The Kisi Old Testament

Kisi Bible © Bible Society in Liberia, 2015.

Pūa̍a̍ Nu̍u̍wā wa̍, Si̍ɛ̄m, a̍ Ha̍ām, a̍ Cha̍fɛ̍tī, pūlālē ndāle̍ŋ le̍ cho̍ le᷅ŋ ni̍. Chɔ̍ŋ a̍ bōōndi̍i̍ mɛ̄ŋmā hūna᷄ŋ mā fāŋa̍ŋ o̍ chi̍e̍ēŋndo̍ chōo̍ ve̍, mi̍ pūa̍a̍ Nu̍u̍wā wa̍ ha̍ā ā vīālū chūāūwa̍.
Pūa̍a̍ Cha̍fɛ̍tī ve̍lū wa̍ cho̍ ha̍ā ni̍, Ko̍mɛ̄ɛ̄, a̍ Me̍e̍kɔ̄ɔ̄, a̍ Ma̍dāī, a̍ Cha̍vāŋ, a̍ Tu̍bāā, a̍ Mɛ̍sīɛ̄ɛ̄, a̍ Ti̍lu̍a̍sī. Pūa̍a̍ Ko̍mɛ̄ɛ̄ ve̍lū wa̍ cho̍ ha̍ā ni̍. A̍si̍kɛ̍na̍sī, a̍ Lu̍i̍fāā, a̍ Tōŋga̍māā. Pūa̍a̍ Cha̍vāŋ ve̍lū wa̍ cho̍ ha̍ā ni̍, Īla̍a̍sīā, a̍ Ta̍a̍sī, a̍ Ki̍tīm, a̍ Do̍da̍nīm. Pūa̍a̍ Cha̍fɛ̍tīa̍a̍ ha̍ā ki̍nɛ̍i̍, wānāa̍ fu̍la̍ o̍ pūlālē ndāle̍ŋ chōo̍ wa̍, nda̍ ku̍i̍i̍ ma̍ sīmnu᷄ŋ wa̍nāa̍ ho̍lnu̍ŋ pe̍ēla̍ mɛ̄ŋmā īhɛ᷄lla̍ŋ nda̍ ni̍. Mi̍ pūa̍a̍ ha̍ā pūlāma̍ ndā ma̍ yɛ̍ yi̍a̍ŋ, mā sīmnu᷄ŋ lɛ̄ŋnde̍ yɛ̍ yɛ̍, a̍ sɔ̄ɔ̍ŋ ma̍ŋgāla᷄ŋ le̍nde̍ yɛ̍ yɛ̍.
Pūa̍a̍ Ha̍ām ve̍lū wa̍ cho̍ ha̍ā ni̍. Ku̍sī, a̍ I̍chi̍pī, a̍ Pu̍tī, a̍ Ke̍nāŋ. Pūa̍a̍ Ku̍sī ve̍lū wa̍ cho̍ ha̍ā ni̍. Si̍ɛ̍bā, a̍ Ha̍vi̍lā, a̍ Sa̍bi̍tāā, a̍ Lu̍a̍a̍mā, a̍ Sābītɛ̍kā. Pūa̍a̍ Lu̍a̍a̍mā ve̍lū wa̍ cho̍ ha̍ā ni̍. Si̍ɛ̍bā, a̍ Dɛ̍dāŋ. O̍ ko̍ŋ kɔ̍ɔ̍lī, mi̍ Ku̍sī vi̍a̍lū Ni̍mi̍lɔ̄ɔ̄. O̍ chi̍e̍ēŋndo̍ chōo̍ ki̍nɛ̍i̍, ndu̍ wa̍ ku̍u̍ba̍nɔ̍ tāso̍o̍ ni̍. Ō wa̍ dōōsūnɔ̄ bɛ̍ndū Mɛ̄lɛ̄ka̍ Ya̍a̍wɛ̄ɛ̄ o̍ hɔ̄l. Mi̍ dīōlā ndɔ̄la̍ŋ lā fūlā o̍ tāle̍ āā, “Māā Ni̍mi̍lɔ̄ɔ̄, dōōsūnɔ̍ bɛ̍ndōo̍ Mɛ̄lɛ̄ka̍ Ya̍a̍wɛ̄ɛ̄ o̍ hɔ̄l.” Fo̍ndāŋndā tāse̍la̍ o̍ wa̍ chōo̍ ma̍sā la̍ŋ la̍ cho̍ la᷅ŋ ni̍. Ba̍bɛ̄ɛ̄l, a̍ Ɛ̍lu̍ɛ̍chī, a̍ A̍ka̍a̍dī. O̍ lɛ̄ŋndē Ba̍bi̍lɔ̄ŋnde̍ŋ ni᷄ŋ chi̍o̍o̍ŋ mu᷅ŋ ŋ̄ chō ni̍. O̍ ko̍ŋ kɔ̍ɔ̍lī, mi̍ Ni̍mi̍lɔ̄ɔ̄ ku̍ā o̍ lɛ̄ŋndē Āsi̍i̍līāāle̍ŋ ni᷄ŋ, mbo̍ tāŋgūl Ni̍ni̍vɛ̄ɛ̄, a̍ Lūɛ̄hōbo̍tī I̍i̍ɛ̄ɛ̄, a̍ Ka̍lā, a̍ Lu̍ɛ̍sīŋ. Ni̍ni̍vɛ̄ɛ̄ tɛ̍ɛ̄ŋ a̍ Ka̍lā, Lu̍ɛ̍sīŋ cho̍ ni̍. Ka̍la̍ wa̍ chi̍e̍e̍ ndɔ̍ lēmāsāa̍ ni̍.
Pūa̍a̍ I̍chi̍pī ve̍lū wa̍ cho̍ ha̍ā ni̍. Lu̍dīm, a̍ Ānām, a̍ Lēhābi᷄m, a̍ Nāfi̍tu̍hīī, a̍ Pātīlu̍sīm, a̍ Kāsūlu̍hīm, a̍ Kāfītōlu̍īm. Kāsūlu̍hīm Fīli̍i̍tīāŋnda̍ ā chɛ᷄ŋ ni̍.
Mi̍ Ke̍nāŋ vi̍a̍lū po̍ ndɔ̍ tāso̍o̍, mbo̍ kē ndu̍ dīōla̍ŋ āā Sa̍i̍dɔ̄ŋ. O̍ ko̍ŋ kɔ̍ɔ̍lī, mbo̍ vīālū Hɛ̍ɛ̍tī. Mɛ̄ɛ̍, o̍ pūlāle̍ Ke̍nāŋnde̍ŋ ni᷄ŋ kāa̍la̍ŋ nda᷅ŋ lā fūla̍ ni̍. Chɛ̄būsa̍i̍tīi̍ya̍ ni̍, a̍ Āmɔ̄lu̍a̍a̍tīi̍ya̍, a̍ Ka̍ŋga̍sa̍tīi̍ya̍, a̍ Hi̍va̍i̍tīi̍ya̍, a̍ A̍a̍ka̍i̍tīi̍ya̍, a̍ Sa̍na̍i̍tīi̍ya̍, a̍ A̍a̍va̍da̍i̍tīi̍ya̍, a̍ Sɛ̍ma̍lu̍a̍i̍tīi̍ya̍, a̍ Hāmāta̍i̍tīi̍ya̍. Te̍le̍ŋnda̍ ti̍ŋ hīōūwɔ̄ɔ̍, mi̍ pūlālē Ke̍na̍na̍i̍tīi̍ya̍ kūā a̍ tīūwo̍ bā o̍ bā fe̍e̍. Mi̍ lɛ̄ŋndē Ke̍na̍na̍i̍tīi̍ya̍ lē cha᷄ŋ a̍ chɔ̄ɔ̄lɔ᷄ŋndo̍ a̍ Sa̍i̍dɔ̄ŋ chi̍e̍e̍ mi̍ lē kūā a̍ kūmbū Kɛ̍lūā wo̍, mi̍ lē fūūlūū a̍ Ka̍a̍sā chi̍e̍e̍. Mi̍ lē kūā a̍ chɔ̄ɔ̄lɔ᷄ŋndo̍ kūmbū So̍dɔ̄m ndo̍, a̍ Kōmo̍o̍lūā, a̍ A̍di̍māā, a̍ Sɛ̄bo̍yīm chi̍e̍e̍, mi̍ lē fūūlūū La̍sīā chi̍e̍e̍ i̍kɛ̍i̍. Mɛ̄ɛ̍ Ha̍ām, pūlālē ndɔ̄le̍ŋ le̍ cho̍ le̍ŋ ni̍. Nu̍a̍ā nda̍ pīɔ̄ūvi̍āŋ a̍ yu̍ŋgu̍la̍ŋ ni̍, mi̍ yu̍ŋgu̍la̍ la̍ŋ lā pīɔ̄ūvi̍āŋ a̍ sɔ̄ɔ̍ŋ ma̍ŋgāla᷄ŋ, a̍ būŋga᷄ŋ, mi̍ būŋgāŋ mu᷅ŋ ŋ̄ sīmnu᷄ŋ lɛ̍ŋīī yɛ̍ yɛ̍i̍.
Si̍ɛ̄m o̍ chu̍u̍ Cha̍fɛ̍tī o̍kɔ̄ɔ̄ wo̍ bɛ̍ɛ̍ mbo̍ vīālū pūa̍a̍. Ndu̍ wa̍ fi̍nyā māmāa̍ le̍ pūlāle̍ Hi̍būlūi̍ya̍ kpo̍u̍ ni̍. Pūa̍a̍ Si̍ɛ̄m ve̍lū wa̍ cho̍ ha̍ā ni̍. Ɛ̍lām, a̍ A̍a̍sīɔ̄ɔ̄, a̍ Āpa̍a̍sīāā, a̍ Lu̍u̍dī, a̍ A̍lūām. Pūa̍a̍ A̍lūām ve̍lū wa̍ cho̍ ha̍ā ni̍. U̍sī, a̍ Hɔ̍ɔ̄l, a̍ Kɛ̍tɛ̄ɛ̄, a̍ Mɛ̍si̍ɛ̍kī. Mi̍ Āpa̍a̍sīāā vi̍a̍lū Si̍ɛ̍lā, mi̍ Si̍ɛ̍lā ndu̍ vi̍a̍lū Ɛ̍bā. Mi̍ Ɛ̍bā vi̍a̍lū pūa̍a̍ ā ŋīɔ̍ɔ̍ŋ, ō pīlɔ̍ɔ̍ mbo̍ kē ndu̍ dīōla̍ŋ āā Pɛ̍lɛ̍kī, ō pīlɔ̍ɔ̍ āā Cho̍ki̍tāŋ. Le̍ sa̍bū o̍ ke̍ ō pīlɔ̍ɔ̍ dīōla̍ŋ āā Pɛ̍lɛ̍kī wo̍ cho̍ ni̍, māā fo̍ndōle̍, a̍ te̍le̍ŋ ndɔ̄ɔ̍ nda̍ pīɔ̍u̍ chi̍e̍ēŋndo̍ a̍ būŋga᷄ŋ ni̍. O̍ ko̍ŋ kɔ̍ɔ̍lī, mi̍ Cho̍ki̍tāŋ vi̍a̍lū Āli̍mo̍da̍dī, a̍ Si̍ɛ̍lɛ̍fī, a̍ Hāsāma̍vɛ̄tī a̍ Chɛ̍lūā, a̍ Hādo̍lūām, a̍ Yu̍sāl, a̍ Di̍ki̍lāā, a̍ O̍bāl, a̍ Ābi̍mēē, a̍ Si̍ɛ̍bā, a̍ O̍fɛ̄ɛ̄ a̍ Ha̍vi̍lā a̍, Cho̍ba̍bī. Pūa̍a̍ Chōki̍ta̍ŋndā ki̍nɛ̍i̍ a̍ wa̍ ha̍ā ni̍. Mi̍ lɛ̄ŋndē nda̍ wa̍ īchāli̍ le̍ŋ lē hīāū lāchī a̍ chɔ̄ɔ̄lɔ᷄ŋndo̍ chɔ̍ŋ a̍ Mɛ̍sīā chi̍e̍e̍ mi̍ lē kūā kūmbū Sɛ̍fāā wo̍, le̍ kɔ̄la̍ŋ o̍ lɛ̄ŋndē īpēmbūle̍ŋ bā pāa̍le̍ŋ lē chāŋ ndo̍. Mɛ̄ɛ̍, Si̍ɛ̄m pūlālē ndɔ̄le̍ŋ le̍ cho̍ le̍ŋ ni̍. Nu̍a̍ā nda̍ pīɔ̄ūvi̍āŋ a̍ yu̍ŋgu̍la̍ŋ ni̍, mi̍ yu̍ŋgu̍la̍ la̍ŋ lā pīɔ̄ūvi̍āŋ a̍ sɔ̄ɔ̍ŋ ma̍ŋgāla᷄ŋ, a̍ būŋga᷄ŋ, mi̍ būŋgāŋ mu᷅ŋ ŋ̄ sīmnu᷄ŋ lɛ̍ŋīī yɛ̍ yɛ̍i̍.
Chɔ̍ŋ a̍ bōōndi̍i̍ mɛ̄ŋmā hūna᷄ŋ mā fāŋa̍ŋ o̍ chi̍e̍ēŋndo̍ chōo̍ ve̍, yu̍ŋgu̍la̍ fu̍la̍ o̍ pūa̍a̍ Nu̍u̍wā wa̍ ni᷄ŋ nda̍ŋ, la̍ŋ la̍ cho̍ la᷅ŋ ni̍. Nda̍ lo̍ ni᷄ŋ kūīīyo̍ ni̍ ma̍ sīmnu᷄ŋ lɛ̄ŋnde̍ yɛ̍ yɛ̍, ma̍ lō kūīīyo̍ ma̍ tīū o̍ chi̍e̍ēŋndo̍ chōo̍ kpo̍u̍.

सुनें - Chɛ̄nɛ̍se̍ē 10