<div class="version vid1400 iso6393tcs" data-vid="1400" data-iso6393="tcs">
 <div class="book bkJHN">
 <div class="chapter ch13" data-usfm="JHN.13">
 <div class="label">13</div><div class="s1">Zizas wase put blo dem klostuman</div><div class="p"> 1Bipo da Pasoba Pestabol i bin stat, Zizas i bin prapa sabe taim blo em i bin kam nau po libe dis wold ane gobaigen po PapaGod. Distaim nau em bin prapa soe dem klostuman blo em wiskain em i prapa labe da wold. 2I bin sapataim nau. Satana i bin pinis gibe aidia po Zudas boi blo Saiman Iskara, po sele Zizas. 3Zizas i bin sabe PapaGod i bin gibe em da rait po kare lo oba ebriting ane em i bin kamaut prom God ane em gobaigen po God. 4Zizas i bin stanap prom da kaikai teibol, tekemaut da ausaid klos blo em ane em bin teke wan tauel ane taitem raun wea em. 5Den em bin kapsaid wata go insaid wan dis ane em bin stat po wase put blo dem klostuman ane waipe put blo dempla wea da tauel wea i bin taitem raun em.</div><div class="p"> 6Wen Zizas i bin kam po Saiman Pita, Pita i bin spik po em, &#8216;BosLod, yu wande wase put blo mi tu a?&#8217;</div><div class="p"> 7Zizas i bin ansa em, &#8216;Wanem ai mekem ya, yu no sabe nau, bat apta yu go sabe.&#8217;</div><div class="p"> 8Pita i bin spik demkain po Zizas, &#8216;Sa i kan. Yu kan wase put blo mi!&#8217;</div><div class="p">Zizas spik po em, &#8216;Ip ai no kline put blo yu, yu no blo mi.&#8217;</div><div class="p"> 9Saiman Pita i bin atzamp ane spik diskain po Zizas, &#8216;BosLod, yu no mata wase put blo mi, bat wase an ane ed blo mi tu!&#8217;</div><div class="p"> 10Zizas i bin ansa, &#8216;Demwan uda i swim, kline bodi blo dempla. Dempla no nid po wase bodi blo dempla gen, dempla mata nid po wase put blo dempla. Yupla i klin, bat no ebriwan prom yupla i klin.&#8217; 11Zizas i bin pinis sabe uda i go sele em, daswai em bin spik, &#8216;No ebriwan prom yupla i klin.&#8217;</div><div class="p"> 12Apta wen Zizas i bin pinis wase put blo dempla, em bin were em ausaid klos baigen ane em bin sidaun gen wea da kaikai teibol. Em bin spik po dempla, &#8216;Yupla sabe wanem ai bin mekem po yupla a? 13Yupla i kole mi &#8220;Tisa&#8221; ane &#8220;BosLod&#8221;. Wa, wanem yupla spik i prapa trutok bikoz wanem ai spikbaut uda mi, i prapa trutok tu. 14Bikoz ai, da BosLod ane Tisa blo yupla bin kline put blo yupla, wa yupla mas meke da seimting po wananada. 15Ai bin soe yupla da wei ya wiskain po mekem, solong yupla i go mas mekem wanem ai bin mekem po yupla. 16Ai spik trutok po yupla, wan sebant em i no big wea bos blo em. Seimkain wea mesizman, em no big wea da man uda i bin sane em. 17Ip yupla i sabe demting ya ai spik, wa, yupla gobi prapa api ip yupla i meke demting.&#8217;</div><div class="s1">Zizas tokbaut uda go sele em</div><div class="p"> 18Zizas i kip spik, &#8216;Wen ai tok demkain, ai no tok po yupla ebriwan. Ai prapa sabe demwan uda ai bin suzem. Baibol i spik, &#8220;Da wan uda i kaikai da seim bred wea ai kaikai, wa, em i go gense mi.&#8221; 19Ai spik yupla nau bipo disting i go apen, solong wen i go apen yupla go prapa sabe ai da wan, da Promiswan uda God i sanem kam. 20Ai spik trutok po yupla, eniwan uda i prapa welkam dem pipol wea ai bin sanem, wa, dempla i prapa welkam mi tu. Ane dempla uda i prapa welkam mi, wa, i prapa welkam God uda i bin sane mi kam tu.&#8217;</div><div class="p"> 21Wen Zizas i bin pinis tok, stretwei apta em bin gad nadakain big atso ane em bin spik stret diskain, &#8216;Ai spik trutok po yupla, wan prom yupla i go sele mi.&#8217;</div><div class="p"> 22Dem klostuman i stat po wase wananada, prapa no sabe uda em tokbaut. 23Wan prom dem klostuman i bin sidaun de longsaid Zizas, da klostuman wea Zizas i prapa labem. 24Saiman Pita i bin meke an sain po da klostuman po aske Zizas uda em i min. 25Em lin go prant ane aske Zizas, &#8216;BosLod, uda dis man i go sele yu?&#8217;</div><div class="p"> 26Zizas i bin ansa em, &#8216;Da wan i em wea ai go gibem wan pis bred wea ai bin sokem wea zura.&#8217; Wen Zizas bin pinis soke da bred wea da zura, em bin gibem po Zudas, boi blo Saiman Iskara. 27Wen Zudas i bin pinis teke da bred, stretwei Satana i bin tekoba em. Zizas i bin spik po Zudas, &#8216;Ariap go ane mekem wanem yu mas mekem nau.&#8217; 28Wa, nobodi wea da kaikai teibol i bin sabe aukam Zizas i bin tok demkain po Zudas. 29Sam dem klostuman i bin gad tingking bikoz Zudas i bin lugaut da mani baig, dempla bin tingk Zizas i bin spik po em po go baie kaikai po dempla wea da pestabol o po go ane gibe sam mani po dem poapipol. 30Apta Zudas i bin teke da pis bred em bin stretwei go. Disting bin apen wea naittaim.</div><div class="s1">Niu oda: labe wananada</div><div class="p"> 31Wen Zudas i bin go ausaid, Zizas i spik demkain, &#8216;Da taim blo da Truwan blo Man i ya nau wea God i go ona em ane God i go gede ona tu prom demting wea i go apen po mi. 32God i go gibe da Truwan blo Man big ona ane em i go mekem sun. 33Mai gud pikinini, ai go stap wea yupla gar po sottaim. Den yupla go lukraun mi, trai po paine mi, seimkain wiskain ai bin spik po dem Zuwislida. Wa, ai spik ya tu, wea ai go go, yupla i go kan kam de po mi. Wanem ai go spik nau i diswan ya. 34Wan niu oda ai spik ya po yupla ane yupla mas mekem. I diswan. Yupla mas labe wananada. Wea seimkainwei wiskain ai bin labe yupla, wa yupla tu i mas labe wananada. 35Ip yupla i go labe wananada ol pipol blo dis wold i go sabe yupla i ol klostuman blo mi.&#8217;</div><div class="p"> 36Saiman Pita i bin spik, &#8216;BosLod, wea yu go go?&#8217;</div><div class="p">Zizas ansa, &#8216;Distaim wea ai go, yupla kan pole mi, bat apta, yupla i go pole mi wea ai go go.&#8217;</div><div class="p"> 37Pita i bin spik demkain baik po Zizas, &#8216;BosLod, aukam ai kan pole yu nau? Ai go pole yu, nomata ai go ded!&#8217;</div><div class="p"> 38Zizas i bin spik baigen po Pita, &#8216;Yu spik yu go ded po mi. Ai spik trutok po yu, bipo da rusta go singaut, yu go spik tri taim yu prapa no sabe uda mi!&#8217;</div>
 </div>
 </div>
</div>

Bipo da Pasoba Pestabol i bin stat, Zizas i bin prapa sabe taim blo em i bin kam nau po libe dis wold ane gobaigen po PapaGod. Distaim nau em bin prapa soe dem klostuman blo em wiskain em i prapa labe da wold. I bin sapataim nau. Satana i bin pinis gibe aidia po Zudas boi blo Saiman Iskara, po sele Zizas. Zizas i bin sabe PapaGod i bin gibe em da rait po kare lo oba ebriting ane em i bin kamaut prom God ane em gobaigen po God. Zizas i bin stanap prom da kaikai teibol, tekemaut da ausaid klos blo em ane em bin teke wan tauel ane taitem raun wea em. Den em bin kapsaid wata go insaid wan dis ane em bin stat po wase put blo dem klostuman ane waipe put blo dempla wea da tauel wea i bin taitem raun em.
Wen Zizas i bin kam po Saiman Pita, Pita i bin spik po em, ‘BosLod, yu wande wase put blo mi tu a?’
Zizas i bin ansa em, ‘Wanem ai mekem ya, yu no sabe nau, bat apta yu go sabe.’
Pita i bin spik demkain po Zizas, ‘Sa i kan. Yu kan wase put blo mi!’
Zizas spik po em, ‘Ip ai no kline put blo yu, yu no blo mi.’
Saiman Pita i bin atzamp ane spik diskain po Zizas, ‘BosLod, yu no mata wase put blo mi, bat wase an ane ed blo mi tu!’
Zizas i bin ansa, ‘Demwan uda i swim, kline bodi blo dempla. Dempla no nid po wase bodi blo dempla gen, dempla mata nid po wase put blo dempla. Yupla i klin, bat no ebriwan prom yupla i klin.’ Zizas i bin pinis sabe uda i go sele em, daswai em bin spik, ‘No ebriwan prom yupla i klin.’
Apta wen Zizas i bin pinis wase put blo dempla, em bin were em ausaid klos baigen ane em bin sidaun gen wea da kaikai teibol. Em bin spik po dempla, ‘Yupla sabe wanem ai bin mekem po yupla a? Yupla i kole mi “Tisa” ane “BosLod”. Wa, wanem yupla spik i prapa trutok bikoz wanem ai spikbaut uda mi, i prapa trutok tu. Bikoz ai, da BosLod ane Tisa blo yupla bin kline put blo yupla, wa yupla mas meke da seimting po wananada. Ai bin soe yupla da wei ya wiskain po mekem, solong yupla i go mas mekem wanem ai bin mekem po yupla. Ai spik trutok po yupla, wan sebant em i no big wea bos blo em. Seimkain wea mesizman, em no big wea da man uda i bin sane em. Ip yupla i sabe demting ya ai spik, wa, yupla gobi prapa api ip yupla i meke demting.’

Zizas i kip spik, ‘Wen ai tok demkain, ai no tok po yupla ebriwan. Ai prapa sabe demwan uda ai bin suzem. Baibol i spik, “Da wan uda i kaikai da seim bred wea ai kaikai, wa, em i go gense mi.” Ai spik yupla nau bipo disting i go apen, solong wen i go apen yupla go prapa sabe ai da wan, da Promiswan uda God i sanem kam. Ai spik trutok po yupla, eniwan uda i prapa welkam dem pipol wea ai bin sanem, wa, dempla i prapa welkam mi tu. Ane dempla uda i prapa welkam mi, wa, i prapa welkam God uda i bin sane mi kam tu.’
Wen Zizas i bin pinis tok, stretwei apta em bin gad nadakain big atso ane em bin spik stret diskain, ‘Ai spik trutok po yupla, wan prom yupla i go sele mi.’
Dem klostuman i stat po wase wananada, prapa no sabe uda em tokbaut. Wan prom dem klostuman i bin sidaun de longsaid Zizas, da klostuman wea Zizas i prapa labem. Saiman Pita i bin meke an sain po da klostuman po aske Zizas uda em i min. Em lin go prant ane aske Zizas, ‘BosLod, uda dis man i go sele yu?’
Zizas i bin ansa em, ‘Da wan i em wea ai go gibem wan pis bred wea ai bin sokem wea zura.’ Wen Zizas bin pinis soke da bred wea da zura, em bin gibem po Zudas, boi blo Saiman Iskara. Wen Zudas i bin pinis teke da bred, stretwei Satana i bin tekoba em. Zizas i bin spik po Zudas, ‘Ariap go ane mekem wanem yu mas mekem nau.’ Wa, nobodi wea da kaikai teibol i bin sabe aukam Zizas i bin tok demkain po Zudas. Sam dem klostuman i bin gad tingking bikoz Zudas i bin lugaut da mani baig, dempla bin tingk Zizas i bin spik po em po go baie kaikai po dempla wea da pestabol o po go ane gibe sam mani po dem poapipol. Apta Zudas i bin teke da pis bred em bin stretwei go. Disting bin apen wea naittaim.

Wen Zudas i bin go ausaid, Zizas i spik demkain, ‘Da taim blo da Truwan blo Man i ya nau wea God i go ona em ane God i go gede ona tu prom demting wea i go apen po mi. God i go gibe da Truwan blo Man big ona ane em i go mekem sun. Mai gud pikinini, ai go stap wea yupla gar po sottaim. Den yupla go lukraun mi, trai po paine mi, seimkain wiskain ai bin spik po dem Zuwislida. Wa, ai spik ya tu, wea ai go go, yupla i go kan kam de po mi. Wanem ai go spik nau i diswan ya. Wan niu oda ai spik ya po yupla ane yupla mas mekem. I diswan. Yupla mas labe wananada. Wea seimkainwei wiskain ai bin labe yupla, wa yupla tu i mas labe wananada. Ip yupla i go labe wananada ol pipol blo dis wold i go sabe yupla i ol klostuman blo mi.’
Saiman Pita i bin spik, ‘BosLod, wea yu go go?’
Zizas ansa, ‘Distaim wea ai go, yupla kan pole mi, bat apta, yupla i go pole mi wea ai go go.’
Pita i bin spik demkain baik po Zizas, ‘BosLod, aukam ai kan pole yu nau? Ai go pole yu, nomata ai go ded!’
Zizas i bin spik baigen po Pita, ‘Yu spik yu go ded po mi. Ai spik trutok po yu, bipo da rusta go singaut, yu go spik tri taim yu prapa no sabe uda mi!’

सुनें - Zon tokbaut Zizas 13