Matiyo 2
2
Kpiŋjimtina baa ba lɩɩ dɩlɩɩtɩŋ na wʋsɛ dʋɔ wɩɛ
1Ba lʋrʋ Yesu Betilehem gaa ga wɩɛ Yudiya tibi dʋɔ, dɩmʋŋ saŋa gana na Hɛrɔdɩ n nyina Juo. Wʋ lʋrʋ wʋrʋgbɩɛ na, kpiŋjimtina barɛ lɩɩ dɩlɩɩtɩŋ kɔŋ Yerusalem 2gaa tasɛ sɛ, <<Le sɛ ba lʋrʋ wʋchaa fɔlɛ wʋŋ wʋ a gaa yɩɛ Yudatina Juo naa? Dɩ na wʋ gachikpebi wiita dɩlɩɩtɩŋ sɛ dɩ kɔŋ na dɩ gaa tʋŋ ɩ.>>
3Gʋ Juo Hɛrɔdɩ nyii dɩmʋŋ wɩɛ ŋina na, wʋ na Yerusalemtina kpiniŋ agela warɩɛ ba. 4Dɩmʋŋ dʋɔ wʋ yagɛ Ɩsʋɔ sei bɩnɩɛ kpiniŋ na Mosesi mbara bakalaasa gaa jaŋi tasɛ ba sɛ, <<Le sɛ baa lʋrʋ Kirisito#2:4 Girikitina a yagɛ sɛ Kirisito sɛ Yudatina dʋɔ a yagɛ sɛ Mesaya wʋŋ naa?>> 5Sɛ ba lɩsɛ ɩ nʋɔ sɛ Betilehem gaa ga wɩɛ Yudiya tibi dʋɔ. Akala takɩɛ Ɩsʋɔ pala na wʋ bajana dʋɔ sabɩɛ si sɛ,
6<<Nyaŋ Betilehem, gaa ga wɩɛ Yuda tibi dʋɔ,
n ba yɩɛ wʋ pii dɩɛsɛ ajanɩɛ ŋii ŋɩ wɩɛ Yuda tibi dʋɔ na naŋ ŋ.
Akala takɩɛ n tɩba sɛ asanaŋtɛ wʋjanɛ aja lɩɩ
na wʋ a yɩɛ kɩɛrɛ fa ma bakpa Isiralitina.>>#Mik 5:2.
7Sɛ Juo Hɛrɔdɩ yagɛ kpiŋjimtina baa lɩɩ laraŋ, sɛ wʋ tasɛ ba na wʋ a jiŋ saŋa gaa gachikpebi wʋŋ lɩɩ na. 8Sɛ wʋ kpiri ba Betilehem tawɩ ba sɛ, <<N ju ga ja wʋchaa fɔlɛ wʋŋ na dieli. Ɩ na ɩ na n kɔŋ gaa tawɩ maŋ na maŋ gba maa ju ga tʋŋ ɩ.>>
9Gʋ ba nyii Juo wʋŋ jaŋ taŋ na ba lɩɩ dɩmaŋ laŋ. Gʋ baa ju na, ba ti na gachikpebi wʋŋ ba chɩŋkpɩɛ na ɩ wiita dɩlɩɩtɩŋ na dɔŋ ba asanaŋ ga tala gʋ wʋ ga dʋɔsɩŋ waa gaa wʋchaa fɔlɛ wʋŋ wɩɛ ga tɩba na kʋrʋkʋrʋ. 10Gʋ ba na gachikpebi wʋŋ na, ba asadi galaŋ. 11Gʋ ba jʋʋ waa gaa tɩba na, ba na wʋchaa fɔlɛ wʋŋ na wʋ naa Mariya sɛ ba luuŋ tʋŋ ɩ. Sɛ ba buoli ba akpaŋta kpari didaka lɩsɛ aterembie asɩɛma, mʋlʋŋ tii alifeŋsa na ɩnsɛnsɩ gafɔla lira mʋ fa ɩ takɩɛ afaasa. 12Ɩsʋɔ cha jɔ kpiŋjimtina baa nyienaŋ duosi naŋ sɛ ba n baa ti bɔrɛ ju Juo Hɛrɔdɩ jaŋ. Dɩmʋŋ dʋɔ ba mʋna gbɩɛ fɔlɛ dʋɔ bɔrɛ ju ba dɩɛnaŋ.
Ba mʋ Yesu se ju Ijipiti
13Gʋ kpiŋjimtina baa lam wʋrʋgbɩɛ na, Ɩsʋɔ gabʋɔ kɔŋ gaa lɩsɛ wʋ wʋsɛ kalaa Yosefu duosi naŋ tawɩ ɩ sɛ, <<Kʋlʋ mʋ wʋchaa wʋŋ na wʋ naa se ju Ijipiti tibi dʋɔ. N cha dɩmaŋ ga tala saŋa gaa maa tawɩ amɩɛ sɛ n lɩɩ dɩmaŋ. Akala takɩɛ Hɛrɔdɩ aja wʋchaa wʋŋ na wʋ a kʋ ɩ.>> 14Dɩmʋŋ dʋɔ Yosefu kʋlʋ mʋ wʋchaa wʋŋ na wʋ naa dɩmʋŋ yuluma gana ju Ijipiti, 15Sɛ ba cha dɩmaŋ ga tala gʋ Juo Hɛrɔdɩ sɩŋ. Ŋina tibi ganaŋkʋ wɩɛ ŋii Ɩsʋɔ pala na wʋ ɔja dʋɔ tawɩ si na a kɔŋ tɩba sɛ, <<Ijipiti tibi dʋɔ sɛ maa yagɛ mabu.>>#Hos 11:1.
16Gʋ Juo Hɛrɔdɩ jiŋ gʋ kpiŋjimtina baa pɩna ɩ na wʋ kara biŋbira fɔɩ. Sɛ wʋ dʋ wʋ yuora baa sɛ baŋ kʋ bachaasɛ baala jaŋ baa ba tala bɩŋsɛ sɩla na baa ba n tala ta bɩŋsɛ sɩla sɛ ba wɩɛ Betilehem na ga dɩɛsɛ bisi kpiniŋ naŋ. Wʋ tawɩ dɩmʋŋ akala takɩɛ lɩɩ saŋa gaa wʋ nyii lɩɩ kpiŋjimtina baa jaŋ na, wʋchaa wʋŋ aja wɩɛ dɩmʋŋ bɩŋsɛ ŋina tɩba. 17Ŋina yela sɛ wɩɛ ŋii Ɩsʋɔ pala na wʋ ɔja Yeremiya dʋɔ tawɩ si na kɔŋ tɩba sɛ,
18<<Lofu garɛ nyii lɩɩ Rama,
wiiniŋ na doŋ dʋɔ wiiniŋ,
Raheli a wii wʋ bie,
sɛ wʋ pɩɛ tawɩ dʋ,
akala takɩɛ ba sɩŋ.>>#Yere 31:15.
Yosefu bɔsɩna Yesu ju Nasarati
19Juo Hɛrɔdɩ sɩŋ wʋrʋgbɩɛ na, Ɩsʋɔ gabʋɔ lɩsɛ wʋ wʋsɛ kalaa Yosefu duosi naŋ Ijipiti 20sɛ wʋ tawɩ ɩ sɛ, <<Kʋlʋ, mʋ wʋchaa wʋŋ na wʋ naa bɔrɛ ju Isirali tibi dʋɔ akala takɩɛ baa baa ja wʋchaa wʋŋ baa kʋ na sɩŋ.>>
21Dɩmʋŋ dʋɔ wʋ kʋlʋ mʋ wʋchaa wʋŋ na wʋ naa bɔrɛ ju Isirali tibi dʋɔ. 22Ama gʋ wʋ nyii sɛ Hɛrɔdɩ bu Akilayosi n baŋ wʋ juo nafara naŋ di Juo Yudiya tibi dʋɔ na, dɩ yɩɛ ɩ nyɩŋtɩɛ na dɩmaŋ ju. Ɩsʋɔ cha jɔ wʋ nyinaŋ duosi naŋ sɛ wʋ n baa ju dɩmaŋ, dɩmʋŋ dʋɔ wʋ ju Galaliya tibi dʋɔ. 23Sɛ wʋ ju ga cha Nasarati dɩɛ naŋ. Ŋina yela sɛ wɩɛ ŋii Ɩsʋɔ pala na wʋ bajana dʋɔ tawɩ si na kɔŋ tɩba sɛ, Baa yagɛ ɩ sɛ Nasarati wʋkpa.>>
נבחרו כעת:
Matiyo 2: CLL
הדגשה
שתפו
השווה
העתק
רוצים לשמור את ההדגשות שלכם בכל המכשירים שלכם? הירשמו או היכנסו
2025 Ghana Institute of Linguistics Literacy amp Bible Translation
Matiyo 2
2
Kpiŋjimtina baa ba lɩɩ dɩlɩɩtɩŋ na wʋsɛ dʋɔ wɩɛ
1Ba lʋrʋ Yesu Betilehem gaa ga wɩɛ Yudiya tibi dʋɔ, dɩmʋŋ saŋa gana na Hɛrɔdɩ n nyina Juo. Wʋ lʋrʋ wʋrʋgbɩɛ na, kpiŋjimtina barɛ lɩɩ dɩlɩɩtɩŋ kɔŋ Yerusalem 2gaa tasɛ sɛ, <<Le sɛ ba lʋrʋ wʋchaa fɔlɛ wʋŋ wʋ a gaa yɩɛ Yudatina Juo naa? Dɩ na wʋ gachikpebi wiita dɩlɩɩtɩŋ sɛ dɩ kɔŋ na dɩ gaa tʋŋ ɩ.>>
3Gʋ Juo Hɛrɔdɩ nyii dɩmʋŋ wɩɛ ŋina na, wʋ na Yerusalemtina kpiniŋ agela warɩɛ ba. 4Dɩmʋŋ dʋɔ wʋ yagɛ Ɩsʋɔ sei bɩnɩɛ kpiniŋ na Mosesi mbara bakalaasa gaa jaŋi tasɛ ba sɛ, <<Le sɛ baa lʋrʋ Kirisito#2:4 Girikitina a yagɛ sɛ Kirisito sɛ Yudatina dʋɔ a yagɛ sɛ Mesaya wʋŋ naa?>> 5Sɛ ba lɩsɛ ɩ nʋɔ sɛ Betilehem gaa ga wɩɛ Yudiya tibi dʋɔ. Akala takɩɛ Ɩsʋɔ pala na wʋ bajana dʋɔ sabɩɛ si sɛ,
6<<Nyaŋ Betilehem, gaa ga wɩɛ Yuda tibi dʋɔ,
n ba yɩɛ wʋ pii dɩɛsɛ ajanɩɛ ŋii ŋɩ wɩɛ Yuda tibi dʋɔ na naŋ ŋ.
Akala takɩɛ n tɩba sɛ asanaŋtɛ wʋjanɛ aja lɩɩ
na wʋ a yɩɛ kɩɛrɛ fa ma bakpa Isiralitina.>>#Mik 5:2.
7Sɛ Juo Hɛrɔdɩ yagɛ kpiŋjimtina baa lɩɩ laraŋ, sɛ wʋ tasɛ ba na wʋ a jiŋ saŋa gaa gachikpebi wʋŋ lɩɩ na. 8Sɛ wʋ kpiri ba Betilehem tawɩ ba sɛ, <<N ju ga ja wʋchaa fɔlɛ wʋŋ na dieli. Ɩ na ɩ na n kɔŋ gaa tawɩ maŋ na maŋ gba maa ju ga tʋŋ ɩ.>>
9Gʋ ba nyii Juo wʋŋ jaŋ taŋ na ba lɩɩ dɩmaŋ laŋ. Gʋ baa ju na, ba ti na gachikpebi wʋŋ ba chɩŋkpɩɛ na ɩ wiita dɩlɩɩtɩŋ na dɔŋ ba asanaŋ ga tala gʋ wʋ ga dʋɔsɩŋ waa gaa wʋchaa fɔlɛ wʋŋ wɩɛ ga tɩba na kʋrʋkʋrʋ. 10Gʋ ba na gachikpebi wʋŋ na, ba asadi galaŋ. 11Gʋ ba jʋʋ waa gaa tɩba na, ba na wʋchaa fɔlɛ wʋŋ na wʋ naa Mariya sɛ ba luuŋ tʋŋ ɩ. Sɛ ba buoli ba akpaŋta kpari didaka lɩsɛ aterembie asɩɛma, mʋlʋŋ tii alifeŋsa na ɩnsɛnsɩ gafɔla lira mʋ fa ɩ takɩɛ afaasa. 12Ɩsʋɔ cha jɔ kpiŋjimtina baa nyienaŋ duosi naŋ sɛ ba n baa ti bɔrɛ ju Juo Hɛrɔdɩ jaŋ. Dɩmʋŋ dʋɔ ba mʋna gbɩɛ fɔlɛ dʋɔ bɔrɛ ju ba dɩɛnaŋ.
Ba mʋ Yesu se ju Ijipiti
13Gʋ kpiŋjimtina baa lam wʋrʋgbɩɛ na, Ɩsʋɔ gabʋɔ kɔŋ gaa lɩsɛ wʋ wʋsɛ kalaa Yosefu duosi naŋ tawɩ ɩ sɛ, <<Kʋlʋ mʋ wʋchaa wʋŋ na wʋ naa se ju Ijipiti tibi dʋɔ. N cha dɩmaŋ ga tala saŋa gaa maa tawɩ amɩɛ sɛ n lɩɩ dɩmaŋ. Akala takɩɛ Hɛrɔdɩ aja wʋchaa wʋŋ na wʋ a kʋ ɩ.>> 14Dɩmʋŋ dʋɔ Yosefu kʋlʋ mʋ wʋchaa wʋŋ na wʋ naa dɩmʋŋ yuluma gana ju Ijipiti, 15Sɛ ba cha dɩmaŋ ga tala gʋ Juo Hɛrɔdɩ sɩŋ. Ŋina tibi ganaŋkʋ wɩɛ ŋii Ɩsʋɔ pala na wʋ ɔja dʋɔ tawɩ si na a kɔŋ tɩba sɛ, <<Ijipiti tibi dʋɔ sɛ maa yagɛ mabu.>>#Hos 11:1.
16Gʋ Juo Hɛrɔdɩ jiŋ gʋ kpiŋjimtina baa pɩna ɩ na wʋ kara biŋbira fɔɩ. Sɛ wʋ dʋ wʋ yuora baa sɛ baŋ kʋ bachaasɛ baala jaŋ baa ba tala bɩŋsɛ sɩla na baa ba n tala ta bɩŋsɛ sɩla sɛ ba wɩɛ Betilehem na ga dɩɛsɛ bisi kpiniŋ naŋ. Wʋ tawɩ dɩmʋŋ akala takɩɛ lɩɩ saŋa gaa wʋ nyii lɩɩ kpiŋjimtina baa jaŋ na, wʋchaa wʋŋ aja wɩɛ dɩmʋŋ bɩŋsɛ ŋina tɩba. 17Ŋina yela sɛ wɩɛ ŋii Ɩsʋɔ pala na wʋ ɔja Yeremiya dʋɔ tawɩ si na kɔŋ tɩba sɛ,
18<<Lofu garɛ nyii lɩɩ Rama,
wiiniŋ na doŋ dʋɔ wiiniŋ,
Raheli a wii wʋ bie,
sɛ wʋ pɩɛ tawɩ dʋ,
akala takɩɛ ba sɩŋ.>>#Yere 31:15.
Yosefu bɔsɩna Yesu ju Nasarati
19Juo Hɛrɔdɩ sɩŋ wʋrʋgbɩɛ na, Ɩsʋɔ gabʋɔ lɩsɛ wʋ wʋsɛ kalaa Yosefu duosi naŋ Ijipiti 20sɛ wʋ tawɩ ɩ sɛ, <<Kʋlʋ, mʋ wʋchaa wʋŋ na wʋ naa bɔrɛ ju Isirali tibi dʋɔ akala takɩɛ baa baa ja wʋchaa wʋŋ baa kʋ na sɩŋ.>>
21Dɩmʋŋ dʋɔ wʋ kʋlʋ mʋ wʋchaa wʋŋ na wʋ naa bɔrɛ ju Isirali tibi dʋɔ. 22Ama gʋ wʋ nyii sɛ Hɛrɔdɩ bu Akilayosi n baŋ wʋ juo nafara naŋ di Juo Yudiya tibi dʋɔ na, dɩ yɩɛ ɩ nyɩŋtɩɛ na dɩmaŋ ju. Ɩsʋɔ cha jɔ wʋ nyinaŋ duosi naŋ sɛ wʋ n baa ju dɩmaŋ, dɩmʋŋ dʋɔ wʋ ju Galaliya tibi dʋɔ. 23Sɛ wʋ ju ga cha Nasarati dɩɛ naŋ. Ŋina yela sɛ wɩɛ ŋii Ɩsʋɔ pala na wʋ bajana dʋɔ tawɩ si na kɔŋ tɩba sɛ, Baa yagɛ ɩ sɛ Nasarati wʋkpa.>>
2025 Ghana Institute of Linguistics Literacy amp Bible Translation