कुलवानकु.कामि 10
10
कोरनेलियुस ता पतरस के होहो इरीवेःकुवाय
1कयसरिया दिसुम रे कोरनेलियुस लुतूम रिई मिहोर होर तहिकेनाय जे इतालियन लुतूम पलटन रिई सुबेदार तहिकेनाय 2उनी भक्त तहिकेनाय, अरो आचरेन सुबिन घराना समेत परमेसर के बोरोय केनाकु, अरो जहुदी होरकु के बेचोट दान एमाकुकन केनाय, अरो बराबोइर परमेसर एते पराथना चित तहीः केनाय। 3उनी ता सिंगी रआ तीन बजे, दरसन रे सुपट रुप एते नेलएताय चि परमेसर रिई मिहोर सोवारागदूत उनी ठिनुः भीतरी हेच केते मेताय कनाय, “ए कोरनेलियुस” 4उनी ता उनी के धेयान एते नेलेःदेयाय अरो बोरोय-बोरोय मेताःदेयाय, “ए परभु चिलिकाः हेके?” उनी ता उनी एते मेताःदेयाय, “आम रआ पराथना अरो आम रआ दान ओयहर कथिर परमेसर रआ हेनात तेबाः एकाना, 5अरो निमीः याफा चट्टी रे होर कुलकेते सिमोन जे पतरस गामुः कनाय, होहो इरीकेय। 6उनी सिमोन चमार ठिनुः मेहमान एकानाय, जेकर ओड़ाः समुदर रआ आतोम रे हेनाःआं” 7जोब उनी सोवारागदूत उनी लोः नधनी लाःआय तोराया दो उनी बार होर धंगोर, अरो जे उनी ठिनुः हाजिर तहीःकेनाकु उनकु रे एते मिहोर भक्त सिपाही के होहोएदेयाय 8अरो उनी के सुबिन गानाम उदुः केते याफा चट्टी एते कुलेःदेयाय।
पतरस रआ दरसन
9एटाः हिलोः जोब उनकु सेसेन-सेसेन चट्टी हेनात तेबाःएनाकु दो दुपहरा रआ हेनात पतरस छनमिन रे पराथना कथिर देच एनाय। 10उनी के रेंगेच एदेया अरो जहन्नाः जोजोम कथिर वोः केनाय, मुदा जोब उनी तेयार एकेनाय दो उनी ता दरसन नेलएताय, 11अरो उनी ता नेलएताय, चि सोवाराग रड़ाएना अरो जहन जिनिस, मरंग पेछोरी लेका लतार अरगुःकेना, उना चइरो कोना एते साप केते ओते रे अरगुय केनाकु। 12जेकर रे ओते रेन सुबिन लेकन चाइर बाका रेन जनावार अरो टुंडांग वन जीव अरो सिरमा रे चेंड़े ओटांङ बेराः केनाकु। 13उनी मियाः नुंकन राव ओनावेताय, “ए पतरस बिरीतमी, गोचकुम अरो जोमकुम” 14मुदा पतरस ता गाम्मेताय, “बङा परभु, बङ उतरगी, चिलिमेनचि इञ ता केहयो जहन असुध चाहे घिन जिनिस काइञ जोम्मेकाःआ।” 15अरो एटाः इसा उनी के राव ओनावेना, “जहन्नाः परमेसर ता सुध ठहराव एकाःआय उना आम असुध ओलोम गाम्मा” 16पेय इसा इनकागी होय्येना, तोब एनेनगी उना पेछोरी सोवाराग रे चेतान उठाव इदिएना। 17पतरस नुवां काय सोमझाव दाड़ी वकन केनाय चि इञ जे दरसन नेल कनिञ, उना रआ ओरोथ चिलिकाः होयुःआ। इमिनुंग रिगी कोरनेलियुस एते कुलवान होर, सिमोन रआ ओड़ाः रआ आता पाता लगाव केते दुवेर रआ हेनात हेच तेबाः एनाकिन। 18उनकु जोड़ राव एते नुवां कुली कुकनकेनाकु, “चिलि सिमोन जे पतरस गामुः कनाय नुवां ओड़ाः रिगियाय?” 19पतरस निमीः हों उना दरसन रआ बबेत रे सोंचाः केनाय रिगी पबितर रावा ता उनी के गामवादेयाय, “नेलमी! तीन होर आम के दंड़ा मिकानाकु। 20आम हारदेन लतार हिजुःमी अरो निधाड़क केते उनकु लोः कोःमीः, चिलिमेनचि उनकु के इञ गी कुल एकाःकुञ।” 21पतरस ता अरगु केते उनकु होर के गामवाःकुवाय, “अपे जेके दंड़ाय कनापे, इञ इनिगी हेकेञ। अपे नोन्डो चिलिमेन हेच्चेकानापे?” 22उनकु ता गामवादेयाकु, “कोरनेलियुस पलटन रिई एगवा जे धरमी अरो परमेसर एते बोरोय वनीः अरो सुबिन जहुदी जाइत रे सुबिन एते नामी होर हेकेय, उनी मिहोर पबितर सोवारागदूत एते नुवां हुकूम नाम एकाःआय चि आम के अपन ओड़ाः होहो केते आम एते बचन ओनावियाय।” 23तोब उनी ता उनकु के भीतरी होहो केते उनकु के मेहमान वेःकुवाय।
कोरनेलियुस रआ ओड़ाः रे पतरस
एटाः हिलोः उनी उनकु लोः तोराया, अरो याफा रेन बोयहाकु रे एते हुडिञगन उनी लोः एनाकु। 24एटाः हिलोः उनकु कयसरिया तेबाःएनाकु, अरो कोरनेलियुस आचरेन कुटूमकु अरो दुलार गातिकु के जामा केते उनी रआ आसरा नेल एकेनाकु। 25जोब पतरस भीतरी हिजुः केनाय, दो कोरनेलियुस ता उनी लोः भेंट एनाय, अरो उनी के उकरुम केते जोहार एदेयाय, 26मुदा पतरस ता उनी के साप बिरीत केते मेताःदेयाय, “तिंगुःमी, इञ होचो होर गी हेकेञ।” 27अरो उनी लोः नधनी-गापम वते भीतरी तोराकिना, अरो बेचोट एते होर के जामा नेल केते 28उनी के गामवादेयाय, “आम सारी कनाम चि गइर-जहुदी लोः संगाति कराव चाहे उनकु ठिनुः सिनुः जहुदी कथिर अधारम हेनाःआं, मुदा परमेसर ता इञ के दिसतार एकावादेञाय चि जहय होर के असुध चाहे घिन का गागाम चही। 29इनाते इञ के जोब होहो देञाकु दो बिन जहन गाम हेच एकानिञ निमीः इञ कुलि पेकानिञ चि इञ के चिलि कामि कथिर होहो एकाःदेञापे।” 30कोरनेलियुस ता गाम्मेताय, “चाइर हिलोः पहिल इञ अपन ओड़ाः रे नियां तीन बजे गी पराथनाय किनिञ, दो नेलतिञ, मिहोर हेरेल चमकाः किचरीः होरोः केते इञ हेनात हेच तिंगु वेनाय 31अरो गागाम हेलावेनाय ‘ए कोरनेलियुस, आम रआ पराथना अयुम्मीतिञ अरो आम रआ दान परमेसर रआ हेनात ओयहारेना 32इनाते जहय के याफा चट्टी कुल केते सिमोन के जे पतरस गामुः कनाय, होहोय। उनी समुदर रआ आतोम सिमोन, चमार रआ ओड़ाः रे मेहमान एकानाय’ 33तोब इञ एनेनगी आम ठिनुः होर कुलेःकुविञ, अरो आम ता भला एताम जे हेच्चेनाय। अबु सुबिन नोन्डो परमेसर रआ हेनात हेनाबुना, ताकि जहन्नाः परभु ता आम एते गाम एकाःआय उना अयुमपे।”
पतरस रआ उपदेस
34 #
नियम 10:17
तोब पतरस ता गाम्मेताय, “निमीः इञ सच सोमझावनिञ चि परमेसर जहय लोः पछपात काय दोहोय कनाय। 35होर जहन जाइत रेन चिलिमेन बङ हेकेकु, जदि उनकु परमेसर एते बोरो दोहो केते धरम रआ कामि कनाकु दो उनकु के परमेसर गरहन कुकानाय। 36परमेसर ता इसराइलिकु कथिर बुगिन खभेर कुल एकाःआय अरो अबु ईसु मसी दोवासते, जे सुबिन रिई परभु हेकेय, सांति रआ बुगिन खभेर ओनावाःकुवाय। 37उना बचन अपे सारी कनापे, जे जोहन रआ बतिसमा रआ परचार तयनोम गलील रे एटेच केते सुबिन जहुदिया पोरदेस रे फयलावेना। 38परमेसर ता नासरत रिई ईसु के पबितर रावा अरो सोमोर्थ एते अभिसेक एदेयाय अरो उनी चइरो ओइर होनोर-होनोर केते भलाय चित तहिएनाय अरो सयतान रआ कबजा रे तहिकेनाकु उनकु के बुगी बेरा चित तहिएनाय, चिलिमेनचि परमेसर उनी लोः तहिकेनाय। 39उनकु ता जहुदिया दिसुम अरो जरुसलेम रे जहन्नाः कराव लाःआकु, उना रआ गोवाही अबु हेकेबुन, अरो उनी के होर ता कुरुस रे रकाप केते गोजेः देयाकु 40मुदा परमेसर ता पेय हिलोः रे जुवेतेदेयाय अरो दिसतार एदेयाय। 41सुबिन होर रआ हेनात बङा बलकी उनकु गोवाही रआ हेनात, जे के परमेसर ता पहिल एते गी सला लेदेयाय। उना अबु हेकेबुन। गोच वनकु रे एते उनी रआ जुवेत बिरीत रआ तयनोम अबुन ता उनी लोः जोम-नु एताबुन 42अरो उनी ता अबु के हुकूम एम एकावाःबुनाय चि होरकु रे परचार एपे अरो गोवाही एमपे, चि नोंय उनी हेकेय जे के परमेसर ता जुवेतकु अरो गोच वनकु रआ नेयाय वनीः ठहराव एकाःदेयाय। 43उनी रआ बबेत रे सुबिन परमेसर सोझ एते नधनी वनकु गोवाही एम कनाकु चि जे उनी रे बिसवासियाकु, उनकु के उनी रआ लुतूम दोवासते पाप रआ छमा नामुः काना।”
गइर-जहुदिकु रे पबितर रावा अरगुः
44पतरस नुवां गानाम गाम एकेनाय चि पबितर रावा सुबिन ओनाव वनकु रे अरगुवेना। 45पतरस लोः हेच वन जहुदी बिसवासी नुवां नेल केते चकरीत तहिएनाकु चि गइर-जहुदिकु केहों पबितर रावा रआ बरदान नाम्मेकाना। 46चिलिमेनचि उनकु गइर-जहुदिकु के एटाः-एटाः भाखा नधनी अरो परमेसर रआ बड़ाय कराव वते अयुम एकानाकु। तोब पतरस मेताःकुवाय, 47“नोकु होरकु के अबु लेकागी पबितर रावा रआ बरदान नाम एकाना, दो चिलि जहय नोकु के दाः एते बतिसमा एएम रे ओकोय रोकाव दड़ी वकुवाय।” 48अरो उनी ता उनकु के ईसु मसी रआ लुतूम एते बतिसमा एएम रआ हुकूम एमाःकुवाय, तोब उनकु पतरस एते नुवां गाम केते गोहराव एदेयाकु, “आम थोड़ दिन आले ठिनुः तहीःमी।”
נבחרו כעת:
कुलवानकु.कामि 10: BIY
הדגשה
העתק
השווה
שתפו
רוצים לשמור את ההדגשות שלכם בכל המכשירים שלכם? הירשמו או היכנסו
© 2023 NLCI CC BY-NC-ND 4.0
कुलवानकु.कामि 10
10
कोरनेलियुस ता पतरस के होहो इरीवेःकुवाय
1कयसरिया दिसुम रे कोरनेलियुस लुतूम रिई मिहोर होर तहिकेनाय जे इतालियन लुतूम पलटन रिई सुबेदार तहिकेनाय 2उनी भक्त तहिकेनाय, अरो आचरेन सुबिन घराना समेत परमेसर के बोरोय केनाकु, अरो जहुदी होरकु के बेचोट दान एमाकुकन केनाय, अरो बराबोइर परमेसर एते पराथना चित तहीः केनाय। 3उनी ता सिंगी रआ तीन बजे, दरसन रे सुपट रुप एते नेलएताय चि परमेसर रिई मिहोर सोवारागदूत उनी ठिनुः भीतरी हेच केते मेताय कनाय, “ए कोरनेलियुस” 4उनी ता उनी के धेयान एते नेलेःदेयाय अरो बोरोय-बोरोय मेताःदेयाय, “ए परभु चिलिकाः हेके?” उनी ता उनी एते मेताःदेयाय, “आम रआ पराथना अरो आम रआ दान ओयहर कथिर परमेसर रआ हेनात तेबाः एकाना, 5अरो निमीः याफा चट्टी रे होर कुलकेते सिमोन जे पतरस गामुः कनाय, होहो इरीकेय। 6उनी सिमोन चमार ठिनुः मेहमान एकानाय, जेकर ओड़ाः समुदर रआ आतोम रे हेनाःआं” 7जोब उनी सोवारागदूत उनी लोः नधनी लाःआय तोराया दो उनी बार होर धंगोर, अरो जे उनी ठिनुः हाजिर तहीःकेनाकु उनकु रे एते मिहोर भक्त सिपाही के होहोएदेयाय 8अरो उनी के सुबिन गानाम उदुः केते याफा चट्टी एते कुलेःदेयाय।
पतरस रआ दरसन
9एटाः हिलोः जोब उनकु सेसेन-सेसेन चट्टी हेनात तेबाःएनाकु दो दुपहरा रआ हेनात पतरस छनमिन रे पराथना कथिर देच एनाय। 10उनी के रेंगेच एदेया अरो जहन्नाः जोजोम कथिर वोः केनाय, मुदा जोब उनी तेयार एकेनाय दो उनी ता दरसन नेलएताय, 11अरो उनी ता नेलएताय, चि सोवाराग रड़ाएना अरो जहन जिनिस, मरंग पेछोरी लेका लतार अरगुःकेना, उना चइरो कोना एते साप केते ओते रे अरगुय केनाकु। 12जेकर रे ओते रेन सुबिन लेकन चाइर बाका रेन जनावार अरो टुंडांग वन जीव अरो सिरमा रे चेंड़े ओटांङ बेराः केनाकु। 13उनी मियाः नुंकन राव ओनावेताय, “ए पतरस बिरीतमी, गोचकुम अरो जोमकुम” 14मुदा पतरस ता गाम्मेताय, “बङा परभु, बङ उतरगी, चिलिमेनचि इञ ता केहयो जहन असुध चाहे घिन जिनिस काइञ जोम्मेकाःआ।” 15अरो एटाः इसा उनी के राव ओनावेना, “जहन्नाः परमेसर ता सुध ठहराव एकाःआय उना आम असुध ओलोम गाम्मा” 16पेय इसा इनकागी होय्येना, तोब एनेनगी उना पेछोरी सोवाराग रे चेतान उठाव इदिएना। 17पतरस नुवां काय सोमझाव दाड़ी वकन केनाय चि इञ जे दरसन नेल कनिञ, उना रआ ओरोथ चिलिकाः होयुःआ। इमिनुंग रिगी कोरनेलियुस एते कुलवान होर, सिमोन रआ ओड़ाः रआ आता पाता लगाव केते दुवेर रआ हेनात हेच तेबाः एनाकिन। 18उनकु जोड़ राव एते नुवां कुली कुकनकेनाकु, “चिलि सिमोन जे पतरस गामुः कनाय नुवां ओड़ाः रिगियाय?” 19पतरस निमीः हों उना दरसन रआ बबेत रे सोंचाः केनाय रिगी पबितर रावा ता उनी के गामवादेयाय, “नेलमी! तीन होर आम के दंड़ा मिकानाकु। 20आम हारदेन लतार हिजुःमी अरो निधाड़क केते उनकु लोः कोःमीः, चिलिमेनचि उनकु के इञ गी कुल एकाःकुञ।” 21पतरस ता अरगु केते उनकु होर के गामवाःकुवाय, “अपे जेके दंड़ाय कनापे, इञ इनिगी हेकेञ। अपे नोन्डो चिलिमेन हेच्चेकानापे?” 22उनकु ता गामवादेयाकु, “कोरनेलियुस पलटन रिई एगवा जे धरमी अरो परमेसर एते बोरोय वनीः अरो सुबिन जहुदी जाइत रे सुबिन एते नामी होर हेकेय, उनी मिहोर पबितर सोवारागदूत एते नुवां हुकूम नाम एकाःआय चि आम के अपन ओड़ाः होहो केते आम एते बचन ओनावियाय।” 23तोब उनी ता उनकु के भीतरी होहो केते उनकु के मेहमान वेःकुवाय।
कोरनेलियुस रआ ओड़ाः रे पतरस
एटाः हिलोः उनी उनकु लोः तोराया, अरो याफा रेन बोयहाकु रे एते हुडिञगन उनी लोः एनाकु। 24एटाः हिलोः उनकु कयसरिया तेबाःएनाकु, अरो कोरनेलियुस आचरेन कुटूमकु अरो दुलार गातिकु के जामा केते उनी रआ आसरा नेल एकेनाकु। 25जोब पतरस भीतरी हिजुः केनाय, दो कोरनेलियुस ता उनी लोः भेंट एनाय, अरो उनी के उकरुम केते जोहार एदेयाय, 26मुदा पतरस ता उनी के साप बिरीत केते मेताःदेयाय, “तिंगुःमी, इञ होचो होर गी हेकेञ।” 27अरो उनी लोः नधनी-गापम वते भीतरी तोराकिना, अरो बेचोट एते होर के जामा नेल केते 28उनी के गामवादेयाय, “आम सारी कनाम चि गइर-जहुदी लोः संगाति कराव चाहे उनकु ठिनुः सिनुः जहुदी कथिर अधारम हेनाःआं, मुदा परमेसर ता इञ के दिसतार एकावादेञाय चि जहय होर के असुध चाहे घिन का गागाम चही। 29इनाते इञ के जोब होहो देञाकु दो बिन जहन गाम हेच एकानिञ निमीः इञ कुलि पेकानिञ चि इञ के चिलि कामि कथिर होहो एकाःदेञापे।” 30कोरनेलियुस ता गाम्मेताय, “चाइर हिलोः पहिल इञ अपन ओड़ाः रे नियां तीन बजे गी पराथनाय किनिञ, दो नेलतिञ, मिहोर हेरेल चमकाः किचरीः होरोः केते इञ हेनात हेच तिंगु वेनाय 31अरो गागाम हेलावेनाय ‘ए कोरनेलियुस, आम रआ पराथना अयुम्मीतिञ अरो आम रआ दान परमेसर रआ हेनात ओयहारेना 32इनाते जहय के याफा चट्टी कुल केते सिमोन के जे पतरस गामुः कनाय, होहोय। उनी समुदर रआ आतोम सिमोन, चमार रआ ओड़ाः रे मेहमान एकानाय’ 33तोब इञ एनेनगी आम ठिनुः होर कुलेःकुविञ, अरो आम ता भला एताम जे हेच्चेनाय। अबु सुबिन नोन्डो परमेसर रआ हेनात हेनाबुना, ताकि जहन्नाः परभु ता आम एते गाम एकाःआय उना अयुमपे।”
पतरस रआ उपदेस
34 #
नियम 10:17
तोब पतरस ता गाम्मेताय, “निमीः इञ सच सोमझावनिञ चि परमेसर जहय लोः पछपात काय दोहोय कनाय। 35होर जहन जाइत रेन चिलिमेन बङ हेकेकु, जदि उनकु परमेसर एते बोरो दोहो केते धरम रआ कामि कनाकु दो उनकु के परमेसर गरहन कुकानाय। 36परमेसर ता इसराइलिकु कथिर बुगिन खभेर कुल एकाःआय अरो अबु ईसु मसी दोवासते, जे सुबिन रिई परभु हेकेय, सांति रआ बुगिन खभेर ओनावाःकुवाय। 37उना बचन अपे सारी कनापे, जे जोहन रआ बतिसमा रआ परचार तयनोम गलील रे एटेच केते सुबिन जहुदिया पोरदेस रे फयलावेना। 38परमेसर ता नासरत रिई ईसु के पबितर रावा अरो सोमोर्थ एते अभिसेक एदेयाय अरो उनी चइरो ओइर होनोर-होनोर केते भलाय चित तहिएनाय अरो सयतान रआ कबजा रे तहिकेनाकु उनकु के बुगी बेरा चित तहिएनाय, चिलिमेनचि परमेसर उनी लोः तहिकेनाय। 39उनकु ता जहुदिया दिसुम अरो जरुसलेम रे जहन्नाः कराव लाःआकु, उना रआ गोवाही अबु हेकेबुन, अरो उनी के होर ता कुरुस रे रकाप केते गोजेः देयाकु 40मुदा परमेसर ता पेय हिलोः रे जुवेतेदेयाय अरो दिसतार एदेयाय। 41सुबिन होर रआ हेनात बङा बलकी उनकु गोवाही रआ हेनात, जे के परमेसर ता पहिल एते गी सला लेदेयाय। उना अबु हेकेबुन। गोच वनकु रे एते उनी रआ जुवेत बिरीत रआ तयनोम अबुन ता उनी लोः जोम-नु एताबुन 42अरो उनी ता अबु के हुकूम एम एकावाःबुनाय चि होरकु रे परचार एपे अरो गोवाही एमपे, चि नोंय उनी हेकेय जे के परमेसर ता जुवेतकु अरो गोच वनकु रआ नेयाय वनीः ठहराव एकाःदेयाय। 43उनी रआ बबेत रे सुबिन परमेसर सोझ एते नधनी वनकु गोवाही एम कनाकु चि जे उनी रे बिसवासियाकु, उनकु के उनी रआ लुतूम दोवासते पाप रआ छमा नामुः काना।”
गइर-जहुदिकु रे पबितर रावा अरगुः
44पतरस नुवां गानाम गाम एकेनाय चि पबितर रावा सुबिन ओनाव वनकु रे अरगुवेना। 45पतरस लोः हेच वन जहुदी बिसवासी नुवां नेल केते चकरीत तहिएनाकु चि गइर-जहुदिकु केहों पबितर रावा रआ बरदान नाम्मेकाना। 46चिलिमेनचि उनकु गइर-जहुदिकु के एटाः-एटाः भाखा नधनी अरो परमेसर रआ बड़ाय कराव वते अयुम एकानाकु। तोब पतरस मेताःकुवाय, 47“नोकु होरकु के अबु लेकागी पबितर रावा रआ बरदान नाम एकाना, दो चिलि जहय नोकु के दाः एते बतिसमा एएम रे ओकोय रोकाव दड़ी वकुवाय।” 48अरो उनी ता उनकु के ईसु मसी रआ लुतूम एते बतिसमा एएम रआ हुकूम एमाःकुवाय, तोब उनकु पतरस एते नुवां गाम केते गोहराव एदेयाकु, “आम थोड़ दिन आले ठिनुः तहीःमी।”
© 2023 NLCI CC BY-NC-ND 4.0