Matiyo 8
8
Yesu chɔ baalɛ chaalaŋa wʋrʋ
Maakɩ 1:40-45; Luka 5:12-16
1Gʋ Yesu tibi lɩɩ bʋrɔŋ dʋɔ kɔŋ na, bakpa fɔɩ kpaŋ ɩ. 2Dɩmaŋ sɛ baalɛ chalaŋa#8:2 Giriki wɩɛ bi fa gɩchalaŋa sɩmɩɛɩ fa lʋm yiri gaa gaa fu wʋkpa dʋɔ wʋrʋ kɔŋ wʋ jaŋ gaa luuŋ wʋ asanaŋ sʋlʋ ɩ sɛ, <<Kpaŋjuo, nyaa jawʋ na, nyaa dɩlɛ chɔ maŋ.>>
3Sɛ Yesu tɩɛŋɩ wʋ pam jaga baalɛ wʋŋ dʋɔ tawɩ sɛ, <<Maa jawʋ, n wʋsɛ n yɩɛ dɩchɩrɩchɩrɩ.>> Gabʋanaŋ sɛ gɩchalaŋa gaa lam. 4Sɛ Yesu tawɩ ɩ sɛ, <<Nyaŋ, kɩɛ na dieli na nya n baa tawɩ wʋrʋ. Ama mʋ n wʋsɛ ju ga kalaa Ɩsʋɔ sei, na nyaa diesi gadiesa ganaŋkʋ Mosesi mbara akala na, na ŋii di seriya takɩɛ nya yu lʋm chʋɔ.>>
Yesu chɔ Roma bɩnɛ tʋmɩrɛ
Luka 7:1-10
5Gʋ Yesu ju Kapeniyum dɩɛ naŋ na, yuora gafie bɩnɛ wʋrʋ kɔŋ wʋ jaŋ gaa sʋlʋ ɩ sɛ wʋ n chɔna ɩ. 6Sɛ wʋ tawɩ sɛ, <<Kpaŋjuo, ma tʋmɩrɛ jaɩ-jaɩ wʋ duwei waa dʋɔ wʋ a na awʋrʋfʋɔ fɔɩ.>>
7Sɛ Yesu tawɩ ɩ sɛ, <<Maa ju ga chɔ ɩ.>>
8Ama yuora gafie bɩnɛ wʋŋ tawɩ sɛ, <<Kpaŋjuo, ma n daga na nyaa kɔŋ ma waa dʋɔ ɔ. Ama tawɩ wɩɛ, ma tʋmɩrɛ wʋŋ aja yu lʋm chʋɔ. 9Akala takɩɛ ma tɩŋtɩŋ ma wɩɛ yikuo tie bɛ, sɛ maŋ gba ma wɩɛna yuora ma tie. Ma tawɩ ba tɩba wʋrʋ sɛ ju na wʋ a ju, sɛ ma tawɩ wʋ baŋbaŋ sɛ kɔŋ na wʋ a kɔnɛ, sɛ ma tawɩ ma tʋmɩrɛ sɛ yɩɛ ŋina na, wʋ a yɩɛ.>>
10Gʋ Yesu nyii wɩɛ ŋina na, dɩ yɩɛ ɩ doba. Sɛ wʋ tawɩ baa ba kpamɩna ɩ na sɛ, <<Maa tawɩ sɛ n nyii na dieli sɛ ma n naa ta wʋrʋ Isiralitina naŋ wʋ wɩɛna lɩɛdi gana duluŋ ŋ. 11Maa tawɩ fa amɩɛ sɛ bakpa fɔɩ aja lɩɩ dɩlɩɩtɩŋ na dɩsalɩtɩŋ na gɩbɩnɩŋtina Abiraham, Isaki na Yakubu aja cha asadi adiya di Ɩsʋɔ juori gaa naŋ. 12Ama Isiralitina baa nafʋɔ Ɩsʋɔ Juori gaa yɩɛ ba teri na, baa lɔ ba lɩsɛ asʋŋ ga dʋ giteŋteŋbiri naŋ, dɩmaŋ sɛ wiiniŋ na kela naŋ tawʋ wɩɛ.>>
13Sɛ Yesu tawɩ yuora gafie bɩnɛ wʋŋ sɛ, <<Ju dɩɛ! Ŋii yɩɛ fa nyaŋ takɩɛ ganaŋkʋ n lɩɛ di na.>>Dɩmʋŋ saŋa gana kʋrʋkʋrʋ sɛ wʋ tʋmɩrɛ wʋŋ yu lʋm chʋɔ.
Yesu chɔ bakpa fɔɩ
Maakɩ 1:29-34; Luka 4:38-41
14Gʋ Yesu ju Petero waa dʋɔ na, wʋ na Petero awu a kili gibirima wʋ duwei waa dʋɔ. 15Sɛ wʋ mʋ wʋ pam jaga alʋ wʋŋ pam dʋɔ sɛ gibirima gaa yela ɩ. Sɛ wʋ kʋlʋ tɩŋɛ adiya fa ba.
16Bʋyanɔ gʋ wiita a ju wʋ a ga sala na, bakpa mʋ baa feliŋ sʋbʋ fɔɩ wɩɛ ba tɩba na kɔŋ Yesu jaŋ. Sɛ wʋ geŋ feliŋ sʋbʋ lɩɩ bakpa baa tɩba sɛ wʋ chɔ lʋmɩɛtina baa kpiniŋ. 17Wʋ yɩɛ ŋina sɛ dɩ yela sɛ wɩɛ ŋii Ɩsʋɔ pala na ɔja Yisaya dʋɔ tawɩ si na kɔŋ tɩba sɛ,
<<Wʋ mʋ daa wʋsɛ fʋʋ,
sɛ wʋ sɩlɛ daa lʋmɩɛ.>>
Baa baa ja baa kpaŋ Yesu na
Luka 9:57-62
18Gʋ Yesu na jama baa logo ɩ na, wʋ dʋ wʋ kpalɛnara baa sɛ n yela dɩ tɩɛsɛ lɩɩ gaa ju gatɩɛsa. 19Sɛ Mosesi mbara wʋkalaasa wʋrʋ kɔŋ wʋ jaŋ gaa tawɩ ɩ sɛ, <<Wʋkalaasa, gapɩlɛkʋma gaa nyaa ju na maa kpaŋ nyaŋ.>>
20Sɛ Yesu tawɩ ɩ sɛ, <<Awʋja aba wɩɛna bʋɔsɛ baa duo sɛ jimbisi wɩɛna gasɩsasɛ. Ama Wʋkpa Bu wʋŋ bɩrɛ, wʋ tana diduwei i.>>
21Sɛ wʋ kpalɛnara baa tɩba wʋrʋ tawɩ ɩ sɛ, <<Kpaŋjuo, yela maa chɩŋkpɩɛ ju ga wuu majuo pɔɩ.>>
22Ama Yesu tawɩ ɩ sɛ, <<Kpaŋ maŋ, na nyaa yela na sira a wuu dɔŋa.>>
Yesu yela sɛ feliŋ janɛ chakuruŋ
Maakɩ 4:35-41; Luka 8:22-25
23Sɛ Yesu jʋʋ buori naŋ sɛ wʋ kpalɛnara baa kpaŋ ɩ. 24Gabʋanaŋ sɛ feliŋ janɛ jɔ lɩɩ gaa dʋɔ sɛ dɩ jɔ apaa dʋ buori gaa naŋ hali ga ja gaa muru. Ama Yesu bɩrɛ, wʋ duo asoroŋ. 25Sɛ wʋ kpalɛnara baa feŋsi ɩ sɛ ba tawɩ ɩ sɛ, <<Kpaŋjuo, dɩɩ muru oo, mɔlɔgɩ daa!>>
26Sɛ Yesu tawɩ ba sɛ, <<Amɩɛ baa amɩɛ lɩɛdi n bɔla a, be n yɩɛ sɛ nyɩŋtɩɛ chamɩna amɩɛ?>> Sɛ wʋ kʋlʋ fʋba feliŋ na apaa ŋii dʋɔ sɛ ŋɩ chakuruŋ.
27Sɛ dɩ yɩɛ wʋ kpalɛnara baa doba sɛ ba tasɛ sɛ, <<Wʋkpa wʋ Mmʋɔ gba mɩnaŋ sɛ feliŋ na apaa a nyii wʋ jaŋ n naa?>>
Yesu chɔ baala bala baa feliŋ sʋbʋ wɩɛ ba tɩba
Maakɩ 5:1-20; Luka 8:26-39
28Gʋ Yesu na wʋ kpalɛnara baa tɩɛsa kɔŋ Gadara tibi gaa ga wɩɛ gatɩɛsa na, bakpa bala baa feliŋ sʋbʋ wɩɛ ba tɩba na lɩɩ diwuutiŋ gaa jaŋina ɩ. Ba cha libi fɔɩ, dɩmʋŋ dʋɔ wʋrʋ baa dɩlɛ mʋna gbɩɛ gana a. 29Gʋ ba na Yesu na, ba kuusi sɛ, <<Ɩsʋɔ Bu, be sɛ nyaa ja daa jaŋ?>>N kɔŋ na nyaa gaa nyala daa pɔɩ na Ɩsʋɔ dɩpʋɛ fuu wɩɩ gaa a tala bɛ?
30Na ɔvaaba dikpeŋ barɛ wɩɛ tirina bʋrɔŋ garɛ baa di. 31Sɛ feliŋ sʋbʋ wʋŋ sʋlʋ Yesu sɛ, <<Nyaa gɩŋ daa na, geŋ daa na dɩ ga jʋʋ ɔvaaba dikpeŋ baa tɩba.>>
32Sɛ Yesu tawɩ ba sɛ, <<N lɩɩ ju!>> Sɛ ba lɩɩ ga jʋʋ ɔvaaba baa tɩba. Sɛ Ɔvaaba baa kpiniŋ se tibi bʋrɔŋ ga jʋʋ lɩɩ gaa naŋ sɛ ba sɩŋ. 33Gʋ ɔvaaba baa kɩɛra na ŋii ŋɩ tibi na, ba se ju dɩɛ gaa naŋ ga tawɩ wɩɛ ŋii, na ganaŋkʋ feliŋ sʋbʋ lɩɩ baala baa tɩba na. 34Dɩmʋŋ dʋɔ dɩɛ gaa naŋ bakpa kpiniŋ lɩɩ gaa jaŋina Yesu. Gʋ ba na ɩ na, ba sʋlʋ ɩ sɛ wʋ n lɩɩ ba tibi dʋɔ.
נבחרו כעת:
Matiyo 8: CLL
הדגשה
שתפו
השווה
העתק
רוצים לשמור את ההדגשות שלכם בכל המכשירים שלכם? הירשמו או היכנסו
2025 Ghana Institute of Linguistics Literacy amp Bible Translation
Matiyo 8
8
Yesu chɔ baalɛ chaalaŋa wʋrʋ
Maakɩ 1:40-45; Luka 5:12-16
1Gʋ Yesu tibi lɩɩ bʋrɔŋ dʋɔ kɔŋ na, bakpa fɔɩ kpaŋ ɩ. 2Dɩmaŋ sɛ baalɛ chalaŋa#8:2 Giriki wɩɛ bi fa gɩchalaŋa sɩmɩɛɩ fa lʋm yiri gaa gaa fu wʋkpa dʋɔ wʋrʋ kɔŋ wʋ jaŋ gaa luuŋ wʋ asanaŋ sʋlʋ ɩ sɛ, <<Kpaŋjuo, nyaa jawʋ na, nyaa dɩlɛ chɔ maŋ.>>
3Sɛ Yesu tɩɛŋɩ wʋ pam jaga baalɛ wʋŋ dʋɔ tawɩ sɛ, <<Maa jawʋ, n wʋsɛ n yɩɛ dɩchɩrɩchɩrɩ.>> Gabʋanaŋ sɛ gɩchalaŋa gaa lam. 4Sɛ Yesu tawɩ ɩ sɛ, <<Nyaŋ, kɩɛ na dieli na nya n baa tawɩ wʋrʋ. Ama mʋ n wʋsɛ ju ga kalaa Ɩsʋɔ sei, na nyaa diesi gadiesa ganaŋkʋ Mosesi mbara akala na, na ŋii di seriya takɩɛ nya yu lʋm chʋɔ.>>
Yesu chɔ Roma bɩnɛ tʋmɩrɛ
Luka 7:1-10
5Gʋ Yesu ju Kapeniyum dɩɛ naŋ na, yuora gafie bɩnɛ wʋrʋ kɔŋ wʋ jaŋ gaa sʋlʋ ɩ sɛ wʋ n chɔna ɩ. 6Sɛ wʋ tawɩ sɛ, <<Kpaŋjuo, ma tʋmɩrɛ jaɩ-jaɩ wʋ duwei waa dʋɔ wʋ a na awʋrʋfʋɔ fɔɩ.>>
7Sɛ Yesu tawɩ ɩ sɛ, <<Maa ju ga chɔ ɩ.>>
8Ama yuora gafie bɩnɛ wʋŋ tawɩ sɛ, <<Kpaŋjuo, ma n daga na nyaa kɔŋ ma waa dʋɔ ɔ. Ama tawɩ wɩɛ, ma tʋmɩrɛ wʋŋ aja yu lʋm chʋɔ. 9Akala takɩɛ ma tɩŋtɩŋ ma wɩɛ yikuo tie bɛ, sɛ maŋ gba ma wɩɛna yuora ma tie. Ma tawɩ ba tɩba wʋrʋ sɛ ju na wʋ a ju, sɛ ma tawɩ wʋ baŋbaŋ sɛ kɔŋ na wʋ a kɔnɛ, sɛ ma tawɩ ma tʋmɩrɛ sɛ yɩɛ ŋina na, wʋ a yɩɛ.>>
10Gʋ Yesu nyii wɩɛ ŋina na, dɩ yɩɛ ɩ doba. Sɛ wʋ tawɩ baa ba kpamɩna ɩ na sɛ, <<Maa tawɩ sɛ n nyii na dieli sɛ ma n naa ta wʋrʋ Isiralitina naŋ wʋ wɩɛna lɩɛdi gana duluŋ ŋ. 11Maa tawɩ fa amɩɛ sɛ bakpa fɔɩ aja lɩɩ dɩlɩɩtɩŋ na dɩsalɩtɩŋ na gɩbɩnɩŋtina Abiraham, Isaki na Yakubu aja cha asadi adiya di Ɩsʋɔ juori gaa naŋ. 12Ama Isiralitina baa nafʋɔ Ɩsʋɔ Juori gaa yɩɛ ba teri na, baa lɔ ba lɩsɛ asʋŋ ga dʋ giteŋteŋbiri naŋ, dɩmaŋ sɛ wiiniŋ na kela naŋ tawʋ wɩɛ.>>
13Sɛ Yesu tawɩ yuora gafie bɩnɛ wʋŋ sɛ, <<Ju dɩɛ! Ŋii yɩɛ fa nyaŋ takɩɛ ganaŋkʋ n lɩɛ di na.>>Dɩmʋŋ saŋa gana kʋrʋkʋrʋ sɛ wʋ tʋmɩrɛ wʋŋ yu lʋm chʋɔ.
Yesu chɔ bakpa fɔɩ
Maakɩ 1:29-34; Luka 4:38-41
14Gʋ Yesu ju Petero waa dʋɔ na, wʋ na Petero awu a kili gibirima wʋ duwei waa dʋɔ. 15Sɛ wʋ mʋ wʋ pam jaga alʋ wʋŋ pam dʋɔ sɛ gibirima gaa yela ɩ. Sɛ wʋ kʋlʋ tɩŋɛ adiya fa ba.
16Bʋyanɔ gʋ wiita a ju wʋ a ga sala na, bakpa mʋ baa feliŋ sʋbʋ fɔɩ wɩɛ ba tɩba na kɔŋ Yesu jaŋ. Sɛ wʋ geŋ feliŋ sʋbʋ lɩɩ bakpa baa tɩba sɛ wʋ chɔ lʋmɩɛtina baa kpiniŋ. 17Wʋ yɩɛ ŋina sɛ dɩ yela sɛ wɩɛ ŋii Ɩsʋɔ pala na ɔja Yisaya dʋɔ tawɩ si na kɔŋ tɩba sɛ,
<<Wʋ mʋ daa wʋsɛ fʋʋ,
sɛ wʋ sɩlɛ daa lʋmɩɛ.>>
Baa baa ja baa kpaŋ Yesu na
Luka 9:57-62
18Gʋ Yesu na jama baa logo ɩ na, wʋ dʋ wʋ kpalɛnara baa sɛ n yela dɩ tɩɛsɛ lɩɩ gaa ju gatɩɛsa. 19Sɛ Mosesi mbara wʋkalaasa wʋrʋ kɔŋ wʋ jaŋ gaa tawɩ ɩ sɛ, <<Wʋkalaasa, gapɩlɛkʋma gaa nyaa ju na maa kpaŋ nyaŋ.>>
20Sɛ Yesu tawɩ ɩ sɛ, <<Awʋja aba wɩɛna bʋɔsɛ baa duo sɛ jimbisi wɩɛna gasɩsasɛ. Ama Wʋkpa Bu wʋŋ bɩrɛ, wʋ tana diduwei i.>>
21Sɛ wʋ kpalɛnara baa tɩba wʋrʋ tawɩ ɩ sɛ, <<Kpaŋjuo, yela maa chɩŋkpɩɛ ju ga wuu majuo pɔɩ.>>
22Ama Yesu tawɩ ɩ sɛ, <<Kpaŋ maŋ, na nyaa yela na sira a wuu dɔŋa.>>
Yesu yela sɛ feliŋ janɛ chakuruŋ
Maakɩ 4:35-41; Luka 8:22-25
23Sɛ Yesu jʋʋ buori naŋ sɛ wʋ kpalɛnara baa kpaŋ ɩ. 24Gabʋanaŋ sɛ feliŋ janɛ jɔ lɩɩ gaa dʋɔ sɛ dɩ jɔ apaa dʋ buori gaa naŋ hali ga ja gaa muru. Ama Yesu bɩrɛ, wʋ duo asoroŋ. 25Sɛ wʋ kpalɛnara baa feŋsi ɩ sɛ ba tawɩ ɩ sɛ, <<Kpaŋjuo, dɩɩ muru oo, mɔlɔgɩ daa!>>
26Sɛ Yesu tawɩ ba sɛ, <<Amɩɛ baa amɩɛ lɩɛdi n bɔla a, be n yɩɛ sɛ nyɩŋtɩɛ chamɩna amɩɛ?>> Sɛ wʋ kʋlʋ fʋba feliŋ na apaa ŋii dʋɔ sɛ ŋɩ chakuruŋ.
27Sɛ dɩ yɩɛ wʋ kpalɛnara baa doba sɛ ba tasɛ sɛ, <<Wʋkpa wʋ Mmʋɔ gba mɩnaŋ sɛ feliŋ na apaa a nyii wʋ jaŋ n naa?>>
Yesu chɔ baala bala baa feliŋ sʋbʋ wɩɛ ba tɩba
Maakɩ 5:1-20; Luka 8:26-39
28Gʋ Yesu na wʋ kpalɛnara baa tɩɛsa kɔŋ Gadara tibi gaa ga wɩɛ gatɩɛsa na, bakpa bala baa feliŋ sʋbʋ wɩɛ ba tɩba na lɩɩ diwuutiŋ gaa jaŋina ɩ. Ba cha libi fɔɩ, dɩmʋŋ dʋɔ wʋrʋ baa dɩlɛ mʋna gbɩɛ gana a. 29Gʋ ba na Yesu na, ba kuusi sɛ, <<Ɩsʋɔ Bu, be sɛ nyaa ja daa jaŋ?>>N kɔŋ na nyaa gaa nyala daa pɔɩ na Ɩsʋɔ dɩpʋɛ fuu wɩɩ gaa a tala bɛ?
30Na ɔvaaba dikpeŋ barɛ wɩɛ tirina bʋrɔŋ garɛ baa di. 31Sɛ feliŋ sʋbʋ wʋŋ sʋlʋ Yesu sɛ, <<Nyaa gɩŋ daa na, geŋ daa na dɩ ga jʋʋ ɔvaaba dikpeŋ baa tɩba.>>
32Sɛ Yesu tawɩ ba sɛ, <<N lɩɩ ju!>> Sɛ ba lɩɩ ga jʋʋ ɔvaaba baa tɩba. Sɛ Ɔvaaba baa kpiniŋ se tibi bʋrɔŋ ga jʋʋ lɩɩ gaa naŋ sɛ ba sɩŋ. 33Gʋ ɔvaaba baa kɩɛra na ŋii ŋɩ tibi na, ba se ju dɩɛ gaa naŋ ga tawɩ wɩɛ ŋii, na ganaŋkʋ feliŋ sʋbʋ lɩɩ baala baa tɩba na. 34Dɩmʋŋ dʋɔ dɩɛ gaa naŋ bakpa kpiniŋ lɩɩ gaa jaŋina Yesu. Gʋ ba na ɩ na, ba sʋlʋ ɩ sɛ wʋ n lɩɩ ba tibi dʋɔ.
2025 Ghana Institute of Linguistics Literacy amp Bible Translation