Lɔgɔ Sabba 3
3
Lɔga Ɛddɛanɛa :Hiriyɔ Lɔgɔ
1Na bhɛa kɛginyaa bere ghendono ꞉Komoruyɔ Tumu kumulɔng, kono nɔng dha bere a ghurghuri. Na kali kona koo ghinu tɛri na sɛɛsɛ, “Ngangaye, Tumu se kèe ngakɛnda ɛl darɔye kumulɔng ngaammo?”
2Na tɛri yagɛsɛ na sɛɛsɛ, “Tumu bɔɔ sennagiy, ‘Ngakɛnda ɛl darɔye kawarɛ usigiyɛ 3Na nɔng ngakɛta i darɔ kɛrghɛnɔye ngaammo. Hunde chɔɔ idharroye, rɛssoyɔ.’”
4Na nɔng kono sɛɛsɛ, “Ngarɛssoo dhul. 5Nɔng se ngausigi ngakɛta kawarɛ na kawara gu koyɛ na ngɛrɛ lɔga challa ko ga gɛrsa hunde nɛnde na tɛhɛyɛ ko nɔng.”
6Na tɛri hunaa jɔana kɛyɔ kawarɛ bhɔlbhɔldin, ko bhɛa anda kàmmɛa na kàggayɛa bhoye, dhuya na ussu. Na koo aynɛ hira nɛnɛ na ko nɔng ussu. 7Na rammane kawarɛ oyɛ na taga bhɛa ɛlɛa ngaulo. Na ibhta bhalloga bhogoniyony na arakudhana na bhildɛ rɛhi.
8Na hunaa senno bho kabarte, shigi Komoru Tumu hunde wo darɔye, na maga ba kɔshiyɔ. 9Na nɔng Komoru Tumu eliu hiri na sɛɛsɛ, “Ngahirrae! Ihi ori?”
10Na hiri sɛɛsɛ, “Wa kishigenyɔ jagari hunde wo darɔye na kɛtɛngɛrinyɔ na kullugunyɛu ke ngaya kihɛ ngauloye.”
11Na sɛɛsɛ ꞉Tumu, “Bhee woɛ ngauloye yokkoginy :noy? Wa ussu kɛya bɔɔ kaganyɛinyi?”
12Na hiri sɛɛsɛ, “Wa dhuyaa ꞉ngatɛrita bere ajjany :inyo na kɛ̀tɛldo kariye na aanyɔ na kussa.”
13Na Komoru Tumu ghinu tɛri na sɛɛsɛ, “Ngalɔkta wa mesiye aggee kunɛnɛng?” Na nɔng seu, “Wa tabhaganyɔ ꞉kono na kussa.”
Lɔga Attiya :Tumu
14Na nɔng Komoru Tumu sɛɛsɛ kono, “Ngaya mesɛ ngangaye, inye mɛa ale kɛnginyan bhɛa kɛginyaa dusuny ko bhɛa ahaa kìwoo ko bhɛa ahaa ɛlla bay ngaya kumulɔng na ani chɔrnɛ. Na silolnɛn bay bay na oynya kumulɔng ami ba. 15Na inye ko ngatɛrita ale annɛno mirɔkɔn. Na ko nɔng ashaya nunu ko na nɛnɛ ale annɛ mirɔkɔn. Na nɔng ale rɔnyiny sabbaa nunu. Na inye ale ngɛti tiinyoya nɛnɛ.
16Na koo sɛɛsɛ tɛri, “Ngaya mesɛ ngangaye, mɛa inye kajjiny shura. Na hunde ale lɔmman eriye, kala hudhuginɛnɛi, ale chɔllanɛn goore. Na ko hunde kete nganga, nɔng inye ale ngani hini hira nunu chi, na hira nunu ale allinɛnɛiny inye.”
17Na koo sɛɛsɛ hiri,
“Ngaya shigɛ lɔga yokkoginyi :tɛriya nunu na ammɛ kɛya bɔɔ keni ngaamiye, mɛa ba any kete chɔrnɛ. Na amissɛa ami oynya kari ale messo yira nunu.
18Na mɛa ba ale chillanɛ :birinnu ko :kazoku na inye ale ami kɛnɔ kawarɛ.
19Na amissɛa ami, ale kachan dheriya nunu ko bhee rɛsɛ na wogɛ na anɛ ba ke ngaya bere kèghendonɛiny baye. Nɔng inye ani ba, na ale wogi na ani ba.”
20Na Adam tɔgɔdhɛsɛ tɛriya nɛnɛ sarre kèe Ngahɛwan#3.20 Tuga Hibiru “hɛwan” a bhɛa kèsenɛa “bassey.” ke ngaya anɛ mama zugony kumulɔngge.
21Na Komoru Tumu ngɔnya sayo ramman na aynɛ Adam ko Ngahɛwan na maluguyɛ. 22Na seu, “Nɔng mɛa Adam dhaa tagu bhɛa ngɛrɛa lɔga challa ko ga gɛrsa hunde naye. Na mɛa ga kàtaganydɛ bhɛa kɔyɛa na dhushshanɛa kɛya basseyny kawarɛ na ammɛa na ihɛa basseyɔ dhul.” 23Na Komoru Tumu taganyɛ Adam dara bo challa iho Ɛdɛnɔ na chugu na kok na kɔɔs baa bere kèghendonɛa nɔng. 24Na hunaa chukka na tewa ushaye, koo ibha zuga ekko ꞉nɛa bo ɔnnɛna kèleo Kurubel ko mashaa bo bhadhdha na bhɔdhinɛna til til huna talanguny, na ojju dara iho Ɛdɛnɔ gɔra yaluny na kɛbhɛgɛ ganggua kɔa bhɛa ihɛa kɛya ajjiy bassey.
נבחרו כעת:
Lɔgɔ Sabba 3: SUQ
הדגשה
שתף
העתק
רוצים לשמור את ההדגשות שלכם בכל המכשירים שלכם? הירשמו או היכנסו
©2023 Suri Translation Project which is a project of the Ethiopian Evangelical Church Mekane Yesus
Lɔgɔ Sabba 3
3
Lɔga Ɛddɛanɛa :Hiriyɔ Lɔgɔ
1Na bhɛa kɛginyaa bere ghendono ꞉Komoruyɔ Tumu kumulɔng, kono nɔng dha bere a ghurghuri. Na kali kona koo ghinu tɛri na sɛɛsɛ, “Ngangaye, Tumu se kèe ngakɛnda ɛl darɔye kumulɔng ngaammo?”
2Na tɛri yagɛsɛ na sɛɛsɛ, “Tumu bɔɔ sennagiy, ‘Ngakɛnda ɛl darɔye kawarɛ usigiyɛ 3Na nɔng ngakɛta i darɔ kɛrghɛnɔye ngaammo. Hunde chɔɔ idharroye, rɛssoyɔ.’”
4Na nɔng kono sɛɛsɛ, “Ngarɛssoo dhul. 5Nɔng se ngausigi ngakɛta kawarɛ na kawara gu koyɛ na ngɛrɛ lɔga challa ko ga gɛrsa hunde nɛnde na tɛhɛyɛ ko nɔng.”
6Na tɛri hunaa jɔana kɛyɔ kawarɛ bhɔlbhɔldin, ko bhɛa anda kàmmɛa na kàggayɛa bhoye, dhuya na ussu. Na koo aynɛ hira nɛnɛ na ko nɔng ussu. 7Na rammane kawarɛ oyɛ na taga bhɛa ɛlɛa ngaulo. Na ibhta bhalloga bhogoniyony na arakudhana na bhildɛ rɛhi.
8Na hunaa senno bho kabarte, shigi Komoru Tumu hunde wo darɔye, na maga ba kɔshiyɔ. 9Na nɔng Komoru Tumu eliu hiri na sɛɛsɛ, “Ngahirrae! Ihi ori?”
10Na hiri sɛɛsɛ, “Wa kishigenyɔ jagari hunde wo darɔye na kɛtɛngɛrinyɔ na kullugunyɛu ke ngaya kihɛ ngauloye.”
11Na sɛɛsɛ ꞉Tumu, “Bhee woɛ ngauloye yokkoginy :noy? Wa ussu kɛya bɔɔ kaganyɛinyi?”
12Na hiri sɛɛsɛ, “Wa dhuyaa ꞉ngatɛrita bere ajjany :inyo na kɛ̀tɛldo kariye na aanyɔ na kussa.”
13Na Komoru Tumu ghinu tɛri na sɛɛsɛ, “Ngalɔkta wa mesiye aggee kunɛnɛng?” Na nɔng seu, “Wa tabhaganyɔ ꞉kono na kussa.”
Lɔga Attiya :Tumu
14Na nɔng Komoru Tumu sɛɛsɛ kono, “Ngaya mesɛ ngangaye, inye mɛa ale kɛnginyan bhɛa kɛginyaa dusuny ko bhɛa ahaa kìwoo ko bhɛa ahaa ɛlla bay ngaya kumulɔng na ani chɔrnɛ. Na silolnɛn bay bay na oynya kumulɔng ami ba. 15Na inye ko ngatɛrita ale annɛno mirɔkɔn. Na ko nɔng ashaya nunu ko na nɛnɛ ale annɛ mirɔkɔn. Na nɔng ale rɔnyiny sabbaa nunu. Na inye ale ngɛti tiinyoya nɛnɛ.
16Na koo sɛɛsɛ tɛri, “Ngaya mesɛ ngangaye, mɛa inye kajjiny shura. Na hunde ale lɔmman eriye, kala hudhuginɛnɛi, ale chɔllanɛn goore. Na ko hunde kete nganga, nɔng inye ale ngani hini hira nunu chi, na hira nunu ale allinɛnɛiny inye.”
17Na koo sɛɛsɛ hiri,
“Ngaya shigɛ lɔga yokkoginyi :tɛriya nunu na ammɛ kɛya bɔɔ keni ngaamiye, mɛa ba any kete chɔrnɛ. Na amissɛa ami oynya kari ale messo yira nunu.
18Na mɛa ba ale chillanɛ :birinnu ko :kazoku na inye ale ami kɛnɔ kawarɛ.
19Na amissɛa ami, ale kachan dheriya nunu ko bhee rɛsɛ na wogɛ na anɛ ba ke ngaya bere kèghendonɛiny baye. Nɔng inye ani ba, na ale wogi na ani ba.”
20Na Adam tɔgɔdhɛsɛ tɛriya nɛnɛ sarre kèe Ngahɛwan#3.20 Tuga Hibiru “hɛwan” a bhɛa kèsenɛa “bassey.” ke ngaya anɛ mama zugony kumulɔngge.
21Na Komoru Tumu ngɔnya sayo ramman na aynɛ Adam ko Ngahɛwan na maluguyɛ. 22Na seu, “Nɔng mɛa Adam dhaa tagu bhɛa ngɛrɛa lɔga challa ko ga gɛrsa hunde naye. Na mɛa ga kàtaganydɛ bhɛa kɔyɛa na dhushshanɛa kɛya basseyny kawarɛ na ammɛa na ihɛa basseyɔ dhul.” 23Na Komoru Tumu taganyɛ Adam dara bo challa iho Ɛdɛnɔ na chugu na kok na kɔɔs baa bere kèghendonɛa nɔng. 24Na hunaa chukka na tewa ushaye, koo ibha zuga ekko ꞉nɛa bo ɔnnɛna kèleo Kurubel ko mashaa bo bhadhdha na bhɔdhinɛna til til huna talanguny, na ojju dara iho Ɛdɛnɔ gɔra yaluny na kɛbhɛgɛ ganggua kɔa bhɛa ihɛa kɛya ajjiy bassey.
©2023 Suri Translation Project which is a project of the Ethiopian Evangelical Church Mekane Yesus