LUKAS 16
16
Pakkalebarang pananro doe' jekkong
16:1-9
1Maeng injo appaui Isa ri ana'-ana' gurunNa, ”Rie' se're tau kalumannyang rie' pagahe pananro doe'na. Mange ri ia ripanjarrungangi pappitina ma'nassana lapela'-pela'i anunna pagahe pananro doe' injo. 2Jari lakeo'i pagahe pananro doe' injo na lakuta'nangi: Apa toje'i nukulangngere inni ripassala'mu? Ukiri baji'i apa numujama injo, saba' gelemoko akkulle anjama laa'jari pananro doe'ku. 3Lakuamo pananro doe' injo lalang ri atina: Apamo pade' nuparallu lakugeokang? Lapasulu'ma Karaengku battu rijamaangku a'jari pananro doe'na. Lamange a'bingkung gelea akkulle, lamange ngera-ngera siri'-siri' todo'a. 4Kupahammu nuparallu injo lakugeokang, solanna ampa lapasulu' toje'a ri jamangku a'jari pananro doe'na, rie' juapa tau lapamminsomboa ri saponna. 5Jari lakeo' tasse're-se'rei tau rie' injo inranna ri karaenna. Lakuamo mange ri tau makase're injo: Sikura inrammu ri karaengku? 6Pappihalinna tau injo: Sibilangang talle minnya' inrangku. Jari lakuamo mange ri tau injo: Tarimai sura' inrammu, attolommoko na lassiriko ukiri: Limampulo talle. 7Maeng injo ia appaui mange ri tau makarua injo: Kau sikura inrammu? Appihalimu tau injo: Sibilangang pikulu bae gandong inrangku. Lakuamo mange ri tau injo: Tarimai sura' inrammu, na ukiri: Karuapulo pikulu. 8Jari karaeng injo lapuji pananro doe' jekkong injo, kanara ripanggeokang sara'de'na. Saba' ana'-ana' tau lino inni la'bi sara'de'i mange riparanna rupatau na ri ana'-ana' Suruga.
9Nakke appau mange ri kau: Pakajarre'i pa'bahaammu surang mupakei kakalumannyangang linomu languppako bahaang, solanna ampa kakalumannyangang injo gelemu akkulle assare pattulungang, injo ritarimako lalang ripammariang mannannungang.”
Mallang ripassala ki'di' Pappiu'rangi
16:10-18
10”Inai jua mallang ripassala ki'di', mallang todo'i intu ripassala bakka'. Na inai jua gele naba ripassala ki'di', gele todo'i intu naba ripassala bakka'. 11Jari, ampa geleko mallang ri kakalumannyangang lino gele injo lambusu, inaimo lalarannuangko ri pa'barang-baranganna suruga? 12Ampa geleko mallang ri pa'barang-baranganna tau maraeng, inaimo lalasareko mannamamo kau opuna pa'barang-barangang?
13 #
Mat. 6:24
Se're inni ata gelei akkulle anjama ri rua karaeng. Saba' ampa appakonjo ia lalikingi ri sitauwang na lalakamaseangi sitauwang injo, iyareka ia lamallangi mange ri sitauwang na gele lajampangi sitauwang injo. Geleko akkulle a'jari ata mange ri Allataala na mange ri Mamon [battuanganna: kakalumannyangang lino].”
14Sikuanna tau Farisi, nusanging ata injo ri doe', rilalangngere'na ngase'i inni, jari iyai assalla ri Isa. 15Jari lakuamo Isa mange ri iyai, ”Kau mupa'nabai kalemmu ri a'rakanna parammu tau, mingka Allataala laisse'i atimu. Saba' apa nusanna' langaina rupatau, lakalikkingangi Allataala.
16 #
Mat. 11:12-13
Hukkung Tora' na kitta'na sikonjo nabbi attuju juapai sa'genna jammang rie'na Yahya; na appakaramula rihattu injo Pakkaraengang Allataala ripala'bang na sikuanna tau lakaresoi antama'. 17#Mat. 5:18La'bi lo'morangi lannya' langi' surang tana inni nala injo se're titti' ri hukkung Tora' laripattide'. 18#Mat. 5:32; 1 Kor. 7:10-11Inai jua tau lapela' bahinenna, ampai bonting surangang bahine maraeng, ia assangkili, na inai labontingi bahine ripela' injo ri bura'nenna, ia assangkili todo'i.”
Tau kalumannyang surang Lazarus tau kaasi-asi
16:19-31
19”Rie' se're tau kalumannyang sanging makeangi pakeang ballo alusu, na allo-alloi a'buaki bakka'. 20Rie' todo' se're tau paera-era riareng Lazarus, sibatu kalenna sanging puru, tinro ri a'rakang babaang saponna tau kalumannyang injo, 21na a'ra' todo'i nganre jari attajangi baru'bu' kanre a'dappe' injo battu ri mejang panganreanna tau kalumannyang injo. Mingka lohe pole asu battu na laemu' purunna. 22Gele sallo maenna injo, matemu tau kaasi-asi injo, na rierangi ri malaeka' mange ri rihaanna Abraham. Tau kalumannyang injo mate todo'i, ampai riloangang. 23Rihattu marasainna ri anja, ammonga nai'i, na lajanjang derei Abraham, na Lazarus attolong ri rihaanna. 24Jari a'nga'ngarai: Amma Abraham, rikamaseanga. Suroi Lazarus, solanna latattalang tuntung karamenna ri ere na lapaattikanga naung mae lamole tirereku, saba' sanna' marasaingku lalang ribola' api inni. 25Mingka appaui Abraham: Oe ana', u'rangisai ma'nassana kau maeng mutarimai sikonjo nubaji' rihattu attallasa'mu juapa ri lino, mingka Lazarus sanging nudaa. Konni-konnina iamo ripakarannu na kau sanna' ripakamarasai. 26Rimaraenganna injo, ri kambe na ri kau intu rie' andara passimbangang nugele akkulle rilimbangi, solanna tau a'raki injo a'lampa battu ri inni mange ri kau iyareka tau battu injo ri intu a'ra' mae ri kambe gele akkulle a'limbang. 27Lakuamo tau injo: Ampa pade' appakonjo, kuerai mange ri kau, Amma, solanna ia musuro mange ri saponna ammangku, 28saba' rie' juapa lima urangku siana', solanna ia lapiu'rangi toje'-toje'i, solanna andai antamaki ngase' sallo' ri tampa' kamarasaiang inni. 29Mingka lakua Abraham: Rie' ri iyai kitta' battu ri Musa surang sikonjo nabbi; baji'i lapilangngeri injo. 30Appihalimu tau injo: Gele, amma Abraham, mingka ampa rie' se're tau battu risikuanna tau mate mange ri iyai, a'nassamu jarrainna ngase'. 31Lakuamo Abraham mange ri ia: Ampa iyai gele a'ra' lapilangngeri kitta'na Musa surang sikonjo nabbi, a'nassamu untukinna tappa', manna injo ri tau attallasa battu rikamateang.”
נבחרו כעת:
LUKAS 16: LAI_SLY
הדגשה
שתף
העתק
רוצים לשמור את ההדגשות שלכם בכל המכשירים שלכם? הירשמו או היכנסו
@LAI 2012 Indonesian Bible Society (Lembaga Alkitab Indonesia)
LUKAS 16
16
Pakkalebarang pananro doe' jekkong
16:1-9
1Maeng injo appaui Isa ri ana'-ana' gurunNa, ”Rie' se're tau kalumannyang rie' pagahe pananro doe'na. Mange ri ia ripanjarrungangi pappitina ma'nassana lapela'-pela'i anunna pagahe pananro doe' injo. 2Jari lakeo'i pagahe pananro doe' injo na lakuta'nangi: Apa toje'i nukulangngere inni ripassala'mu? Ukiri baji'i apa numujama injo, saba' gelemoko akkulle anjama laa'jari pananro doe'ku. 3Lakuamo pananro doe' injo lalang ri atina: Apamo pade' nuparallu lakugeokang? Lapasulu'ma Karaengku battu rijamaangku a'jari pananro doe'na. Lamange a'bingkung gelea akkulle, lamange ngera-ngera siri'-siri' todo'a. 4Kupahammu nuparallu injo lakugeokang, solanna ampa lapasulu' toje'a ri jamangku a'jari pananro doe'na, rie' juapa tau lapamminsomboa ri saponna. 5Jari lakeo' tasse're-se'rei tau rie' injo inranna ri karaenna. Lakuamo mange ri tau makase're injo: Sikura inrammu ri karaengku? 6Pappihalinna tau injo: Sibilangang talle minnya' inrangku. Jari lakuamo mange ri tau injo: Tarimai sura' inrammu, attolommoko na lassiriko ukiri: Limampulo talle. 7Maeng injo ia appaui mange ri tau makarua injo: Kau sikura inrammu? Appihalimu tau injo: Sibilangang pikulu bae gandong inrangku. Lakuamo mange ri tau injo: Tarimai sura' inrammu, na ukiri: Karuapulo pikulu. 8Jari karaeng injo lapuji pananro doe' jekkong injo, kanara ripanggeokang sara'de'na. Saba' ana'-ana' tau lino inni la'bi sara'de'i mange riparanna rupatau na ri ana'-ana' Suruga.
9Nakke appau mange ri kau: Pakajarre'i pa'bahaammu surang mupakei kakalumannyangang linomu languppako bahaang, solanna ampa kakalumannyangang injo gelemu akkulle assare pattulungang, injo ritarimako lalang ripammariang mannannungang.”
Mallang ripassala ki'di' Pappiu'rangi
16:10-18
10”Inai jua mallang ripassala ki'di', mallang todo'i intu ripassala bakka'. Na inai jua gele naba ripassala ki'di', gele todo'i intu naba ripassala bakka'. 11Jari, ampa geleko mallang ri kakalumannyangang lino gele injo lambusu, inaimo lalarannuangko ri pa'barang-baranganna suruga? 12Ampa geleko mallang ri pa'barang-baranganna tau maraeng, inaimo lalasareko mannamamo kau opuna pa'barang-barangang?
13 #
Mat. 6:24
Se're inni ata gelei akkulle anjama ri rua karaeng. Saba' ampa appakonjo ia lalikingi ri sitauwang na lalakamaseangi sitauwang injo, iyareka ia lamallangi mange ri sitauwang na gele lajampangi sitauwang injo. Geleko akkulle a'jari ata mange ri Allataala na mange ri Mamon [battuanganna: kakalumannyangang lino].”
14Sikuanna tau Farisi, nusanging ata injo ri doe', rilalangngere'na ngase'i inni, jari iyai assalla ri Isa. 15Jari lakuamo Isa mange ri iyai, ”Kau mupa'nabai kalemmu ri a'rakanna parammu tau, mingka Allataala laisse'i atimu. Saba' apa nusanna' langaina rupatau, lakalikkingangi Allataala.
16 #
Mat. 11:12-13
Hukkung Tora' na kitta'na sikonjo nabbi attuju juapai sa'genna jammang rie'na Yahya; na appakaramula rihattu injo Pakkaraengang Allataala ripala'bang na sikuanna tau lakaresoi antama'. 17#Mat. 5:18La'bi lo'morangi lannya' langi' surang tana inni nala injo se're titti' ri hukkung Tora' laripattide'. 18#Mat. 5:32; 1 Kor. 7:10-11Inai jua tau lapela' bahinenna, ampai bonting surangang bahine maraeng, ia assangkili, na inai labontingi bahine ripela' injo ri bura'nenna, ia assangkili todo'i.”
Tau kalumannyang surang Lazarus tau kaasi-asi
16:19-31
19”Rie' se're tau kalumannyang sanging makeangi pakeang ballo alusu, na allo-alloi a'buaki bakka'. 20Rie' todo' se're tau paera-era riareng Lazarus, sibatu kalenna sanging puru, tinro ri a'rakang babaang saponna tau kalumannyang injo, 21na a'ra' todo'i nganre jari attajangi baru'bu' kanre a'dappe' injo battu ri mejang panganreanna tau kalumannyang injo. Mingka lohe pole asu battu na laemu' purunna. 22Gele sallo maenna injo, matemu tau kaasi-asi injo, na rierangi ri malaeka' mange ri rihaanna Abraham. Tau kalumannyang injo mate todo'i, ampai riloangang. 23Rihattu marasainna ri anja, ammonga nai'i, na lajanjang derei Abraham, na Lazarus attolong ri rihaanna. 24Jari a'nga'ngarai: Amma Abraham, rikamaseanga. Suroi Lazarus, solanna latattalang tuntung karamenna ri ere na lapaattikanga naung mae lamole tirereku, saba' sanna' marasaingku lalang ribola' api inni. 25Mingka appaui Abraham: Oe ana', u'rangisai ma'nassana kau maeng mutarimai sikonjo nubaji' rihattu attallasa'mu juapa ri lino, mingka Lazarus sanging nudaa. Konni-konnina iamo ripakarannu na kau sanna' ripakamarasai. 26Rimaraenganna injo, ri kambe na ri kau intu rie' andara passimbangang nugele akkulle rilimbangi, solanna tau a'raki injo a'lampa battu ri inni mange ri kau iyareka tau battu injo ri intu a'ra' mae ri kambe gele akkulle a'limbang. 27Lakuamo tau injo: Ampa pade' appakonjo, kuerai mange ri kau, Amma, solanna ia musuro mange ri saponna ammangku, 28saba' rie' juapa lima urangku siana', solanna ia lapiu'rangi toje'-toje'i, solanna andai antamaki ngase' sallo' ri tampa' kamarasaiang inni. 29Mingka lakua Abraham: Rie' ri iyai kitta' battu ri Musa surang sikonjo nabbi; baji'i lapilangngeri injo. 30Appihalimu tau injo: Gele, amma Abraham, mingka ampa rie' se're tau battu risikuanna tau mate mange ri iyai, a'nassamu jarrainna ngase'. 31Lakuamo Abraham mange ri ia: Ampa iyai gele a'ra' lapilangngeri kitta'na Musa surang sikonjo nabbi, a'nassamu untukinna tappa', manna injo ri tau attallasa battu rikamateang.”
@LAI 2012 Indonesian Bible Society (Lembaga Alkitab Indonesia)