Yohanes 4
4
Yesus hwa Samaria menda iperen wene mbanggugwa wene
1Yesus en At eyaganggom wisane erogo wonggabisiluk, ima wombabugu, eke, Yohanes andi, at eyaganggom horok mberenat wonggabisiluk, ima wombabugu, ogagwi ako, it ap Varisi menda enaruk hunggugwa. 2(Anderogo hunggugwa ako andi, At Yesus en avakwa ima wombabugu lagetek ovara, At ane welagwi menda en adigat ima wombabugusigik, yugwi ako enaruk hunggugwa.) 3Enaruk hunggugwa ako At Yesus ilup agya lagagirik, At o Propinsi Yudea hekbaluk, o Propinsi Galilea lagagi.
4Lagya dugwit, sup hunogoma lagetek. Ata, sup o Propinsi Samaria vaga-at laup agya lagagimu, lagagi. 5Lagya dugwit, o Samaria kota ambi inis Sikat-at ari lagagi. (O kota Sikat ako, wen ap Yakup en o endak at abut Yusup wogogogi ako #4:5: Wen andi, o endak at Yakup en ap Hamor aburi enadema hunggu lagagirik, hivis at abut Yusup wogogogi. Kejadian 33:19, 48:22, Yosua 24:32, yokhanes. horogat agarik. 6Is avakwa nunggu dogomenda ap Yakup en wen bavunggigirikmu o andenam welagagi.) At Yesus o andenam lagya dugwit, mo il dingga jam 12 agya hegek, anye dek agya lagagimu, is nudisagwima andenam-at hora yi lagagi.
7-8Andenam werekma, At Yesus ane welagwi menda ako erom onggo hunuguluk, o kota akoma nunggugusigik, At adigat werekma, hwa Samaria menda ambi is nokhedagiluk, wagagi. Wagya lagagimu, Yesus en at yugugu dugwit, “Ai hwa yi, is an ambi nokniru”
9Yugugu lagagimu, hwa Samaria menda en At yugugu dugwit, “A! Hat ap Yakuri menda, eke, an hwa Samaria menda atma, is nggarogo adik nokhirik?” yiluk, yugogogi. (Anderogo yugogogi ako andi, avakwa Yakuri menda inim, avakwa Samaria menda inim, is owak ambiat vaga nelagwidek atma yiluk, yugogogi.)
10Yugugu lagagimu, At Yesus en at yugugu dugwit, “Ala en onggodek we un wokhirup menda inim, eke, An ap yien, ‘Is nokniru o,’ yukhigis ako neyave inim, hat hilup enda, ‘Is avakwa iniluk oginivisiga menda ambi wokniru o,’ yiluk, nggino yukniklinmu en, An is iniluk oginivisiga menda-at wokhikli.”
11Yugugu lagagimu, hwa akoen, “Nasin o. Is yanggadek wenamen yagavum erogo agarik, eke, Hat hagas owak dek atma, is avakwa iniluk oginivisiga menda andi, nggoma en noknirup yiluk yuknigin? 12Is nokhidugu dogopwak yiluk nenasin Yakup#4:12: Ap Yakup ako, it avakwa Yakuri menda inim, avakwa Samaria menda inim, ovok erogo enombao welagagi. en wen bavulogo bininggigi yi, at inim, at aburi inim, at anggom inim, nunggu lagagwa ovara, at andi maduk, eke, Hat ombok atma yiluk yegen yi?”
13Yugugu lagagimu, At Yesus en, “It avakwa is yi menda nelagwi halok andi, hivis uvup oginivisogon ovara, 14is Anen wogeraliga yi nungguselok andi, hivis uvup oginivisogon mondok dek o. Is Anen wogeraliga yi ako, iliris hudu-hudup wulu wandiga hak enendawima en hudu-hudup wulu wagya dugwit, mondok-mondok iniluk oginipu dogosogon o.”
15Yugugu lagagimu, hwa akoen, “Ai, Nasin. Is andi menda wokniru! Woknugu heyalok, an is uvup oknitya, eke, yoma nokheda wagya, ogagya dogosogonbuk o.”
16Yugugu lagagimu, Yesus en at yugugu dugwit, “Hagun yuguri lagya dogomindik, hiperen omano.”
17Yugugu lagagimu, at hwa akoen, “An Nagun dek.”
Yugugu lagagimu, At Yesus en, “Hat hagun dek yuknigin andi, avyarat yuknigin ovara, 18hat haguni 5 hudi wogonipigin ako An nilup. Eke, yogak ap ambi hat hinim agarik andi ovara, at andi hat hagun dek atma, yuknigin andi avyarat yuknigin.”
19Yugugu lagagimu, hwa akoen, “Ai, Nasin! Hat andi, avyarat navi Ala ane yugeraliga menda heyagi o. 20Nit nenasini ogo ndom yi vaga Ala inis siyabagu lagagwa ovara, hit Yakuri menda en, ‘O Yerusalem adigat Ala inis siyabagu dogop,’ yagalagwi o.”
21Yugugu lagagimu, At Yesus en, “Hwa yi wai! Ndom yi vaga inim, o Yerusalem inim, adigat Nenasin inis siyabagu dogop dek arup horok ari wasogon, avyarat imbita dogwen. 22Hit ap Samaria menda At eyave hinunggut dugwit, At inis siyabelagwi. Ovara, At nenagap wendarisiga menda nit ap Yakuri nenanggelekma en mendek yisogon atma, nit inis siyabelagwi ako andi, ninilup dugwit, siyabelagwi o. 23Nit anderogo Ala inis siyabelagwi ovara, hivis it avakwa Ala inis siyabagu dugwit, adik hunogo ovagak At inis siyabagu dogosogom. Andi, it avakwa en Nenasin avyarat inis siyabelagwi menda andi, At Ala Averiniki enendawima dugwit, avyarat wene Ala avok yugirigya hegek inis siyabagu dogosogom. Anderogo ogarup hudi hivis ovara, yogak ogo, vage horok ari waga o. At Nenasin Ala en, it avakwa anderogoat An ninis siyabanunggu dogopwak, ombasiga. 24Ala andi, Averiniki avakwa inil helagudek menda atma, it avakwa At inis siyabagu dogop ombasagwi ako, At Ala Averiniki enendawima dugwit, avyarat wene Ala avok yugirigya hegek, inis siyabagu dogopwak o,” yiluk, yugogogi.
25Yugugu lagagimu, at hwa akoen, “At Ala en denogo mondok okbagagi inis Keretus yagalagwi ako, warisogon andi an nilup aro. At wagya dogomindik, yi wene ndi wene ovok erogo mbilinogo yuknirigya dogosogon.”
26Yugugu lagagimu, At Yesus en, “Hat ap inis yagaliga andi, hat niperen nenane yagalagwi yi, An aro,” yiluk, yugogogi.
27Yuguguma, Yesus ane welagwi menda ako wagagwa. Wagu lagagwarik, At Yesus hwa iperen enane yugwi enugu lagagwarik, enut enden yagagwa ovara, “Hat hwa yi nggarogo yiluk wagen?” yugigitek, eke, “Hwa yi, hiperen nggarogo yiluk henane yagalagwi?” yiluk, Yesus ako yugigitek-at welagagwa.
28Yugigitek inigik, hwa akoen agas owak hekbaluk, amwa o kota akoma lagya lagagirik, avakwa yugeregek lagya dugwit, 29“An yi ogagek ndi ogagek ogagya lagagis ako At ovok vagalogo yuknigas ap ako bikha lasogomen omanes. Ala en denogo mondok okbagagi Keretus ako andi, ara?” 30Yugirigya lagagimu, enamwa o kota en wulu wagu lagagwarik, Yesus adema wagagwa.
31It kota menda ako ao wagusigik, At Yesus ane welagwi menda en Yesus yugugu dugwit, “Ngguru wai! Erom yi namin.”
32Yugogogwa ovara At Yesus en, “An nagarom andi, hit hinunggut menda naliga.”
33Yugirigya lagagimu, At ane welagwi menda ir-it wene mbanggu dugwit, “At naup erom ambi wogori wagao ai?”
34Yugu lagagwama, At Yesus en, “At lakbani wagagi en, An ogarup ombasiga ako, An ogagya dugwit, atok weralogo ogarup ako andi, An nagarom aro. 35Hiren yugu dugwit, ‘Saut 4 okbaluk, enggen yugup sok agya halok, mbalusogom o,’ yagalagwi akora? Anderogoat yagalagwi ovara, Anen yogak-at yavup yagoma hinil bikhavovok yiluk, yukheraliga. Eyave enggen vage sok agarikmu, vage mbalup-at aga. 36Ap ambi awi yatya, ambi enggen yugup mbanggya, ogasagwi ako ndatak iperen enendawi adenggen ombarupwak yiluk, at enggen mbalisiga ako onggo hedaliga. Eke, onggo hedaliga andi, it avakwa mondok-mondok iniluk dogopwak yiluk enggen yugup mbalek hak wonggalogo baliga ako aro. 37Avakwa en yugu dugwit, ‘Ap ambi awi yatya, eke, ap ambi enggen yugup ako mbanggya, ogasagwi o,’ yiluk, yagalagwi wene ako andi avyarat. 38Anen it nin yavup ogagarwikmu enggen yugup wisane ovok sok agarikmu mbalovovok yiluk lakbigigaliga. Ap nin yavup wisane yagagwarikmu andoma-at lakbigis atma, it ogagagwa vaga hit enggen yugup mbalisagwi o,” yiluk, yugeragagi.
39Eke, at hwa akoen, amwa o kota akoma lagya lagagirik, avakwa yugeregek lagya dugwit, “An yi ogagek ndi ogagek ogagya lagagis ovok erogo ap andien navok vagalogo yuknigas,” yiluk, yugeregek lagagi. Anderogo yugeregek lagya lagagimu, o kota andoma avakwa Samaria menda wisane enendawi Yesus ovaga vanggabaluk, avyarat umbutugwa. 40It avakwa Samaria menda en enendawi Yesus ovaga vanggabaluk, avyarat umbutu dugwit, Yesus adema wagu lagagwarik, “Ninim dogosogom o,” yiluk, yugogogwa. Yugugu lagagwama, At Yesus ndugwis mberen inim welagagi. 41Inim dugwit, wene yugeragagi vaga avakwa nin wisane enendawi At ovaga vanggabaluk, avyarat umbutugwa.
42Avyarat umbutu lagagwarik, iren hwa ako yugugu dugwit, “Yogak nit nenendawi At ovaga vanggabaluk avyarat ombasagwi ako, hat yukneregen andi vaga adigat dek. Ata, niren At ane nenaruk hunggu lagurik, ap yi avakwa wema menda enagap wendarisiga menda avyarat ninilup agyo. Andi vaga nenendawi At ovaga vanggabaluk, avyarat ombasagwi o,” yiluk, yugogogwa.
Ap pemerintah menda pegawai abut sek ogagagi wene
(Matius 8:5-13; Lukas 7:1-10)
43At Yesus ndugwis mberen andoma inim welagagirik, andoma en o Galilea-at lagagi. 44Yesus en o endak, “It ap navi-navi ako, enawi adem vaga enawene yuguruguselok, enagayuk wurogo enane welagwidek o,” yiluk, Yesus enat yagagi ovara, 45it ap Galilea menda Yesus ako o Galilea nunggwigya lagagimu, hai warogo wagagwa. It ap Galilea menda o Yerusalem isogo Vasika isagusim wambu wagu lagagwarik, akoma dugwit, Yesus isogo Vasika isagusim ogarit lagya ako ovok inil hugu lagagwarik, Yesus ako o Galilea nunggwigya lagagimu, hai warogo wagagwa.
46Hai warogo wugu lagagwama, At Yesus o Galilea kota Hana endak is ovara, anggur agas ogagagirikmu akoma-at lagagi. Lagagirik werekma, ap pegawai pemerintah menda ambi abut ova o Kapernaum aup warek welagagi. 47Abut ako aup warek werekma, ap ako Yesus o Yudea en o Galilea wagagi hunggu lagagirik, Yesus adema wambu wagya lagagirik, at abut idup mondok hambup-at agya lagagimu, Yesus en sek ogari lapwak yiluk, yugogogi.
48Yugugu lagagimu, Yesus en at yugugu dugwit, “Hit andi, anen nggarogo ogarubuk menda iya erogo ogagya neyalok, adigat An avyarat nombasagwi andi weyak. Ata, Anen nggarogo ogarubuk menda iya erogo ogagetek neyalok, henendawi novaga vanggabaluk, avyarat nombarup halok andi sek aro.”
49Yugirigya lagagimu, at ap pegawai akoen, “Ai, Nasin! Nabut ao hambegetek hegek sek okbanok yiluk, hodorogo lasogom.”
50Yugugu lagagimu, Yesus en at yugugu dugwit, “Habut sek arisogon atma, hamwa elak,” yiluk, yugogogi.
Yugugu lagagimu, ap akoen Yesus wene yugogogi ako avyarat imbita lagagirik, lagagi. 51Ao suvaga lagyama, at ayelomani yugiri wagu lagagwarik, inim avuk agu dugwit, “Habut ako vage sek aga o,” yiluk, yugogogwa.
52Yugugu lagagwama, aren, “Mo il ngga vaga sek aga?” yugirigya lagagimu, iren, “At agap idup hali vaga vagago ovagak welaga ako son dingga jam 1 vaga dek aga.”
53Yugugu lagagwama, avyak asin akoen, “Son dingga At Yesus en, ‘Habut sek arisogon o,’ yuknigas ako wane-wane dingga at sek aga higi,” yiluk, imbitigi. Imbita lagagirik, at inim, at aburi inim, ovok erogo enendawi Yesus ova vanggabaluk, avyarat umbutugwa.
54At Yesus o Yudea en o Galilea lagya lagagirik, akoma dugwit, avakwa inilup arup enalon werek menda endak ambi ogagagi atma ambetaga ogagagi andi at.
נבחרו כעת:
Yohanes 4: nbq2013
הדגשה
שתף
העתק
רוצים לשמור את ההדגשות שלכם בכל המכשירים שלכם? הירשמו או היכנסו
Yohanes 4
4
Yesus hwa Samaria menda iperen wene mbanggugwa wene
1Yesus en At eyaganggom wisane erogo wonggabisiluk, ima wombabugu, eke, Yohanes andi, at eyaganggom horok mberenat wonggabisiluk, ima wombabugu, ogagwi ako, it ap Varisi menda enaruk hunggugwa. 2(Anderogo hunggugwa ako andi, At Yesus en avakwa ima wombabugu lagetek ovara, At ane welagwi menda en adigat ima wombabugusigik, yugwi ako enaruk hunggugwa.) 3Enaruk hunggugwa ako At Yesus ilup agya lagagirik, At o Propinsi Yudea hekbaluk, o Propinsi Galilea lagagi.
4Lagya dugwit, sup hunogoma lagetek. Ata, sup o Propinsi Samaria vaga-at laup agya lagagimu, lagagi. 5Lagya dugwit, o Samaria kota ambi inis Sikat-at ari lagagi. (O kota Sikat ako, wen ap Yakup en o endak at abut Yusup wogogogi ako #4:5: Wen andi, o endak at Yakup en ap Hamor aburi enadema hunggu lagagirik, hivis at abut Yusup wogogogi. Kejadian 33:19, 48:22, Yosua 24:32, yokhanes. horogat agarik. 6Is avakwa nunggu dogomenda ap Yakup en wen bavunggigirikmu o andenam welagagi.) At Yesus o andenam lagya dugwit, mo il dingga jam 12 agya hegek, anye dek agya lagagimu, is nudisagwima andenam-at hora yi lagagi.
7-8Andenam werekma, At Yesus ane welagwi menda ako erom onggo hunuguluk, o kota akoma nunggugusigik, At adigat werekma, hwa Samaria menda ambi is nokhedagiluk, wagagi. Wagya lagagimu, Yesus en at yugugu dugwit, “Ai hwa yi, is an ambi nokniru”
9Yugugu lagagimu, hwa Samaria menda en At yugugu dugwit, “A! Hat ap Yakuri menda, eke, an hwa Samaria menda atma, is nggarogo adik nokhirik?” yiluk, yugogogi. (Anderogo yugogogi ako andi, avakwa Yakuri menda inim, avakwa Samaria menda inim, is owak ambiat vaga nelagwidek atma yiluk, yugogogi.)
10Yugugu lagagimu, At Yesus en at yugugu dugwit, “Ala en onggodek we un wokhirup menda inim, eke, An ap yien, ‘Is nokniru o,’ yukhigis ako neyave inim, hat hilup enda, ‘Is avakwa iniluk oginivisiga menda ambi wokniru o,’ yiluk, nggino yukniklinmu en, An is iniluk oginivisiga menda-at wokhikli.”
11Yugugu lagagimu, hwa akoen, “Nasin o. Is yanggadek wenamen yagavum erogo agarik, eke, Hat hagas owak dek atma, is avakwa iniluk oginivisiga menda andi, nggoma en noknirup yiluk yuknigin? 12Is nokhidugu dogopwak yiluk nenasin Yakup#4:12: Ap Yakup ako, it avakwa Yakuri menda inim, avakwa Samaria menda inim, ovok erogo enombao welagagi. en wen bavulogo bininggigi yi, at inim, at aburi inim, at anggom inim, nunggu lagagwa ovara, at andi maduk, eke, Hat ombok atma yiluk yegen yi?”
13Yugugu lagagimu, At Yesus en, “It avakwa is yi menda nelagwi halok andi, hivis uvup oginivisogon ovara, 14is Anen wogeraliga yi nungguselok andi, hivis uvup oginivisogon mondok dek o. Is Anen wogeraliga yi ako, iliris hudu-hudup wulu wandiga hak enendawima en hudu-hudup wulu wagya dugwit, mondok-mondok iniluk oginipu dogosogon o.”
15Yugugu lagagimu, hwa akoen, “Ai, Nasin. Is andi menda wokniru! Woknugu heyalok, an is uvup oknitya, eke, yoma nokheda wagya, ogagya dogosogonbuk o.”
16Yugugu lagagimu, Yesus en at yugugu dugwit, “Hagun yuguri lagya dogomindik, hiperen omano.”
17Yugugu lagagimu, at hwa akoen, “An Nagun dek.”
Yugugu lagagimu, At Yesus en, “Hat hagun dek yuknigin andi, avyarat yuknigin ovara, 18hat haguni 5 hudi wogonipigin ako An nilup. Eke, yogak ap ambi hat hinim agarik andi ovara, at andi hat hagun dek atma, yuknigin andi avyarat yuknigin.”
19Yugugu lagagimu, hwa akoen, “Ai, Nasin! Hat andi, avyarat navi Ala ane yugeraliga menda heyagi o. 20Nit nenasini ogo ndom yi vaga Ala inis siyabagu lagagwa ovara, hit Yakuri menda en, ‘O Yerusalem adigat Ala inis siyabagu dogop,’ yagalagwi o.”
21Yugugu lagagimu, At Yesus en, “Hwa yi wai! Ndom yi vaga inim, o Yerusalem inim, adigat Nenasin inis siyabagu dogop dek arup horok ari wasogon, avyarat imbita dogwen. 22Hit ap Samaria menda At eyave hinunggut dugwit, At inis siyabelagwi. Ovara, At nenagap wendarisiga menda nit ap Yakuri nenanggelekma en mendek yisogon atma, nit inis siyabelagwi ako andi, ninilup dugwit, siyabelagwi o. 23Nit anderogo Ala inis siyabelagwi ovara, hivis it avakwa Ala inis siyabagu dugwit, adik hunogo ovagak At inis siyabagu dogosogom. Andi, it avakwa en Nenasin avyarat inis siyabelagwi menda andi, At Ala Averiniki enendawima dugwit, avyarat wene Ala avok yugirigya hegek inis siyabagu dogosogom. Anderogo ogarup hudi hivis ovara, yogak ogo, vage horok ari waga o. At Nenasin Ala en, it avakwa anderogoat An ninis siyabanunggu dogopwak, ombasiga. 24Ala andi, Averiniki avakwa inil helagudek menda atma, it avakwa At inis siyabagu dogop ombasagwi ako, At Ala Averiniki enendawima dugwit, avyarat wene Ala avok yugirigya hegek, inis siyabagu dogopwak o,” yiluk, yugogogi.
25Yugugu lagagimu, at hwa akoen, “At Ala en denogo mondok okbagagi inis Keretus yagalagwi ako, warisogon andi an nilup aro. At wagya dogomindik, yi wene ndi wene ovok erogo mbilinogo yuknirigya dogosogon.”
26Yugugu lagagimu, At Yesus en, “Hat ap inis yagaliga andi, hat niperen nenane yagalagwi yi, An aro,” yiluk, yugogogi.
27Yuguguma, Yesus ane welagwi menda ako wagagwa. Wagu lagagwarik, At Yesus hwa iperen enane yugwi enugu lagagwarik, enut enden yagagwa ovara, “Hat hwa yi nggarogo yiluk wagen?” yugigitek, eke, “Hwa yi, hiperen nggarogo yiluk henane yagalagwi?” yiluk, Yesus ako yugigitek-at welagagwa.
28Yugigitek inigik, hwa akoen agas owak hekbaluk, amwa o kota akoma lagya lagagirik, avakwa yugeregek lagya dugwit, 29“An yi ogagek ndi ogagek ogagya lagagis ako At ovok vagalogo yuknigas ap ako bikha lasogomen omanes. Ala en denogo mondok okbagagi Keretus ako andi, ara?” 30Yugirigya lagagimu, enamwa o kota en wulu wagu lagagwarik, Yesus adema wagagwa.
31It kota menda ako ao wagusigik, At Yesus ane welagwi menda en Yesus yugugu dugwit, “Ngguru wai! Erom yi namin.”
32Yugogogwa ovara At Yesus en, “An nagarom andi, hit hinunggut menda naliga.”
33Yugirigya lagagimu, At ane welagwi menda ir-it wene mbanggu dugwit, “At naup erom ambi wogori wagao ai?”
34Yugu lagagwama, At Yesus en, “At lakbani wagagi en, An ogarup ombasiga ako, An ogagya dugwit, atok weralogo ogarup ako andi, An nagarom aro. 35Hiren yugu dugwit, ‘Saut 4 okbaluk, enggen yugup sok agya halok, mbalusogom o,’ yagalagwi akora? Anderogoat yagalagwi ovara, Anen yogak-at yavup yagoma hinil bikhavovok yiluk, yukheraliga. Eyave enggen vage sok agarikmu, vage mbalup-at aga. 36Ap ambi awi yatya, ambi enggen yugup mbanggya, ogasagwi ako ndatak iperen enendawi adenggen ombarupwak yiluk, at enggen mbalisiga ako onggo hedaliga. Eke, onggo hedaliga andi, it avakwa mondok-mondok iniluk dogopwak yiluk enggen yugup mbalek hak wonggalogo baliga ako aro. 37Avakwa en yugu dugwit, ‘Ap ambi awi yatya, eke, ap ambi enggen yugup ako mbanggya, ogasagwi o,’ yiluk, yagalagwi wene ako andi avyarat. 38Anen it nin yavup ogagarwikmu enggen yugup wisane ovok sok agarikmu mbalovovok yiluk lakbigigaliga. Ap nin yavup wisane yagagwarikmu andoma-at lakbigis atma, it ogagagwa vaga hit enggen yugup mbalisagwi o,” yiluk, yugeragagi.
39Eke, at hwa akoen, amwa o kota akoma lagya lagagirik, avakwa yugeregek lagya dugwit, “An yi ogagek ndi ogagek ogagya lagagis ovok erogo ap andien navok vagalogo yuknigas,” yiluk, yugeregek lagagi. Anderogo yugeregek lagya lagagimu, o kota andoma avakwa Samaria menda wisane enendawi Yesus ovaga vanggabaluk, avyarat umbutugwa. 40It avakwa Samaria menda en enendawi Yesus ovaga vanggabaluk, avyarat umbutu dugwit, Yesus adema wagu lagagwarik, “Ninim dogosogom o,” yiluk, yugogogwa. Yugugu lagagwama, At Yesus ndugwis mberen inim welagagi. 41Inim dugwit, wene yugeragagi vaga avakwa nin wisane enendawi At ovaga vanggabaluk, avyarat umbutugwa.
42Avyarat umbutu lagagwarik, iren hwa ako yugugu dugwit, “Yogak nit nenendawi At ovaga vanggabaluk avyarat ombasagwi ako, hat yukneregen andi vaga adigat dek. Ata, niren At ane nenaruk hunggu lagurik, ap yi avakwa wema menda enagap wendarisiga menda avyarat ninilup agyo. Andi vaga nenendawi At ovaga vanggabaluk, avyarat ombasagwi o,” yiluk, yugogogwa.
Ap pemerintah menda pegawai abut sek ogagagi wene
(Matius 8:5-13; Lukas 7:1-10)
43At Yesus ndugwis mberen andoma inim welagagirik, andoma en o Galilea-at lagagi. 44Yesus en o endak, “It ap navi-navi ako, enawi adem vaga enawene yuguruguselok, enagayuk wurogo enane welagwidek o,” yiluk, Yesus enat yagagi ovara, 45it ap Galilea menda Yesus ako o Galilea nunggwigya lagagimu, hai warogo wagagwa. It ap Galilea menda o Yerusalem isogo Vasika isagusim wambu wagu lagagwarik, akoma dugwit, Yesus isogo Vasika isagusim ogarit lagya ako ovok inil hugu lagagwarik, Yesus ako o Galilea nunggwigya lagagimu, hai warogo wagagwa.
46Hai warogo wugu lagagwama, At Yesus o Galilea kota Hana endak is ovara, anggur agas ogagagirikmu akoma-at lagagi. Lagagirik werekma, ap pegawai pemerintah menda ambi abut ova o Kapernaum aup warek welagagi. 47Abut ako aup warek werekma, ap ako Yesus o Yudea en o Galilea wagagi hunggu lagagirik, Yesus adema wambu wagya lagagirik, at abut idup mondok hambup-at agya lagagimu, Yesus en sek ogari lapwak yiluk, yugogogi.
48Yugugu lagagimu, Yesus en at yugugu dugwit, “Hit andi, anen nggarogo ogarubuk menda iya erogo ogagya neyalok, adigat An avyarat nombasagwi andi weyak. Ata, Anen nggarogo ogarubuk menda iya erogo ogagetek neyalok, henendawi novaga vanggabaluk, avyarat nombarup halok andi sek aro.”
49Yugirigya lagagimu, at ap pegawai akoen, “Ai, Nasin! Nabut ao hambegetek hegek sek okbanok yiluk, hodorogo lasogom.”
50Yugugu lagagimu, Yesus en at yugugu dugwit, “Habut sek arisogon atma, hamwa elak,” yiluk, yugogogi.
Yugugu lagagimu, ap akoen Yesus wene yugogogi ako avyarat imbita lagagirik, lagagi. 51Ao suvaga lagyama, at ayelomani yugiri wagu lagagwarik, inim avuk agu dugwit, “Habut ako vage sek aga o,” yiluk, yugogogwa.
52Yugugu lagagwama, aren, “Mo il ngga vaga sek aga?” yugirigya lagagimu, iren, “At agap idup hali vaga vagago ovagak welaga ako son dingga jam 1 vaga dek aga.”
53Yugugu lagagwama, avyak asin akoen, “Son dingga At Yesus en, ‘Habut sek arisogon o,’ yuknigas ako wane-wane dingga at sek aga higi,” yiluk, imbitigi. Imbita lagagirik, at inim, at aburi inim, ovok erogo enendawi Yesus ova vanggabaluk, avyarat umbutugwa.
54At Yesus o Yudea en o Galilea lagya lagagirik, akoma dugwit, avakwa inilup arup enalon werek menda endak ambi ogagagi atma ambetaga ogagagi andi at.
