
27किस कि तु में प्राण पाताल अन्तर ना छता;
होर ना अपु शुचे मेह्णु शड़ण देन्ता।
28तेईं मोउं जीणे बथ हरालो असी;
तु मोउं अपु दर्शण दी कइ खुश कता।’”#छुआंरी 16:8-11
29“ए भाईओ, पुरखे दाऊदे बारे ए यकदम सच्ची बोक असी कि से मर गा त पथि बि छड़ा, होर तसे कब्र आज तकर हें इठि असी। 30से भविष्य वक्ता थिआ। होर से ई बि जाणताथ कि परमेश्वरे तसे धे सोह कर कइ जुबान दुतो असी कि ‘अउं तें वंश अन्तरा यक मेह्णु राज सिंहासन पुठ बिशाणता।’ 31इस बझई जुए तेन भुणे बाड़ी बोक पेहलाई केआं हेर कइ मसीहे दुबारी जीणे बारे भविष्य वाणि की, कि ना त परमेश्वर मसीहे प्राण पाताल छता, होर ना त तसे जिसम शड़ण देन्ता। 32एईएं यीशु परमेश्वरे दुबारी जीआ। तसे उगाह अस सोब असे। 33ईं कर कइ परमेश्वरे तसे धे अपु सुमले कना बोडी इज्जते जगाह दिती। होर पिता परमेश्वरे तसे धे से शुची आत्मा दिती, जेस देणे जुबान तेन पेहलाई दुतो थी। तेन से शुची आत्मा हें अन्तर छोओ असी, जेस तुस हेरण त शुणुण लगो असे। 34किस कि दाऊद त स्वर्ग जे ना गा; पर से अपफ बोता,
‘प्रभु परमेश्वरे में प्रभु जे बोलु,
तोउं तकर तु में देहणा कना बिश,
35जोउं तकर अउं तें दुश्माणी तें खुर पड्डे ना छइ छउं’#छुआंरी 110:1
36त अब पूरे इस्राएले मेह्णु सुसुर जाण घिए कि परमेश्वरे सेईंए यीशु, जे तुसी क्रूस पुठ ढनाई कइ मरो थिआ, प्रभु बि बणो असा त मसीह बि।”
3,000 मेह्णु मसीह पुठ विश्वास करण
37ई शुण कइ शुणणे बाड़ी के काजे आग लग गई, होर से पतरस त होरे प्रतिनिधि केआं पुछुण लगे, “ए भाईओ, असी की करुण?” 38पतरसे तेन्हि जे बोलु, “अपु अपु मन बदलीण दिए, त हर यक जेईं अपु अपु पापी के माफी लिए यीशु मसीहे नओएं बेलि पुओणि अन्तर चुसीण दिए; त तुसी परमेश्वरे वरदान, शुची आत्मा मेती। 39किस कि पिता परमेश्वरे ए जुबान, तुसी त तुं गभुर जे असी। होर तेन्हि सोबी दूरे दूरे मेह्णु जे बि असी, जेन्हि प्रभु हें परमेश्वर अपु भेएड़ भिआन्ता।” 40पतरसे होरी बि सुआ बोकी के बेलि से समझाए “अपु अपफ इस दुष्ट जमाने मेह्णु केआं बचाए।” 41त जेन्हि तसे बोके मनी, से पुओणि अन्तर चुसिए; होर तेस रोज कोई टाई हजार मेह्णु तेन्हि चेली जोई मिइ गे। 42होर प्रतिनिधि केआं शिचण, सतसंग करण#2:42 सतसंग करणे मतलब सद प्रार्थना दुआ करण नेओथ। से सोब यक होरी जुए उई मी कइ बिशतेथ त यक होरी के ख्याल रखतेथ।, साते रौठि खाण त प्रार्थना दुआ करण अन्तर मस्त भोई गे।
विश्वासी मेह्णु के जीण
43प्रतिनिधि के बेलिए सुआ चमत्कारे कम त निशाणी भुण लगी त सोब हैरान भोई गे। 44सोब विश्वास करणे बाड़े कठे बिशतेथ, होर तेन्के हर चीज हेस्सेदारी अन्तर थी।#प्रतिनिधि 4:32-35 45से अपु अपु धन संपत्ति त सामान बेचबुच कइ जीं जेसे जरूरत भुन्तीथ, बांट छतेथ। 46से रोज रोज यक सतसंग बण कइ देहेर अन्तर किठिन्तेथ, होर गी गी घेई कइ प्रभु रौठि#मत्ती 26:26-30; मरकुस 14:22-26; लूका 22:14-20 बांट चुन्ठ कइ खांतेथ त सुआ खुशी जुए त बजन केहर-बेहरी सोब साते खांते पीन्तेथ। 47होर से परमेश्वरे गुणगान कते रेहन्तेथ। सोब मेह्णु तेन्हि हेर खुश भुन्तेथ: होर रोज रोज प्रभु तेन्हि जोई होरे मेह्णु मिआन्ताथ, जे मसीह पुठ विश्वास कर कइ बच घेन्तेथ।
נבחרו כעת:
प्रतिनिधि 2: pgg
הדגשה
שתף
העתק
רוצים לשמור את ההדגשות שלכם בכל המכשירים שלכם? הירשמו או היכנסו
© 2023 (Active) Wycliffe Bible Translators, Inc. All rights reserved.
प्रतिनिधि 2
2
शुची आत्माई विश्वासी पुठ एण
1प्रभु यीशु मर कइ दुबारी जीणे सत हफ्ते पता पिन्तेकुस्त नओएं त्योहार आ, त तेस रोज से सोब विश्वासी भाई भेण यक जगाई कठे थिए। 2अजगता तेज तुफाने ईं अम्बर केआं गड़गड़ाहट भुई, त जेठि से बिशो थिए से घर पूरा भर छड़ा। 3तोउं तठि आगी लौई किछ निसु त यक यक भोई कइ तेन्हि बिचा हर जेईं पुठ बिश गे। 4त से सोब शुची आत्माई बेलि भरी गे। त जीं शुची आत्माई तेन्के धे बोलुणे ताकत दिती, तीं से होरी होरी भाषा अन्तर बोलुण लगे।
5तेन्हि त्योहारे दिनि, हर यक देश केआं यहूदी भक्त यरुशलेम शेहर अन्तर अओ थिए। 6त ईं अवाज शुण कइ तठि मेह्णु के सुआ हेल भोई गई। मेह्णु टकभक घेई गे, किस कि तेन्हि बिचा हर यक जेईं से विश्वासी अपु अपु भाषा अन्तर बोक कते शुणे। 7से सोब हैरान भोई कइ बोलुण लगे, “हेरे, ए जे बोक करण लगो असे, ए सोब मेह्णु कि गलीले ना भिन्थ ना? 8त फिर असी सोबी किस अपु अपु भाषा शुणती?” 9तठि होरे होरे देशे मेह्णु थिए, जीं कि पारथी, मेदी, एलामी, मेसोपोटामिया, यहूदिया, कप्पादूकिया, पुन्तुस त एशिया, 10फ्रूगिया, पंफूलिया, मिस्र त कुरेन शेहरे औत-कोते लीबिया देशे मेह्णु त रोम शेहरे यात्री, 11होर क्रेते टापु मेह्णु त अरब इलाके मेह्णु, मतलब यहूदी त यहूदी धरम मानणे बाड़े सोब गैर यहूदी थिए। तेन्हि अपफ बुच बोलुण लाउ, “तोउं बि अस एन्हि मेह्णु अपु अपु भाषाई अन्तर परमेश्वरे किओ बोडे बोडे कमे बारे बोक करण कीं शुणते?” 12त से सोब हैरान भोई गे त परेशान भोई कइ यक होरी जे बोलुण लगे, “ए की भुण लगो असु?” 13पर होरी मखोल कर कइ बोलु, “ए त अढावा अराखे नशे अन्तर असे।”
पतरसे भाषण
14तपल पतरस तेन्हि ग्याराह चेली जोई खड़ भुआ त जोरी जोई तेन्हि जे बोलुण लगा, “ए यहूदी भाईओ त यरुशलेम शेहरे सोबी मेह्णुओ! में बोक धिक शुणे त मोउं इसे बारे बताण दिए। 15तुस जीं सोचुण लगो असे कि अस नशे अन्तर असे, ए ठीक नेईं, किस कि होता भ्यागे नौ बजो असे। 16पर ए से बोक भो, जे योएल भविष्य वक्ते बोलो थी:
17‘परमेश्वर बोता कि अखिरि रोजी अन्तर ईं भुन्तु कि
अउं अपु आत्मा सोबी मेह्णु पुठ छता,
त तुं कुआ त तुं कुई भविष्य वाणि कते,
होर तुं जवान मेह्णु दर्शण भुन्ते,
त तुं स्याणे सुपुन हेरते।
18होर त होर, तेन्हि रोजी अउं अपु सेवक त सेविका पुठ बि
अपु आत्मा छता, त से बि भविष्य वाणि कते।
19होर अउं खड़ी अम्बर पुठ चमत्कार
त उन्न धरती पुठ होरे होरे निशाणी,
मतलब लहु, आग त तुउए बदेए हरालता;
20प्रभु एणे तेस बोडे त सुआ खास रोज केआं पेहले
दिस अन्हारु भोई घेन्तु
त जोसुण लहुए ईं भोई घेन्ति।
21होर जे कोउं प्रभु नओं नी कइ प्रार्थना कराल, से बच घेन्ता।’”#जोएल 2:28-32
22“ए इस्राएली मेह्णुओ, ध्यान जोई शुणे: नासरत ग्रां अन्तर यीशु नओएं यक मेह्णु थिआ। परमेश्वरे तेसे बेलि तुं बुछ बोडे ताकत बाड़े कम, चमत्कार, त निशाणी हराल कइ साबित किउ कि यीशु तसे कनारा अओ थिआ। एसे बारे तुस बि जाणते। 23सेईंए यीशु तुसी परमेश्वरे समझ त बड़ाओ योजनाई हेसाब जोई अधर्मी मेह्णु के हथ टोवाई छड़ा, त क्रूस पुठ ढनाई कइ मरवाई छड़ा। 24पर परमेश्वरे सेईंए मरण केआं छुड़कइ कइ दुबारी जीआ; किस कि ईं त भोईए ना बटतुथ कि से मरणे वश अन्तर रिहे। 25किस कि दाऊद राजा तसे बारे बोता,
‘अउं प्रभु हमेशा अपु समाणि हेरता रेहा,
अउं कमजोर ना भुन्ता, किस कि से में देहणा कना असा;
26इस बझई जुए में मन खुश भुआ, त अउं भजन लाण मस्त भुआ;
होर त होर, में मुकणे बाड़ी जिन्दगी परमेश्वर पुठ उम्मीद कती रेहन्ती।
27किस कि तु में प्राण पाताल अन्तर ना छता;
होर ना अपु शुचे मेह्णु शड़ण देन्ता।
28तेईं मोउं जीणे बथ हरालो असी;
तु मोउं अपु दर्शण दी कइ खुश कता।’”#छुआंरी 16:8-11
29“ए भाईओ, पुरखे दाऊदे बारे ए यकदम सच्ची बोक असी कि से मर गा त पथि बि छड़ा, होर तसे कब्र आज तकर हें इठि असी। 30से भविष्य वक्ता थिआ। होर से ई बि जाणताथ कि परमेश्वरे तसे धे सोह कर कइ जुबान दुतो असी कि ‘अउं तें वंश अन्तरा यक मेह्णु राज सिंहासन पुठ बिशाणता।’ 31इस बझई जुए तेन भुणे बाड़ी बोक पेहलाई केआं हेर कइ मसीहे दुबारी जीणे बारे भविष्य वाणि की, कि ना त परमेश्वर मसीहे प्राण पाताल छता, होर ना त तसे जिसम शड़ण देन्ता। 32एईएं यीशु परमेश्वरे दुबारी जीआ। तसे उगाह अस सोब असे। 33ईं कर कइ परमेश्वरे तसे धे अपु सुमले कना बोडी इज्जते जगाह दिती। होर पिता परमेश्वरे तसे धे से शुची आत्मा दिती, जेस देणे जुबान तेन पेहलाई दुतो थी। तेन से शुची आत्मा हें अन्तर छोओ असी, जेस तुस हेरण त शुणुण लगो असे। 34किस कि दाऊद त स्वर्ग जे ना गा; पर से अपफ बोता,
‘प्रभु परमेश्वरे में प्रभु जे बोलु,
तोउं तकर तु में देहणा कना बिश,
35जोउं तकर अउं तें दुश्माणी तें खुर पड्डे ना छइ छउं’#छुआंरी 110:1
36त अब पूरे इस्राएले मेह्णु सुसुर जाण घिए कि परमेश्वरे सेईंए यीशु, जे तुसी क्रूस पुठ ढनाई कइ मरो थिआ, प्रभु बि बणो असा त मसीह बि।”
3,000 मेह्णु मसीह पुठ विश्वास करण
37ई शुण कइ शुणणे बाड़ी के काजे आग लग गई, होर से पतरस त होरे प्रतिनिधि केआं पुछुण लगे, “ए भाईओ, असी की करुण?” 38पतरसे तेन्हि जे बोलु, “अपु अपु मन बदलीण दिए, त हर यक जेईं अपु अपु पापी के माफी लिए यीशु मसीहे नओएं बेलि पुओणि अन्तर चुसीण दिए; त तुसी परमेश्वरे वरदान, शुची आत्मा मेती। 39किस कि पिता परमेश्वरे ए जुबान, तुसी त तुं गभुर जे असी। होर तेन्हि सोबी दूरे दूरे मेह्णु जे बि असी, जेन्हि प्रभु हें परमेश्वर अपु भेएड़ भिआन्ता।” 40पतरसे होरी बि सुआ बोकी के बेलि से समझाए “अपु अपफ इस दुष्ट जमाने मेह्णु केआं बचाए।” 41त जेन्हि तसे बोके मनी, से पुओणि अन्तर चुसिए; होर तेस रोज कोई टाई हजार मेह्णु तेन्हि चेली जोई मिइ गे। 42होर प्रतिनिधि केआं शिचण, सतसंग करण#2:42 सतसंग करणे मतलब सद प्रार्थना दुआ करण नेओथ। से सोब यक होरी जुए उई मी कइ बिशतेथ त यक होरी के ख्याल रखतेथ।, साते रौठि खाण त प्रार्थना दुआ करण अन्तर मस्त भोई गे।
विश्वासी मेह्णु के जीण
43प्रतिनिधि के बेलिए सुआ चमत्कारे कम त निशाणी भुण लगी त सोब हैरान भोई गे। 44सोब विश्वास करणे बाड़े कठे बिशतेथ, होर तेन्के हर चीज हेस्सेदारी अन्तर थी।#प्रतिनिधि 4:32-35 45से अपु अपु धन संपत्ति त सामान बेचबुच कइ जीं जेसे जरूरत भुन्तीथ, बांट छतेथ। 46से रोज रोज यक सतसंग बण कइ देहेर अन्तर किठिन्तेथ, होर गी गी घेई कइ प्रभु रौठि#मत्ती 26:26-30; मरकुस 14:22-26; लूका 22:14-20 बांट चुन्ठ कइ खांतेथ त सुआ खुशी जुए त बजन केहर-बेहरी सोब साते खांते पीन्तेथ। 47होर से परमेश्वरे गुणगान कते रेहन्तेथ। सोब मेह्णु तेन्हि हेर खुश भुन्तेथ: होर रोज रोज प्रभु तेन्हि जोई होरे मेह्णु मिआन्ताथ, जे मसीह पुठ विश्वास कर कइ बच घेन्तेथ।
© 2023 (Active) Wycliffe Bible Translators, Inc. All rights reserved.