Penan, Eastern for Malaysia 2011 MAS; Non-Drama (NT)

© 2009, Pengepemung irah éh suai Surat Tahun tong Malaysia (The Bible Society of Malaysia) Copyright © 2009 The Bible Society of Malaysia. Éh Keruwah koléé senuai © 2011 Pengepemung irah éh suai Surat Tahun tong Malaysia (The Bible Society of Malaysia) Copyright 2011 The Bible society of Malaysia ℗ 2018 Hosanna; 

Penan, Eastern for Malaysia 2011 MAS; Drama (NT)

<div class="version vid134 iso6393pez" data-vid="134" data-iso6393="pez">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s">Tong Ateng ha' &#233;h nebu'un urip</div><div class="p"> 1Bu'un-bu'un sahau hun tana' iteu' b&#233;' jak pesuai, Ateng ha' pu'un &#233;h ten&#233;h. Ateng ha' inah pemung ngan Allah ngan Ateng Ha' inah pekua' ngan Allah. 2Jin bu'un-bu'un Ateng ha' inah pu'un &#233;h pemung ngan Allah. 3Allah suai kekat arong ineu'-ineu' neu' Ateng ha' inah. B&#233;' pu'un ineu'-ineu' &#233;h pesuai teng&#233;&#233;' &#233;h b&#233;'senuai N&#233;h. 4Ateng ha' inah Iah &#233;h nebu'un urip, ngan neu' urip N&#233;h, inah jalan kelunan pu'un rema. 5Rema inah pu'un &#233;h pes&#233;ng tong merem, ngan merem b&#233;' &#233;h omok memata' rema inah.</div><div class="p"> 6 # 
 Mat. 3:1, Mrk. 1:4, Luk. 3:1-2 Pu'un jah kelunan tuai sohoo' Allah, ngaran n&#233;h Yohanes. 7Iah tuai ke' n&#233;h bara' tong rema inah ngan kelunan, dokoo' r&#233;h omok jam &#233;h ngan ngelan tong rema inah. 8La'ah b&#233;' &#233;h Yohanes nah &#233;h rema inah, bang pu'un Yohanes tuai ke' n&#233;h bara' tong rema inah awah. 9Rema inah, inah &#233;h rema mu'un, pu'un &#233;h tuai tong tana' iteu' ke' N&#233;h perema kep&#233;h tong kekat-kekat kelunan.</div><div class="p"> 10La'ah Ateng ha' inah pu'un &#233;h tong tana' iteu' rai, Allah suai kekat tana' iteu' neu' N&#233;h, bang kelunan tong tana' iteu' b&#233;' r&#233;h ngelan tong N&#233;h. 11Iah tai tana' N&#233;h, bang irah &#233;h pohoo' N&#233;h teng&#233;&#233;' b&#233;' r&#233;h keloo' alaa' &#201;h, 12bang ngan irah &#233;h pu'un alaa' &#201;h ngan &#233;h ngelan tong N&#233;h, Iah mena' penyukat N&#233;h ngan r&#233;h ke' r&#233;h omok anak Allah. 13B&#233;' r&#233;h omok anak Allah neu' ineu'-ineu' &#233;h neu' kelunan tong tana', b&#233;' r&#233;h omok anak Allah barei' jah anak neu' tamen n&#233;h tong tana' iteu'. Allah &#233;h maneu' r&#233;h anak N&#233;h.</div><div class="p"> 14La'ah Ateng ha' inah pal&#233;u kelunan, tuai &#233;h mokoo' belah lu' iteu', ngan am&#233;&#233;' pu'un na'at pengaren N&#233;h, pengaren N&#233;h inah pu'un &#233;h kenat uban N&#233;h Anak &#233;h jah awah jin Tamen N&#233;h, ngan ja'au mu'un penika Allah, kenat p&#233;h kekat ha' N&#233;h pu'un &#233;h teneng mu'un.</div><div class="p"> 15La'ah pu'un Yohanes nah bara' tong N&#233;h, ka' ha' n&#233;h, Iteu' n&#233;h Iah &#233;h benara' k&#233;' ngan keh rai ke'. Ha' k&#233;h rai ne', ha' k&#233;' rai, jin la'o akeu', Iah &#233;h pelapah ja'au ngaran jin akeu', uban Iah pu'un hun k&#233;' b&#233;' jak pu'un, ha' Yohanes nah.</div><div class="p"> 16Uban N&#233;h pika uleu' pu'un &#233;h maneu' jian ngan uleu', Iah lepah pika uleu' ten&#233;h, ngan Iah pepit kep&#233;h kekat pengejian N&#233;h ngan uleu'. 17Kekat sohoo' lem Surat Musa pu'un &#233;h tuai jin Musa, bang penika N&#233;h ngan pengeteneng N&#233;h, inah &#233;h tuai jin Y&#233;sus Kristus. 18B&#233;' pu'un s&#233;&#233;'-s&#233;&#233;' &#233;h na'at Allah, bang Anak N&#233;h &#233;h jah de' ke' awah Iah &#201;h pu'un na'at Allah, ngan Iah pu'un pekua' ngan Allah, mokoo' &#201;h pemung ngan Tamen N&#233;h, naneu' N&#233;h uleu' jam Allah.</div><div class="s">Yohanes Batis bara' tong usah n&#233;h</div><div class="r">(Mat. 3:1-12, Mrk. 1:1-8, Luk. 3:1-18)</div><div class="p"> 19La'ah irah Yahudi &#233;h tong leboo' Y&#233;rusalem nyohoo' kuraa' usah imam ngan irah Lewi p&#233;h, tai neteng Yohanes, s&#233;&#233;' &#233;h.</div><div class="p"> 20Iah makang mipa ha' r&#233;h ngan tioo bara' ngan r&#233;h ka', B&#233;' &#233;h akeu' &#233;h Kristus, ha' n&#233;h.</div><div class="p"> 21 # 
 Ula. 18:15, 18, Mal. 4:5 Ka' ha' r&#233;h neteng &#233;h kep&#233;h, N&#233;' kenat &#233;h, s&#233;&#233;' ke', kineu' Elia ke' n&#233;h, ha' r&#233;h.</div><div class="p">B&#233;', ha' Yohanes. Ha' irah kep&#233;h,</div><div class="p">Kineu' ke', barang ka'au' p&#233;h Nabi, ha' r&#233;h.</div><div class="p">B&#233;', ha' n&#233;h.</div><div class="p"> 22Ha' r&#233;h kep&#233;h, N&#233;' kenat &#233;h s&#233;&#233;' ke' lah, jian ke' bara' ke' mu'un ngan m&#233;', ke' m&#233;' omok bara' ke' ngan irah &#233;h nyohoo' m&#233;' tuai ri', ha' r&#233;h. S&#233;&#233;' ke' kunah ko', ha' r&#233;h.</div><div class="p"> 23 # 
 Yes. 40:3
 Ka' ha' Yohanes mipa r&#233;h, Akeu' n&#233;h &#233;h benara' nabi Yesaya lem surat n&#233;h rai, ha' Yesaya nah,</div><div class="q1">Jah kelunan mejui tong ahang tana', ka' ha' n&#233;h,</div><div class="q2">pepejek jalan ngan Tuhan, ha' n&#233;h.</div><div class="p"> 24Irah kelunan &#233;h neteng &#233;h nah, sohoo' kelunan &#233;h kivu adet Parisi, 25ka' ha' r&#233;h neteng Yohanes, Hun ko' b&#233;' Kristus, ngan b&#233;' Elia, ngan b&#233;' Nabi &#233;h pejajii' Allah, kineu' ke' omok ngebatis kelunan nah, ha' r&#233;h.</div><div class="p"> 26Ha' Yohanes mipa r&#233;h, Akeu' mebatis kelunan lem baa' awah, bang belah ka'ah siteu' pu'un jah kelunan b&#233;' ka'ah jam &#201;h. 27Pu'un &#201;h tuai jin la'o k&#233;' bang b&#233;' ku' tekep muka talei' kasut N&#233;h, ha' n&#233;h.</div><div class="p"> 28Kekat inah pu'un &#233;h tong tana' Betania saa' dipa baa' Yordan tong jalan Yohanes ngebatis kelunan nah.</div><div class="s">Y&#233;sus Anak Domba Allah</div><div class="p"> 29Barei'sagam pu'un Yohanes na'at Y&#233;sus tuai tavin &#233;h, boh &#233;h bara' ka' Na'at keh, Anak Domba Allah &#233;h bet penyala' kekat kelunan tong tana'. 30Inah &#233;h benara' k&#233;' ngan keh rai de' Pu'un jah kelunan &#233;h tuai jin la'o akeu' &#233;h pelapah ja'au ngaran jin akeu', uban N&#233;h pu'un hun k&#233;' b&#233;' jak pu'un, kenat ha' k&#233;' ngan keh rai de'. 31&#201;h bu'un n&#233;h b&#233;' akeu' jam &#201;h s&#233;&#233;' kelunan inah, bang akeu' tuai ngebatis kelunan lem baa' dokoo' k&#233;' pepol&#233;ng &#201;h ngan kekat kelunan Yahudi, ha' Yohanes nah.</div><div class="p"> 32Ha' Yohanes kep&#233;h, Pu'un akeu' na'at Sah&#233;&#233;' tuai jin seruga, layan N&#233;h barei' juhit punai, Sah&#233;&#233;' Nah pu'un mokoo' tong Y&#233;sus. 33Tovoo' inah p&#233;h b&#233;' ku' jam &#201;h s&#233;&#233;' kelunan inah, bang Allah &#233;h nyohoo' ku' tuai ngebatis kelunan lem baa', pu'un &#201;h bara' ka' ngan k&#233;', Tong s&#233;&#233;' Sah&#233;&#233;' Ni'ai tai mokoo', jian ke' nesen Kelunan inah &#201;h omok mebatis kelunan neu' Sah&#233;&#233;' Ni'ai, ha' Allah ngan k&#233;' rai de'. 34Pu'un ku' na'at &#233;h kenat, inah akeu' bara' ngan keh kep&#233;h la', adang iteu' Anak Allah mu'un, ha' Yohanes.</div><div class="s">Tong Y&#233;sus ngev&#233;l&#233;&#233;' kelunan &#233;h omok bak&#233;h N&#233;h</div><div class="p"> 35La'ah jah dau la'o inah kep&#233;h, Yohanes pu'un sinah pemung ngan duah usah bak&#233;h n&#233;h. 36Boh &#233;h na'at Y&#233;sus lakau sinah, ka' ha' n&#233;h, Na'at keh Anak Domba Allah, ha' n&#233;h.</div><div class="p"> 37Hun rawah bak&#233;h n&#233;h men&#233;ng ha' n&#233;h kenat, tioo tai roh kivu Y&#233;sus. 38Pupah Y&#233;sus na'at rawah &#233;h kivu &#201;h nah, boh &#201;h neteng roh, ka' ha' N&#233;h, Ineu' &#233;h penitah koh kei, ha' N&#233;h.</div><div class="p">Ha' roh, O Rabi, Semah ke' mokoo'? Sin tong ngaran rabi, inah &#233;h guru.</div><div class="p"> 39Ka' ha' Y&#233;sus ngan roh, Jian koh tuai na'at jalan k&#233;' mokoo', ha' N&#233;h. Boh roh tai na'at jalan N&#233;h mokoo' nah, mokoo' roh ngan N&#233;h dau inah, ngioo' ketatek dau p&#233;t&#233; bala.</div><div class="p"> 40Jah usah jin belah roh &#233;h men&#233;ng ha' Yohanes nah ngan &#233;h kivu Y&#233;sus, inah &#233;h Anderias &#233;h pad&#233;&#233;' Simon P&#233;terus. 41Anderias tioo tai pitah pad&#233;&#233;' n&#233;h Simon ke' n&#233;h bara' ngan n&#233;h ka', Am&#233;&#233;' lepah temeu' ngan Kristus, ha' n&#233;h. Sin tong ngaran Kristus, inah &#233;h, Iah &#233;h pejajii' Tuhan dokoo' N&#233;h Pengeja'au kelunan. 42Boh Anderias mihin Simon tai tavin Y&#233;sus. Y&#233;sus na'at Simon, boh &#201;h bara' ka' ngan n&#233;h, Ngaran ko' hun iteu' Simon anak Yohanes, bang ngaran ko' mar&#233;ng kep&#233;h, K&#233;pas, ha' N&#233;h. K&#233;pas nah pekua' ngan P&#233;terus ngan sin n&#233;h tokong bateu'.</div><div class="s">Y&#233;sus Tebai Pilipus ngan Natanael</div><div class="p"> 43Tong jah dau &#233;h jah kep&#233;h, lakau Y&#233;sus tai tana' Galilia, lem pengelakau N&#233;h nah, inah &#201;h temeu' ngan Pilipus. Ka' ha' N&#233;h ngan Pilipus, Jian ke' kivu Akeu', ha' N&#233;h. 44Pilipus nah, jin leboo' Betsaida, pemung leboo' ngan Anderias rawah P&#233;terus. 45Boh Pilipus tai pitah Natanael ke' n&#233;h bara' ka' ngan n&#233;h, Am&#233;&#233;' lepah temeu' ngan Iah &#233;h benara' Musa lem surat n&#233;h sahau, ngan &#233;h benara' irah &#233;h nabi. Kelunan &#233;h nebaraa' r&#233;h inah, Y&#233;sus &#233;h, &#201;h anak Yusup &#233;h jin leboo' Nasaret, ha' Pilipus.</div><div class="p"> 46Ka' ha' Natanael, Pu'un kol&#233;&#233;' &#233;h jian omok musit jin leboo' Nasaret nah kunah ko', ha' n&#233;h.</div><div class="p">Ka' ha' Pilipus mipa &#233;h, Tuai ke' na'at &#201;h, ha' n&#233;h.</div><div class="p"> 47Hun Y&#233;sus na'at Natanael tai tavin &#201;h, ka' ha' N&#233;h, Inah jah kelunan Yahudi &#233;h pohoo' Yahudi mu'un, b&#233;' &#233;h pu'un lavo' tong ineu'-ineu' p&#233;h, ha' N&#233;h.</div><div class="p"> 48Ka' ha' Natanael neteng &#201;h kep&#233;h, Kineu' ke' jam akeu', ha' n&#233;h.</div><div class="p">Ha' Y&#233;sus mipa &#233;h, Akeu' pu'un na'at ke' hun ko' mokoo' ra' kayeu' ara rai b&#233;' jak Pilipus pu'un tebai ke', ha' N&#233;h.</div><div class="p"> 49Ha' Natanael kep&#233;h, O Guru, adang ka'au' Anak Allah, Ka'au &#233;h Raja' pohoo' Yahudi, ha' n&#233;h.</div><div class="p"> 50Ka' ha' Y&#233;sus kep&#233;h, Pu'un ke' ngelan uban K&#233;' bara' ngan ko' tong K&#233;' na'at ke' ra' kayeu' ara rai? Adang ko' omok na'at penganeu' K&#233;' &#233;h pelapah ja'au jin inah kep&#233;h, ha' N&#233;h. 51#Kej. 28:12 Boh Y&#233;sus bara' ngan kekat irah, ka' ha' N&#233;h, Akeu' bara' mu'un ngan keh, adang keh pu'un na'at langit pukap ngan meliket Allah mukat ngan tuhun tong Anak Kelunan, ha' N&#233;h.</div>
 </div>
 </div>
</div>

Irah éh suai © 2009, Pengepemung irah éh suai Surat Tahun tong Malaysia (The Bible Society of Malaysia) Copyright © 2009 The Bible Society of Malaysia Éh Keruwah koléé senuai © 2011 Pengepemung irah éh suai Surat Tahun tong Malaysia (The Bible Society of Malaysia) Copyright 2011 The Bible society of Malaysia

Bu'un-bu'un sahau hun tana' iteu' bé' jak pesuai, Ateng ha' pu'un éh tenéh. Ateng ha' inah pemung ngan Allah ngan Ateng Ha' inah pekua' ngan Allah. Jin bu'un-bu'un Ateng ha' inah pu'un éh pemung ngan Allah. Allah suai kekat arong ineu'-ineu' neu' Ateng ha' inah. Bé' pu'un ineu'-ineu' éh pesuai tengéé' éh bé'senuai Néh. Ateng ha' inah Iah éh nebu'un urip, ngan neu' urip Néh, inah jalan kelunan pu'un rema. Rema inah pu'un éh peséng tong merem, ngan merem bé' éh omok memata' rema inah.
Pu'un jah kelunan tuai sohoo' Allah, ngaran néh Yohanes. Iah tuai ke' néh bara' tong rema inah ngan kelunan, dokoo' réh omok jam éh ngan ngelan tong rema inah. La'ah bé' éh Yohanes nah éh rema inah, bang pu'un Yohanes tuai ke' néh bara' tong rema inah awah. Rema inah, inah éh rema mu'un, pu'un éh tuai tong tana' iteu' ke' Néh perema kepéh tong kekat-kekat kelunan.
La'ah Ateng ha' inah pu'un éh tong tana' iteu' rai, Allah suai kekat tana' iteu' neu' Néh, bang kelunan tong tana' iteu' bé' réh ngelan tong Néh. Iah tai tana' Néh, bang irah éh pohoo' Néh tengéé' bé' réh keloo' alaa' Éh, bang ngan irah éh pu'un alaa' Éh ngan éh ngelan tong Néh, Iah mena' penyukat Néh ngan réh ke' réh omok anak Allah. Bé' réh omok anak Allah neu' ineu'-ineu' éh neu' kelunan tong tana', bé' réh omok anak Allah barei' jah anak neu' tamen néh tong tana' iteu'. Allah éh maneu' réh anak Néh.
La'ah Ateng ha' inah paléu kelunan, tuai éh mokoo' belah lu' iteu', ngan améé' pu'un na'at pengaren Néh, pengaren Néh inah pu'un éh kenat uban Néh Anak éh jah awah jin Tamen Néh, ngan ja'au mu'un penika Allah, kenat péh kekat ha' Néh pu'un éh teneng mu'un.
La'ah pu'un Yohanes nah bara' tong Néh, ka' ha' néh, Iteu' néh Iah éh benara' ké' ngan keh rai ke'. Ha' kéh rai ne', ha' ké' rai, jin la'o akeu', Iah éh pelapah ja'au ngaran jin akeu', uban Iah pu'un hun ké' bé' jak pu'un, ha' Yohanes nah.
Uban Néh pika uleu' pu'un éh maneu' jian ngan uleu', Iah lepah pika uleu' tenéh, ngan Iah pepit kepéh kekat pengejian Néh ngan uleu'. Kekat sohoo' lem Surat Musa pu'un éh tuai jin Musa, bang penika Néh ngan pengeteneng Néh, inah éh tuai jin Yésus Kristus. Bé' pu'un séé'-séé' éh na'at Allah, bang Anak Néh éh jah de' ke' awah Iah Éh pu'un na'at Allah, ngan Iah pu'un pekua' ngan Allah, mokoo' Éh pemung ngan Tamen Néh, naneu' Néh uleu' jam Allah.


La'ah irah Yahudi éh tong leboo' Yérusalem nyohoo' kuraa' usah imam ngan irah Lewi péh, tai neteng Yohanes, séé' éh.
Iah makang mipa ha' réh ngan tioo bara' ngan réh ka', Bé' éh akeu' éh Kristus, ha' néh.
Ka' ha' réh neteng éh kepéh, Né' kenat éh, séé' ke', kineu' Elia ke' néh, ha' réh.
Bé', ha' Yohanes. Ha' irah kepéh,
Kineu' ke', barang ka'au' péh Nabi, ha' réh.
Bé', ha' néh.
Ha' réh kepéh, Né' kenat éh séé' ke' lah, jian ke' bara' ke' mu'un ngan mé', ke' mé' omok bara' ke' ngan irah éh nyohoo' mé' tuai ri', ha' réh. Séé' ke' kunah ko', ha' réh.
Ka' ha' Yohanes mipa réh, Akeu' néh éh benara' nabi Yesaya lem surat néh rai, ha' Yesaya nah,
Jah kelunan mejui tong ahang tana', ka' ha' néh,
pepejek jalan ngan Tuhan, ha' néh.
Irah kelunan éh neteng éh nah, sohoo' kelunan éh kivu adet Parisi, ka' ha' réh neteng Yohanes, Hun ko' bé' Kristus, ngan bé' Elia, ngan bé' Nabi éh pejajii' Allah, kineu' ke' omok ngebatis kelunan nah, ha' réh.
Ha' Yohanes mipa réh, Akeu' mebatis kelunan lem baa' awah, bang belah ka'ah siteu' pu'un jah kelunan bé' ka'ah jam Éh. Pu'un Éh tuai jin la'o ké' bang bé' ku' tekep muka talei' kasut Néh, ha' néh.
Kekat inah pu'un éh tong tana' Betania saa' dipa baa' Yordan tong jalan Yohanes ngebatis kelunan nah.

Barei'sagam pu'un Yohanes na'at Yésus tuai tavin éh, boh éh bara' ka' Na'at keh, Anak Domba Allah éh bet penyala' kekat kelunan tong tana'. Inah éh benara' ké' ngan keh rai de' Pu'un jah kelunan éh tuai jin la'o akeu' éh pelapah ja'au ngaran jin akeu', uban Néh pu'un hun ké' bé' jak pu'un, kenat ha' ké' ngan keh rai de'. Éh bu'un néh bé' akeu' jam Éh séé' kelunan inah, bang akeu' tuai ngebatis kelunan lem baa' dokoo' ké' pepoléng Éh ngan kekat kelunan Yahudi, ha' Yohanes nah.
Ha' Yohanes kepéh, Pu'un akeu' na'at Sahéé' tuai jin seruga, layan Néh barei' juhit punai, Sahéé' Nah pu'un mokoo' tong Yésus. Tovoo' inah péh bé' ku' jam Éh séé' kelunan inah, bang Allah éh nyohoo' ku' tuai ngebatis kelunan lem baa', pu'un Éh bara' ka' ngan ké', Tong séé' Sahéé' Ni'ai tai mokoo', jian ke' nesen Kelunan inah Éh omok mebatis kelunan neu' Sahéé' Ni'ai, ha' Allah ngan ké' rai de'. Pu'un ku' na'at éh kenat, inah akeu' bara' ngan keh kepéh la', adang iteu' Anak Allah mu'un, ha' Yohanes.

La'ah jah dau la'o inah kepéh, Yohanes pu'un sinah pemung ngan duah usah bakéh néh. Boh éh na'at Yésus lakau sinah, ka' ha' néh, Na'at keh Anak Domba Allah, ha' néh.
Hun rawah bakéh néh menéng ha' néh kenat, tioo tai roh kivu Yésus. Pupah Yésus na'at rawah éh kivu Éh nah, boh Éh neteng roh, ka' ha' Néh, Ineu' éh penitah koh kei, ha' Néh.
Ha' roh, O Rabi, Semah ke' mokoo'? Sin tong ngaran rabi, inah éh guru.
Ka' ha' Yésus ngan roh, Jian koh tuai na'at jalan ké' mokoo', ha' Néh. Boh roh tai na'at jalan Néh mokoo' nah, mokoo' roh ngan Néh dau inah, ngioo' ketatek dau pété bala.
Jah usah jin belah roh éh menéng ha' Yohanes nah ngan éh kivu Yésus, inah éh Anderias éh padéé' Simon Péterus. Anderias tioo tai pitah padéé' néh Simon ke' néh bara' ngan néh ka', Améé' lepah temeu' ngan Kristus, ha' néh. Sin tong ngaran Kristus, inah éh, Iah éh pejajii' Tuhan dokoo' Néh Pengeja'au kelunan. Boh Anderias mihin Simon tai tavin Yésus. Yésus na'at Simon, boh Éh bara' ka' ngan néh, Ngaran ko' hun iteu' Simon anak Yohanes, bang ngaran ko' maréng kepéh, Képas, ha' Néh. Képas nah pekua' ngan Péterus ngan sin néh tokong bateu'.

Tong jah dau éh jah kepéh, lakau Yésus tai tana' Galilia, lem pengelakau Néh nah, inah Éh temeu' ngan Pilipus. Ka' ha' Néh ngan Pilipus, Jian ke' kivu Akeu', ha' Néh. Pilipus nah, jin leboo' Betsaida, pemung leboo' ngan Anderias rawah Péterus. Boh Pilipus tai pitah Natanael ke' néh bara' ka' ngan néh, Améé' lepah temeu' ngan Iah éh benara' Musa lem surat néh sahau, ngan éh benara' irah éh nabi. Kelunan éh nebaraa' réh inah, Yésus éh, Éh anak Yusup éh jin leboo' Nasaret, ha' Pilipus.
Ka' ha' Natanael, Pu'un koléé' éh jian omok musit jin leboo' Nasaret nah kunah ko', ha' néh.
Ka' ha' Pilipus mipa éh, Tuai ke' na'at Éh, ha' néh.
Hun Yésus na'at Natanael tai tavin Éh, ka' ha' Néh, Inah jah kelunan Yahudi éh pohoo' Yahudi mu'un, bé' éh pu'un lavo' tong ineu'-ineu' péh, ha' Néh.
Ka' ha' Natanael neteng Éh kepéh, Kineu' ke' jam akeu', ha' néh.
Ha' Yésus mipa éh, Akeu' pu'un na'at ke' hun ko' mokoo' ra' kayeu' ara rai bé' jak Pilipus pu'un tebai ke', ha' Néh.
Ha' Natanael kepéh, O Guru, adang ka'au' Anak Allah, Ka'au éh Raja' pohoo' Yahudi, ha' néh.
Ka' ha' Yésus kepéh, Pu'un ke' ngelan uban Ké' bara' ngan ko' tong Ké' na'at ke' ra' kayeu' ara rai? Adang ko' omok na'at penganeu' Ké' éh pelapah ja'au jin inah kepéh, ha' Néh. Boh Yésus bara' ngan kekat irah, ka' ha' Néh, Akeu' bara' mu'un ngan keh, adang keh pu'un na'at langit pukap ngan meliket Allah mukat ngan tuhun tong Anak Kelunan, ha' Néh.

सुनें - YOHANES 1