<div class="version vid1541 iso6393nct" data-vid="1541" data-iso6393="nct">
 <div class="book bkLUK">
 <div class="chapter ch20" data-usfm="LUK.20">
 <div class="label">20</div><div class="s">Jisu Kolla Rou Sai</div><div class="r">(Mit. 21:23-27; Mak. 11:27-33)</div><div class="p"> 1Nahani akha ah Jisu na athieng inn na malmashi ngei ta chupi takpi akha chu Chungthieng ahra rou samma am leija chungtekti thiempu Lea roukung ocha na Lamkai ahre hitta rachun na phao. 2Hana mani makolla ril, &#8220;Nangna ejong nane am ma hejong tullu hi lu ah am ma che? Atu na nangta hijong tullu lu rang roupe ah meh? Kani maikunga rillo.&#8221;</div><div class="p"> 3Jisu na sange manita, &#8220;Keina kom nangei kolla rou akha kom saitikkae&#8221; naha keita rille. 4Johon na baptias ae pi tullu ha Chungthieng ningtienga mo anoleh malmashi ngei ningtienga mo?&#8221;</div><div class="p"> 5Mani na mathei chakka hal hlak thou so. &#8220;Anina alota rillei sa? Ejonga anina Chungthieng ningtienga ae rilleh amona hita rillange, &#8216;chuleh chu nangei na Johon ta ngoiring no chou ae?&#8217; 6Chuti weta anina, &#8216;malmashi hai thou ae&#8217; ta rilleh chu hina am wairol riha na anita alung deng ang roulam chu mani na Johon hi rouphupa akha ae ta ngoiring so ae.&#8221; 7Chuna pa chu mani na sange, &#8220;Kani na dang nonge hoi thou wa phao mo ti ha.&#8221;</div><div class="p"> 8Hana Jisu na sang manita, &#8220;Keina kom nangei kolla rillang nonge ka lu tullu hi alo sarukka ae mo ti ha.&#8221;</div><div class="s">Darkha Innkul Panteem</div><div class="r">(Mit. 21:33-46; Mak. 12:1-12)</div><div class="p"> 9Hana Jisu na panteem hi mani ta ril, &#8220;Apha akha ah spa akha na darkha inkul akha ae weta malmashi adang akha kolla rungpi hakveta amona apha sot ta inn houphurra shukka thingso. 10Darkha ha lukkung apha wakjuija amo na masuuk makor ngei hla weta mapha phung shuk lukranga hla so. Chuti weta innkul runga am pa na manita phitta julla lea pi so. 11Chuna pa chu amona adang kor hla ser so. Chuti weta woiha pa amona manita phitta leima ajak peh ah julla lea piser so. Ephao pe no wa. 12Hana amona woithum suna pa ah kor hla ser so. Runga am pa na alem akui shukpi ah denga hou so ae. 13Chunapa innkul mitpu na ril, &#8216;Alo ta kei na ae ang sa? Keina kasonaopa mak hla ang sange; chuleh chu manina atri ajakkange amota chu!&#8217; 14Chuti weta innkul hak pa na amota rijuija mani mashel rilhlakso. Hi chu innkul mitpu sanaopa ae ani na amo ta that ei oh, &#8216;chu lea chu ani na maram hi changpha ange!&#8217; 15Chunapa chu mani na that weta innkul wau wa denga hou so.</div><div class="p">Chu lea chu innkul mitpu na inkul hakka am pa ta alo ta ae ang sa ta Jisu na sai?&#8221; 16&#8220;Amo na phao weta mani lim ta thatveta akha chu innkul kom malmashi adang kolla pe ange.&#8221; Malmashi hana am ngei na rou hi thei juija mani na ril, &#8220;Naha shuk no shu oh!&#8221;</div><div class="p"> 17Jisu na manita anveta sai, &#8220;Jieksha rou ha na rilna artha hi chu alo timeh?</div><div class="q1">&#8216;Inn sapana ngeino ae ta ril alungha wulla</div><div class="q2">eheilim karra amo na tieng hella marui oi tekkae.&#8217;</div><div class="m"> 18Atujong akha na alung chunga tu lea chu amo ta atan, atan, tan ange; hana ejonga alung na atujong akha chunga dol lea chu wokphul changa mang ange.</div><div class="s">Khasanna Pek Rou Wa Sai</div><div class="r">(Mit. 22:15-22; Mak. 12:13-17)</div><div class="p"> 19Roukung ocha ngei lea chungtekti thiempu ngei na Jisu ta mant ranga tullu thou so, roulam chu mani na dangpha so mapanteem hi ani ta rilna ae. Chuti weta mani na malmashi ngei ta atri ae. 20Chuna manina tancha ahra hakka am meh. Mathei chakka ahra sa mee alung thieng sa lak rouron hre Jisu kolla hlaveta marou matronga chunga lutveta manina Raman sarkar ra ane angam ngeita pekrang hot na so. 21Na aru rouron ngei na Jisu ta ril, &#8220;Arengpu, kanina nachupi natakpi ha adiek makkae ta dangpha unge, nang chu eichang eioi nei no hana Chungthieng ningtienga adiek ha an weta chupi takpi che ae. 22Kaisar rengpa kolla khasana kani pekhi pekphung shukmo anoleh kani pekhi adiek takjou meh?&#8221;</div><div class="p"> 23Chuna Jisu na mani lu tullu dangpha ah mani kolla Jisu na ril. 24&#8220;Keita sum chui akha ri pi oh hana atu hina mel aming jiekka shi meh?&#8221;</div><div class="p">Mani na sange, &#8220;Kaisar rengpa.&#8221;</div><div class="p"> 25Chuna Jisu na sang, &#8220;Hra so ae, nangei na Kaisar rengpa ta ha Kaisar rengpa ta pe oh, akha chu Chungthieng ta ha Chungthieng ta pe oh.&#8221;</div><div class="p"> 26Manina mee ngei maikung hana Jisu ta mant ranga ephao ae nea no ae, hana mani na Jisu sang ha angak shukka dai tikta am so.</div><div class="s">Athi Haithou Ringthou Na Rou Sai</div><div class="r">(Mit. 22:23-33; Mak. 12:18-27)</div><div class="p"> 27Saddusis ahre na Jisu kolla wa weta ril, athi sa ngei na ringthou ang no ae. 28&#8220;Arengpu, Moses na kani taranga jiekka hou phur ae, &#8216;Atujongpa uleh nao akha na namei neiveta asanao don no ah amo ha thi lea chu manao ngei na namei hata nei weta mata pa taranga sanao donpi anga ae ta rilleh.&#8217; 29Apha akha ah uleh nao sari amphur ae; ulien tekpa na namei nei phur weta asanao am mo ah thi so ae. 30Ani sunapa anao pa na namei nu hata nei sier so. 31Hana innthum shupa anao pa na nei ah hahekta mani sari mak na nei weta asanao houphur no wa thi hapso. 32Achana ah chu namei nu hakom thi so ae. 33Atun chu, athi hai thou wa ringthou ang nie ah chu namei nu ha atu namei chang anga meh? Roulam chu mani sari mak hana namei chang phur ae?&#8221;</div><div class="p"> 34Mani ta Jisu na sang. &#8220;Atunpa ringchang hina chu nameinu ngei apa ngei na innpalla tuichang hlakkae. 35Chuti weta athi hai thou ring thou ang matik cha mee snu spa ngei na phao angpa ringchanga mani ring rang chu taichang ti am mang no ae. 36Mani ha chu wanrui ngei hek ti ange hana athi am mang no ae hana mani hata Chungthieng sanao ngei ae, roulam chu mani ha athi hai thou wa ringthou sarukka. 37Chuna Moses na thiengvikta dangpi so ae athi hai thou maring hana apun sunga sarmei kang tamin sunga Moses na arengpa ta trongpi, &#8216;Abraham hina Chungthieng, Isaac hina Chungthieng, akha chu Jacob hina Chungthieng ae.&#8217; 38Amo chu aring Chungthieng ae athi ha ah no ae makolla chu meelim pa na aring pha ange.</div><div class="p"> 39Roukung ocha ngei na trong ril shuk so, &#8220;leima hra ah sang so che Arengpu!&#8221; 40Chuna sarukka manina lea ah makolla rou sai ang thanum thawak am nijo weh.</div><div class="s">Messiya Rou Hana Sai</div><div class="r">(Mit. 22:41-46; Mak. 12:35-37)</div><div class="p"> 41Jisu na mani ta sai, &#8220;Alota mani na Messiya hi David sakai sunga ae ta rilla meh? 42David amo mak na Psalm abai sunga thienga jiekka shi ae,</div><div class="q1">&#8216;Karengpu na ril karengpa ta:</div><div class="q2">Kaban chang tiengpa am na ah ongo</div><div class="q2"> 43kai na nangta anda mee makhai ha nakae</div><div class="q2">tro wa nachung malim ma ongo.&#8217;</div><div class="m"> 44David na amota &#8216;Arengpu&#8217; ta kokkae hativeta alota Messiya hi David sanao chang anga meh?&#8221;</div><div class="s">Rouphun Ocha Ngeita Jisu Na Ngaino Na Rouril</div><div class="r">(Mit. 23:1-36; Mak. 12:38-40)</div><div class="p"> 45Malmashi limpa na marou ngei ja am ma Jisu na arui ngei ta ril. 46&#8220;Roukung lamkai ngei ha cheksilla ammo, mani chu punchul hapveta lampi sorokka mee ngei na mani ta ajak atri leima dije mani chu malmashi atam maikunga hana synagogues sunga kom mani ong na lingno wa am pi num hana lochau malhrun na kom hra tek ti munna onga bak num meh; 47mani na arongnu ngei inn lah weta akha chu malmashi ngei mai ja asot nei ae! Mani na hana aol saruk chu atri pi tek ti ae!&#8221;</div>
 </div>
 </div>
</div>

Nahani akha ah Jisu na athieng inn na malmashi ngei ta chupi takpi akha chu Chungthieng ahra rou samma am leija chungtekti thiempu Lea roukung ocha na Lamkai ahre hitta rachun na phao. Hana mani makolla ril, “Nangna ejong nane am ma hejong tullu hi lu ah am ma che? Atu na nangta hijong tullu lu rang roupe ah meh? Kani maikunga rillo.”
Jisu na sange manita, “Keina kom nangei kolla rou akha kom saitikkae” naha keita rille. Johon na baptias ae pi tullu ha Chungthieng ningtienga mo anoleh malmashi ngei ningtienga mo?”
Mani na mathei chakka hal hlak thou so. “Anina alota rillei sa? Ejonga anina Chungthieng ningtienga ae rilleh amona hita rillange, ‘chuleh chu nangei na Johon ta ngoiring no chou ae?’ Chuti weta anina, ‘malmashi hai thou ae’ ta rilleh chu hina am wairol riha na anita alung deng ang roulam chu mani na Johon hi rouphupa akha ae ta ngoiring so ae.” Chuna pa chu mani na sange, “Kani na dang nonge hoi thou wa phao mo ti ha.”
Hana Jisu na sang manita, “Keina kom nangei kolla rillang nonge ka lu tullu hi alo sarukka ae mo ti ha.”


Hana Jisu na panteem hi mani ta ril, “Apha akha ah spa akha na darkha inkul akha ae weta malmashi adang akha kolla rungpi hakveta amona apha sot ta inn houphurra shukka thingso. Darkha ha lukkung apha wakjuija amo na masuuk makor ngei hla weta mapha phung shuk lukranga hla so. Chuti weta innkul runga am pa na manita phitta julla lea pi so. Chuna pa chu amona adang kor hla ser so. Chuti weta woiha pa amona manita phitta leima ajak peh ah julla lea piser so. Ephao pe no wa. Hana amona woithum suna pa ah kor hla ser so. Runga am pa na alem akui shukpi ah denga hou so ae. Chunapa innkul mitpu na ril, ‘Alo ta kei na ae ang sa? Keina kasonaopa mak hla ang sange; chuleh chu manina atri ajakkange amota chu!’ Chuti weta innkul hak pa na amota rijuija mani mashel rilhlakso. Hi chu innkul mitpu sanaopa ae ani na amo ta that ei oh, ‘chu lea chu ani na maram hi changpha ange!’ Chunapa chu mani na that weta innkul wau wa denga hou so.
Chu lea chu innkul mitpu na inkul hakka am pa ta alo ta ae ang sa ta Jisu na sai?” “Amo na phao weta mani lim ta thatveta akha chu innkul kom malmashi adang kolla pe ange.” Malmashi hana am ngei na rou hi thei juija mani na ril, “Naha shuk no shu oh!”
Jisu na manita anveta sai, “Jieksha rou ha na rilna artha hi chu alo timeh?
‘Inn sapana ngeino ae ta ril alungha wulla
eheilim karra amo na tieng hella marui oi tekkae.’
Atujong akha na alung chunga tu lea chu amo ta atan, atan, tan ange; hana ejonga alung na atujong akha chunga dol lea chu wokphul changa mang ange.


Roukung ocha ngei lea chungtekti thiempu ngei na Jisu ta mant ranga tullu thou so, roulam chu mani na dangpha so mapanteem hi ani ta rilna ae. Chuti weta mani na malmashi ngei ta atri ae. Chuna manina tancha ahra hakka am meh. Mathei chakka ahra sa mee alung thieng sa lak rouron hre Jisu kolla hlaveta marou matronga chunga lutveta manina Raman sarkar ra ane angam ngeita pekrang hot na so. Na aru rouron ngei na Jisu ta ril, “Arengpu, kanina nachupi natakpi ha adiek makkae ta dangpha unge, nang chu eichang eioi nei no hana Chungthieng ningtienga adiek ha an weta chupi takpi che ae. Kaisar rengpa kolla khasana kani pekhi pekphung shukmo anoleh kani pekhi adiek takjou meh?”
Chuna Jisu na mani lu tullu dangpha ah mani kolla Jisu na ril. “Keita sum chui akha ri pi oh hana atu hina mel aming jiekka shi meh?”
Mani na sange, “Kaisar rengpa.”
Chuna Jisu na sang, “Hra so ae, nangei na Kaisar rengpa ta ha Kaisar rengpa ta pe oh, akha chu Chungthieng ta ha Chungthieng ta pe oh.”
Manina mee ngei maikung hana Jisu ta mant ranga ephao ae nea no ae, hana mani na Jisu sang ha angak shukka dai tikta am so.


Saddusis ahre na Jisu kolla wa weta ril, athi sa ngei na ringthou ang no ae. “Arengpu, Moses na kani taranga jiekka hou phur ae, ‘Atujongpa uleh nao akha na namei neiveta asanao don no ah amo ha thi lea chu manao ngei na namei hata nei weta mata pa taranga sanao donpi anga ae ta rilleh.’ Apha akha ah uleh nao sari amphur ae; ulien tekpa na namei nei phur weta asanao am mo ah thi so ae. Ani sunapa anao pa na namei nu hata nei sier so. Hana innthum shupa anao pa na nei ah hahekta mani sari mak na nei weta asanao houphur no wa thi hapso. Achana ah chu namei nu hakom thi so ae. Atun chu, athi hai thou wa ringthou ang nie ah chu namei nu ha atu namei chang anga meh? Roulam chu mani sari mak hana namei chang phur ae?”
Mani ta Jisu na sang. “Atunpa ringchang hina chu nameinu ngei apa ngei na innpalla tuichang hlakkae. Chuti weta athi hai thou ring thou ang matik cha mee snu spa ngei na phao angpa ringchanga mani ring rang chu taichang ti am mang no ae. Mani ha chu wanrui ngei hek ti ange hana athi am mang no ae hana mani hata Chungthieng sanao ngei ae, roulam chu mani ha athi hai thou wa ringthou sarukka. Chuna Moses na thiengvikta dangpi so ae athi hai thou maring hana apun sunga sarmei kang tamin sunga Moses na arengpa ta trongpi, ‘Abraham hina Chungthieng, Isaac hina Chungthieng, akha chu Jacob hina Chungthieng ae.’ Amo chu aring Chungthieng ae athi ha ah no ae makolla chu meelim pa na aring pha ange.
Roukung ocha ngei na trong ril shuk so, “leima hra ah sang so che Arengpu!” Chuna sarukka manina lea ah makolla rou sai ang thanum thawak am nijo weh.


Jisu na mani ta sai, “Alota mani na Messiya hi David sakai sunga ae ta rilla meh? David amo mak na Psalm abai sunga thienga jiekka shi ae,
‘Karengpu na ril karengpa ta:
Kaban chang tiengpa am na ah ongo
kai na nangta anda mee makhai ha nakae
tro wa nachung malim ma ongo.’
David na amota ‘Arengpu’ ta kokkae hativeta alota Messiya hi David sanao chang anga meh?”


Malmashi limpa na marou ngei ja am ma Jisu na arui ngei ta ril. “Roukung lamkai ngei ha cheksilla ammo, mani chu punchul hapveta lampi sorokka mee ngei na mani ta ajak atri leima dije mani chu malmashi atam maikunga hana synagogues sunga kom mani ong na lingno wa am pi num hana lochau malhrun na kom hra tek ti munna onga bak num meh; mani na arongnu ngei inn lah weta akha chu malmashi ngei mai ja asot nei ae! Mani na hana aol saruk chu atri pi tek ti ae!”

सुनें - LUK 20