कुलवानकु.कामि 17
17
थिस्सलुनिके चट्टी रे
1उनकिन अमफीपुलिस अरो अपुलोनिया चट्टी परोम केते थिस्सलुनिके हेच्चेनाकिन जे ठिनुः जहुदिकु रआ मियाः बिनती ओड़ाः तहिकेना, 2पाउलुस आच रआ चइल रआ मोताबिक उना बिनती ओड़ाः रे सिनुः गी तहिकेनाय अरो पेय हापता तक जिराः रआ हिलोः ओन्डो रेन होरकु लोः पबितर पोथी एते सोमझाव वते उनकु लोः नधनी-गापम एनाय, 3अरो पबितर पोथी ता रड़ा केते ओरोथ सोमझाव कुकनकेनाय चि मसी के दुख उठाव अरो गोच वनकु एते जुवेत बिरीत सरिगी तहिकेना। अरो “नेय ईसु जेकर बबेत रे इञ अपे के परचार उदुः वपेकानिञ, मसी हेकेय।” 4उनकु रे एते हुडिञगन होर बिसवास एताकु अरो उनकु पाउलुस अरो सिलास लोः मेसा एनाकु। बेचोट ते परमेसर रेन भक्त जूनानिकु अरो मुध एराकु हों मनाव एनाकु। 5नियां रे हुडिञगन जहुदी इरसा एते जलाः हेलावेनाकु अरो उनकु ता कुचड़कु के मीः वेःकुवाकु अरो चट्टी रे झामेला एटेच एताकु। अरो उनकु जासोन रआ ओड़ाः हेच तेबाःएनाकु चि पाउलुस अरो सिलास के चट्टी रे पंचेत रआ लहा रे हाजिर किनाकु होनांङ। 6उनकिन के ओन्डो काकु नामेःकिना दो उनकु जासोन अरो हुडिञगन बोयहाकु के चट्टी रेन सलाह एएमकु रआ लहा रे ओर इदी वेःकुवाकु। अरो उनकु नुवां कुर्री वते गाम्मेताकु, “बार होर पुरा दुनिया रे उथाल-पुथाल एकाः अकिन अरो निमीः उनकिन नोन्डो हों तेबाः एकानाकिन। 7उनकु सुबिन रोम रिई महाराजा कयसर रआ हुकूम रआ बिरोध कराव केते उदुः कनाकु चि कयसर रआ अलावे अरो मिहोर राजा हेनाःइचा, जेकर लुतूम ईसु हेके।” निमीः जासोन ता उनकिन के आच ठिनुः दोहो एकाःकिनाय। 8नुवां अयुम केते भीड़ अरो चट्टी रेन सलाह एएमकु खिस्सेनाकु। 9सलाह एएमकु अरो जासोन अरो बिसवासिकु के जबानात अगु केते उनकिन के सेनइरी वाःकुवाकु।
पाउलुस अरो सिलास बिरीया चट्टी रे
10इना निदा गी बिसवासी बोयहा-मिसी ता पाउलुस अरो सिलास के बिरीया कुलेःकिनाकु। अरो उनकिन ओन्डो तेबाः केते जहुदिकु रआ बिनती ओड़ाः रे तोराकिना 11नोंकु दो थिस्सलुनिके रेन जहुदिकु एते खुला मोन वन तहिकेनाकु, अरो उनकु ता पुरा मोन एते बचन ओनाव एकेनाकु, अरो नुवां रआ सचाय ता जांचव कथिर रोज हिलोः पबितर पोथी एते पाउलुस जे गानाम गाम लाःआय, उना सच हेके चि बङा 12उनकु रे बेचोट होर बिसवास एताकु। नोकु रे ते अलावे बेचोट अरो मुध जूनानी एराकु अरो हेरेल हों बिसवास एताकु 13जोब थिस्सलुनिके रेन जहुदी सारीएताकु चि पाउलुस बिरीया रे हों परमेसर रआ बचन उदुः कनाय दो ओन्डो हों हेचकेते होरकु के उसकाव कुकानाय अरो होर ओन्डो हों झामेला मचाव हेलावेनाकु। 14इनाते बिसवासी बोयहा-मिसी ता पाउलुस के एनेन गी समुदर रआ अतोम कुल कदेयाकु। सिलास अरो तिमुथियुस एन्डे गी तहिएनाकिन। 15जे पाउलुस लोः सिनुःकेनाकु उनकु एथेंस तक उनी लोः तोराकुवा, तोब पाउलुस ता उनकु के हुकूम एमाःकुवाय चि, “जेतना हारदेन होय सकाःका इमिनुः हरहुर सिलास अरो तिमुथियुस के इञ ठिनुः हिजुः कथिर गाम वकिनपे, तोब उनकु बिरीया चट्टी सिनुः कथिर उडुङएनाकु।”
एथेंस रे पाउलुस रआ धरम परचार
16जोब पाउलुस एथेंस रे सिलास अरो तिमुथियुस रआ आसरा नेनेल केनाय, दो चट्टी रे मुरती एते पेड़ेच एकानाकु, उनकु के नेल केते उनी रआ जीव रे बेचोट दुख एना। 17इनाते उनी बिनती ओड़ाः रे जहुदिकु अरो जूनानी भक्तकु लोः नपाम केनाय। अरो चाउक रे हिजुः-सिनुः वनकु एते उनी रोज हिलोः नधनी-गापम केनाय। 18ओन्डो हुडिञगन इपिकुरी#17:18 इपिकुरी इपिकुरिकु मनाव वोःकेनाकु चि दुनिया धुड़ी एते हों हुडिञ एते हुडिञ जिनिस एते बाय एकाना। अरो नुवां दुनिया रे मियाः गी बुगिना, उना हेके रिझ-रंग अरो खुस तहीः। अरो स्तोइकिकु#17:18 स्तोइकिकु स्तोइकिकु होर मनाः केनाकु चि होर दुख सुख रआ तोनोल एते छुटकारा ननाम चही, अरो बिन सिकायत बुगिन जरुरेत कथिर अपन-अपन तिगी सोंपाव वोः चही। गेयानी एते हों नधनी-गापम लाःआय। आधा होर गाम एकेनाकु, “नोंय बकवासी अबु के चिलिकाः गागाम कथिर वोः कनाय?” आधा होर अरो गाम्मेकेनाकु, “नोंय बिदेसी बोंगाकु रआ बबेत रे उदुःकानाय,” चिलिमेनचि उनी ईसु रआ अरो जुवेत बिरीत रआ बबेत रे उदुः वकु केनाय। 19इनाते उनकु पाउलुस के एथेन रआ चट्टी रआ मरंग पंचेत इदी एदेयाकु जे पंचेत रआ लुतूम अरियुपगुस तहिकेना। तोब पाउलुस के मेताःदेयाकु, “आम जे नवां सिख एमा कुकानाम, आले उना रआ बबेत रे सारी चहाः कनाले। 20आम आले के उदुः वाले कनाम उना आले कथिर नवां अटकार वोःकाना। आले सारी कथिर ओःकानाले चि उना रआ ओरोथ चिलि कानाः हेके” 21(इनाते चि सुबिन एथेंस रे तहीःवन अरो पोरदेसी जे ओन्डो तहीः कनाकु, नवां-नवां सिख रआ बबेत रे अरो नधनी-गापम रे अरो अयुम रिगी अपन सुबिन समेय बिताव एकेनाकु।)
एथेंस रे पाउलुस रआ भासनाव
22अरियुपगुस रआ मरंग पंचेत रआ लहा रे तिंगु केते पाउलुस ता नुवां मेताःकुवाय, “ए एथेंस रेन होरकु! इञ नेल पेकानिञ चि अपे बोंगाकु के बेचोट ढेर मनाव वनकु हेकेपे। 23इञ जोब चट्टी रे होनोर बेराय किनिञ, तोब इञ अपे रआ बोंगा-बुरु कराव जिनिस ता धेयान एते नेल्लीतिञ, तोब इञ मियाः थान रआ चेतान नेल्लीतिञ चि मियाः अनजान परमेसर कथिर, हें अपे कपे सारीइकाना रेहोंगी अपे उनी परमेसर रआ सेवाय कनापे, उनी परमेसर रआ बबेत रे उदुः वपेकानिञ। 24#1 राजा 8:27; जसा 42:5; कु.कामि 7:48परमेसर ता दुनिया रआ सुबिन्नाः बाय एकाःआय, उनी सोवाराग अरो ओते रिई परभु हेकेय, उनी ती एते बाय वनाः मंदिर रे काय तहीः कनाय, 25परमेसर के जहन जिनिस रआ घटी बनुःआं, इनाते मनवांकु एते परमेसर रआ सेवा-सुसार का होय दड़ी नोःओ चिलिमेनचि उनी सुबिन के जीव, अरो सांस अरो सुबिन्नाः एमा कुकानाय। 26मिहोर मनवां एते गी परमेसर ता मनवां रेन सुबिन जाइत के बयेःकुवाय, ताकि समुचा ओते रे बोसाव वोःओकु अरो परमेसर ता मनवांकु रआ समेय निचित एकाःआय अरो उना ठांव, जे ठिनुः तहिनाकु इलाका हटिञ वाःकुवाय। 27ताकि मनवांकु ता परमेसर के दंड़ायाकु, होय दड़ी नोंओ चि उनकु परमेसर ठिनुः तक तेबाः केते नामकेयकाकु, रेहों उनी अबु रे एते जहय एते संगिञ बनुः इचा। 28जहय गाम्मेताकु, अबु इनी रिगी जुवेत तहीः कनाबुन,
“‘अरो सेन-बेराय कनाबुन, अरो उनी रिगी टेकाव तहीः कनाबुन,’
जेलेका अपे रेन थोड़गन ओओल वनकु ता हों गाम्माकु,
‘अबु दो उनी रेन बोंस हेकेबुन।’
29जदि अबु परमेसर रेन बोंस हेकेबुन रेदो अबुनके नुंका का सोमझाः चही चि परमेसर मनवां रआ सोंच एते अरो कारीगारी एते बाय वनाः सोना, चांदी बङ रेदो दिड़ी रिई मुरती लेका हेनाया। 30बिताव जुग रे परमेसर के काकु सारीइ केना, रेहों गी परमेसर उनकु रआ गेयान रे धेयान काय एम लाःआय, मुदा नेबरीक सुबिन ठांव सुबिन होरकु के मोन रुवाड़ रआ हुकूम एमा कुकानाय। 31चिलिमेनचि उनी ता मीः हिलोः ठहराव एकाःआय, जेकर रे उनी, उनी होर रआ दोवासते धरम एते पुरा दुनिया रआ नेयायिञ, जे के उनी ता ठहराव एकाःकुवाय, अरो उनी के गोच वनकु रे एते जुवेत केते नुवां गानाम सुबिन रे सबिद एदेयाय।” 32गोच वनकु रआ जुवेत बिरीत रआ गानाम ओनाव केते आधा होर दो लेचेड़-लेचेड़ कराव हेलावेनाकु, अरो आधा होर ता गाम्मेताकु “नुवां गानाम आले आम एते अरोगी अयुम चहाः आले।” 33तोब पाउलुस मरंग पंचेत ता बागी केते तोराया। 34रेहों हुडिञगन होर उनी लोः एनाकु अरो बिसवास एताकु जेलेका मरंग पंचेत रेन सदास दियोनिसियुस अरो दामरिस लुतूम एरा अरो एटाः होर हों तहिकेनाकु।
נבחרו כעת:
कुलवानकु.कामि 17: BIY
הדגשה
העתק
השווה
שתפו
רוצים לשמור את ההדגשות שלכם בכל המכשירים שלכם? הירשמו או היכנסו
© 2023 NLCI CC BY-NC-ND 4.0
कुलवानकु.कामि 17
17
थिस्सलुनिके चट्टी रे
1उनकिन अमफीपुलिस अरो अपुलोनिया चट्टी परोम केते थिस्सलुनिके हेच्चेनाकिन जे ठिनुः जहुदिकु रआ मियाः बिनती ओड़ाः तहिकेना, 2पाउलुस आच रआ चइल रआ मोताबिक उना बिनती ओड़ाः रे सिनुः गी तहिकेनाय अरो पेय हापता तक जिराः रआ हिलोः ओन्डो रेन होरकु लोः पबितर पोथी एते सोमझाव वते उनकु लोः नधनी-गापम एनाय, 3अरो पबितर पोथी ता रड़ा केते ओरोथ सोमझाव कुकनकेनाय चि मसी के दुख उठाव अरो गोच वनकु एते जुवेत बिरीत सरिगी तहिकेना। अरो “नेय ईसु जेकर बबेत रे इञ अपे के परचार उदुः वपेकानिञ, मसी हेकेय।” 4उनकु रे एते हुडिञगन होर बिसवास एताकु अरो उनकु पाउलुस अरो सिलास लोः मेसा एनाकु। बेचोट ते परमेसर रेन भक्त जूनानिकु अरो मुध एराकु हों मनाव एनाकु। 5नियां रे हुडिञगन जहुदी इरसा एते जलाः हेलावेनाकु अरो उनकु ता कुचड़कु के मीः वेःकुवाकु अरो चट्टी रे झामेला एटेच एताकु। अरो उनकु जासोन रआ ओड़ाः हेच तेबाःएनाकु चि पाउलुस अरो सिलास के चट्टी रे पंचेत रआ लहा रे हाजिर किनाकु होनांङ। 6उनकिन के ओन्डो काकु नामेःकिना दो उनकु जासोन अरो हुडिञगन बोयहाकु के चट्टी रेन सलाह एएमकु रआ लहा रे ओर इदी वेःकुवाकु। अरो उनकु नुवां कुर्री वते गाम्मेताकु, “बार होर पुरा दुनिया रे उथाल-पुथाल एकाः अकिन अरो निमीः उनकिन नोन्डो हों तेबाः एकानाकिन। 7उनकु सुबिन रोम रिई महाराजा कयसर रआ हुकूम रआ बिरोध कराव केते उदुः कनाकु चि कयसर रआ अलावे अरो मिहोर राजा हेनाःइचा, जेकर लुतूम ईसु हेके।” निमीः जासोन ता उनकिन के आच ठिनुः दोहो एकाःकिनाय। 8नुवां अयुम केते भीड़ अरो चट्टी रेन सलाह एएमकु खिस्सेनाकु। 9सलाह एएमकु अरो जासोन अरो बिसवासिकु के जबानात अगु केते उनकिन के सेनइरी वाःकुवाकु।
पाउलुस अरो सिलास बिरीया चट्टी रे
10इना निदा गी बिसवासी बोयहा-मिसी ता पाउलुस अरो सिलास के बिरीया कुलेःकिनाकु। अरो उनकिन ओन्डो तेबाः केते जहुदिकु रआ बिनती ओड़ाः रे तोराकिना 11नोंकु दो थिस्सलुनिके रेन जहुदिकु एते खुला मोन वन तहिकेनाकु, अरो उनकु ता पुरा मोन एते बचन ओनाव एकेनाकु, अरो नुवां रआ सचाय ता जांचव कथिर रोज हिलोः पबितर पोथी एते पाउलुस जे गानाम गाम लाःआय, उना सच हेके चि बङा 12उनकु रे बेचोट होर बिसवास एताकु। नोकु रे ते अलावे बेचोट अरो मुध जूनानी एराकु अरो हेरेल हों बिसवास एताकु 13जोब थिस्सलुनिके रेन जहुदी सारीएताकु चि पाउलुस बिरीया रे हों परमेसर रआ बचन उदुः कनाय दो ओन्डो हों हेचकेते होरकु के उसकाव कुकानाय अरो होर ओन्डो हों झामेला मचाव हेलावेनाकु। 14इनाते बिसवासी बोयहा-मिसी ता पाउलुस के एनेन गी समुदर रआ अतोम कुल कदेयाकु। सिलास अरो तिमुथियुस एन्डे गी तहिएनाकिन। 15जे पाउलुस लोः सिनुःकेनाकु उनकु एथेंस तक उनी लोः तोराकुवा, तोब पाउलुस ता उनकु के हुकूम एमाःकुवाय चि, “जेतना हारदेन होय सकाःका इमिनुः हरहुर सिलास अरो तिमुथियुस के इञ ठिनुः हिजुः कथिर गाम वकिनपे, तोब उनकु बिरीया चट्टी सिनुः कथिर उडुङएनाकु।”
एथेंस रे पाउलुस रआ धरम परचार
16जोब पाउलुस एथेंस रे सिलास अरो तिमुथियुस रआ आसरा नेनेल केनाय, दो चट्टी रे मुरती एते पेड़ेच एकानाकु, उनकु के नेल केते उनी रआ जीव रे बेचोट दुख एना। 17इनाते उनी बिनती ओड़ाः रे जहुदिकु अरो जूनानी भक्तकु लोः नपाम केनाय। अरो चाउक रे हिजुः-सिनुः वनकु एते उनी रोज हिलोः नधनी-गापम केनाय। 18ओन्डो हुडिञगन इपिकुरी#17:18 इपिकुरी इपिकुरिकु मनाव वोःकेनाकु चि दुनिया धुड़ी एते हों हुडिञ एते हुडिञ जिनिस एते बाय एकाना। अरो नुवां दुनिया रे मियाः गी बुगिना, उना हेके रिझ-रंग अरो खुस तहीः। अरो स्तोइकिकु#17:18 स्तोइकिकु स्तोइकिकु होर मनाः केनाकु चि होर दुख सुख रआ तोनोल एते छुटकारा ननाम चही, अरो बिन सिकायत बुगिन जरुरेत कथिर अपन-अपन तिगी सोंपाव वोः चही। गेयानी एते हों नधनी-गापम लाःआय। आधा होर गाम एकेनाकु, “नोंय बकवासी अबु के चिलिकाः गागाम कथिर वोः कनाय?” आधा होर अरो गाम्मेकेनाकु, “नोंय बिदेसी बोंगाकु रआ बबेत रे उदुःकानाय,” चिलिमेनचि उनी ईसु रआ अरो जुवेत बिरीत रआ बबेत रे उदुः वकु केनाय। 19इनाते उनकु पाउलुस के एथेन रआ चट्टी रआ मरंग पंचेत इदी एदेयाकु जे पंचेत रआ लुतूम अरियुपगुस तहिकेना। तोब पाउलुस के मेताःदेयाकु, “आम जे नवां सिख एमा कुकानाम, आले उना रआ बबेत रे सारी चहाः कनाले। 20आम आले के उदुः वाले कनाम उना आले कथिर नवां अटकार वोःकाना। आले सारी कथिर ओःकानाले चि उना रआ ओरोथ चिलि कानाः हेके” 21(इनाते चि सुबिन एथेंस रे तहीःवन अरो पोरदेसी जे ओन्डो तहीः कनाकु, नवां-नवां सिख रआ बबेत रे अरो नधनी-गापम रे अरो अयुम रिगी अपन सुबिन समेय बिताव एकेनाकु।)
एथेंस रे पाउलुस रआ भासनाव
22अरियुपगुस रआ मरंग पंचेत रआ लहा रे तिंगु केते पाउलुस ता नुवां मेताःकुवाय, “ए एथेंस रेन होरकु! इञ नेल पेकानिञ चि अपे बोंगाकु के बेचोट ढेर मनाव वनकु हेकेपे। 23इञ जोब चट्टी रे होनोर बेराय किनिञ, तोब इञ अपे रआ बोंगा-बुरु कराव जिनिस ता धेयान एते नेल्लीतिञ, तोब इञ मियाः थान रआ चेतान नेल्लीतिञ चि मियाः अनजान परमेसर कथिर, हें अपे कपे सारीइकाना रेहोंगी अपे उनी परमेसर रआ सेवाय कनापे, उनी परमेसर रआ बबेत रे उदुः वपेकानिञ। 24#1 राजा 8:27; जसा 42:5; कु.कामि 7:48परमेसर ता दुनिया रआ सुबिन्नाः बाय एकाःआय, उनी सोवाराग अरो ओते रिई परभु हेकेय, उनी ती एते बाय वनाः मंदिर रे काय तहीः कनाय, 25परमेसर के जहन जिनिस रआ घटी बनुःआं, इनाते मनवांकु एते परमेसर रआ सेवा-सुसार का होय दड़ी नोःओ चिलिमेनचि उनी सुबिन के जीव, अरो सांस अरो सुबिन्नाः एमा कुकानाय। 26मिहोर मनवां एते गी परमेसर ता मनवां रेन सुबिन जाइत के बयेःकुवाय, ताकि समुचा ओते रे बोसाव वोःओकु अरो परमेसर ता मनवांकु रआ समेय निचित एकाःआय अरो उना ठांव, जे ठिनुः तहिनाकु इलाका हटिञ वाःकुवाय। 27ताकि मनवांकु ता परमेसर के दंड़ायाकु, होय दड़ी नोंओ चि उनकु परमेसर ठिनुः तक तेबाः केते नामकेयकाकु, रेहों उनी अबु रे एते जहय एते संगिञ बनुः इचा। 28जहय गाम्मेताकु, अबु इनी रिगी जुवेत तहीः कनाबुन,
“‘अरो सेन-बेराय कनाबुन, अरो उनी रिगी टेकाव तहीः कनाबुन,’
जेलेका अपे रेन थोड़गन ओओल वनकु ता हों गाम्माकु,
‘अबु दो उनी रेन बोंस हेकेबुन।’
29जदि अबु परमेसर रेन बोंस हेकेबुन रेदो अबुनके नुंका का सोमझाः चही चि परमेसर मनवां रआ सोंच एते अरो कारीगारी एते बाय वनाः सोना, चांदी बङ रेदो दिड़ी रिई मुरती लेका हेनाया। 30बिताव जुग रे परमेसर के काकु सारीइ केना, रेहों गी परमेसर उनकु रआ गेयान रे धेयान काय एम लाःआय, मुदा नेबरीक सुबिन ठांव सुबिन होरकु के मोन रुवाड़ रआ हुकूम एमा कुकानाय। 31चिलिमेनचि उनी ता मीः हिलोः ठहराव एकाःआय, जेकर रे उनी, उनी होर रआ दोवासते धरम एते पुरा दुनिया रआ नेयायिञ, जे के उनी ता ठहराव एकाःकुवाय, अरो उनी के गोच वनकु रे एते जुवेत केते नुवां गानाम सुबिन रे सबिद एदेयाय।” 32गोच वनकु रआ जुवेत बिरीत रआ गानाम ओनाव केते आधा होर दो लेचेड़-लेचेड़ कराव हेलावेनाकु, अरो आधा होर ता गाम्मेताकु “नुवां गानाम आले आम एते अरोगी अयुम चहाः आले।” 33तोब पाउलुस मरंग पंचेत ता बागी केते तोराया। 34रेहों हुडिञगन होर उनी लोः एनाकु अरो बिसवास एताकु जेलेका मरंग पंचेत रेन सदास दियोनिसियुस अरो दामरिस लुतूम एरा अरो एटाः होर हों तहिकेनाकु।
© 2023 NLCI CC BY-NC-ND 4.0