कुलवानकु.कामि 19
19
इफिसुस चट्टी रे पाउलुस
1जे समेय अपुलोस कुरुन्थी चट्टी रे तहिकेनाय, पाउलुस भीतरी पोरदेस तोराया आर इफिसुस तेबाः एनाय। ओन्डो हुडिञगन चेलाकु लोः सेन नपाम एनाय। 2पाउलुस ता उनकु के कुलिवेःकुवाय, “जोब अपे बिसवास एतापे इमिन रे चिलि अपे पबितर रावा नाम लाःआपे?” उनकु ता मेताःदेयाकु, “आले ता नुवां हों काले ओनाव एकाःआ चि पबितर रावा होयुःका उना हों।” 3नुवां रे पाउलुस ता कुलिवेःकुवाय, “दो अपे चिलकन बतिसमा अगु एकाःआपे?” उनकु ता मेताःदेयाकु, “जोहन रआ बतिसमा” 4#मती 3:11; मर 1:4,7,8; लूका 3:4,16; जोह 1:26,27पाउलुस ता मेताःकुवाय, “जोहन जे बतिसमा एम एकावाःपेयाय उना मोन रुवाड़ वनकु रआ बतिसमा हेके, उनी होरकु के उदुःवाःकुवाय चि इञ तयनोम हिजुः वनीः हेनाया, उनी रआ, मोतलोब ईसु रे बिसवास एपे।” 5उनकु ता नुवां अयुम केते परभु ईसु रआ लुतूम एते बतिसमा अगुवेताकु। 6जोब पाउलुस ता उनकु रे ती दोहोवेताय, दो पबितर रावा उनकु रे अरगुवेना अरो उनकु अनया-अनया भाखा एते गापाम हेलावेनाकु अरो आगमजानी कराव हेलावेनाकु, 7उनकु सुबिन लगेभगे बारो झन हेरेल तहिकेनाकु, 8पाउलुस पेय मेहना तक बिनती ओड़ाः सिनुः चित तहिएनाय। उनी परमेसर रआ राइज रआ बबेत रे निधाड़क केते गापाम हेलावेनाय अरो जहुदिकु के सोमझाव कुकनकेनाय। 9मुदा उनकु रे हुडिञगन होरकु ता हुरमुठ एनाकु अरो काकु बिसवास लाःआ, उनकु नुवां होरा रआ बबेत रे सुबिन होर रआ सामने बुराय गानाम गापाम हेलावेनाकु, इनाते पाउलुस होर के बागी केते चेलाकु के लेयकेते तोराया अरो तुरनुस लुतूम रआ समुदाय ओड़ाः रे रोज हिलोः चरचा कराव हेलावेनाय। 10बार बरीस तक नुवां होयुः चित तहिना, नोन्डो तक चि एसिया रेन तहीः वन कयेक जहुदी अरो कयेक गइर-जहुदिकु सुबिन ता परभु रआ बचन ओनावेताकु। 11परमेसर, पाउलुस रआ ती एते साधारन अरो सोमोर्थ कामि देखाव एकेनाय। 12जोब होर पाउलुस रआ जोटेत वनाः रुमाल अरो गमछा हासु रुवाकु ठिनुः इदिइ केनाकु, दो उनकु रआ हासु-दुकु ओचोः कोःकेना अरो मुवां रावा उडुङ कोःकेनाकु। 13हुडिञगन जहुदी होर ठांव-ठांव सेन केते मुवां रावाकु के उडुङ कुकनकेनाकु अरो उनकु मुवां रावा एते कइल वन होर रे परभु ईसु रआ लुतूम लेयकेते गाम्मेकेनाकु चि, “ईसु मसी रआ लुतूम एते, जे पाउलुस परचार कराव एकेनाय, इञ अपे के हुकूम एमा पेकानिञ चि उडुङ जोनपे।” 14अरो एसकेवा लुतूम रिई मिहोर जहुदी मुध जाजक रेन सातो होपोन हेरेल हों, निंका गी कराव एकेनाकु। 15मीः हिलोः मुवां रावा ता सातो के जबाब एमाःकुवाय, “ईसु के इञ सारीइ कनिञ, अरो पाउलुस के हों चिनहाव वेय कनिञ, मुदा अपे ओकोय हेकेपे?” 16अरो उनी होर ता जेकर रे मुवां रावा तहिकेनाकु उनकु सातो रे झपटाव केते अरो उनकु के कबजा रे अगु केते उनकु के नुंका कइल वेःकुवाय चि उनकु लंगटा अरो घावेल केते उना ओड़ाः एते उडुङ निर एनाकु। 17इफिसुस रेन तहीः वनकु सुबिन जहुदी अरो गइर-जहुदिकु ता नुवां गानाम सरिएताकु। उनकु सुबिन रे भोय पेड़ेच्चेना अरो परभु ईसु रआ लुतूम रआ बड़ाय एताकु। 18नेबरीक बिसवास कराव वनकु रे एते बेचोट होर अपन कराव कामि ता सुबिन होरकु रआ सामने उदुः केते मनावेनाकु। 19जादु कराव वनकु रे एते बेचोटकु ता अपन-अपन पोथी जमा केते सुबिन रआ लहा ओन्डोर एताकु, अरो जोब उना रआ गोनोंङ जोड़ावेताकु दो पचास हजार चांदी रआ टका#19:19 पचास हजार चांदी रआ टका एक साव साठ होर रआ, मीः साल रआ कमाय होयुःकाना। रआ बराबोइर होय्येना। 20इना रकम परभु रआ सोमोर्थ एते बचन फयलाव इदिएना अरो बेचोट सोमोर्थी इदिएना।
पाउलुस इफिसुस सिनुः कथिर ठनावेताय
21जोब नुवां गानाम होय चुकावना दो पाउलुस ता मोन रे ठनाव एताय चि मकिदुनिया अरो अखाया एते होयकेते जरुसलेम सिनुः रआ निचित एताय, उनी ता गाम्मेताय, “ओन्डो तेबाः रआ तयनोम इञ के रोम हों सिनुः चही।” 22इनाते आचरेन सुसार कराव वनकु रे एते तिमुथियुस आर इरासतुस के मकिदुनिया कुल काःकिनाय अरो आच आधा हिलोः एसिया रे तहिएनाय।
इफिसुस रे झामेला
23इमिन रे इफिसुस रे परभु रआ होरा रआ बबेत रे मरंग झामेला होय्येना। 24ओन्डो दिमेतिरियुस लुतूम रिई मिहोर सोनार अरतिमिस बोंगा रआ चांदी रआ हुडिञ-हुडिञ मंदिर होपोन बाय केते करीगार के बेचोट कामि एम केते बोनी एमाकुकन केनाय। 25उनी ता उनकु करीगार के अरो मंदिर रे रकमे-रकम धंधा एते एटाः कामि वन के जमा केते गामवाःकुवाय, “बोयहाकु नुवां धंधा एते अपे चिमिनोः धन नाम कनापे। 26अपे नेल कनापे अरो ओनाव कनापे चि सिरीफ इफिसुस गी बङा, मुदा पराया सुबिन एसिया रे नुवां गाम केते नोंय पाउलुस ता बेचोट एते होरकु के सोमझाव-बुझाव केते बहकाव वेःकुवाय। उनी गाम कनाय चि ती एते बाय वनीः बोंगा परमेसर बङ हेकेय। 27सिरीफ नियां गानाम रआ बोरो बनुःआं चि अबु रआ धंधा चबा नोःओ, मुदा महान बोंगा आरतिमिस रआ मंदिर तुछ सोमझाव ओःओकु अरो महान बोंगा आरतिमिस जेकर बोंगा-बुरु कराव एसिया रे अरो सुबिन दुनिया रे होयुःका, उना रआ नेगजोग चबा उतर वोःओ।” 28उनकु नुवां अयुम केते खिसावेनाकु अरो कुर्री चित तहिएनाकु, “इफिसुस रेनकु रिई आरतिमिस महान हेनाया!” 29अरो सुबिन चट्टी रे उथाल-पुथाल एना। अरो होरकु ता मकिदुनिया रेन तहीः वन गयुस अरो अरिस्तर्खुस के जे पाउलुस लोः संघे सिनुः केनाकिन मिसाते साप केते घिड़राव इदी वेःकिनाकु अरो चट्टी रआ मरंग अखड़ा रे हरहुर इदी वेःकिनाकु। 30पाउलुस उना टांड़ी रे सिनुः कथिर केनाय, मुदा चेलाकु उनी के काकु सेनइरी वदेया। 31एसिया राइज रेन आधा हाकिमकु पाउलुस रेन गाति तहिकेनाकु उनकु ता हों खभेर कुल केते गोहराव एदेयाकु चि उनी चट्टी रआ मरंग अखड़ा रे अलोय सिनुःकाय। 32सभा रे तावाड़ धिकड़ मचाव केना। ओकोय दो चिलिकाः गाम कनाकु अरो ओकोय चिलका, ओकोय दो कुर्रीइ केनाकु अरो जादे होर नुवां हों काकु सारी केना चि उनकु चिलिमेन जमा केनाकु। 33भीड़ रे आधा जहुदिकु ता सिकन्दर के सोमझाव केते लहा उदुर कुल कदेयाकु। सिकन्दर ता इसारा एते उदुःवाःकुवाय चि उनी होरकु के सोमझाव कथिर वोः केनाय चि उना रआ जिमेवारी आले बङ हेकेले, 34मुदा जोब भीड़ ता सारिएताकु चि उनी जहुदी हेकेय, दो उनकु सुबिन मीः राग एते बार घंटा तक कुर्री चित तहिनाकु, “इफिसुस रेनकु रिई आरतिमिस बोंगा रआ जय!” 35चट्टी रेन मुध होर ता भीड़ के हपे इरीवेःकुवाकु अरो गाम वाःकुवाकु, “इफिसुस चट्टी रेन होर करकु मनवां नुवां काकु सारीइकाना चि इफिसुस रआ चट्टी, महान बोंगा आरतिमिस मंदिर रआ अरो सरग एते उयुःवनाः, उनी रिई मुरती रआ नेल-अतेन वनीः हेकेय। 36नुवां गानाम ता जहय काकु खंडुत दड़िवाःआ, इनाते उचित हेनाःआं चि अपे हपे तहीःपे, अरो बिन सोंचाव एते जहन्नाः ओलोपे कराविया। 37चिलिमेनचि अपे नुकिन होर के अगु एकाःकिनापे जे ना बोंगाः अरो मंदिर रआ रेड़ेच वन होर हेकेकिन अरो ना अबु रेन बोंगा रआ निन्दा कराव वन हेकेकिन। 38जदि दिमेतिरियुस अरो उनी रेन कारीगारीकु के जहय एते जहन सिकेत हेनाःआं, रेदो कछेरी नीच गिया अरो राजपाल हों हेनाया। बनार पछ एते, ओन्डो सेन केते नालिस एपे। 39अरो जदि अपे अरो जहन गानाम रआ बबेत रे जहन्नाः कुली चहाः कनापे दो सभा रे फयसाला कराव होयुःआ। 40-41नेलपे तिहिञ जे होय्येकाना इना घटना रआ चलते अबुन रआ चेतान झामेला मचाव रआ दोस लगाव इयाकु, इना रआ बोरो हेनाःआं।” नुवां हुड़दांग कथिर, अबु जहन जबाब काबु एम दड़िवाःआ चिलिमेनचि नुवां रआ जहन नियम बनुःआं नुवां गाम केते सभा रेनकु के बिदा वेःकुवाय।
נבחרו כעת:
कुलवानकु.कामि 19: BIY
הדגשה
העתק
השווה
שתפו
רוצים לשמור את ההדגשות שלכם בכל המכשירים שלכם? הירשמו או היכנסו
© 2023 NLCI CC BY-NC-ND 4.0
कुलवानकु.कामि 19
19
इफिसुस चट्टी रे पाउलुस
1जे समेय अपुलोस कुरुन्थी चट्टी रे तहिकेनाय, पाउलुस भीतरी पोरदेस तोराया आर इफिसुस तेबाः एनाय। ओन्डो हुडिञगन चेलाकु लोः सेन नपाम एनाय। 2पाउलुस ता उनकु के कुलिवेःकुवाय, “जोब अपे बिसवास एतापे इमिन रे चिलि अपे पबितर रावा नाम लाःआपे?” उनकु ता मेताःदेयाकु, “आले ता नुवां हों काले ओनाव एकाःआ चि पबितर रावा होयुःका उना हों।” 3नुवां रे पाउलुस ता कुलिवेःकुवाय, “दो अपे चिलकन बतिसमा अगु एकाःआपे?” उनकु ता मेताःदेयाकु, “जोहन रआ बतिसमा” 4#मती 3:11; मर 1:4,7,8; लूका 3:4,16; जोह 1:26,27पाउलुस ता मेताःकुवाय, “जोहन जे बतिसमा एम एकावाःपेयाय उना मोन रुवाड़ वनकु रआ बतिसमा हेके, उनी होरकु के उदुःवाःकुवाय चि इञ तयनोम हिजुः वनीः हेनाया, उनी रआ, मोतलोब ईसु रे बिसवास एपे।” 5उनकु ता नुवां अयुम केते परभु ईसु रआ लुतूम एते बतिसमा अगुवेताकु। 6जोब पाउलुस ता उनकु रे ती दोहोवेताय, दो पबितर रावा उनकु रे अरगुवेना अरो उनकु अनया-अनया भाखा एते गापाम हेलावेनाकु अरो आगमजानी कराव हेलावेनाकु, 7उनकु सुबिन लगेभगे बारो झन हेरेल तहिकेनाकु, 8पाउलुस पेय मेहना तक बिनती ओड़ाः सिनुः चित तहिएनाय। उनी परमेसर रआ राइज रआ बबेत रे निधाड़क केते गापाम हेलावेनाय अरो जहुदिकु के सोमझाव कुकनकेनाय। 9मुदा उनकु रे हुडिञगन होरकु ता हुरमुठ एनाकु अरो काकु बिसवास लाःआ, उनकु नुवां होरा रआ बबेत रे सुबिन होर रआ सामने बुराय गानाम गापाम हेलावेनाकु, इनाते पाउलुस होर के बागी केते चेलाकु के लेयकेते तोराया अरो तुरनुस लुतूम रआ समुदाय ओड़ाः रे रोज हिलोः चरचा कराव हेलावेनाय। 10बार बरीस तक नुवां होयुः चित तहिना, नोन्डो तक चि एसिया रेन तहीः वन कयेक जहुदी अरो कयेक गइर-जहुदिकु सुबिन ता परभु रआ बचन ओनावेताकु। 11परमेसर, पाउलुस रआ ती एते साधारन अरो सोमोर्थ कामि देखाव एकेनाय। 12जोब होर पाउलुस रआ जोटेत वनाः रुमाल अरो गमछा हासु रुवाकु ठिनुः इदिइ केनाकु, दो उनकु रआ हासु-दुकु ओचोः कोःकेना अरो मुवां रावा उडुङ कोःकेनाकु। 13हुडिञगन जहुदी होर ठांव-ठांव सेन केते मुवां रावाकु के उडुङ कुकनकेनाकु अरो उनकु मुवां रावा एते कइल वन होर रे परभु ईसु रआ लुतूम लेयकेते गाम्मेकेनाकु चि, “ईसु मसी रआ लुतूम एते, जे पाउलुस परचार कराव एकेनाय, इञ अपे के हुकूम एमा पेकानिञ चि उडुङ जोनपे।” 14अरो एसकेवा लुतूम रिई मिहोर जहुदी मुध जाजक रेन सातो होपोन हेरेल हों, निंका गी कराव एकेनाकु। 15मीः हिलोः मुवां रावा ता सातो के जबाब एमाःकुवाय, “ईसु के इञ सारीइ कनिञ, अरो पाउलुस के हों चिनहाव वेय कनिञ, मुदा अपे ओकोय हेकेपे?” 16अरो उनी होर ता जेकर रे मुवां रावा तहिकेनाकु उनकु सातो रे झपटाव केते अरो उनकु के कबजा रे अगु केते उनकु के नुंका कइल वेःकुवाय चि उनकु लंगटा अरो घावेल केते उना ओड़ाः एते उडुङ निर एनाकु। 17इफिसुस रेन तहीः वनकु सुबिन जहुदी अरो गइर-जहुदिकु ता नुवां गानाम सरिएताकु। उनकु सुबिन रे भोय पेड़ेच्चेना अरो परभु ईसु रआ लुतूम रआ बड़ाय एताकु। 18नेबरीक बिसवास कराव वनकु रे एते बेचोट होर अपन कराव कामि ता सुबिन होरकु रआ सामने उदुः केते मनावेनाकु। 19जादु कराव वनकु रे एते बेचोटकु ता अपन-अपन पोथी जमा केते सुबिन रआ लहा ओन्डोर एताकु, अरो जोब उना रआ गोनोंङ जोड़ावेताकु दो पचास हजार चांदी रआ टका#19:19 पचास हजार चांदी रआ टका एक साव साठ होर रआ, मीः साल रआ कमाय होयुःकाना। रआ बराबोइर होय्येना। 20इना रकम परभु रआ सोमोर्थ एते बचन फयलाव इदिएना अरो बेचोट सोमोर्थी इदिएना।
पाउलुस इफिसुस सिनुः कथिर ठनावेताय
21जोब नुवां गानाम होय चुकावना दो पाउलुस ता मोन रे ठनाव एताय चि मकिदुनिया अरो अखाया एते होयकेते जरुसलेम सिनुः रआ निचित एताय, उनी ता गाम्मेताय, “ओन्डो तेबाः रआ तयनोम इञ के रोम हों सिनुः चही।” 22इनाते आचरेन सुसार कराव वनकु रे एते तिमुथियुस आर इरासतुस के मकिदुनिया कुल काःकिनाय अरो आच आधा हिलोः एसिया रे तहिएनाय।
इफिसुस रे झामेला
23इमिन रे इफिसुस रे परभु रआ होरा रआ बबेत रे मरंग झामेला होय्येना। 24ओन्डो दिमेतिरियुस लुतूम रिई मिहोर सोनार अरतिमिस बोंगा रआ चांदी रआ हुडिञ-हुडिञ मंदिर होपोन बाय केते करीगार के बेचोट कामि एम केते बोनी एमाकुकन केनाय। 25उनी ता उनकु करीगार के अरो मंदिर रे रकमे-रकम धंधा एते एटाः कामि वन के जमा केते गामवाःकुवाय, “बोयहाकु नुवां धंधा एते अपे चिमिनोः धन नाम कनापे। 26अपे नेल कनापे अरो ओनाव कनापे चि सिरीफ इफिसुस गी बङा, मुदा पराया सुबिन एसिया रे नुवां गाम केते नोंय पाउलुस ता बेचोट एते होरकु के सोमझाव-बुझाव केते बहकाव वेःकुवाय। उनी गाम कनाय चि ती एते बाय वनीः बोंगा परमेसर बङ हेकेय। 27सिरीफ नियां गानाम रआ बोरो बनुःआं चि अबु रआ धंधा चबा नोःओ, मुदा महान बोंगा आरतिमिस रआ मंदिर तुछ सोमझाव ओःओकु अरो महान बोंगा आरतिमिस जेकर बोंगा-बुरु कराव एसिया रे अरो सुबिन दुनिया रे होयुःका, उना रआ नेगजोग चबा उतर वोःओ।” 28उनकु नुवां अयुम केते खिसावेनाकु अरो कुर्री चित तहिएनाकु, “इफिसुस रेनकु रिई आरतिमिस महान हेनाया!” 29अरो सुबिन चट्टी रे उथाल-पुथाल एना। अरो होरकु ता मकिदुनिया रेन तहीः वन गयुस अरो अरिस्तर्खुस के जे पाउलुस लोः संघे सिनुः केनाकिन मिसाते साप केते घिड़राव इदी वेःकिनाकु अरो चट्टी रआ मरंग अखड़ा रे हरहुर इदी वेःकिनाकु। 30पाउलुस उना टांड़ी रे सिनुः कथिर केनाय, मुदा चेलाकु उनी के काकु सेनइरी वदेया। 31एसिया राइज रेन आधा हाकिमकु पाउलुस रेन गाति तहिकेनाकु उनकु ता हों खभेर कुल केते गोहराव एदेयाकु चि उनी चट्टी रआ मरंग अखड़ा रे अलोय सिनुःकाय। 32सभा रे तावाड़ धिकड़ मचाव केना। ओकोय दो चिलिकाः गाम कनाकु अरो ओकोय चिलका, ओकोय दो कुर्रीइ केनाकु अरो जादे होर नुवां हों काकु सारी केना चि उनकु चिलिमेन जमा केनाकु। 33भीड़ रे आधा जहुदिकु ता सिकन्दर के सोमझाव केते लहा उदुर कुल कदेयाकु। सिकन्दर ता इसारा एते उदुःवाःकुवाय चि उनी होरकु के सोमझाव कथिर वोः केनाय चि उना रआ जिमेवारी आले बङ हेकेले, 34मुदा जोब भीड़ ता सारिएताकु चि उनी जहुदी हेकेय, दो उनकु सुबिन मीः राग एते बार घंटा तक कुर्री चित तहिनाकु, “इफिसुस रेनकु रिई आरतिमिस बोंगा रआ जय!” 35चट्टी रेन मुध होर ता भीड़ के हपे इरीवेःकुवाकु अरो गाम वाःकुवाकु, “इफिसुस चट्टी रेन होर करकु मनवां नुवां काकु सारीइकाना चि इफिसुस रआ चट्टी, महान बोंगा आरतिमिस मंदिर रआ अरो सरग एते उयुःवनाः, उनी रिई मुरती रआ नेल-अतेन वनीः हेकेय। 36नुवां गानाम ता जहय काकु खंडुत दड़िवाःआ, इनाते उचित हेनाःआं चि अपे हपे तहीःपे, अरो बिन सोंचाव एते जहन्नाः ओलोपे कराविया। 37चिलिमेनचि अपे नुकिन होर के अगु एकाःकिनापे जे ना बोंगाः अरो मंदिर रआ रेड़ेच वन होर हेकेकिन अरो ना अबु रेन बोंगा रआ निन्दा कराव वन हेकेकिन। 38जदि दिमेतिरियुस अरो उनी रेन कारीगारीकु के जहय एते जहन सिकेत हेनाःआं, रेदो कछेरी नीच गिया अरो राजपाल हों हेनाया। बनार पछ एते, ओन्डो सेन केते नालिस एपे। 39अरो जदि अपे अरो जहन गानाम रआ बबेत रे जहन्नाः कुली चहाः कनापे दो सभा रे फयसाला कराव होयुःआ। 40-41नेलपे तिहिञ जे होय्येकाना इना घटना रआ चलते अबुन रआ चेतान झामेला मचाव रआ दोस लगाव इयाकु, इना रआ बोरो हेनाःआं।” नुवां हुड़दांग कथिर, अबु जहन जबाब काबु एम दड़िवाःआ चिलिमेनचि नुवां रआ जहन नियम बनुःआं नुवां गाम केते सभा रेनकु के बिदा वेःकुवाय।
© 2023 NLCI CC BY-NC-ND 4.0