Kivunjo - 1999 Edition (NT)

<div class="version vid1812 iso6393vun" data-vid="1812" data-iso6393="vun">
 <div class="book bkJHN">
 <div class="chapter ch11" data-usfm="JHN.11">
 <div class="label">11</div><div class="s">Upfu lo Lasaro</div><div class="p"> 1Mndu umwi awekyelago Lasaro, awekyekaa Betania, naweluoe. Lasaro-cho nyi-we msacha o Maria na Marita. 2Maria nyi oe ulya aleshia Mndumii Yesu mafu&#7769;a gekyepfaama necha, kamwanguo ma&#7769;ende kui njui tsakye. Nyi oe Lasaro msacha okye aweluoe. 3Kyasia washikyi walya waka&#7769;uma ndumo ko Yesu wakagamba, &#8220;Mndumii, ulya umkundi naluoe.&#8221; 4Na Yesu kyiyeri aleicho, nalegamba, &#8220;Ndo&#7775;e-i yechiende upfu-pfo, indi yacha kyipfa kya mng'ano o Ruwa, kundu Mono-Ruwa nang'anyiso kui ndo&#7775;e-yo.&#8221; 5Na Yesu nawekundi Marita na Maria na Lasaro. 6Kyasia kyiyeri aleicho kye naluoe, nalekaa halya-ndu awekyeri mfiri iwi ya ngose&#7775;a. 7Numa ya iho, kawia wanalosho wakye, &#8220;Sindenyi-se uruka lo Uyuda.&#8221; 8Wanalosho walya wakammbia, &#8220;Rabi, nyi icho-lyi tikyi Wayuda wawekundi ikukapa na magoe, na iyoe nukundi iyenda-se pfo?&#8221; 9Yesu kagaluo, kawawia, &#8220;Ngyesa saa tsa kyingoto chi ikumi na tsiwi-pfoe? Mndu kachumia kyingoto ekyekapa tuulyia-pfo; cha kyipfa nawonyi ngyeela ya mnengye&#7775;i. 10Indi kachumia kyio nekyekapa tuulyia; cha kyipfa ngyeela ikyeri kokye-pfo.&#8221; 11Nalegamba isho, na numa ya iho kawawia, &#8220;Mbuya ya&#7769;u, Lasaro, nalee; kyaindi ngyiyenda ngyii&#7769;ime imwamtsa.&#8221; 12Kyasia wanalosho walya wakammbia, &#8220;Mndumii, kokooya nalee, nechia.&#8221; 13Kyaindi Yesu naweiwawia mbonyi tsa upfu lokye; nawo wakakusa&#7775;a kye na&#7769;e&#7769;a mbonyi tsa ilaa ma&#7769;oe. 14Kyasia iho Yesu kawawia na pata, &#8220;Lasaro napfa. 15Inyi ngachihiyo kyipfa kyanyu kye ngyiwekyeri ipfo-pfo, kundu mui&#7769;ikyie. Kyaindi sindenyi kokye.&#8221; 16Kyasia Tomasi, awekyelago (Wana wawi wawafee kyiyeri kyimwi), kawia wanalosho wo&#7769;oe, &#8220;Na soe sindenyi, kundu lupfe hamwi na oe.&#8221;</div><div class="s">Yesu nyi Wu&#7775;utsi na Moo</div><div class="p"> 17Kyasia kyiyeri Yesu aleshika kulya, nalekooya Lasaro amkaa kyilomenyi cha mfiri ina. 18Na Betania nyi-we kufuhi na Yerusalemu, cha mailyi tsiwi ku&#7769;i. 19Na wandu wafoi kyii&#7769;i kya Wayuda walekowacha na ko Marita na Maria, kundu wawawiyi&#7775;ie moo kyipfa kya upfu lo msacha owo. 20Kyasia, Marita kyiyeri aleicho kye Yesu naicha, naleyenda imwambilyia; na Maria nale&#7769;io kanyi. 21Kyasia Marita kawia Yesu, &#8220;Mndumii, kokooya uwekyeri iha, msacha-chu oko aweipfa-pfo. 22Kyaindi maa wulalu ngyiichi kye orio kyindo oterewa Ruwa nechikuenenga.&#8221; 23Yesu kammbia, &#8220;Msacha opfo nechi&#7775;uka.&#8221; 24Marita kammbia, &#8220;Ngyiichi kye nechi&#7775;uka kyiyeri kya wu&#7775;utsi wo mfiri o furumia.&#8221; 25Yesu kammbia, &#8220;Inyi nyi ulya ekyeende wu&#7775;utsi-wo, na moo. Ulya angyii&#7769;ikyie inyi, maa kapfa, nechiwa&#7769;a moo o mlungana. 26Na orio mndu awo&#7769;e moo na ingyii&#7769;ikyia inyi echipfa kyimrima m&#7775;asa mlungana-pfo. Ngyesa nui&#7769;ikyie isho?&#8221; 27Kammbia, &#8220;Yee, Mndumii, inyi ngyii&#7769;ikyie kye iyoe nyi oe Kristo, Mono-Ruwa, ulya aicha na wuyanenyi.&#8221;</div><div class="s">Yesu Kalyia</div><div class="p"> 28Marita amgambe ku&#7769;o kayenda; ka&#7769;uo Maria mbai kagamba, &#8220;Mlosha naikulaga.&#8221; 29Na oe kyiyeri aleicho naleamka fa&#7775;a, kayenda ko Yesu. 30Na Yesu alekoamwi&#7769;a na kulya kyika&#7775;onyi-pfo; kyaindi nawekyeri halya-ndu Marita alekoandemwambilyia. 31Kyasia Wayuda walya wawekyeri na Maria kanyi, wechimmbiyi&#7775;ia moo, kyiyeri walewona chandu aamka fa&#7775;a na iyenda, walemwosha; kunu wechikusa&#7775;a kye naweiyenda kyilomenyi nandelyilyia pfo. 32Kyasia kyiyeri Maria aleshika halya-ndu Yesu awekyeri, na immbona, naleoloka ma&#7769;endenyi gakye, kammbia, &#8220;Mndumii, kokooya uwekyeri iha, msacha oko awechipfa-pfo.&#8221; 33Kyasia kyiyeri Yesu alemmbona echilyia, na Wayuda walya wawei&#7769;u&#7769;anyi na oe welyia, nalewo&#7769;o nyi fowa mrimenyi, mrima okye ukoi&#7775;ewe, 34kagamba, &#8220;Ny'kwi mommbikyia?&#8221; Wakammbia, &#8220;Mndumii, nnjo uwone.&#8221; 35Yesu katonyitsa mche&#7775;e&#7775;e. 36Kyasia Wayuda wakagamba, &#8220;Ambuyenyi chandu awemkundi.&#8221; 37Indi wengyi wakagamba, &#8220;Ngyesa ichu aleenenga kyipfupfu&#7775;e kyilya wui&#7769;imi wo iwona, alei&#7769;ima ishingyia ichu alapfe-pfoe?&#8221;</div><div class="s">Lasaro Ka&#7775;utso</div><div class="p"> 38Kyasia Yesu, awo&#7769;o-se nyi fowa mrimenyi, kashika halya kyilomenyi. Nakyo kyiwekyeri usanja, na igoe lyiwelyiyekyie wuye yakyo. 39Yesu kagamba, &#8220;Wutenyi ho igoe-lyo.&#8221; Marita, mshikyi o ulya alepfa, kammbia, &#8220;Mndumii, nai&#7769;aa wulalu; kyipfa ammba mnying'a mfiri ina.&#8221; 40Yesu kammbia, &#8220;Inyi ngyilekuwia kye koi&#7769;ikyia nochiwona mng'ano o Ruwa?&#8221; 41Kyasia wakawuta ho igoe lyilya. Yesu kaambuya wuye, kagamba, &#8220;Awu, ngakuana cha kyipfa nongyia&#7769;anyia. 42Na inyi ngyilemanya kye uyoe nokyengyia&#7769;anyia mfiri yoose, kyaindi kyipfa kya wandu-wa waisanzia iha ngyilegamba ishi, kundu wai&#7769;ime ii&#7769;ikyia kye nyi iyoe ulengyi&#7769;uma.&#8221; 43Na oe amgambe isho, kalaga na &#7775;ui lying'anyi, &#8220;Lasaro nnjo na kunu nja!&#8221; 44Ulya awepfiie kafumia nja, ampfungye sanda ma&#7769;ende na mawoko, na kyaam kyakye kyikyipfungye na kyitambaa. Na Yesu kawawia &#8220;Mpfunguonyi, mumlekye nayende.&#8221;</div><div class="s">Kyikweena Kyewaaga Yesu</div><div class="r">(Mat 26:1-5; Mak 14:1-2; Luk 22:1-2)</div><div class="p"> 45Kyasia Wayuda wafoi kyii&#7769;i kya walya walecha na ko Maria, na iwona shilya alewuta, wakamwi&#7769;ikyia. 46Kyaindi wengyi wakayenda ko Mafarisayo, wakawawia shilya Yesu alewuta. 47Kyasia wang'anyi wa makohanyi na Mafarisayo wakalaga wandu na mengyenyi, wakagamba, &#8220;Ny'kyikyi luiwuta? Kyipfa mndu-chu naiwuta shindo shifoi sha ma&#7775;iyisho. 48Lukom&#7769;a ku&#7769;i ku&#7769;i, wandu woose wemwi&#7769;ikyia; na Waroma weecha walusokye handu ha&#7769;u hamwi na uruka lo&#7769;u.&#8221; 49Mndu umwi, kyii&#7769;i kyawo, Kayafa, awekyeri Mkohanyi ang'anyi kuta woose maka ulya, kawawia, &#8220;Nyoe muichi kyindo kyoose-pfo; 50maa mukusa&#7775;a kye kyiwa&#7775;i mndu umwi ipfa kyipfa kya wandu, kundu uruka loose lularumare-pfo.&#8221; 51Na oe ale&#7769;e&#7769;a ku&#7769;o echigamba mbonyi tsakye amonyi-pfo; indi kyipfa awei Mkohanyi ang'anyi kuta woose maka ulya, naleonguo shisuku kye Yesu nechipfa kyipfa kya uruka lulya. 52Maa chi kyipfa kya uruka-lo tupu-pfo; kyaindi hamwi na isho nasanie wana woose wa Ruwa wanyanya&#7775;ikyie; kundu wawe wamwi. 53Kyasia wookyia mfiri-cho walewika kyikweena kyemmbaaga.</div><div class="p"> 54Koikyo Yesu aleyenda-se handu hoose kyii&#7769;i kya Wayuda orio mndu echimmbona-pfo; indi nalewuka urukyenyi lo Wayuda, kayenda kufuhi na nuka ingyiumu suwaa ilawo&#7769;e maa m&#7775;inga, m&#7775;asa m&#7775;i okyelago Efraimu; kakaa pfo hamwi na wanalosho wakye. 55Na Pasaka ya Wayuda iwekyeri kufuhi, na wandu wafoi wakawuka ma&#7769;emenyi waka&#7769;o iyenda Yerusalemu, mfiri o Pasaka ulandeshikye, kundu wawute kyilya kyechiwailyi&#7775;a kyim&#7775;umoe mesonyi ga Ruwa. 56Kyasia wakapfula Yesu, wakawesana kunu wago&#7775;okyi hekalunyi, wechigamba, &#8220;Muwonyi ku&#7769;a? Aicha na kunu m&#7775;umoenyi-pfoe?&#8221; 57Na wang'anyi wa makohanyi na Mafarisayo walekowagamba kye mndu kamanya handu akyeri, naende mbonyi, kundu wai&#7769;ime immba&#7769;a.</div>
 </div>
 </div>
</div>

New Testament in Kivunjo © Bible Society of Tanzania, 1999.

Mndu umwi awekyelago Lasaro, awekyekaa Betania, naweluoe. Lasaro-cho nyi-we msacha o Maria na Marita. Maria nyi oe ulya aleshia Mndumii Yesu mafuṙa gekyepfaama necha, kamwanguo maṙende kui njui tsakye. Nyi oe Lasaro msacha okye aweluoe. Kyasia washikyi walya wakaṙuma ndumo ko Yesu wakagamba, “Mndumii, ulya umkundi naluoe.” Na Yesu kyiyeri aleicho, nalegamba, “Ndoṟe-i yechiende upfu-pfo, indi yacha kyipfa kya mng'ano o Ruwa, kundu Mono-Ruwa nang'anyiso kui ndoṟe-yo.” Na Yesu nawekundi Marita na Maria na Lasaro. Kyasia kyiyeri aleicho kye naluoe, nalekaa halya-ndu awekyeri mfiri iwi ya ngoseṟa. Numa ya iho, kawia wanalosho wakye, “Sindenyi-se uruka lo Uyuda.” Wanalosho walya wakammbia, “Rabi, nyi icho-lyi tikyi Wayuda wawekundi ikukapa na magoe, na iyoe nukundi iyenda-se pfo?” Yesu kagaluo, kawawia, “Ngyesa saa tsa kyingoto chi ikumi na tsiwi-pfoe? Mndu kachumia kyingoto ekyekapa tuulyia-pfo; cha kyipfa nawonyi ngyeela ya mnengyeṟi. Indi kachumia kyio nekyekapa tuulyia; cha kyipfa ngyeela ikyeri kokye-pfo.” Nalegamba isho, na numa ya iho kawawia, “Mbuya yaṙu, Lasaro, nalee; kyaindi ngyiyenda ngyiiṙime imwamtsa.” Kyasia wanalosho walya wakammbia, “Mndumii, kokooya nalee, nechia.” Kyaindi Yesu naweiwawia mbonyi tsa upfu lokye; nawo wakakusaṟa kye naṙeṙa mbonyi tsa ilaa maṙoe. Kyasia iho Yesu kawawia na pata, “Lasaro napfa. Inyi ngachihiyo kyipfa kyanyu kye ngyiwekyeri ipfo-pfo, kundu muiṙikyie. Kyaindi sindenyi kokye.” Kyasia Tomasi, awekyelago (Wana wawi wawafee kyiyeri kyimwi), kawia wanalosho woṙoe, “Na soe sindenyi, kundu lupfe hamwi na oe.”

Kyasia kyiyeri Yesu aleshika kulya, nalekooya Lasaro amkaa kyilomenyi cha mfiri ina. Na Betania nyi-we kufuhi na Yerusalemu, cha mailyi tsiwi kuṙi. Na wandu wafoi kyiiṙi kya Wayuda walekowacha na ko Marita na Maria, kundu wawawiyiṟie moo kyipfa kya upfu lo msacha owo. Kyasia, Marita kyiyeri aleicho kye Yesu naicha, naleyenda imwambilyia; na Maria naleṙio kanyi. Kyasia Marita kawia Yesu, “Mndumii, kokooya uwekyeri iha, msacha-chu oko aweipfa-pfo. Kyaindi maa wulalu ngyiichi kye orio kyindo oterewa Ruwa nechikuenenga.” Yesu kammbia, “Msacha opfo nechiṟuka.” Marita kammbia, “Ngyiichi kye nechiṟuka kyiyeri kya wuṟutsi wo mfiri o furumia.” Yesu kammbia, “Inyi nyi ulya ekyeende wuṟutsi-wo, na moo. Ulya angyiiṙikyie inyi, maa kapfa, nechiwaṙa moo o mlungana. Na orio mndu awoṙe moo na ingyiiṙikyia inyi echipfa kyimrima mṟasa mlungana-pfo. Ngyesa nuiṙikyie isho?” Kammbia, “Yee, Mndumii, inyi ngyiiṙikyie kye iyoe nyi oe Kristo, Mono-Ruwa, ulya aicha na wuyanenyi.”

Marita amgambe kuṙo kayenda; kaṙuo Maria mbai kagamba, “Mlosha naikulaga.” Na oe kyiyeri aleicho naleamka faṟa, kayenda ko Yesu. Na Yesu alekoamwiṙa na kulya kyikaṟonyi-pfo; kyaindi nawekyeri halya-ndu Marita alekoandemwambilyia. Kyasia Wayuda walya wawekyeri na Maria kanyi, wechimmbiyiṟia moo, kyiyeri walewona chandu aamka faṟa na iyenda, walemwosha; kunu wechikusaṟa kye naweiyenda kyilomenyi nandelyilyia pfo. Kyasia kyiyeri Maria aleshika halya-ndu Yesu awekyeri, na immbona, naleoloka maṙendenyi gakye, kammbia, “Mndumii, kokooya uwekyeri iha, msacha oko awechipfa-pfo.” Kyasia kyiyeri Yesu alemmbona echilyia, na Wayuda walya waweiṙuṙanyi na oe welyia, nalewoṙo nyi fowa mrimenyi, mrima okye ukoiṟewe, kagamba, “Ny'kwi mommbikyia?” Wakammbia, “Mndumii, nnjo uwone.” Yesu katonyitsa mcheṟeṟe. Kyasia Wayuda wakagamba, “Ambuyenyi chandu awemkundi.” Indi wengyi wakagamba, “Ngyesa ichu aleenenga kyipfupfuṟe kyilya wuiṙimi wo iwona, aleiṙima ishingyia ichu alapfe-pfoe?”

Kyasia Yesu, awoṙo-se nyi fowa mrimenyi, kashika halya kyilomenyi. Nakyo kyiwekyeri usanja, na igoe lyiwelyiyekyie wuye yakyo. Yesu kagamba, “Wutenyi ho igoe-lyo.” Marita, mshikyi o ulya alepfa, kammbia, “Mndumii, naiṙaa wulalu; kyipfa ammba mnying'a mfiri ina.” Yesu kammbia, “Inyi ngyilekuwia kye koiṙikyia nochiwona mng'ano o Ruwa?” Kyasia wakawuta ho igoe lyilya. Yesu kaambuya wuye, kagamba, “Awu, ngakuana cha kyipfa nongyiaṙanyia. Na inyi ngyilemanya kye uyoe nokyengyiaṙanyia mfiri yoose, kyaindi kyipfa kya wandu-wa waisanzia iha ngyilegamba ishi, kundu waiṙime iiṙikyia kye nyi iyoe ulengyiṙuma.” Na oe amgambe isho, kalaga na ṟui lying'anyi, “Lasaro nnjo na kunu nja!” Ulya awepfiie kafumia nja, ampfungye sanda maṙende na mawoko, na kyaam kyakye kyikyipfungye na kyitambaa. Na Yesu kawawia “Mpfunguonyi, mumlekye nayende.”


Kyasia Wayuda wafoi kyiiṙi kya walya walecha na ko Maria, na iwona shilya alewuta, wakamwiṙikyia. Kyaindi wengyi wakayenda ko Mafarisayo, wakawawia shilya Yesu alewuta. Kyasia wang'anyi wa makohanyi na Mafarisayo wakalaga wandu na mengyenyi, wakagamba, “Ny'kyikyi luiwuta? Kyipfa mndu-chu naiwuta shindo shifoi sha maṟiyisho. Lukomṙa kuṙi kuṙi, wandu woose wemwiṙikyia; na Waroma weecha walusokye handu haṙu hamwi na uruka loṙu.” Mndu umwi, kyiiṙi kyawo, Kayafa, awekyeri Mkohanyi ang'anyi kuta woose maka ulya, kawawia, “Nyoe muichi kyindo kyoose-pfo; maa mukusaṟa kye kyiwaṟi mndu umwi ipfa kyipfa kya wandu, kundu uruka loose lularumare-pfo.” Na oe aleṙeṙa kuṙo echigamba mbonyi tsakye amonyi-pfo; indi kyipfa awei Mkohanyi ang'anyi kuta woose maka ulya, naleonguo shisuku kye Yesu nechipfa kyipfa kya uruka lulya. Maa chi kyipfa kya uruka-lo tupu-pfo; kyaindi hamwi na isho nasanie wana woose wa Ruwa wanyanyaṟikyie; kundu wawe wamwi. Kyasia wookyia mfiri-cho walewika kyikweena kyemmbaaga.
Koikyo Yesu aleyenda-se handu hoose kyiiṙi kya Wayuda orio mndu echimmbona-pfo; indi nalewuka urukyenyi lo Wayuda, kayenda kufuhi na nuka ingyiumu suwaa ilawoṙe maa mṟinga, mṟasa mṟi okyelago Efraimu; kakaa pfo hamwi na wanalosho wakye. Na Pasaka ya Wayuda iwekyeri kufuhi, na wandu wafoi wakawuka maṙemenyi wakaṙo iyenda Yerusalemu, mfiri o Pasaka ulandeshikye, kundu wawute kyilya kyechiwailyiṟa kyimṟumoe mesonyi ga Ruwa. Kyasia wakapfula Yesu, wakawesana kunu wagoṟokyi hekalunyi, wechigamba, “Muwonyi kuṙa? Aicha na kunu mṟumoenyi-pfoe?” Na wang'anyi wa makohanyi na Mafarisayo walekowagamba kye mndu kamanya handu akyeri, naende mbonyi, kundu waiṙime immbaṙa.

सुनें - Yohane 11