Matius 9
9
Ap inggis-isok nggedok-kobok erek werekma sek ogagagi wene
(Markus 2:1-12; Lukas 5:17-26)
1Yugugu lagagwama, Yesus ako mburis vaga nunggwigya lagagirik, inamut yanggadek elavikit lagya lagagirik, At o kota agarikmu akoma lagagi. 2Lagya lagagimu, ap ambi inggis-isok nggedok-kobok erek menda, At nogo yiliga menda ako vaga yo duriluk Yesus adema bawagu lagagwama, At Yesus en it enendawi At ovaga vanggabaluk avyarat umbutu dugwit wolok wagagwa yedok inigu lagagirik, ap inggis-isok nggedok-kobok erek ako yugugu dugwit, “Nabut wa! Hat weyak ogagya lagen ako degerogo bagagirikmu hendawi sek vaga dogwen.”
3Yugogogi ako vaga it Ala wene vagago welagagwa menda ako enendawima en yugu dugwit, “Wi! Ap yi, Ala ndatak okhidigya dugwit, wiyiknom-weyaknom erogo baliga yira!” yiluk, yagagwa.
4It enendawima umbutugwa ako At Yesus yedok inigu lagagirik, yugirigya dugwit, “Hit nggarogo yiluk henendawi weyak wenggelisagwi? 5‘Hat weyak ogagya lagen ako degerogo bagagi o,’ yugurup andi, iya a, ata, ‘Mendek yiluk, elak,’ yugurup andi, iya a? Hit eres! 6Ala en An Ap-At Endaklagagis ako o wen vaga yoma dugwit, avakwa weyak ogasagwi menda Anen degerogo bisagiluk andok okbaninggigi hinilup arovovok yiluk, ogarisogon,” yiluk, yugirigya lagagirik, ap inggis-isok nggedok-kobok erek ako yugugu dugwit, “Mendek yiluk, hat hagone nogo yiliga menda ndalek andi, hedelok hamwa lanok yiluk, yukhisiga.” 7Yugugu lagagimu, ap ako mendek iri lagagirik, amwa-at lagagi. 8Andi ogagagi ako, it avakwa inil hugu lagagwarik, enalon en, “Ala en it avakwa anderogo ogagu dogopwak yiluk, andok okbisaliga atma, iya!” yiluk, Ala siyabagagwa.
Matius eyanggup yugogogi wene
(Markus 2:13-17; Lukas 5:27-32)
9At Yesus o andoma hekbaluk, suvaga lagya dugwit, ap ambi inis Matius, it pemerintah enake yoparip wonggalisagwima andenam horaik werekma il higya lagagirik, “Ninim lasogom en, oma,” yugogogi. Yugugu lagagimu, at Matius ako mendek iri lagagirik, Yesus ambetaga lagagi.
10Iperen Matius amwa nunggugu lagagwarik, Yesus ane welagwi menda inim erom nunggusim, it pemerintah enake yoparip wonggalisagwi menda inim, it weyak ogasagwi menda inim, wisane Yesus adema nunggugu lagagwarik, horaik dugwit, Yesus inim, At ane welagwi menda inim, erom nunggugwa. 11Inim erom nunggwi ako it ap Varisi menda en inigu lagagwarik, Yesus ane welagwi menda ako yugurugu dugwit, “Henowa ngguru yi, it ap pemerintah enake yoparip wonggalisagwi menda inim, it weyak ogasagwi menda inim, nggarogo yiluk inim dambulik dugwit, erom naliga?” yiluk, yugeragagwa.
12Yugurugwi ako At Yesus aruk hunggu lagagirik, yugirigya dugwit, “It aup idudek halok andi, ap dokter adema laup ombasagwidek. Ata, aup idup halok andi sek oknerapwak yiluk, dokter adema laup ombasagwi. 13#Hosea 6:6 yokhanes. Andi ndatak, Anen it ap ‘An sek,’ ombasagwi menda eneyanggup yugeragiluk wagatek. Ata, it ap weyak ogasagwi menda andiat eneyanggup yugeragiluk wagagis. Ala en iri dugwit, ‘Henanggom ndomba warogo nake belagwi ako andi, An hogop ombasigadek. Ata, avakwa enabwa en sek okbisaup andi, An, “Ai,” imbita dugwit sek okbisaup, ombasiga o,’ yiluk, yagagi dirup warek ako, adem des erogo mamulhedelales,” yiluk, yugeragagi.
Ala ake yiluk, erom hunis dugwit, samban ogasagwi wene
(Markus 2:18-22; Lukas 5:33-39)
14Yugirigya lagagirik, werekma, it Yohanes ane welagwi menda akoen Yesus adema lagu lagagwarik, yugugu dugwit, “Nit ogo, it ap Varisi ogo, Ala ake yiluk, erom hunis dugwit, samban ogasagwi ovara, it Hat hane welagwi menda yiat, nggarogo yiluk anderogo ogasagwidek?”
15Yugugu lagagwama, Yesus en, “Ap ogwa hidigyaim, owa-asin inim isogo isago ako nunggu dugwit, it enendawi anggin en burup yiluk dogop ombasagwi? Anderogo dek! Owa-asin inigik, agun ako wolok laup vage amor ari wagyaim, enendawi burup iri dugwit, erom hunis dogosogom o.”
16“Yum endak yugup hegek digi swi dalwogo monggatu halok, digi swi dalwik ao yugup hegek, yum endak yugup ako ombok erogo hivitlandiga atma, digi swi dalwogo yum endak atok hunogo monggadisagwidek o. Yum swi endak yugup vaga lombalogo monggadisagwi halok, swi yugup lombalek agarik ako hivitlagya dugwit, endak yugup ako ombok erogoat hivitlandiga o. 17Eke, anggur agas swi menda is owak kambin agamut endak mendago vaga nudisagwidek. Anggur agas swi menda is owak kambin agamut endak mendago vaga nudup halok, is owak endak menda ako viklagya dugwit, yanggalogo, anggur agas ako dilagya, eke, is owak eyave weyak lagya, ogasiga. Anderogo atma, anggur agas swi menda is owak endak menda ako vaga nudisagwidek. Ata, anggur agas swi menda is owak kambin agamut swi mendago vaga, nutuselok andi, anggur agas inim, is owak inim, iperen segat nudik agarik o,” yiluk, yugeragagi.
Hwavyak hombagagi inim, hwa amuya ogagagi inim, iperen sek okbogogi wene
(Markus 5:21-43; Lukas 8:40-56)
18Yugirigya lagagirik, ao inim wene yugirigyaim, ap Yakuri samban ogasagwima enasin ambi wagya lagagirik, Yesus avema seve yiluk, yugugu dugwit, “Nasin o. An nabut hombagas ovara, hat lamindik hinggis vagatya heyalok, at eyave iluk arisogon o.” 19Yugugu lagagimu, Yesus mendek yiluk iperen lagusim, At Yesus ane welagwi menda inim lagagwa.
20-21Lagusim, hwa ambi amuya ogagya hegek 12 tahun ogagagi atma, At Yesus suvaga lagyaim, hwa ako ambukmu ari lagya lagagirik, endawima en imbita dugwit, “Asum ninggis vagatya neyalok neyave sek arisogon o,” imbita lagagirik, At asum atokma inggis vagatigi.
22Vagatya lagagimu, At Yesus ambukmu dagalogo il bikhigya lagagirik yugugu dugwit, “Nabut wa! Hendawi sek vaga dogwen o. Hat hendawi novaga vanggabaniluk avyarat nembeten vaga sek agen o,” yiluk, ao yugugu lagagimu, hwa ako, andi hudiat sek agagi.
23Sek agya lagagimu, At Yesus ako ap Yakuri samban ogasagwima enasin ako amwa ari lagya lagagirik, it andoma menda en dewene viyanggwis, eke, avakwa wonggalek ako nane-hane yugwi, andi il inigu lagagirik, yugirigya dugwit, 24“Hwavyak yi, hambegetek un nogo yiliga atma, wilitales,” yiluk, yugeragagi ovara, iren At agenda yagagwa. 25Iren At agenda yagagwa ovara, avakwa wonggalek wisane ako haryogo wibisiluk, Yesus umwa nunggwigya lagagirik, hwavyak ako inggis vakbagya hegek, at eyave mendek yagagi. 26Eke, Yesus ogagagi wene ako o yi awi ndi awi andoma ovok erogo wigalagagi.
Ap mberen inil mbuk sek okbogogi wene
27At Yesus o andoma en lagya lagagimu, ap mberen inil mbuk atma, enane ombok yagan amusek lagu dugwit, “Daut ombao yi wai! Nenabwa hanen o.”
28Yugirit amusek lagusigik, At Yesus ako umwa nunggwigya lagagirik, it ap inil mbuk ako At adema wagu lagagwama, Yesus en it yugirigya dugwit, “Anen hit sek okhinivup henendawi avyarat nombasagwi a, dek a?”
Yugirigya lagagimu, iren, “E o, Nenasin.”
29Yugugu lagagwama, At Yesus inggis inil vakbugu dugwit, “Henendawi avyarat nembetep ako wane-wane-at okbigigis o,” yiluk, 30yugirigya lagagimu, inil segat agagwa. Sek agu lagagwama, Yesus ane anye erogo yugirigya dugwit, “Okhinipis yi, avakwa mondok yonggo yugerabuk.” 31Yugeragagi ovara, it ako, lagu dugwit, “Yesus en sek okninipas o,” yiluk, andoma ovok erogo yugeregek nagu lagagwa.
Ap anedek menda sek ogagagi wene
32It ap ako yugeregek nagusigik, ap ambi madis endawima nunggwigya lagagirik, anedek werekma, Yesus adema wolok wagu lagagwama, 33madis ako nggigilogo wibagya lagagimu, At anedek welagagi ako, ane werek agagi. Ane werek agya lagagimu, it avakwa wonggalek agarwik akoen, “Wi!” yiluk, vok yugu dugwit, “Nit ap Iserali menda nenamwa yoma anderogo ambi ogagu selagwidek ovara, ap yi ogagya helagwi,” yiluk, yagagwa. 34Yagagwa ovara it ap Varisi menda akoen, “At Yesus andi, madis enasin anye vaga madis avakwa enendawima en nggigilogo wibisaliga,” yiluk, yugu lagagwa.
Yesus en avakwa enabwa imbitigi wene
35At Yesus o kota ombokma inim, o madukma inim yanonggegek-ndanonggegek lagya dugwit, it samban ogasagwima wene mamulirigya, Sek Wene At mbogot vaga menda avema bisaup wene ako avakwa yugirigya, it aup adem adik-adik menda inim, eneyave idup-mbidup menda inim, sek oginipu, ogarit nagu lagagi. 36Ogarit nagu dugwit, avakwa wam ndomba enasin vagenombogo eyave dek ovagak atma, anggin-mbanggin enovaga agarik ako, saen yonggar-inisabuk il inigu lagagirik, enabwa adigat imbitigi. 37Enabwa adigat imbita lagagirik, At ane welagwi menda ako yugirigya dugwit, “Enggen yugup wisane aga ovara, mbalisagwi menda it eneyave ambukum atma, 38At enggen yugup andok agarik Ala akoen it ap enggen mbalisagwi menda lakbisa warupwak yiluk, yugugu dogones o,” yiluk, yugeragagi.
נבחרו כעת:
Matius 9: nbq2013
הדגשה
שתף
העתק
רוצים לשמור את ההדגשות שלכם בכל המכשירים שלכם? הירשמו או היכנסו
Matius 9
9
Ap inggis-isok nggedok-kobok erek werekma sek ogagagi wene
(Markus 2:1-12; Lukas 5:17-26)
1Yugugu lagagwama, Yesus ako mburis vaga nunggwigya lagagirik, inamut yanggadek elavikit lagya lagagirik, At o kota agarikmu akoma lagagi. 2Lagya lagagimu, ap ambi inggis-isok nggedok-kobok erek menda, At nogo yiliga menda ako vaga yo duriluk Yesus adema bawagu lagagwama, At Yesus en it enendawi At ovaga vanggabaluk avyarat umbutu dugwit wolok wagagwa yedok inigu lagagirik, ap inggis-isok nggedok-kobok erek ako yugugu dugwit, “Nabut wa! Hat weyak ogagya lagen ako degerogo bagagirikmu hendawi sek vaga dogwen.”
3Yugogogi ako vaga it Ala wene vagago welagagwa menda ako enendawima en yugu dugwit, “Wi! Ap yi, Ala ndatak okhidigya dugwit, wiyiknom-weyaknom erogo baliga yira!” yiluk, yagagwa.
4It enendawima umbutugwa ako At Yesus yedok inigu lagagirik, yugirigya dugwit, “Hit nggarogo yiluk henendawi weyak wenggelisagwi? 5‘Hat weyak ogagya lagen ako degerogo bagagi o,’ yugurup andi, iya a, ata, ‘Mendek yiluk, elak,’ yugurup andi, iya a? Hit eres! 6Ala en An Ap-At Endaklagagis ako o wen vaga yoma dugwit, avakwa weyak ogasagwi menda Anen degerogo bisagiluk andok okbaninggigi hinilup arovovok yiluk, ogarisogon,” yiluk, yugirigya lagagirik, ap inggis-isok nggedok-kobok erek ako yugugu dugwit, “Mendek yiluk, hat hagone nogo yiliga menda ndalek andi, hedelok hamwa lanok yiluk, yukhisiga.” 7Yugugu lagagimu, ap ako mendek iri lagagirik, amwa-at lagagi. 8Andi ogagagi ako, it avakwa inil hugu lagagwarik, enalon en, “Ala en it avakwa anderogo ogagu dogopwak yiluk, andok okbisaliga atma, iya!” yiluk, Ala siyabagagwa.
Matius eyanggup yugogogi wene
(Markus 2:13-17; Lukas 5:27-32)
9At Yesus o andoma hekbaluk, suvaga lagya dugwit, ap ambi inis Matius, it pemerintah enake yoparip wonggalisagwima andenam horaik werekma il higya lagagirik, “Ninim lasogom en, oma,” yugogogi. Yugugu lagagimu, at Matius ako mendek iri lagagirik, Yesus ambetaga lagagi.
10Iperen Matius amwa nunggugu lagagwarik, Yesus ane welagwi menda inim erom nunggusim, it pemerintah enake yoparip wonggalisagwi menda inim, it weyak ogasagwi menda inim, wisane Yesus adema nunggugu lagagwarik, horaik dugwit, Yesus inim, At ane welagwi menda inim, erom nunggugwa. 11Inim erom nunggwi ako it ap Varisi menda en inigu lagagwarik, Yesus ane welagwi menda ako yugurugu dugwit, “Henowa ngguru yi, it ap pemerintah enake yoparip wonggalisagwi menda inim, it weyak ogasagwi menda inim, nggarogo yiluk inim dambulik dugwit, erom naliga?” yiluk, yugeragagwa.
12Yugurugwi ako At Yesus aruk hunggu lagagirik, yugirigya dugwit, “It aup idudek halok andi, ap dokter adema laup ombasagwidek. Ata, aup idup halok andi sek oknerapwak yiluk, dokter adema laup ombasagwi. 13#Hosea 6:6 yokhanes. Andi ndatak, Anen it ap ‘An sek,’ ombasagwi menda eneyanggup yugeragiluk wagatek. Ata, it ap weyak ogasagwi menda andiat eneyanggup yugeragiluk wagagis. Ala en iri dugwit, ‘Henanggom ndomba warogo nake belagwi ako andi, An hogop ombasigadek. Ata, avakwa enabwa en sek okbisaup andi, An, “Ai,” imbita dugwit sek okbisaup, ombasiga o,’ yiluk, yagagi dirup warek ako, adem des erogo mamulhedelales,” yiluk, yugeragagi.
Ala ake yiluk, erom hunis dugwit, samban ogasagwi wene
(Markus 2:18-22; Lukas 5:33-39)
14Yugirigya lagagirik, werekma, it Yohanes ane welagwi menda akoen Yesus adema lagu lagagwarik, yugugu dugwit, “Nit ogo, it ap Varisi ogo, Ala ake yiluk, erom hunis dugwit, samban ogasagwi ovara, it Hat hane welagwi menda yiat, nggarogo yiluk anderogo ogasagwidek?”
15Yugugu lagagwama, Yesus en, “Ap ogwa hidigyaim, owa-asin inim isogo isago ako nunggu dugwit, it enendawi anggin en burup yiluk dogop ombasagwi? Anderogo dek! Owa-asin inigik, agun ako wolok laup vage amor ari wagyaim, enendawi burup iri dugwit, erom hunis dogosogom o.”
16“Yum endak yugup hegek digi swi dalwogo monggatu halok, digi swi dalwik ao yugup hegek, yum endak yugup ako ombok erogo hivitlandiga atma, digi swi dalwogo yum endak atok hunogo monggadisagwidek o. Yum swi endak yugup vaga lombalogo monggadisagwi halok, swi yugup lombalek agarik ako hivitlagya dugwit, endak yugup ako ombok erogoat hivitlandiga o. 17Eke, anggur agas swi menda is owak kambin agamut endak mendago vaga nudisagwidek. Anggur agas swi menda is owak kambin agamut endak mendago vaga nudup halok, is owak endak menda ako viklagya dugwit, yanggalogo, anggur agas ako dilagya, eke, is owak eyave weyak lagya, ogasiga. Anderogo atma, anggur agas swi menda is owak endak menda ako vaga nudisagwidek. Ata, anggur agas swi menda is owak kambin agamut swi mendago vaga, nutuselok andi, anggur agas inim, is owak inim, iperen segat nudik agarik o,” yiluk, yugeragagi.
Hwavyak hombagagi inim, hwa amuya ogagagi inim, iperen sek okbogogi wene
(Markus 5:21-43; Lukas 8:40-56)
18Yugirigya lagagirik, ao inim wene yugirigyaim, ap Yakuri samban ogasagwima enasin ambi wagya lagagirik, Yesus avema seve yiluk, yugugu dugwit, “Nasin o. An nabut hombagas ovara, hat lamindik hinggis vagatya heyalok, at eyave iluk arisogon o.” 19Yugugu lagagimu, Yesus mendek yiluk iperen lagusim, At Yesus ane welagwi menda inim lagagwa.
20-21Lagusim, hwa ambi amuya ogagya hegek 12 tahun ogagagi atma, At Yesus suvaga lagyaim, hwa ako ambukmu ari lagya lagagirik, endawima en imbita dugwit, “Asum ninggis vagatya neyalok neyave sek arisogon o,” imbita lagagirik, At asum atokma inggis vagatigi.
22Vagatya lagagimu, At Yesus ambukmu dagalogo il bikhigya lagagirik yugugu dugwit, “Nabut wa! Hendawi sek vaga dogwen o. Hat hendawi novaga vanggabaniluk avyarat nembeten vaga sek agen o,” yiluk, ao yugugu lagagimu, hwa ako, andi hudiat sek agagi.
23Sek agya lagagimu, At Yesus ako ap Yakuri samban ogasagwima enasin ako amwa ari lagya lagagirik, it andoma menda en dewene viyanggwis, eke, avakwa wonggalek ako nane-hane yugwi, andi il inigu lagagirik, yugirigya dugwit, 24“Hwavyak yi, hambegetek un nogo yiliga atma, wilitales,” yiluk, yugeragagi ovara, iren At agenda yagagwa. 25Iren At agenda yagagwa ovara, avakwa wonggalek wisane ako haryogo wibisiluk, Yesus umwa nunggwigya lagagirik, hwavyak ako inggis vakbagya hegek, at eyave mendek yagagi. 26Eke, Yesus ogagagi wene ako o yi awi ndi awi andoma ovok erogo wigalagagi.
Ap mberen inil mbuk sek okbogogi wene
27At Yesus o andoma en lagya lagagimu, ap mberen inil mbuk atma, enane ombok yagan amusek lagu dugwit, “Daut ombao yi wai! Nenabwa hanen o.”
28Yugirit amusek lagusigik, At Yesus ako umwa nunggwigya lagagirik, it ap inil mbuk ako At adema wagu lagagwama, Yesus en it yugirigya dugwit, “Anen hit sek okhinivup henendawi avyarat nombasagwi a, dek a?”
Yugirigya lagagimu, iren, “E o, Nenasin.”
29Yugugu lagagwama, At Yesus inggis inil vakbugu dugwit, “Henendawi avyarat nembetep ako wane-wane-at okbigigis o,” yiluk, 30yugirigya lagagimu, inil segat agagwa. Sek agu lagagwama, Yesus ane anye erogo yugirigya dugwit, “Okhinipis yi, avakwa mondok yonggo yugerabuk.” 31Yugeragagi ovara, it ako, lagu dugwit, “Yesus en sek okninipas o,” yiluk, andoma ovok erogo yugeregek nagu lagagwa.
Ap anedek menda sek ogagagi wene
32It ap ako yugeregek nagusigik, ap ambi madis endawima nunggwigya lagagirik, anedek werekma, Yesus adema wolok wagu lagagwama, 33madis ako nggigilogo wibagya lagagimu, At anedek welagagi ako, ane werek agagi. Ane werek agya lagagimu, it avakwa wonggalek agarwik akoen, “Wi!” yiluk, vok yugu dugwit, “Nit ap Iserali menda nenamwa yoma anderogo ambi ogagu selagwidek ovara, ap yi ogagya helagwi,” yiluk, yagagwa. 34Yagagwa ovara it ap Varisi menda akoen, “At Yesus andi, madis enasin anye vaga madis avakwa enendawima en nggigilogo wibisaliga,” yiluk, yugu lagagwa.
Yesus en avakwa enabwa imbitigi wene
35At Yesus o kota ombokma inim, o madukma inim yanonggegek-ndanonggegek lagya dugwit, it samban ogasagwima wene mamulirigya, Sek Wene At mbogot vaga menda avema bisaup wene ako avakwa yugirigya, it aup adem adik-adik menda inim, eneyave idup-mbidup menda inim, sek oginipu, ogarit nagu lagagi. 36Ogarit nagu dugwit, avakwa wam ndomba enasin vagenombogo eyave dek ovagak atma, anggin-mbanggin enovaga agarik ako, saen yonggar-inisabuk il inigu lagagirik, enabwa adigat imbitigi. 37Enabwa adigat imbita lagagirik, At ane welagwi menda ako yugirigya dugwit, “Enggen yugup wisane aga ovara, mbalisagwi menda it eneyave ambukum atma, 38At enggen yugup andok agarik Ala akoen it ap enggen mbalisagwi menda lakbisa warupwak yiluk, yugugu dogones o,” yiluk, yugeragagi.
