Lukas 5
5
Yesus ane wapwak yiluk, endak yanggup yugeragagi wene
(Matius 4:18-22; Markus 1:16-20)
1Andien, hivis ndugwis ambi vaga At Yesus ako inamut Nggenesaret yanggadek omban vaga mendek werekma, it avakwa wisane Ala wene enaruk huluguluk, hobo-hobo homari wagu lagagwa. 2Hobo-hobo homari wagu lagagwama, Yesus en it ap ikan wasagwi menda enamburis mberen is omban vaga ndanerek hagagi. It ap ikan wasagwi menda akoen enamburis hekbaluk, yum yarin ikan wasagwi menda ako hutusim, mburis hagagi. 3Higya lagagirik, mburis ambi Simon amburis ako vaga nunggwigya lagagirik, Simon yugugu dugwit, “Is ombanma horok ambukum vanggo yi nunggusogom,” yiluk, nunggugu lagagwarik, Simon iperen mburis vaga horaik dugwit, it avakwa wisane homago ako wene mamuleragagi.
4Wene mamulirigya lagagirik, Simon aswei inim yugirigya dugwit, “Is agurukmu andenam ari nunggugu dogomundik, ikan warovovok yiluk, heneyarin ako wombabalales.”
5Wombabalales yugirigya lagagimu, Simon en, “Ai, Nasin. O hup en wombanggusat ninigik o yanggo yagas ambiat ogo mondok watitek-at, ovara, yuknirigindikmu, wombaba lasogom o.” 6Yiluk, wombaba lagagwarikmu, ikan mondok wisane erogo watu lagagwama, yarin ako mondok libis iri menda oklagagi. 7Yarin ako mondok libis iri menda agya lagagimu, enaswei nin mburis ambi vaga akoma werekma yonggar-inivi warupwak yiluk, ininggi wene vaga yugurugu lagagwama, wagu lagagwarik, ikan warogo mburis mberen mbin erogo bagagwama, anggin en mburis mberen is endawima sovalivilip.
8Simon Peterus en mburis ako sovanggya menda higya lagagirik, Yesus avema seve yiluk, “Ai, Nasin. An ap weyak ogasiga menda atma, baniluk wilin o,” yiluk, yugogogi.
9Yugogogi andi, ikan wisane watugwa ako vaga at aswei inim mondok vok yagagwa yiluk, Simon en Yesus anderogo yugogogi. 10Simon aswei Yakobus Yohanes, Sevedius aburi iperen ako inim vok yagagwa. Eke, Yesus en Simon yugugu dugwit, “Halon habuk. Hat ikan belalogo wasiga hak, o yogak yi hudi avakwa belalinipu dogosogon,” yiluk, yugogogi.
11Yugugu lagagimu, mburis ako is omban vaga bagu lagagwarik, yi menda ndi menda ovok erogo hekbaluk, Yesus inim lagagwa.
Ap amu hunik sek okbagagi wene
(Matius 8:1-4; Markus 1:40-45)
12Andien, hivis ndugwis ambi vaga Yesus o kota ambima werekma, ap ambi amu hunik#5:12: It avakwa Iserali menda ako, ap amu hunik werek halok, avakwa inim dogop moga ovara, sek agya halok, ap imam en bikhugu dugwit, ovok sek halok, at ap ako Ala ake yiluk swa suwa mberen wolok warupwak yiluk yugurugu lagagwa. Wolok wagya halok, it imam en, “Ap ako Ala ivaga ovok horek agarik,” yugu lagagwa. Yuguselok, at hivis avakwa inim dogop segat, agagi. Imamat 14 yokhanes. welagagi. Ap ako Yesus il higya lagagirik, elese wen vaga samup yiluk nggino yugugu dugwit, “Ai, Nasin. Haren sek okbanup imbita heyalok, ndak sek okbanup o,” yiluk, yugogogi.
13Yugugu lagagimu, Yesus inggis vakbagya dugwit, “Sek okbagaup imbitirikmu, sek aru!” wene ao yugugu hegek, at amu hunik ako dek agagi.
14Dek agya lagagimu, Yesus en, “Avakwa mondok yugerabuk. At imam en il heyapwak yiluk, adema elak. An sek okbagagirikmu, Musa en, ‘Ala ake anderogo baup,’ yagagi ako, it avakwa en bagya heyapwak yiluk, belak,” yiluk, aruk warogo lakbalagagi.
15Aruk warogo lakbalagagi ovara, Yesus ogarit landiga wene ako evenuk wigak iri lagagimu, yi avakwa ndi avakwa wisane At ane hunggwis, edup-mbedup halok eneyave sek okbugu, ogarupwak yiluk, At adema homari wagu lagagwa. 16Anderogo ogagu lagagwa ovara, Yesus o avakwa dekma akoma wunggu lagagirik, samban ogari lagek ogagya lagagi.
Ap inggis-isok nggedok-kobok erek sek ogagagi wene
(Matius 9:1-8; Markus 2:1-12)
17Ndugwis ambi vaga Yesus umwa en wene mamulirigyama, it ap Varisi menda#5:17: It ap Varisi menda ako, it avakwa Yakuri menda nin Musa Wene mondok ndatak erogo ogaruguluk okhagagwa ovara, it nin wisane enendawima enaninis avakwa enabwa embetetek welagagwa. inim, it ap Ala wene vagago welagagwa menda inim, yi awi ndi awi o Galilea en, Yudea en, Yerusalem en, wagu lagagwarik, ugun horaik dugwit, Yesus ane hunggu lagagwa. Avakwa aup warek sek oginivupwak yiluk, Nenasin Ala anye ako Yesus okbagya hegek, ogagya lagagi. 18Akoma werekma, ap ambi inggis-isok nggedok-kobok erek, ap en yo duriluk, Yesus adema ba nungguguluk, ogagagwa ovara, 19it avakwa ovok hobo-hobo erek werekma, ba nunggup meyan agya lagagimu, wolok o winimen o viril vaga unggugwa. Unggu lagagwarik, viril heyarogo yo durik enewogogo avakwa ovok enanggelekma Yesus adema wombabagagwa.
20Wombabagu lagagwama, Yesus en it enendawi At ovaga vanggabaluk, avyarat umbutu dugwit wolok wagagwa yedok inugu lagagirik, ap ako yugugu dugwit, “Avyak! Hat homaduk degerogo bagagi.”
21Yugugu lagagimu, it ap Ala wene vagago welagagwa menda ako inim, it ap Varisi menda inim, iren enendawi umbutu dugwit, “A! Nit nenomaduk degerogo bininaliga ako At Ala adigat agarik. Ambi inim dek. Ap Ala wiyiknom-weyaknom erogo baliga yi sa embetep?” yiluk, umbutugwa.
22Enendawi umbutwi ako Yesus yedok inugu lagagirik, yugirigya dugwit, “Hit nggarogo yiluk henendawi anderogo winggilisagwi? 23‘Homaduk degerogo bagagi,’ yugurup andi, iya a, ata ‘Mendek yiluk lagya dogwen,’ yugurup andi, iya a? Hit eres!” 24Yugirigya lagagirik, “An Ap-At Endaklagagis#5:24: ‘An Ap-At Endaklagagis’ Yesus yagagi ako andi, inis Yesus enat salhedagagi. Eke, o endak erogo ap navi Daniel akoen, Ala en ap ambi avakwa enagap wendarupwak yiluk lakba wasogon andi, inis ‘Ap-At Endaklagagi’ yagagi. Daniel 7:13-14 yokhanes. wen vaga yoma dugwit, avakwa enomaduk degerogo bisapwak en yiluk, Ala en An andok okbaninggigi ako hinilup arovovok yiluk sek okbayogon,” yiluk, yugeragagi. Yugirigya lagagirik, ap inggis-isok nggedok-kobok erek ako yugugu dugwit, “Mendek yiluk, hat hagone nogo yiliga menda ndalek andi, hedelok hamwa wilinok yiluk, yukhisiga.” 25Ao yugugu hegek, ap ako it ovok erogo inivaga mendek iri lagagirik, at agone ndalek nogo yiliga menda ako hedelok amwa wunggu dugwit, Ala inis siyabagek lagagi. 26Ako lagya hegek, it ogagya hagagwa ako vaga Ala inis siyabagu dugwit, “Yogak ninil helagwidek menda higyoma, wi nenalon!” yiluk, vok yagagwa.
At Yesus en ap Lewi yanggup yugogogi wene
(Matius 9:9-13; Markus 2:13-17)
27Andien, Yesus wunggu lagagirik, ap pemerintah enake yoparip wonggalisiga menda ambi inis Lewi yoparip wonggalisagwima horaik il hagagi. Higya lagagirik, Yesus at yugugu dugwit, “Ninim lasogom en, oma,” 28yugugu lagagimu, at Lewi ako yi menda ndi menda ovok erogo hekbaluk, mendek iri lagagirik, Yesus inim lagagi.
29Andien, ap Lewi ako at amwa Yesus adenggen isogo ombok isagagi. Isagagirikmu, it avakwa homago wisane ap pemerintah enake yoparip wonggalisagwi menda inim, avakwa nin inim, Yesus Lewi inim erom nunggusim, 30it ap Varisi menda inim, ap Varisi menda Ala wene vagago welagagwa menda inim, iren Yesus ane welagwi menda ako enanggin-enanggon yiluk, yugurugu dugwit, “A! It pemerintah enake yoparip wonggalisagwi menda inim, it weyak ogasagwi menda nin inim, hit nggarogo yiluk hinim dambulik dugwit erom is nelagwi?”
31Yugurugu lagagwama, At Yesus en, it yugirigya dugwit, “It ap aup edudek halok andi, ap dokter adema laup ombasagwidek. Ata, aup edup halok sek oginivupwak yiluk, dokter adema laup ombasagwi. 32Anderogo ndatak, Anen it ap ‘An sek’ ombasagwi menda eneyanggup yugeragiluk wagatek. Ata, it weyak ogasagwi menda enasam helok, enomaduk mbo bapwak yiluk, eneyanggup yugera wagagis o,” yiluk, yugeragagi.
Ala ake yiluk, erom hunis dogop wene
(Matius 9:14-17; Markus 2:18-22)
33Yugirigya lagagimu, it ap Varisi menda akoen Yesus yugugu dugwit, “It ap Yohanes ane welagwi menda andi, Ala ake yiluk, erom hunis dugwit, samban ogasagwi. Eke, nit ap Varisi nenane welagwi menda andi, anderogo ogasagwi ovara, Hat hane welagwi menda andi, erom ugun nunggwi, is ugun nunggwi, ogagu selagwi.”
34Yugugu lagagwama, Yesus en, “Ap ogwa hidigyaim, owa-asin inim isogo isagu dugwit, ‘Hit erom nenggetek dogones,’ yiluk, owa-asin yugeraup sek embetep? Dek! 35Hivis owa-asin inigik, agun ako wolok laup vage amor ari wagyaim, enendawi burup iri dugwit, erom hunis dogosogom o,” yiluk, yugeragagi.
36Yugirigya lagagirik, wene wakhegek yugirigya dugwit, “Yum kain swi menda ambi libilogo yum mbadis endak menda ambi vaga lobalogo monggadisagwidek. Lobalogo monggatu halok, yum kain swi libilisagwi ako weyak asiga. Eke, yum swi menda ako, yum endak menda vaga lobalogo monggadek halok, elese iperen ndatak asigadek adik asiga. Anderogo atma, yum kain swi menda ambi libilogo yum mbadis endak menda ako vaga lobalogo monggadisagwidek o.”
37Yugirigya lagagirik, wene wakhegek ambi iri dugwit, “Anggur agas swi menda iwak kambin agamut endak mendago vaga, nudisagwidek. Anggur agas swi menda iwak kambin agamut endak mendago vaga nudup halok, anggur agas swi menda en iwak endak menda ako viklagya dugwit, yanggalandiga. Yanggalagya dugwit, anggur agas dilagya, eke, iwak ako weyak agya, oklandigama, anggur agas swi menda iwak kambin agamut endak mendago vaga, nudisagwidek. 38Anggur agas swi menda andi, iwak kambin agamut swi mendago vaga adigat nudisagwi. 39Eke, anggur agas endak menda andi, ‘Ai weyak,’ yiluk, yagalagwima, anggur agas endak menda nelok, swi menda, ‘Wokniru,’ yiluk, yagalagwidek o,” yugeragagi.
נבחרו כעת:
Lukas 5: nbq2013
הדגשה
שתף
העתק
רוצים לשמור את ההדגשות שלכם בכל המכשירים שלכם? הירשמו או היכנסו
Lukas 5
5
Yesus ane wapwak yiluk, endak yanggup yugeragagi wene
(Matius 4:18-22; Markus 1:16-20)
1Andien, hivis ndugwis ambi vaga At Yesus ako inamut Nggenesaret yanggadek omban vaga mendek werekma, it avakwa wisane Ala wene enaruk huluguluk, hobo-hobo homari wagu lagagwa. 2Hobo-hobo homari wagu lagagwama, Yesus en it ap ikan wasagwi menda enamburis mberen is omban vaga ndanerek hagagi. It ap ikan wasagwi menda akoen enamburis hekbaluk, yum yarin ikan wasagwi menda ako hutusim, mburis hagagi. 3Higya lagagirik, mburis ambi Simon amburis ako vaga nunggwigya lagagirik, Simon yugugu dugwit, “Is ombanma horok ambukum vanggo yi nunggusogom,” yiluk, nunggugu lagagwarik, Simon iperen mburis vaga horaik dugwit, it avakwa wisane homago ako wene mamuleragagi.
4Wene mamulirigya lagagirik, Simon aswei inim yugirigya dugwit, “Is agurukmu andenam ari nunggugu dogomundik, ikan warovovok yiluk, heneyarin ako wombabalales.”
5Wombabalales yugirigya lagagimu, Simon en, “Ai, Nasin. O hup en wombanggusat ninigik o yanggo yagas ambiat ogo mondok watitek-at, ovara, yuknirigindikmu, wombaba lasogom o.” 6Yiluk, wombaba lagagwarikmu, ikan mondok wisane erogo watu lagagwama, yarin ako mondok libis iri menda oklagagi. 7Yarin ako mondok libis iri menda agya lagagimu, enaswei nin mburis ambi vaga akoma werekma yonggar-inivi warupwak yiluk, ininggi wene vaga yugurugu lagagwama, wagu lagagwarik, ikan warogo mburis mberen mbin erogo bagagwama, anggin en mburis mberen is endawima sovalivilip.
8Simon Peterus en mburis ako sovanggya menda higya lagagirik, Yesus avema seve yiluk, “Ai, Nasin. An ap weyak ogasiga menda atma, baniluk wilin o,” yiluk, yugogogi.
9Yugogogi andi, ikan wisane watugwa ako vaga at aswei inim mondok vok yagagwa yiluk, Simon en Yesus anderogo yugogogi. 10Simon aswei Yakobus Yohanes, Sevedius aburi iperen ako inim vok yagagwa. Eke, Yesus en Simon yugugu dugwit, “Halon habuk. Hat ikan belalogo wasiga hak, o yogak yi hudi avakwa belalinipu dogosogon,” yiluk, yugogogi.
11Yugugu lagagimu, mburis ako is omban vaga bagu lagagwarik, yi menda ndi menda ovok erogo hekbaluk, Yesus inim lagagwa.
Ap amu hunik sek okbagagi wene
(Matius 8:1-4; Markus 1:40-45)
12Andien, hivis ndugwis ambi vaga Yesus o kota ambima werekma, ap ambi amu hunik#5:12: It avakwa Iserali menda ako, ap amu hunik werek halok, avakwa inim dogop moga ovara, sek agya halok, ap imam en bikhugu dugwit, ovok sek halok, at ap ako Ala ake yiluk swa suwa mberen wolok warupwak yiluk yugurugu lagagwa. Wolok wagya halok, it imam en, “Ap ako Ala ivaga ovok horek agarik,” yugu lagagwa. Yuguselok, at hivis avakwa inim dogop segat, agagi. Imamat 14 yokhanes. welagagi. Ap ako Yesus il higya lagagirik, elese wen vaga samup yiluk nggino yugugu dugwit, “Ai, Nasin. Haren sek okbanup imbita heyalok, ndak sek okbanup o,” yiluk, yugogogi.
13Yugugu lagagimu, Yesus inggis vakbagya dugwit, “Sek okbagaup imbitirikmu, sek aru!” wene ao yugugu hegek, at amu hunik ako dek agagi.
14Dek agya lagagimu, Yesus en, “Avakwa mondok yugerabuk. At imam en il heyapwak yiluk, adema elak. An sek okbagagirikmu, Musa en, ‘Ala ake anderogo baup,’ yagagi ako, it avakwa en bagya heyapwak yiluk, belak,” yiluk, aruk warogo lakbalagagi.
15Aruk warogo lakbalagagi ovara, Yesus ogarit landiga wene ako evenuk wigak iri lagagimu, yi avakwa ndi avakwa wisane At ane hunggwis, edup-mbedup halok eneyave sek okbugu, ogarupwak yiluk, At adema homari wagu lagagwa. 16Anderogo ogagu lagagwa ovara, Yesus o avakwa dekma akoma wunggu lagagirik, samban ogari lagek ogagya lagagi.
Ap inggis-isok nggedok-kobok erek sek ogagagi wene
(Matius 9:1-8; Markus 2:1-12)
17Ndugwis ambi vaga Yesus umwa en wene mamulirigyama, it ap Varisi menda#5:17: It ap Varisi menda ako, it avakwa Yakuri menda nin Musa Wene mondok ndatak erogo ogaruguluk okhagagwa ovara, it nin wisane enendawima enaninis avakwa enabwa embetetek welagagwa. inim, it ap Ala wene vagago welagagwa menda inim, yi awi ndi awi o Galilea en, Yudea en, Yerusalem en, wagu lagagwarik, ugun horaik dugwit, Yesus ane hunggu lagagwa. Avakwa aup warek sek oginivupwak yiluk, Nenasin Ala anye ako Yesus okbagya hegek, ogagya lagagi. 18Akoma werekma, ap ambi inggis-isok nggedok-kobok erek, ap en yo duriluk, Yesus adema ba nungguguluk, ogagagwa ovara, 19it avakwa ovok hobo-hobo erek werekma, ba nunggup meyan agya lagagimu, wolok o winimen o viril vaga unggugwa. Unggu lagagwarik, viril heyarogo yo durik enewogogo avakwa ovok enanggelekma Yesus adema wombabagagwa.
20Wombabagu lagagwama, Yesus en it enendawi At ovaga vanggabaluk, avyarat umbutu dugwit wolok wagagwa yedok inugu lagagirik, ap ako yugugu dugwit, “Avyak! Hat homaduk degerogo bagagi.”
21Yugugu lagagimu, it ap Ala wene vagago welagagwa menda ako inim, it ap Varisi menda inim, iren enendawi umbutu dugwit, “A! Nit nenomaduk degerogo bininaliga ako At Ala adigat agarik. Ambi inim dek. Ap Ala wiyiknom-weyaknom erogo baliga yi sa embetep?” yiluk, umbutugwa.
22Enendawi umbutwi ako Yesus yedok inugu lagagirik, yugirigya dugwit, “Hit nggarogo yiluk henendawi anderogo winggilisagwi? 23‘Homaduk degerogo bagagi,’ yugurup andi, iya a, ata ‘Mendek yiluk lagya dogwen,’ yugurup andi, iya a? Hit eres!” 24Yugirigya lagagirik, “An Ap-At Endaklagagis#5:24: ‘An Ap-At Endaklagagis’ Yesus yagagi ako andi, inis Yesus enat salhedagagi. Eke, o endak erogo ap navi Daniel akoen, Ala en ap ambi avakwa enagap wendarupwak yiluk lakba wasogon andi, inis ‘Ap-At Endaklagagi’ yagagi. Daniel 7:13-14 yokhanes. wen vaga yoma dugwit, avakwa enomaduk degerogo bisapwak en yiluk, Ala en An andok okbaninggigi ako hinilup arovovok yiluk sek okbayogon,” yiluk, yugeragagi. Yugirigya lagagirik, ap inggis-isok nggedok-kobok erek ako yugugu dugwit, “Mendek yiluk, hat hagone nogo yiliga menda ndalek andi, hedelok hamwa wilinok yiluk, yukhisiga.” 25Ao yugugu hegek, ap ako it ovok erogo inivaga mendek iri lagagirik, at agone ndalek nogo yiliga menda ako hedelok amwa wunggu dugwit, Ala inis siyabagek lagagi. 26Ako lagya hegek, it ogagya hagagwa ako vaga Ala inis siyabagu dugwit, “Yogak ninil helagwidek menda higyoma, wi nenalon!” yiluk, vok yagagwa.
At Yesus en ap Lewi yanggup yugogogi wene
(Matius 9:9-13; Markus 2:13-17)
27Andien, Yesus wunggu lagagirik, ap pemerintah enake yoparip wonggalisiga menda ambi inis Lewi yoparip wonggalisagwima horaik il hagagi. Higya lagagirik, Yesus at yugugu dugwit, “Ninim lasogom en, oma,” 28yugugu lagagimu, at Lewi ako yi menda ndi menda ovok erogo hekbaluk, mendek iri lagagirik, Yesus inim lagagi.
29Andien, ap Lewi ako at amwa Yesus adenggen isogo ombok isagagi. Isagagirikmu, it avakwa homago wisane ap pemerintah enake yoparip wonggalisagwi menda inim, avakwa nin inim, Yesus Lewi inim erom nunggusim, 30it ap Varisi menda inim, ap Varisi menda Ala wene vagago welagagwa menda inim, iren Yesus ane welagwi menda ako enanggin-enanggon yiluk, yugurugu dugwit, “A! It pemerintah enake yoparip wonggalisagwi menda inim, it weyak ogasagwi menda nin inim, hit nggarogo yiluk hinim dambulik dugwit erom is nelagwi?”
31Yugurugu lagagwama, At Yesus en, it yugirigya dugwit, “It ap aup edudek halok andi, ap dokter adema laup ombasagwidek. Ata, aup edup halok sek oginivupwak yiluk, dokter adema laup ombasagwi. 32Anderogo ndatak, Anen it ap ‘An sek’ ombasagwi menda eneyanggup yugeragiluk wagatek. Ata, it weyak ogasagwi menda enasam helok, enomaduk mbo bapwak yiluk, eneyanggup yugera wagagis o,” yiluk, yugeragagi.
Ala ake yiluk, erom hunis dogop wene
(Matius 9:14-17; Markus 2:18-22)
33Yugirigya lagagimu, it ap Varisi menda akoen Yesus yugugu dugwit, “It ap Yohanes ane welagwi menda andi, Ala ake yiluk, erom hunis dugwit, samban ogasagwi. Eke, nit ap Varisi nenane welagwi menda andi, anderogo ogasagwi ovara, Hat hane welagwi menda andi, erom ugun nunggwi, is ugun nunggwi, ogagu selagwi.”
34Yugugu lagagwama, Yesus en, “Ap ogwa hidigyaim, owa-asin inim isogo isagu dugwit, ‘Hit erom nenggetek dogones,’ yiluk, owa-asin yugeraup sek embetep? Dek! 35Hivis owa-asin inigik, agun ako wolok laup vage amor ari wagyaim, enendawi burup iri dugwit, erom hunis dogosogom o,” yiluk, yugeragagi.
36Yugirigya lagagirik, wene wakhegek yugirigya dugwit, “Yum kain swi menda ambi libilogo yum mbadis endak menda ambi vaga lobalogo monggadisagwidek. Lobalogo monggatu halok, yum kain swi libilisagwi ako weyak asiga. Eke, yum swi menda ako, yum endak menda vaga lobalogo monggadek halok, elese iperen ndatak asigadek adik asiga. Anderogo atma, yum kain swi menda ambi libilogo yum mbadis endak menda ako vaga lobalogo monggadisagwidek o.”
37Yugirigya lagagirik, wene wakhegek ambi iri dugwit, “Anggur agas swi menda iwak kambin agamut endak mendago vaga, nudisagwidek. Anggur agas swi menda iwak kambin agamut endak mendago vaga nudup halok, anggur agas swi menda en iwak endak menda ako viklagya dugwit, yanggalandiga. Yanggalagya dugwit, anggur agas dilagya, eke, iwak ako weyak agya, oklandigama, anggur agas swi menda iwak kambin agamut endak mendago vaga, nudisagwidek. 38Anggur agas swi menda andi, iwak kambin agamut swi mendago vaga adigat nudisagwi. 39Eke, anggur agas endak menda andi, ‘Ai weyak,’ yiluk, yagalagwima, anggur agas endak menda nelok, swi menda, ‘Wokniru,’ yiluk, yagalagwidek o,” yugeragagi.
