कुलवानकु.कामि 24
24
राजपाल फेलिक्स रआ सामने पाउलुस रआ सुनवाय
1पांच हिलोः तयनोम मरंग जाजक हनानियस अरो थोड़गन मुधकु अरो तेरतुलूस लुतूम ओकिल लोः कयसरिया चट्टी तेबाःएनाकु, उनकु ता राजपाल रआ सामने पाउलुस रआ बिरोध रे नलीस एताकु। 2-3राजपाल ता पाउलुस के होहो एदेयाय, अरो तेरतुलूस, उनी रे दोस लगाव केते गामवादेयाय, “हुजूर महामहिम फेलिक्स! आम रआ दोवासते आले बेचोट सांति एते तहीः कनाले अरो आम रआ बुगिन एते नेल-अतेन रआ चलते अबुन रआ जाइत रे सुबिन रकम रआ बिकास होयुःकाना। नुवां सुबिन गानाम ता आले सुबिन ठांव अरो सुबिन रकम एते धेनयाबाद लोः मनाव कनाले, 4इञ आम रआ ढेर समेय काइञ अगु चहाः काना। इञ रआ नमर गोहराव हेनाःआं चि आम आले रआ माया केते मीः बार सबद अयुम्मेम। 5आले नेल एकाःआले चि नोंय होर बेचोट हुड़दांग कराव वनीः हेकेय अरो सुबिन दुनिया रेन जहुदिकु के फुट कुकानाय। अरो नासरत लुतूम चट्टी रिई नेता हेकेय। 6नोंय मरंग बिनती ओड़ाः हों असुध कराव चहाव वेनाय इनाते आले नोंय के सबेः देयाले, (आर आले नोंय के अपन नियम रआ मोताबिक दंड एमायाले होनङ; 7मुदा पलटन रेन मुध एगवा ता लुसियास ता उनी के जबरेय आले रआ ती एते रेजेः लेयाय, 8अरो मुदेयकु के आम रआ सामने हिजुः रआ हुकूम एमाःकुवाय।) आम नोंय के कुली केते नोंय रआ सुबिन गानाम रआ सत रआ पता लगाव सकाव कनाम, जेकर बबेत रे आले नोंय रे दोस लगाव एकाःआले।” 9नुवां नलीस रे जहुदी हों मेसा एनाकु। उनकु ढिड़ केते गाम्मेकेनाकु चि नुवां सुबिन गानाम सत हेके।
पाउलुस रआ जबाब
10अरो राजपाल ता जोब पाउलुस के गागाम कथिर इसारा एमाःदेयाय, दो पाउलुस ता जबाब एमवाते मेताःदेयाय, “आम बेचोट बारीस एते नेकु जाइत रिई नेयाय कराव वनीः हेकेम। नुवां सारी केते इञ खुसी एते अपन बनचाव वोः कथिर उदुः वमकानिञ। 11आम सत गी पता लगाव सकाव कनाम, बारो हिलोः एते ढेर का होय्येकाना चि इञ आराधना कथिर जरुसलेम सेन किनिञ, 12ओन्डो मरंग बिनती ओड़ाः रे इञ के जहय लोः बहस कराव एते नाम एकाःदेञापे, अरो न ओन्डो रआ सुबिन बिनती ओड़ाः रे, न चट्टी रे, अरो न जहां ठिनुः, अरो होर के हुड़दांग कराव कथिर अरो भड़काव एते नेल एकाःदेञापे। 13जे गानाम रआ बबेत रे नोंकु नेबरीक इञ रे दोस लगाव कनाकु, नोंकु आम रआ सामने जहन सबुद काकु एम दड़िवाता। 14इञ आम रआ सामने इमिनुः सारिगी मनाव कोः कनिञ चि नोंकु, जे के बेमोतलोब रआ गाम कनाकु, उना होरा रे अपन पुरखाकु रिई परमेसर के सुसार एयकानिञ। जे गानाम मूसा रआ नियम अरो परमेसर सोझ एते नधनी वनीः रआ पोथी रे ओल एकाना, इञ उना रे बिसवास कनिञ। 15अरो परमेसर रे आसरा दोहोय कनिञ, इनका गी नोकु हों दोहोय कनाकु चि धरमिकु अरो अधरमी रआ जुवेत बिरीत होयुःआ। 16इनाते इञ हों परमेसर अरो मनवांकु रआ नजेर रे हार घरीक सुद्ध भीतरी मोन एते तहीः कथिर परयास कनिञ। 17#कु.कामि 21:17–28चिमिन बरीस बिताव तयनोम इञ अपन जाइत के दान अगुहाटु कथिर मरंग बिनती ओड़ाः रे भेंट रकाप हेच्चीनिञ। 18जोब इञ नुवां करावेकिनिञ रिगी, उनकु ता इञ के मरंग बिनती ओड़ाः रे नमेः देञाकु तोब इञ नियम रआ मोताबिक सुध तहिकिनिञ। न ओन्डो इञ लोः जहन भीड़ तहिकेनाकु अरो ना जहन असांति तहिकेना। 19मुदा एसिया एते हेच वनकु हुडिञगन जहुदी ओन्डो तहिकेनाकु, जदि इञ रआ बिरोध रे उनकु ठिनुः जहन्नाः हेनाः रेदो, उनकु आम रआ सामने हाजिर केते इञ रे जहन खोनोस लगाव चही। 20बङ रेदो नोंकु होर जे नोन्डो हेनाकुवा उनकु उदुः इयाकु चि जोब इञ जहुदिकु रआ मुध पंचेत रआ सामने तिंगु तहिकिनिञ, दो उनी ता इञ रे चिलि दोस नामलाःआय। 21#कु.कामि 23:6हें, इञ ता उनकु रआ ताला रे तिंगु केते जोड़ राव एते नुवां गाम लाःइञ, इञ बिसवास कनिञ चि गोच वनकु जुवेत बिरीत कनाकु, इना रआ चलते तिहिञ अपे रआ सामने इञ रे केंस सेसेन काना।”
22फेलिक्स नुवां होरा रआ बबेत रे सुबिन बुगिन एते सारीकेनाय। उनी ता सुनवाय टलाव कताय, अरो जहुदिकु के मेताःकुवाय, “पलटनकु रिई मुध एगवा लुसियास रआ हिजुः रे इञ अपे रआ केंस रआ फयसालायिञ।” 23उनी ता पलटनकु रिई एगवा के हुकूम एमाःदेयाय चि उनी पाउलुस के जेहेल ओड़ाः रे दोहो कयपे। मुदा उनी के जहन छुट एमाय अरो उनी रेन अपन होरकु रे जहय के हों उनी रआ सेवा-कामि कराव एते रोकाव बङा।
पाउलुस ता फेलिक्स अरो उनी रिई एरा तेः लोः नधनी-गापम
24आधा हिलोः बिताव एनारे फेलिक्स आच रिई जहुदी एरा दुरुसिला लोः हेच्चेनाकिन। उनी ता पाउलुस के होहो कुलेःदेयाय अरो मसी ईसु रे बिसवास कराव रआ बबेत रे पाउलुस एते अयुम लाःआकिन। 25जोब पाउलुस ता धरम अरो सयम अरो हिजुः आनाः नेयाय रआ बबेत रे गापाम हेलावेनाय, दो फेलिक्स ता भोय एनाय, अरो उनी ता गाम्मेताय, “आम नियां समेय रिगी सेन दड़िवाःआम। समेय नमुःआरे इञ आम के अरो होहोमिञ।” 26उनी ता पाउलुस सोझ एते टका नमुः रआ आसरा हों तहिकेना, इनाते उनी ता, उनी के घरी-घरी होहो केते उनी लोः नधनी-गापम केनाय। 27बार बरीस बिताव तयनोम पोरकियुस फेस्तुस ता फेलिक्स रआ राइज गदी रे दुरुप एनाय। फेलिक्स ता जहुदिकु के खुस कथिर पाउलुस के जेहेल ओड़ाः रिगी बागी केते तोराया।
נבחרו כעת:
कुलवानकु.कामि 24: BIY
הדגשה
העתק
השווה
שתפו
רוצים לשמור את ההדגשות שלכם בכל המכשירים שלכם? הירשמו או היכנסו
© 2023 NLCI CC BY-NC-ND 4.0
कुलवानकु.कामि 24
24
राजपाल फेलिक्स रआ सामने पाउलुस रआ सुनवाय
1पांच हिलोः तयनोम मरंग जाजक हनानियस अरो थोड़गन मुधकु अरो तेरतुलूस लुतूम ओकिल लोः कयसरिया चट्टी तेबाःएनाकु, उनकु ता राजपाल रआ सामने पाउलुस रआ बिरोध रे नलीस एताकु। 2-3राजपाल ता पाउलुस के होहो एदेयाय, अरो तेरतुलूस, उनी रे दोस लगाव केते गामवादेयाय, “हुजूर महामहिम फेलिक्स! आम रआ दोवासते आले बेचोट सांति एते तहीः कनाले अरो आम रआ बुगिन एते नेल-अतेन रआ चलते अबुन रआ जाइत रे सुबिन रकम रआ बिकास होयुःकाना। नुवां सुबिन गानाम ता आले सुबिन ठांव अरो सुबिन रकम एते धेनयाबाद लोः मनाव कनाले, 4इञ आम रआ ढेर समेय काइञ अगु चहाः काना। इञ रआ नमर गोहराव हेनाःआं चि आम आले रआ माया केते मीः बार सबद अयुम्मेम। 5आले नेल एकाःआले चि नोंय होर बेचोट हुड़दांग कराव वनीः हेकेय अरो सुबिन दुनिया रेन जहुदिकु के फुट कुकानाय। अरो नासरत लुतूम चट्टी रिई नेता हेकेय। 6नोंय मरंग बिनती ओड़ाः हों असुध कराव चहाव वेनाय इनाते आले नोंय के सबेः देयाले, (आर आले नोंय के अपन नियम रआ मोताबिक दंड एमायाले होनङ; 7मुदा पलटन रेन मुध एगवा ता लुसियास ता उनी के जबरेय आले रआ ती एते रेजेः लेयाय, 8अरो मुदेयकु के आम रआ सामने हिजुः रआ हुकूम एमाःकुवाय।) आम नोंय के कुली केते नोंय रआ सुबिन गानाम रआ सत रआ पता लगाव सकाव कनाम, जेकर बबेत रे आले नोंय रे दोस लगाव एकाःआले।” 9नुवां नलीस रे जहुदी हों मेसा एनाकु। उनकु ढिड़ केते गाम्मेकेनाकु चि नुवां सुबिन गानाम सत हेके।
पाउलुस रआ जबाब
10अरो राजपाल ता जोब पाउलुस के गागाम कथिर इसारा एमाःदेयाय, दो पाउलुस ता जबाब एमवाते मेताःदेयाय, “आम बेचोट बारीस एते नेकु जाइत रिई नेयाय कराव वनीः हेकेम। नुवां सारी केते इञ खुसी एते अपन बनचाव वोः कथिर उदुः वमकानिञ। 11आम सत गी पता लगाव सकाव कनाम, बारो हिलोः एते ढेर का होय्येकाना चि इञ आराधना कथिर जरुसलेम सेन किनिञ, 12ओन्डो मरंग बिनती ओड़ाः रे इञ के जहय लोः बहस कराव एते नाम एकाःदेञापे, अरो न ओन्डो रआ सुबिन बिनती ओड़ाः रे, न चट्टी रे, अरो न जहां ठिनुः, अरो होर के हुड़दांग कराव कथिर अरो भड़काव एते नेल एकाःदेञापे। 13जे गानाम रआ बबेत रे नोंकु नेबरीक इञ रे दोस लगाव कनाकु, नोंकु आम रआ सामने जहन सबुद काकु एम दड़िवाता। 14इञ आम रआ सामने इमिनुः सारिगी मनाव कोः कनिञ चि नोंकु, जे के बेमोतलोब रआ गाम कनाकु, उना होरा रे अपन पुरखाकु रिई परमेसर के सुसार एयकानिञ। जे गानाम मूसा रआ नियम अरो परमेसर सोझ एते नधनी वनीः रआ पोथी रे ओल एकाना, इञ उना रे बिसवास कनिञ। 15अरो परमेसर रे आसरा दोहोय कनिञ, इनका गी नोकु हों दोहोय कनाकु चि धरमिकु अरो अधरमी रआ जुवेत बिरीत होयुःआ। 16इनाते इञ हों परमेसर अरो मनवांकु रआ नजेर रे हार घरीक सुद्ध भीतरी मोन एते तहीः कथिर परयास कनिञ। 17#कु.कामि 21:17–28चिमिन बरीस बिताव तयनोम इञ अपन जाइत के दान अगुहाटु कथिर मरंग बिनती ओड़ाः रे भेंट रकाप हेच्चीनिञ। 18जोब इञ नुवां करावेकिनिञ रिगी, उनकु ता इञ के मरंग बिनती ओड़ाः रे नमेः देञाकु तोब इञ नियम रआ मोताबिक सुध तहिकिनिञ। न ओन्डो इञ लोः जहन भीड़ तहिकेनाकु अरो ना जहन असांति तहिकेना। 19मुदा एसिया एते हेच वनकु हुडिञगन जहुदी ओन्डो तहिकेनाकु, जदि इञ रआ बिरोध रे उनकु ठिनुः जहन्नाः हेनाः रेदो, उनकु आम रआ सामने हाजिर केते इञ रे जहन खोनोस लगाव चही। 20बङ रेदो नोंकु होर जे नोन्डो हेनाकुवा उनकु उदुः इयाकु चि जोब इञ जहुदिकु रआ मुध पंचेत रआ सामने तिंगु तहिकिनिञ, दो उनी ता इञ रे चिलि दोस नामलाःआय। 21#कु.कामि 23:6हें, इञ ता उनकु रआ ताला रे तिंगु केते जोड़ राव एते नुवां गाम लाःइञ, इञ बिसवास कनिञ चि गोच वनकु जुवेत बिरीत कनाकु, इना रआ चलते तिहिञ अपे रआ सामने इञ रे केंस सेसेन काना।”
22फेलिक्स नुवां होरा रआ बबेत रे सुबिन बुगिन एते सारीकेनाय। उनी ता सुनवाय टलाव कताय, अरो जहुदिकु के मेताःकुवाय, “पलटनकु रिई मुध एगवा लुसियास रआ हिजुः रे इञ अपे रआ केंस रआ फयसालायिञ।” 23उनी ता पलटनकु रिई एगवा के हुकूम एमाःदेयाय चि उनी पाउलुस के जेहेल ओड़ाः रे दोहो कयपे। मुदा उनी के जहन छुट एमाय अरो उनी रेन अपन होरकु रे जहय के हों उनी रआ सेवा-कामि कराव एते रोकाव बङा।
पाउलुस ता फेलिक्स अरो उनी रिई एरा तेः लोः नधनी-गापम
24आधा हिलोः बिताव एनारे फेलिक्स आच रिई जहुदी एरा दुरुसिला लोः हेच्चेनाकिन। उनी ता पाउलुस के होहो कुलेःदेयाय अरो मसी ईसु रे बिसवास कराव रआ बबेत रे पाउलुस एते अयुम लाःआकिन। 25जोब पाउलुस ता धरम अरो सयम अरो हिजुः आनाः नेयाय रआ बबेत रे गापाम हेलावेनाय, दो फेलिक्स ता भोय एनाय, अरो उनी ता गाम्मेताय, “आम नियां समेय रिगी सेन दड़िवाःआम। समेय नमुःआरे इञ आम के अरो होहोमिञ।” 26उनी ता पाउलुस सोझ एते टका नमुः रआ आसरा हों तहिकेना, इनाते उनी ता, उनी के घरी-घरी होहो केते उनी लोः नधनी-गापम केनाय। 27बार बरीस बिताव तयनोम पोरकियुस फेस्तुस ता फेलिक्स रआ राइज गदी रे दुरुप एनाय। फेलिक्स ता जहुदिकु के खुस कथिर पाउलुस के जेहेल ओड़ाः रिगी बागी केते तोराया।
© 2023 NLCI CC BY-NC-ND 4.0