Génesis 17
17
Jaꞌ Jun Circuncisión Yechel Jun Swa kꞌane Jehová
1Jaꞌ naj Abram ey 99 abꞌil skꞌinal, yet jix xꞌoxon sbꞌa Jehová tet naj junelxa, jix yalon tet jaxca tiꞌ:
—Jain ton Jehová jin an, chi skeꞌ wu masanil, watxꞌ cꞌal cha wute ja bꞌa jin sattaj. 2Oj wakꞌ jun jin wa kꞌane tiꞌ ja wetoj, tol ecꞌal sbꞌisil ebꞌ ja wicꞌaal oj eloj, ẍi Jehová tet naj.
3Catuꞌ jix ey noan Abram tuꞌ sat txꞌotxꞌ, yet lalan skꞌanabꞌ eytej Jehová tet naj. Jix cꞌoli yalon Dios jaxca tiꞌ:
4—Jaꞌton jun jin wa kꞌane tiꞌ oj wal can ja wetoj: Tol oj jaach oc yichmamoj ecꞌaloj conobꞌ. 5Manxa Abram oj ja bꞌi, jaꞌ tinaniꞌ Abraham xa ja bꞌi,#17:5 Jaꞌ yin Hebreo, jaꞌ jun bꞌie chi yij Abraham, laan chi yun yal-le yetoj jun kꞌane, “mame yibꞌan ecꞌaloj mimej conobꞌ”. yutol oj jaach waoc yichmamoj ecꞌaloj conobꞌ. 6Miman oj yun wiꞌon a sbꞌisil ebꞌ ja wicꞌaal, oj oc ebꞌ yin mimej conobꞌal. Jaꞌ xol ebꞌ ja wicꞌaal tuꞌ, jatuꞌ oj eltej ecꞌaloj ebꞌ rey. 7Jaꞌ jun jin wa kꞌane chi wakꞌcan ja wetoj tiꞌ, cꞌal yetoj masanil ebꞌ ja wicꞌaal, tol jain Jehová jin, sDiosal jin pax ebꞌ. 8Jaꞌ tinaniꞌ oj wakꞌ masanil txꞌotxꞌ Canaán tiꞌ ey jaach, yetoj tet ebꞌ ja wicꞌaal yin junelne, catuꞌ oj jin oc sDiosaloj ebꞌ an, ẍi Jehová tet Abraham tuꞌ.
9Jix yalon pax Jehová tet Abraham tuꞌ jaxca tiꞌ:
—Jal jaach pax jaach tiꞌ, jije cꞌal jun jin wa kꞌane chi wakꞌcan ja wetoj tiꞌ, catuꞌ sowalil chi sjije pax ebꞌ ja wicꞌaal yet chi bꞌey cꞌaltoj. 10Jaꞌton jun jin wa kꞌane chi wakꞌ je yetoj tiꞌ, tol sowalil cha jije. Masanil ebꞌ winaj unin chi ale oc yechel smimanil ebꞌ, 11yuxan tol chi iꞌle el niꞌoj stzꞌuumal swinajil ebꞌ winaj unin. Jaꞌ jun tuꞌ, yechel jin wa kꞌane chi yun can je yetoj. 12Jujubꞌix ojabꞌ yali junjun winaj unin, catuꞌ chi ale oc jun echele tuꞌ yin ebꞌ, caxcꞌal je yuninal ma yuninal ebꞌ je yakꞌomal servil. Sowalil chi ale oc yechel ebꞌ je yakꞌomal servil tuꞌ, cꞌal ebꞌ tol manbꞌil bꞌey txꞌoj conobꞌal. 13Sowalil chi ale oc jun echele tuꞌ je yin junjun jex, yin cꞌam cꞌal chi eqꞌui. Jaxca tuꞌ xin, jaꞌ jun jin wa kꞌane je yetoj tiꞌ, miman txequel ojabꞌ yin je mimanil. 14Yal cꞌal mac winajil tol man ocnaj oj jun echele tuꞌ yin, sowalil che yiꞌel je xol, yutol cꞌam chi sjije jun jin wa kꞌane jix wakꞌcan je yetoj tiꞌ, ẍi Jehová.
15Jix yalon pax Jehová tet Abraham jaxca tiꞌ:
—Jaꞌ yet cu sattajto tuꞌ, manxa Sarai oj yij sbꞌi ix ja wistil tiꞌ, jaꞌ tinaniꞌ xin, tol Sara#17:15 Sara, chi yal yeloc apnoj scutzꞌin rey. oj yij can a sbꞌi ix. 16Oj wakꞌ syaaxilal yibꞌan ix, oj aloj junoj ja cꞌaal yetoj ix. Jaꞌ yin ebꞌ ja wicꞌaal tuꞌ oj jobꞌcha mimej nación, jaꞌ xol ebꞌ tuꞌ oj eltej ebꞌ chi oc yin reyal, ẍi Jehová.
17Jaꞌ yet jix yabꞌen naj Abraham jun tuꞌ, catuꞌ jix ey noanoj, masantaꞌ jix ey spalan naj sat txꞌotxꞌ, catuꞌ jix cꞌoli stzee naj, jix snaꞌoꞌtaneni: ¿Tumi taꞌ oj to aloj junoj jin cꞌaal? ilaꞌ tol eyxa 100 abꞌil jin kꞌinal, catuꞌ 90 abꞌil xa skꞌinal ix Sara. ¿Tumi oj to wal yijoc yuneꞌ ix? ẍi naj yin snaꞌbꞌal. 18Jix lawi tuꞌ, jix yalon Abraham tet Jehová jaxca tiꞌ:
—Toloj wal chi el yin ja cꞌul, cha wakꞌ scawil naj Ismael tiꞌ, tol ojabꞌ watxꞌ chi eloc naj, ẍi naj.
19Catuꞌ jix takꞌwi Jehová tet Abraham jaxca tiꞌ:
—Tol jix wal ey jaach tol oj aloj junoj ja cꞌaal yetoj ix Sara. Oj ja wakꞌ yij sbꞌi Isaac,#17:19 Jaꞌ yin Hebreo, Isaac, laan skꞌaneal yetoj jun kꞌane “chi tzee”. jaꞌton yetoj naj oj wakꞌ jun jin wa kꞌane tiꞌ, yetoj ebꞌ yicꞌaal naj. 20Jal pax yu naj Ismael xin, jix wabꞌ tzet jix ja walaꞌ, oj wakꞌ jin yaxilal yibꞌan naj, yuxan ecꞌal yicꞌaal naj oj eloj. Oj chꞌibꞌ sbꞌisil yicꞌaal naj. Jaꞌ xol yicꞌaal naj tuꞌ, oj eltej lacawanoj ebꞌ mimej yaaw. Jaꞌ yicꞌaal naj tuꞌ mimej conobꞌ oj yun yelocoj. 21Jaꞌ jin wa kꞌane jix wakꞌ ja wetoj tiꞌ, oj yun cꞌaltaꞌ yin naj Isaac, naj ja cꞌaal oj aloj yetoj ix ja wistil Sara, yabꞌ wal jaxca tiꞌ yet junxa abꞌil, ẍi Jehová tet naj.
22Jaꞌ yet jix lawi skꞌanabꞌ Jehová yetoj Abraham, catuꞌ jix toi. 23Jaꞌ yet jun cꞌual tuꞌ, jix ale can oc yechel naj Ismael yu Abraham, yetoj masanil ebꞌ naj yakꞌomal servil alinaj bꞌey sna, cꞌal masanil ebꞌ naj tol manbꞌil yu, yetoj masanil ebꞌ ánima caan ecꞌ yetoj bꞌey sna. Jix ale oc yechel ebꞌ masanil, jaxca yalon Jehová tet naj. 24Jaꞌ naj Abraham ey 99 abꞌil skꞌinal yet jix ale oc jun echele tiꞌ yin ebꞌ. 25Jaꞌ naj Ismael, ey 13 abꞌil skꞌinal yet jix ale oc jun echele tuꞌ yin. 26Jacꞌal oc yet jun cꞌual tuꞌ jix ale oc yechel Abraham yetoj scꞌaal, jaꞌton jun chi yij circuncisión, 27yetoj masanil ebꞌ winaj eyecꞌ yetoj, ebꞌ yakꞌomal servil alinaj yul sna, cꞌal ebꞌ tol manbꞌil yu bꞌey junojxa txꞌoj conobꞌal.
נבחרו כעת:
Génesis 17: knj
הדגשה
שתף
העתק
רוצים לשמור את ההדגשות שלכם בכל המכשירים שלכם? הירשמו או היכנסו
© 2016, Wycliffe Bible Translators, Inc. All rights reserved.
Génesis 17
17
Jaꞌ Jun Circuncisión Yechel Jun Swa kꞌane Jehová
1Jaꞌ naj Abram ey 99 abꞌil skꞌinal, yet jix xꞌoxon sbꞌa Jehová tet naj junelxa, jix yalon tet jaxca tiꞌ:
—Jain ton Jehová jin an, chi skeꞌ wu masanil, watxꞌ cꞌal cha wute ja bꞌa jin sattaj. 2Oj wakꞌ jun jin wa kꞌane tiꞌ ja wetoj, tol ecꞌal sbꞌisil ebꞌ ja wicꞌaal oj eloj, ẍi Jehová tet naj.
3Catuꞌ jix ey noan Abram tuꞌ sat txꞌotxꞌ, yet lalan skꞌanabꞌ eytej Jehová tet naj. Jix cꞌoli yalon Dios jaxca tiꞌ:
4—Jaꞌton jun jin wa kꞌane tiꞌ oj wal can ja wetoj: Tol oj jaach oc yichmamoj ecꞌaloj conobꞌ. 5Manxa Abram oj ja bꞌi, jaꞌ tinaniꞌ Abraham xa ja bꞌi,#17:5 Jaꞌ yin Hebreo, jaꞌ jun bꞌie chi yij Abraham, laan chi yun yal-le yetoj jun kꞌane, “mame yibꞌan ecꞌaloj mimej conobꞌ”. yutol oj jaach waoc yichmamoj ecꞌaloj conobꞌ. 6Miman oj yun wiꞌon a sbꞌisil ebꞌ ja wicꞌaal, oj oc ebꞌ yin mimej conobꞌal. Jaꞌ xol ebꞌ ja wicꞌaal tuꞌ, jatuꞌ oj eltej ecꞌaloj ebꞌ rey. 7Jaꞌ jun jin wa kꞌane chi wakꞌcan ja wetoj tiꞌ, cꞌal yetoj masanil ebꞌ ja wicꞌaal, tol jain Jehová jin, sDiosal jin pax ebꞌ. 8Jaꞌ tinaniꞌ oj wakꞌ masanil txꞌotxꞌ Canaán tiꞌ ey jaach, yetoj tet ebꞌ ja wicꞌaal yin junelne, catuꞌ oj jin oc sDiosaloj ebꞌ an, ẍi Jehová tet Abraham tuꞌ.
9Jix yalon pax Jehová tet Abraham tuꞌ jaxca tiꞌ:
—Jal jaach pax jaach tiꞌ, jije cꞌal jun jin wa kꞌane chi wakꞌcan ja wetoj tiꞌ, catuꞌ sowalil chi sjije pax ebꞌ ja wicꞌaal yet chi bꞌey cꞌaltoj. 10Jaꞌton jun jin wa kꞌane chi wakꞌ je yetoj tiꞌ, tol sowalil cha jije. Masanil ebꞌ winaj unin chi ale oc yechel smimanil ebꞌ, 11yuxan tol chi iꞌle el niꞌoj stzꞌuumal swinajil ebꞌ winaj unin. Jaꞌ jun tuꞌ, yechel jin wa kꞌane chi yun can je yetoj. 12Jujubꞌix ojabꞌ yali junjun winaj unin, catuꞌ chi ale oc jun echele tuꞌ yin ebꞌ, caxcꞌal je yuninal ma yuninal ebꞌ je yakꞌomal servil. Sowalil chi ale oc yechel ebꞌ je yakꞌomal servil tuꞌ, cꞌal ebꞌ tol manbꞌil bꞌey txꞌoj conobꞌal. 13Sowalil chi ale oc jun echele tuꞌ je yin junjun jex, yin cꞌam cꞌal chi eqꞌui. Jaxca tuꞌ xin, jaꞌ jun jin wa kꞌane je yetoj tiꞌ, miman txequel ojabꞌ yin je mimanil. 14Yal cꞌal mac winajil tol man ocnaj oj jun echele tuꞌ yin, sowalil che yiꞌel je xol, yutol cꞌam chi sjije jun jin wa kꞌane jix wakꞌcan je yetoj tiꞌ, ẍi Jehová.
15Jix yalon pax Jehová tet Abraham jaxca tiꞌ:
—Jaꞌ yet cu sattajto tuꞌ, manxa Sarai oj yij sbꞌi ix ja wistil tiꞌ, jaꞌ tinaniꞌ xin, tol Sara#17:15 Sara, chi yal yeloc apnoj scutzꞌin rey. oj yij can a sbꞌi ix. 16Oj wakꞌ syaaxilal yibꞌan ix, oj aloj junoj ja cꞌaal yetoj ix. Jaꞌ yin ebꞌ ja wicꞌaal tuꞌ oj jobꞌcha mimej nación, jaꞌ xol ebꞌ tuꞌ oj eltej ebꞌ chi oc yin reyal, ẍi Jehová.
17Jaꞌ yet jix yabꞌen naj Abraham jun tuꞌ, catuꞌ jix ey noanoj, masantaꞌ jix ey spalan naj sat txꞌotxꞌ, catuꞌ jix cꞌoli stzee naj, jix snaꞌoꞌtaneni: ¿Tumi taꞌ oj to aloj junoj jin cꞌaal? ilaꞌ tol eyxa 100 abꞌil jin kꞌinal, catuꞌ 90 abꞌil xa skꞌinal ix Sara. ¿Tumi oj to wal yijoc yuneꞌ ix? ẍi naj yin snaꞌbꞌal. 18Jix lawi tuꞌ, jix yalon Abraham tet Jehová jaxca tiꞌ:
—Toloj wal chi el yin ja cꞌul, cha wakꞌ scawil naj Ismael tiꞌ, tol ojabꞌ watxꞌ chi eloc naj, ẍi naj.
19Catuꞌ jix takꞌwi Jehová tet Abraham jaxca tiꞌ:
—Tol jix wal ey jaach tol oj aloj junoj ja cꞌaal yetoj ix Sara. Oj ja wakꞌ yij sbꞌi Isaac,#17:19 Jaꞌ yin Hebreo, Isaac, laan skꞌaneal yetoj jun kꞌane “chi tzee”. jaꞌton yetoj naj oj wakꞌ jun jin wa kꞌane tiꞌ, yetoj ebꞌ yicꞌaal naj. 20Jal pax yu naj Ismael xin, jix wabꞌ tzet jix ja walaꞌ, oj wakꞌ jin yaxilal yibꞌan naj, yuxan ecꞌal yicꞌaal naj oj eloj. Oj chꞌibꞌ sbꞌisil yicꞌaal naj. Jaꞌ xol yicꞌaal naj tuꞌ, oj eltej lacawanoj ebꞌ mimej yaaw. Jaꞌ yicꞌaal naj tuꞌ mimej conobꞌ oj yun yelocoj. 21Jaꞌ jin wa kꞌane jix wakꞌ ja wetoj tiꞌ, oj yun cꞌaltaꞌ yin naj Isaac, naj ja cꞌaal oj aloj yetoj ix ja wistil Sara, yabꞌ wal jaxca tiꞌ yet junxa abꞌil, ẍi Jehová tet naj.
22Jaꞌ yet jix lawi skꞌanabꞌ Jehová yetoj Abraham, catuꞌ jix toi. 23Jaꞌ yet jun cꞌual tuꞌ, jix ale can oc yechel naj Ismael yu Abraham, yetoj masanil ebꞌ naj yakꞌomal servil alinaj bꞌey sna, cꞌal masanil ebꞌ naj tol manbꞌil yu, yetoj masanil ebꞌ ánima caan ecꞌ yetoj bꞌey sna. Jix ale oc yechel ebꞌ masanil, jaxca yalon Jehová tet naj. 24Jaꞌ naj Abraham ey 99 abꞌil skꞌinal yet jix ale oc jun echele tiꞌ yin ebꞌ. 25Jaꞌ naj Ismael, ey 13 abꞌil skꞌinal yet jix ale oc jun echele tuꞌ yin. 26Jacꞌal oc yet jun cꞌual tuꞌ jix ale oc yechel Abraham yetoj scꞌaal, jaꞌton jun chi yij circuncisión, 27yetoj masanil ebꞌ winaj eyecꞌ yetoj, ebꞌ yakꞌomal servil alinaj yul sna, cꞌal ebꞌ tol manbꞌil yu bꞌey junojxa txꞌoj conobꞌal.
© 2016, Wycliffe Bible Translators, Inc. All rights reserved.