LUKA 18
18
LUKA 18
1Yeesu dɔksihi ya̧a̧daaniki an gi raasihi a gi an hi waa Bɛt zɔ̧ki, bɔhi mɔɔ. 2Raahi anyɔ lɛ:
a doo za dɔgl-yɛ̧ɛ̧kya gi a waal za gbɔɔl du, hoobhā̧a̧g Bɛt gɛ, wɛɛ dɔglɔ taadu hi doo. 3A waal gbɔɔl bɔ gedu hɛw, kuur nɛɛ za gɔ gi waak zaak a ge gig raako: a gbaasiwi dɔglɛ hi za̧a̧nyɔ ha̧a̧g gbaatingo hi beya. 4Dɔglyɛ̧ɛ̧kya bɔ in dɔglɔ am be; kuudu wɛɛ mɔk a gi kpoos du: a an hoob taab Bɛt ha̧a̧k gɛ, wɛɛ dɔgl be gi taa du hi doo si̧, 5yɛrɛ nis yɛrɛ gib waak mɔɔsugo ɔbe yɛ̧ɛ̧sig dɔgl bɔ an bɔgi waab zaak mɔɔsugo.
6Waar Yeesu wɛɛ raa:
a kɛn hinyɔ dɔglyɛ̧ɛ̧kya ha̧a̧l-wookya bɔ dɔgɔ . 7Yɔ anbɔ Bɛt taa an gi yɛ̧ɛ̧s dood wɔ herihi hi kaak a ge yɛms du hi lurk du sɛw dɔgl ya? Gi ɔɔhi hi am ket ya? Lab gɛ. 8Be gisin dɔko: yɔ yɛ̧ɛ̧sihi dɔglya̧ nɔɔktɔnɔ. Yɛrɛ Za̧a̧n Waa bɔ gɔ gi zaa, gı̄ zɛŋk dood wɔ hɛbtdi hi gi ɗɔbsig ya?
9Yeesu wɛɛ dɔg ya̧a̧daanik zaa ɓɛ: a dood wɔ hi seek muulya̧ an hi doo riiti a Bɛt muutdu hi wɛɛ hi bɔ̧ɔ̧k dood zaadɛ hi zulɛ:
10a dood eerɛ hi dɔɔ a Bɛtluk du an hi zɔ̧ Bɛto. Doo za gbunu gi Farisayayɔ, zaa gbun bɔ be gi tooszekyayɔ. 11Farisaya bɔ erɔ zɔ̧bs zulɔ an yɛrɛ lɛ: a Bɛto, yɛrɛ be baanumɔ anyɔ be taa an dood zaadɛ. Ya̧nɛ hi gi dood luurɛ ha̧a̧lɛ, rɔɔsɗɔkumyaadɛ, ha̧a̧lgɔkyaadɛ, mansyaadɛ, zaabe an tooszekya yɛrɛ. 12Be lilikhin ɔ̧t eerɛ a dimaas nuŋg sɛw, be gim gaas gaak a hinyɔ be dak gedu sɛw.
13Hɔnɛ tooszekya bɔ er gi hɛmlɔ, mɔ̄k nɛ an gi pɛɛ lɔlɔ bɛtha hɛw gɛ; dɛm hɔŋgɔ dɔgɔ: a Bɛto, mɛɛsibe ya̧a̧rɛ, beya be hinha̧a̧lyayɔ. Da̧a̧s gɔ anbɔ. 14Be raasinɛ: yɔ wal eesum bɔrɔ gi tiik gi raa du, Bɛt bitsig hinha̧a̧lɔ da̧a̧da̧, taa Farisaya bɔ ɔnɛ. Ya̧a̧nɛ, za̧a̧ni tɔɔs zulɔ, hi tiisige, wɛɛ za̧a̧ni tiis zulɔ be, hi dɔɔsige.
15Hɔnɛ dood hi kams Yeesu waatyɛ̧s wɔ hɛw an gi ki̧i̧hi gi rɔbsihi. Hɔnɛyɔ walɛsɛrɛ wɔ hi gbɛn anbɔ hi za̧br dood wɔ hi kamzig waatyɛ̧s wɔ. 16Yɔ anbɔ Yeesu wɛɛ elihi raahi:
a ɔɔn ya̧a̧mwaat wɔ hi zaa a beege, bɔnɛ a̧a̧nihi. Bɛt wáátɔ gi a dood wɔ hi gi an ya̧a̧mwaat hi, ya̧a̧nɛ. 17Be gisin raak rɔbo: za̧a̧nyɔ ta̧a̧ Bɛt wáátɔ an ya̧a̧mwaa gɛ, taa gulik gedu nɛ zaŋ.
18Yahuduya za waar war Yeesu :
a Hingokya rɔbo, be woo nɔ an be dag za̧a̧tig faa nɔ?
19Yeesu ta̧a̧ge:
nɔ mɔ elib a rɔbo? Doo za taa rɔbo, gɛ Bɛt gi gbun kpɔd. 20Mɔ mɛɛ Bɛtmaak wɔ hinɔ dɔgɔ: a bɔmɔ naamansi, bɔmɔ gbɔmzulɛ, bɔmɔ looluurɛ, bɔmɔ gɔ̧ɔ̧s doo ya̧a̧, ɗɔbsum baa mɔ hi nàà mɔ.
21Wal bɔ dɔgɔ:
a yɔ be gi ya̧a̧mi tuur ɓɔryɔ be woo hin wɔrɔ sɛw.
22Yɔ Yeesu lag anbɔ labɔ, raage:
a wagsum hin gbun ɓɛ. Rekum mɔ zebtir hinwɔ mɔ gin sɛw. Gɛ̧ɛ̧sum ya̧a̧rya wɔ tus bɔ, mɔ dag rɔɔs yɔ gi a bɛtha, kuudu mɔ zaa mɔ fɔbzibe.
23Anyɔ wal bɔ gin rɔɔs gbɔɔltɔnɔ be, yɔ kɛm dɔgl wɔrɔ miimɔ. 24Yɔ Yeesu gbɛnig gi mimɔ, dɔgɔ:
a ɓaaɓa an doo rɔɔsya gi gul a Bɛt wáát du. 25Ɓaaɓa an gɛloba gi gul a zel gɔ̧ɔ̧s du. Ɓaaɓa zaŋ be an doo rɔɔsya gi gul a Bɛt wáát ɗu.
26Dood wɔ hi gisig dɔglɔ kɛŋko hi raa:
a nɛ bɔ ɗɛɛ an gi za̧a̧ ma ɔnɛ nɔ?
27Yeesu ta̧a̧:
a hinyɔ ɗɛɛ doodɛ, ɗɛɛ Bɛt ɔnɛ gɛ.
28Piyɛr raa:
a yɛrɛ wi ɔɔ hin sɛw wi fɔbz mɔya.
29Yeesu wɛɛ raahi:
a be gisin raak rɔbo: a za̧a̧nyɔ ɗukɔ gi ɔɔ raaɔ, zaabe nisɔ, hindaɔ wɔ, hi yɛ̧ɛ̧dɛ ɔ̧ɔ̧, baatɔ hi nɔɔtɔ, zaabe waatɔ a Bɛt wáát dɔŋgo, 30gi dag hin wɔrɔ ɓɔryɔ gi daar gbɔɔltɔnɔ, gi wɛɛ gi dag za̧a̧tig faa a ɔ̧tyɔ gɔ gi zaa kuudu gedu.
31Yeesu el walɛsɛrɛ ɔ̧ɔ̧ wɔ koobl daa eerɛ a gi dɔŋdi raahi:
a yɛrɛ wɛ dɔɔk a Urusalima. Wɛɛ hinyɔ Bɛtya̧a̧kɛŋkya wɔ hi bi̧i̧ a Za̧a̧n Waa bɔ gi zulha sɛw gi wooyyɔ . 32Yɔ anbɔ hi looge hi gaage dood wɔ hi taa Yahuduya gɛ naan du hi kpɛ̧ɛ̧lige, hi niige, hi wɛɛ hi tulsig set muulɛ. 33Hi lɛmnig kpooti, hi gbɔŋge. Wɛɛ kuudu ɔ̧t taarɛ gi rɛmlɔ gi ɗukɔ.
34Yɔ anbɔ walɛsɛrɛ wɔ hi kɛm hinza gedu gɛ. Hinɔ gisihi dɔgl yaatilya yɔ hi kɛm gbɔnɔɔ lɛl gɛ giya.
35Anyɔ Yeesu re gi sɛ̧ɛ̧bik a Zeeriko, yɔ̧ɔ̧r za ɗɔɔt a gbɔnɔya̧ gi hinzɔ̧kugo. 36Yɔ kɛm dood saal hi daako, ɛr hinɔ. 37Hi raasig
a Yeesu Nazarɛdya bɔ gii gi daako.
38Yɔ̧ɔ̧r bɔ ɓooya̧a̧:
a Yeesu Dawda waawalɔ, mɛɛsibe ya̧a̧rɛ!
39Wɔ hi gi dork nɛko hi ya̧a̧lig an gi waksɔ, gii wɛɛ ɓooya̧a̧ ha̧a̧ltɔnɔ ɓɛ:
a Dawda waawalɔ, mɛɛsibe ya̧a̧rɛ!
40Yeesu erɔ, raahi a hi kamsig wal bɔ. Yɔ wal bɔ sɛ̧ɛ̧bɔ, ɛrige:
41a ha̧a̧m an be woosum nɔ?
Gii wɛɛ ta̧a̧:
a Waar i, ha̧a̧be an be gbɛnlɔlɛ.
42Yeesu wɛɛ raage:
a gbɛnumlɔlɛ, ɗɔbsig mɔ za̧a̧sumza̧a̧sɔ.
43Ɓɔrbɔ wal bɔ gbɛnlɔlɛ, wɛɛ fɔ Yeesu gi baanik Bɛt nɔɔha. Dood wɔ hi gbɛn hin bɔrɔ sɛw anbɔ, hi baan Bɛt gɔ.
Doyayo New Testament © Bible Society of Cameroon, 1991.
LUKA 18
18
LUKA 18
1Yeesu dɔksihi ya̧a̧daaniki an gi raasihi a gi an hi waa Bɛt zɔ̧ki, bɔhi mɔɔ. 2Raahi anyɔ lɛ:
a doo za dɔgl-yɛ̧ɛ̧kya gi a waal za gbɔɔl du, hoobhā̧a̧g Bɛt gɛ, wɛɛ dɔglɔ taadu hi doo. 3A waal gbɔɔl bɔ gedu hɛw, kuur nɛɛ za gɔ gi waak zaak a ge gig raako: a gbaasiwi dɔglɛ hi za̧a̧nyɔ ha̧a̧g gbaatingo hi beya. 4Dɔglyɛ̧ɛ̧kya bɔ in dɔglɔ am be; kuudu wɛɛ mɔk a gi kpoos du: a an hoob taab Bɛt ha̧a̧k gɛ, wɛɛ dɔgl be gi taa du hi doo si̧, 5yɛrɛ nis yɛrɛ gib waak mɔɔsugo ɔbe yɛ̧ɛ̧sig dɔgl bɔ an bɔgi waab zaak mɔɔsugo.
6Waar Yeesu wɛɛ raa:
a kɛn hinyɔ dɔglyɛ̧ɛ̧kya ha̧a̧l-wookya bɔ dɔgɔ . 7Yɔ anbɔ Bɛt taa an gi yɛ̧ɛ̧s dood wɔ herihi hi kaak a ge yɛms du hi lurk du sɛw dɔgl ya? Gi ɔɔhi hi am ket ya? Lab gɛ. 8Be gisin dɔko: yɔ yɛ̧ɛ̧sihi dɔglya̧ nɔɔktɔnɔ. Yɛrɛ Za̧a̧n Waa bɔ gɔ gi zaa, gı̄ zɛŋk dood wɔ hɛbtdi hi gi ɗɔbsig ya?
9Yeesu wɛɛ dɔg ya̧a̧daanik zaa ɓɛ: a dood wɔ hi seek muulya̧ an hi doo riiti a Bɛt muutdu hi wɛɛ hi bɔ̧ɔ̧k dood zaadɛ hi zulɛ:
10a dood eerɛ hi dɔɔ a Bɛtluk du an hi zɔ̧ Bɛto. Doo za gbunu gi Farisayayɔ, zaa gbun bɔ be gi tooszekyayɔ. 11Farisaya bɔ erɔ zɔ̧bs zulɔ an yɛrɛ lɛ: a Bɛto, yɛrɛ be baanumɔ anyɔ be taa an dood zaadɛ. Ya̧nɛ hi gi dood luurɛ ha̧a̧lɛ, rɔɔsɗɔkumyaadɛ, ha̧a̧lgɔkyaadɛ, mansyaadɛ, zaabe an tooszekya yɛrɛ. 12Be lilikhin ɔ̧t eerɛ a dimaas nuŋg sɛw, be gim gaas gaak a hinyɔ be dak gedu sɛw.
13Hɔnɛ tooszekya bɔ er gi hɛmlɔ, mɔ̄k nɛ an gi pɛɛ lɔlɔ bɛtha hɛw gɛ; dɛm hɔŋgɔ dɔgɔ: a Bɛto, mɛɛsibe ya̧a̧rɛ, beya be hinha̧a̧lyayɔ. Da̧a̧s gɔ anbɔ. 14Be raasinɛ: yɔ wal eesum bɔrɔ gi tiik gi raa du, Bɛt bitsig hinha̧a̧lɔ da̧a̧da̧, taa Farisaya bɔ ɔnɛ. Ya̧a̧nɛ, za̧a̧ni tɔɔs zulɔ, hi tiisige, wɛɛ za̧a̧ni tiis zulɔ be, hi dɔɔsige.
15Hɔnɛ dood hi kams Yeesu waatyɛ̧s wɔ hɛw an gi ki̧i̧hi gi rɔbsihi. Hɔnɛyɔ walɛsɛrɛ wɔ hi gbɛn anbɔ hi za̧br dood wɔ hi kamzig waatyɛ̧s wɔ. 16Yɔ anbɔ Yeesu wɛɛ elihi raahi:
a ɔɔn ya̧a̧mwaat wɔ hi zaa a beege, bɔnɛ a̧a̧nihi. Bɛt wáátɔ gi a dood wɔ hi gi an ya̧a̧mwaat hi, ya̧a̧nɛ. 17Be gisin raak rɔbo: za̧a̧nyɔ ta̧a̧ Bɛt wáátɔ an ya̧a̧mwaa gɛ, taa gulik gedu nɛ zaŋ.
18Yahuduya za waar war Yeesu :
a Hingokya rɔbo, be woo nɔ an be dag za̧a̧tig faa nɔ?
19Yeesu ta̧a̧ge:
nɔ mɔ elib a rɔbo? Doo za taa rɔbo, gɛ Bɛt gi gbun kpɔd. 20Mɔ mɛɛ Bɛtmaak wɔ hinɔ dɔgɔ: a bɔmɔ naamansi, bɔmɔ gbɔmzulɛ, bɔmɔ looluurɛ, bɔmɔ gɔ̧ɔ̧s doo ya̧a̧, ɗɔbsum baa mɔ hi nàà mɔ.
21Wal bɔ dɔgɔ:
a yɔ be gi ya̧a̧mi tuur ɓɔryɔ be woo hin wɔrɔ sɛw.
22Yɔ Yeesu lag anbɔ labɔ, raage:
a wagsum hin gbun ɓɛ. Rekum mɔ zebtir hinwɔ mɔ gin sɛw. Gɛ̧ɛ̧sum ya̧a̧rya wɔ tus bɔ, mɔ dag rɔɔs yɔ gi a bɛtha, kuudu mɔ zaa mɔ fɔbzibe.
23Anyɔ wal bɔ gin rɔɔs gbɔɔltɔnɔ be, yɔ kɛm dɔgl wɔrɔ miimɔ. 24Yɔ Yeesu gbɛnig gi mimɔ, dɔgɔ:
a ɓaaɓa an doo rɔɔsya gi gul a Bɛt wáát du. 25Ɓaaɓa an gɛloba gi gul a zel gɔ̧ɔ̧s du. Ɓaaɓa zaŋ be an doo rɔɔsya gi gul a Bɛt wáát ɗu.
26Dood wɔ hi gisig dɔglɔ kɛŋko hi raa:
a nɛ bɔ ɗɛɛ an gi za̧a̧ ma ɔnɛ nɔ?
27Yeesu ta̧a̧:
a hinyɔ ɗɛɛ doodɛ, ɗɛɛ Bɛt ɔnɛ gɛ.
28Piyɛr raa:
a yɛrɛ wi ɔɔ hin sɛw wi fɔbz mɔya.
29Yeesu wɛɛ raahi:
a be gisin raak rɔbo: a za̧a̧nyɔ ɗukɔ gi ɔɔ raaɔ, zaabe nisɔ, hindaɔ wɔ, hi yɛ̧ɛ̧dɛ ɔ̧ɔ̧, baatɔ hi nɔɔtɔ, zaabe waatɔ a Bɛt wáát dɔŋgo, 30gi dag hin wɔrɔ ɓɔryɔ gi daar gbɔɔltɔnɔ, gi wɛɛ gi dag za̧a̧tig faa a ɔ̧tyɔ gɔ gi zaa kuudu gedu.
31Yeesu el walɛsɛrɛ ɔ̧ɔ̧ wɔ koobl daa eerɛ a gi dɔŋdi raahi:
a yɛrɛ wɛ dɔɔk a Urusalima. Wɛɛ hinyɔ Bɛtya̧a̧kɛŋkya wɔ hi bi̧i̧ a Za̧a̧n Waa bɔ gi zulha sɛw gi wooyyɔ . 32Yɔ anbɔ hi looge hi gaage dood wɔ hi taa Yahuduya gɛ naan du hi kpɛ̧ɛ̧lige, hi niige, hi wɛɛ hi tulsig set muulɛ. 33Hi lɛmnig kpooti, hi gbɔŋge. Wɛɛ kuudu ɔ̧t taarɛ gi rɛmlɔ gi ɗukɔ.
34Yɔ anbɔ walɛsɛrɛ wɔ hi kɛm hinza gedu gɛ. Hinɔ gisihi dɔgl yaatilya yɔ hi kɛm gbɔnɔɔ lɛl gɛ giya.
35Anyɔ Yeesu re gi sɛ̧ɛ̧bik a Zeeriko, yɔ̧ɔ̧r za ɗɔɔt a gbɔnɔya̧ gi hinzɔ̧kugo. 36Yɔ kɛm dood saal hi daako, ɛr hinɔ. 37Hi raasig
a Yeesu Nazarɛdya bɔ gii gi daako.
38Yɔ̧ɔ̧r bɔ ɓooya̧a̧:
a Yeesu Dawda waawalɔ, mɛɛsibe ya̧a̧rɛ!
39Wɔ hi gi dork nɛko hi ya̧a̧lig an gi waksɔ, gii wɛɛ ɓooya̧a̧ ha̧a̧ltɔnɔ ɓɛ:
a Dawda waawalɔ, mɛɛsibe ya̧a̧rɛ!
40Yeesu erɔ, raahi a hi kamsig wal bɔ. Yɔ wal bɔ sɛ̧ɛ̧bɔ, ɛrige:
41a ha̧a̧m an be woosum nɔ?
Gii wɛɛ ta̧a̧:
a Waar i, ha̧a̧be an be gbɛnlɔlɛ.
42Yeesu wɛɛ raage:
a gbɛnumlɔlɛ, ɗɔbsig mɔ za̧a̧sumza̧a̧sɔ.
43Ɓɔrbɔ wal bɔ gbɛnlɔlɛ, wɛɛ fɔ Yeesu gi baanik Bɛt nɔɔha. Dood wɔ hi gbɛn hin bɔrɔ sɛw anbɔ, hi baan Bɛt gɔ.
Doyayo New Testament © Bible Society of Cameroon, 1991.