MATA 19
19
MATA 19
1Yɔ Yeesu da̧a̧s dɔgl wɔrɔ bookɔ anbɔ ɔɔ Galile hɛbtɔ rek a Yahuduya hɛbt wel du a zɛɛ Urdum kasiŋ zaabɔ ge. 2Dood saal kittɔnɔ hi fɔge, za̧a̧s gumtil wɔ a hi teesdu a lɛl bɔ ge be. 3Yɔ Farisaya wɔ hi sɔɔ gi dɔŋdi an hi wa̧a̧nig dɔglɛ, hi warige
a maak wɛ gaa gbɔnɔ an doo gi hɛɛtin hi nisɔ a dɔgl za dɔŋg ya?
4Yeesu wɛɛ goo
a nɛ́ zaŋga a Bɛt ɗɛɛrwol du a Za̧a̧n Kiŋkya bɔ kim walɔ hi nisɛ a waalyɛɛlik gɛ ya? Yɔ ki̧hi dɔgɔ: 5a wal gi ɔɔ baatɔ hi nɔɔtɔ gi ɔks hi nisɔ, hi eerɛ hi wɛɛ muul gbunu. 6Yɔ anbɔ muulya̧ gɛ̧ɛ̧y eer gɛ, ɔks gi muul gbunu. Bɔ doo gi gɛ̧ɛ̧ hinyɔ Bɛt ɔksɔ.
7Farisaya wɔ hi wɛɛ hi warige
a nɔ ɔn Muusa gi raa a doo gi gaa nisɔ ɗɛɛrwol hɛɛtinsya gi ɔɔg yaak nɔ?
8Yeesu raahi
a yɔ nɛ gin kpoos ɓaatil gii Muusa gi gaan gbɔnɔ an nɛ hɛɛtin hi nɛɛ nɛ. Yɛrɛ hin da taa anbɔ doosɛ. 9Wɛɛ be raasinɛ, a za̧a̧nyɔ hɛɛtin hi nisɔ gi taa an doo za kɛsig gɛ, gi wɛɛ gi lootin hi nis za dɔɔmi, gɔ mansyɔ.
10Walɛsɛrɛ ɔ̧ɔ̧ wɔ hi wɛɛ hi raage
a wal dɔgl gi gi anbɔ a nisɔ gbaŋgi bɛ̄r ma an dood hi lootin gɛ si̧.
11Yeesu goohi
a dood sɛw hi taan tɛŋk an hi ta̧a̧ hingok be yɛrɛ, gɛ dood wɔ Bɛt gaahi tɛŋk kpɔd. 12Hinwɔ hi ya̧a̧nik dood an bɔhi lootinnu hi gi kittɔnɔ an wɛrɛ lɛ: dood zaadɛ hi giro, naaya̧ mɔɔhi sɔɔdɛ; zaadɛ be, dood wɛɛnihi sɔɔdɛ. Zaadɛ hi kɔm anbɔ hi loo nis gɛ a Bɛt wáát dɔŋgɔ. Za̧a̧nyɔ dɛɛ an gi kɛm hingok wɛrɛ be, gi kɛmɔ.
13Dood hi kams Yeesu ya̧a̧mwaato an gi gbaasihi naan zulha gi rɔbsihi gi wɛɛ gi zɔ̧bsihi Bɛto. Walɛsɛrɛ wɔ hi wɛɛ hi za̧br waat kamzigya wɔ a Yeesu ge. 14Yeesu raa
a ɔɔn ya̧a̧mwaat wɔ hi zaa a be, bɔnɛ a̧a̧nihi. Ya̧a̧nɛ Bɛt wáátɔ gi a wɔ hi riitin an ya̧a̧mwaat hi.
15Wɛɛ gbaa naan a ya̧a̧mwaat wɔ hi zulha rɔbsihi wɛɛ ɗund rekɔ.
16Wal za zaa a Yeesu ge warige
a Hingokya , be woo nɔ rɔbɔ an be dag za̧a̧tig faa nɔ?
17Yeesu warige
a nɔ mɔ warib hinrɔb dɔglɛ? Za̧a̧n rɔb gi gbun kpɔd gɛ Bɛto. Gi ha̧a̧mɔ gulk a za̧a̧tig du, fɔm dɔglɔ wɔ gaa.
18Wal bɔ warɔ
a dɔglya̧ gɛ nɔni?
Yeesu wɛɛ raa
a dɔglya̧ gɛrɛ a bɔmɔ gbɔm zulɛ; bɔmɔ naamansi; bɔmɔ looluurɛ; bɔmɔ gɔ̧ɔ̧s doo ya̧a̧; 19ɗɔbsum baa mɔ hi naa mɔ. Gi ha̧a̧mɔ a namɔza muul an zul mɔ.
20Walsɛr bɔ gòò raage
a be fɔb maak wɔrɔ sɛw, nɛ yɛrɛ zɛ̧rsib nɔ an be wɛɛ be woo ɓɛ?
21Yeesu wɛɛ raage
a gi ha̧a̧mɔ an mɔ wɛɛ doo rɔb tib, rekum mɔ zebr hinwɔ mɔ gin sɛw, mɔ wɛɛ mɔ gɛ̧ɛ̧s ya̧a̧rya wɔ hin wɔ mɔ zebr tusɔ, ɓɔr mɔ dag rɔɔs yɔ gi a bɛtha. Gɔ gi kuudu, zaam mɔ fɔbzibe.
22Yɔ walsɛr bɔ lag dɔgl wɔrɔ anbɔ gi gin rɔɔs gbɔɔltɔnɔ be, wa̧a̧ gbɔnɔ rek hi mimlɛ. 23Yeesu wɛɛ raa walɛsɛrɛ ɔ̧ɔ̧ wɔ
a be raasin rɔbo, ɓaaɓa, an doo rɔɔsya gi gul a Bɛt wáát du. 24Be wɛɛ be gisin raak gɛrɛ ɓɛ a ɓaaɓa an gɛloba gi tal a zelgɔ̧ɔ̧s du, wɛɛ ɓaa daarlɛl zaŋ an doo rɔɔsya gi gul a Bɛt wáát du.
25Yɔ walɛsɛrɛ wɔ hi lag hin bɔrɔ lab gi kɔmsihi gɛrs ha̧a̧ltɔnɔ hi warɔ
a nɛ à hinɔ anbɔ bɔ ɗɛɛ an gi za̧a̧ ma nɔ?
26Yeesu wɛɛ seehi raahi
a hin bɔ lab ɗɛɛ dood ɗɛɛ, ɗɛ̄ɛ̄ Bɛt ɔnɛ gɛ. Bɛt ɗɛɛ hin sɛw.
27Piyɛr wɛɛ warig raage
a kɛmɔ, wi ɔɔ hin sɛw wi fɔbz mɔya, wí da̍g nɔ hinɔ ma nɔ?
28Yeesu wɛɛ raahi
a be gisin raak rɔbo, Za̧a̧n Waa bɔ gɔ gi ɗɔɔt a waar ums leeso gbɔɔl ha a waal seg du, nɛɛ yɔ nɛ fɔbzibe, nɛ ɗɔɔt a waar ums leeso koobl daa eer ha an nɛ gbaas dood Israhilaya dɔ̧ɔ̧tya̧ koobl daa eer wɔ dɔgl be. 29Dood wɔ gɔ hi ɔz raatya̧, hindaya̧, yɛ̧ɛ̧dɛya̧, siŋgdɛya̧, baaya̧, naaya̧, waatya̧, zaa bakya̧ a be dɔŋgo, hi dag hin wɔrɔ gi daar yɔ̧ɔ̧lɔ nɔɔn hɛw hi wɛɛ hi dag za̧a̧tig faa bɔ be. 30Yɛrɛ dood kit wɔ hi gi doosɛ hi wɛɛ kuudɛ, wɛɛ kuudɛ wɔ hi wɛɛ doosɛ be.
Doyayo New Testament © Bible Society of Cameroon, 1991.
MATA 19
19
MATA 19
1Yɔ Yeesu da̧a̧s dɔgl wɔrɔ bookɔ anbɔ ɔɔ Galile hɛbtɔ rek a Yahuduya hɛbt wel du a zɛɛ Urdum kasiŋ zaabɔ ge. 2Dood saal kittɔnɔ hi fɔge, za̧a̧s gumtil wɔ a hi teesdu a lɛl bɔ ge be. 3Yɔ Farisaya wɔ hi sɔɔ gi dɔŋdi an hi wa̧a̧nig dɔglɛ, hi warige
a maak wɛ gaa gbɔnɔ an doo gi hɛɛtin hi nisɔ a dɔgl za dɔŋg ya?
4Yeesu wɛɛ goo
a nɛ́ zaŋga a Bɛt ɗɛɛrwol du a Za̧a̧n Kiŋkya bɔ kim walɔ hi nisɛ a waalyɛɛlik gɛ ya? Yɔ ki̧hi dɔgɔ: 5a wal gi ɔɔ baatɔ hi nɔɔtɔ gi ɔks hi nisɔ, hi eerɛ hi wɛɛ muul gbunu. 6Yɔ anbɔ muulya̧ gɛ̧ɛ̧y eer gɛ, ɔks gi muul gbunu. Bɔ doo gi gɛ̧ɛ̧ hinyɔ Bɛt ɔksɔ.
7Farisaya wɔ hi wɛɛ hi warige
a nɔ ɔn Muusa gi raa a doo gi gaa nisɔ ɗɛɛrwol hɛɛtinsya gi ɔɔg yaak nɔ?
8Yeesu raahi
a yɔ nɛ gin kpoos ɓaatil gii Muusa gi gaan gbɔnɔ an nɛ hɛɛtin hi nɛɛ nɛ. Yɛrɛ hin da taa anbɔ doosɛ. 9Wɛɛ be raasinɛ, a za̧a̧nyɔ hɛɛtin hi nisɔ gi taa an doo za kɛsig gɛ, gi wɛɛ gi lootin hi nis za dɔɔmi, gɔ mansyɔ.
10Walɛsɛrɛ ɔ̧ɔ̧ wɔ hi wɛɛ hi raage
a wal dɔgl gi gi anbɔ a nisɔ gbaŋgi bɛ̄r ma an dood hi lootin gɛ si̧.
11Yeesu goohi
a dood sɛw hi taan tɛŋk an hi ta̧a̧ hingok be yɛrɛ, gɛ dood wɔ Bɛt gaahi tɛŋk kpɔd. 12Hinwɔ hi ya̧a̧nik dood an bɔhi lootinnu hi gi kittɔnɔ an wɛrɛ lɛ: dood zaadɛ hi giro, naaya̧ mɔɔhi sɔɔdɛ; zaadɛ be, dood wɛɛnihi sɔɔdɛ. Zaadɛ hi kɔm anbɔ hi loo nis gɛ a Bɛt wáát dɔŋgɔ. Za̧a̧nyɔ dɛɛ an gi kɛm hingok wɛrɛ be, gi kɛmɔ.
13Dood hi kams Yeesu ya̧a̧mwaato an gi gbaasihi naan zulha gi rɔbsihi gi wɛɛ gi zɔ̧bsihi Bɛto. Walɛsɛrɛ wɔ hi wɛɛ hi za̧br waat kamzigya wɔ a Yeesu ge. 14Yeesu raa
a ɔɔn ya̧a̧mwaat wɔ hi zaa a be, bɔnɛ a̧a̧nihi. Ya̧a̧nɛ Bɛt wáátɔ gi a wɔ hi riitin an ya̧a̧mwaat hi.
15Wɛɛ gbaa naan a ya̧a̧mwaat wɔ hi zulha rɔbsihi wɛɛ ɗund rekɔ.
16Wal za zaa a Yeesu ge warige
a Hingokya , be woo nɔ rɔbɔ an be dag za̧a̧tig faa nɔ?
17Yeesu warige
a nɔ mɔ warib hinrɔb dɔglɛ? Za̧a̧n rɔb gi gbun kpɔd gɛ Bɛto. Gi ha̧a̧mɔ gulk a za̧a̧tig du, fɔm dɔglɔ wɔ gaa.
18Wal bɔ warɔ
a dɔglya̧ gɛ nɔni?
Yeesu wɛɛ raa
a dɔglya̧ gɛrɛ a bɔmɔ gbɔm zulɛ; bɔmɔ naamansi; bɔmɔ looluurɛ; bɔmɔ gɔ̧ɔ̧s doo ya̧a̧; 19ɗɔbsum baa mɔ hi naa mɔ. Gi ha̧a̧mɔ a namɔza muul an zul mɔ.
20Walsɛr bɔ gòò raage
a be fɔb maak wɔrɔ sɛw, nɛ yɛrɛ zɛ̧rsib nɔ an be wɛɛ be woo ɓɛ?
21Yeesu wɛɛ raage
a gi ha̧a̧mɔ an mɔ wɛɛ doo rɔb tib, rekum mɔ zebr hinwɔ mɔ gin sɛw, mɔ wɛɛ mɔ gɛ̧ɛ̧s ya̧a̧rya wɔ hin wɔ mɔ zebr tusɔ, ɓɔr mɔ dag rɔɔs yɔ gi a bɛtha. Gɔ gi kuudu, zaam mɔ fɔbzibe.
22Yɔ walsɛr bɔ lag dɔgl wɔrɔ anbɔ gi gin rɔɔs gbɔɔltɔnɔ be, wa̧a̧ gbɔnɔ rek hi mimlɛ. 23Yeesu wɛɛ raa walɛsɛrɛ ɔ̧ɔ̧ wɔ
a be raasin rɔbo, ɓaaɓa, an doo rɔɔsya gi gul a Bɛt wáát du. 24Be wɛɛ be gisin raak gɛrɛ ɓɛ a ɓaaɓa an gɛloba gi tal a zelgɔ̧ɔ̧s du, wɛɛ ɓaa daarlɛl zaŋ an doo rɔɔsya gi gul a Bɛt wáát du.
25Yɔ walɛsɛrɛ wɔ hi lag hin bɔrɔ lab gi kɔmsihi gɛrs ha̧a̧ltɔnɔ hi warɔ
a nɛ à hinɔ anbɔ bɔ ɗɛɛ an gi za̧a̧ ma nɔ?
26Yeesu wɛɛ seehi raahi
a hin bɔ lab ɗɛɛ dood ɗɛɛ, ɗɛ̄ɛ̄ Bɛt ɔnɛ gɛ. Bɛt ɗɛɛ hin sɛw.
27Piyɛr wɛɛ warig raage
a kɛmɔ, wi ɔɔ hin sɛw wi fɔbz mɔya, wí da̍g nɔ hinɔ ma nɔ?
28Yeesu wɛɛ raahi
a be gisin raak rɔbo, Za̧a̧n Waa bɔ gɔ gi ɗɔɔt a waar ums leeso gbɔɔl ha a waal seg du, nɛɛ yɔ nɛ fɔbzibe, nɛ ɗɔɔt a waar ums leeso koobl daa eer ha an nɛ gbaas dood Israhilaya dɔ̧ɔ̧tya̧ koobl daa eer wɔ dɔgl be. 29Dood wɔ gɔ hi ɔz raatya̧, hindaya̧, yɛ̧ɛ̧dɛya̧, siŋgdɛya̧, baaya̧, naaya̧, waatya̧, zaa bakya̧ a be dɔŋgo, hi dag hin wɔrɔ gi daar yɔ̧ɔ̧lɔ nɔɔn hɛw hi wɛɛ hi dag za̧a̧tig faa bɔ be. 30Yɛrɛ dood kit wɔ hi gi doosɛ hi wɛɛ kuudɛ, wɛɛ kuudɛ wɔ hi wɛɛ doosɛ be.
Doyayo New Testament © Bible Society of Cameroon, 1991.