Manya - 2023 SIM (OT NT Portions) Drama

<div class="version vid3590 iso6393mzj" data-vid="3590" data-iso6393="mzj">
 <div class="book bkJHN">
 <div class="chapter ch7" data-usfm="JHN.7">
 <div class="label">7</div><div class="s">Isa ni a d&#596;&#596;k&#603;lu</div><div class="p"> 1Wo k&#596;, Isa t&#603;&#603; Galile koovi l&#596;taamana. A t&#603;&#603; t&#603; a f&#603; ka taa ni sei k&#603; Jude koovi l&#596;, kamas&#596;l&#596;n Jahudiya kuntiilu t&#603;&#603; a faako &#626;a&#626;ininna. 2Wo k'a talan, Jahudiyalu ya Gbaak&#596;l&#596;sii Selilon ma t&#603;&#603; v&#603; sulunya. 3Wo l&#596;, Isa d&#596;&#596;k&#603;lu v&#603;&#603; a y&#603;: &#171;B&#596; jan, i yi taa Jude koovi l&#596;, f&#596;sa i k&#596;bilabalu fana y'i k&#603;kolu ye je. 4Kamas&#596;l&#596;n ni m&#596;&#596; y'a f&#603; a mangutu yi b&#596;, i t&#603; kolu k&#603;la doon n&#596;. Komi i yi ko minu k&#603;la yi ne, wo l&#596;, i yi taa i j&#603;l&#603; jiya dunu&#626;a b&#603; la!&#187; 5(Hali a d&#596;&#596;k&#603;lu gbu t&#603;&#603; ma limaniya a ma.)</div><div class="p"> 6Isa do k'ai javi, a v&#603;&#603;: &#171;&#504;a waate ma se ba bene. K&#603;&#603; &#224;ilu koni, waate suu suu b&#603;nyine &#224;i ma. 7&#192;i t&#603; se gbeyala dunu&#626;a y&#603;, k&#603;&#603; &#505;e do gbeyayine a y&#603;, kamas&#596;l&#596;n &#505;'i seleya dila ka b&#603;n a ma ko a k&#603;kolu k&#603;wonyanin. 8Wo le y'a ma, &#224;ilu yi taa selib&#596;ya l&#596;, k&#603;&#603; &#505;e do t&#603; taala, kamas&#596;l&#596;n &#505;a waate ma se ba.&#187; 9Isa w&#596;linin wo f&#596;la, a ka to Galile.</div><div class="s">Isa ka taa selib&#596;ya l&#596; Jelusal&#603;mu teme</div><div class="p"> 10A d&#596;&#596;k&#603;lu taa k&#596; selib&#596;ya l&#596;, ale fana ka taa. K&#603;&#603; a ma taa gb&#603; la, f&#596; doon n&#596;. 11Wo k'a talan Jahudiya kuntiilu t&#603;&#603; a &#626;ininna selib&#596;ya l&#596;, ai v&#603;&#603;: &#171;K&#603;&#769; wo yi mineja?&#187; 12M&#596;&#596; siyama t&#603;&#603; i &#626;&#596;&#596; s&#596;s&#596;la kan majii l&#596; ka b&#603;n Isa ma. A d&#596;lu v&#603;&#603;: &#171;M&#596;&#596; b&#603;l&#603; le a le.&#187; A d&#596;gb&#603;l&#603;lu v&#603;&#603;: &#171;Wo t&#603;, m&#596;&#596;lafiliba le.&#187; 13K&#603;&#603; m&#596;&#596; suu suu ma ko f&#596; gb&#603; la ka b&#603;n a ma, kamas&#596;l&#596;n ai t&#603;&#603; siyanna Jahudiya kuntiilu &#626;a.</div><div class="p"> 14Selib&#596; t&#603;mala l&#596;, Isa ka don l&#596;h&#596;l&#596;mabonba luu k&#596;n&#596; ka m&#596;&#596;lu kalan damina. 15Jahudiya kuntiilu ka kawakoya, ai v&#603;&#603;: &#171;K&#603;&#769; min na l&#596;nni min s&#596;l&#596;nna min ne, k'a talan a ma kalan foi k&#603;?&#187;</div><div class="p"> 16Isa k'ai javi, a v&#603;&#603;: &#171;&#504;a kalan ma b&#596; &#505;e gbu l&#596;, f&#596; &#505; kelaba. 17Ni m&#596;&#596; min y'a f&#603; ka Ala sawo k&#603;, wo tii k&#603;t&#596; a l&#596;nna ni &#505;a kalan b&#596;nin Ala le l&#596;, niwot&#603; ni &#505;'i kumala &#505; j&#603;l&#603;kanu ya seetiiya le l&#596;. 18M&#596;&#596; min yi kumala a j&#603;l&#603;kanu ya seetiiya l&#596;, wo tii yi m&#596;&#596;lu ya bu&#626;ali le k&#596;. K&#603;&#603; m&#596;&#596; min y'a kelaba ya bu&#626;ali k&#596;, wo tii le tu&#626;ande le, a do t&#603; fa&#626;a suu suu f&#596;la. 19Nabi Musa le na Ala ya seliya dila &#224;i ma, k&#603;l&#603;? K&#603;&#603; &#224;i suu suu t&#603; seliya wo labatola yi ne. Mind&#603; l&#596; &#224;i yi &#505; faako &#626;a&#626;ininna?&#187;</div><div class="p"> 20Jama k'a javi, ai v&#603;&#603;: &#171;Jinat&#596; le i le. Jene i faako &#626;a&#626;ininna?&#187;</div><div class="p"> 21Isa do k'ai javi, a v&#603;&#603;: &#171;&#504; na baale kelen ne k&#603;la, wo do n'&#224;i b&#603; kawakoyala. 22Nabi Musa na k&#603;n&#603;k&#603;ko jamali dila &#224;i ma, k'a talan m&#596; bemanu le na k&#603;n&#603;k&#603;ko daminala, Nabi Musa t&#603;. Wo le n'a k&#603;la, hali N&#596;ning&#603;lon gbu, &#224;i y'&#224;i denk&#603;lu mak&#603;n&#603;k&#603;la. 23#Yohana 5.9.Ni &#224;i y'&#224;i denk&#603;lu mak&#603;n&#603;k&#603;la N&#596;ning&#603;lon f&#596;sa Nabi Musa ya seliya kana ti&#626;a, a yi di v&#603; &#224;i m&#596;n&#603;nin m&#768; ma kamas&#596;l&#596;n m&#768;'&#603; m&#596;&#596; falikolo lakunnin lak&#603;n&#603;ya N&#596;ning&#603;lon? 24&#192;i k&#224; ko ye &#224;i &#626;a la dein k'a kiti t&#603;&#603; wo ma, maf&#596; &#224;i yi kiti t&#603;&#603; telenmandeya bolo le ma.&#187;</div><div class="s">Jalasa Isa le Masa T&#596;&#596;masenin ne?</div><div class="p"> 25Wo le k'a k&#603;, Jelusal&#603;muka d&#596;lu k'a f&#596; i &#626;&#596;&#596; y&#603;, ai v&#603;&#603;: &#171;Jalasa ai t&#603; k&#603;&#769; min ne &#626;ininna a faako l&#596;? 26&#192;i y'a ye! A yi kumala bala l&#596;, k&#603;&#603; ai do t&#603; foi f&#596;la a y&#603;. Jalasa maa kuntiilu v'a l&#596;n b&#603;l&#603;b&#603;l&#603; k&#603; k'a f&#596; ko ale le Masa T&#596;&#596;masenin ne? 27Ni wo le, &#505;u koni ka k&#603;&#769; min b&#596;ya l&#596;n. K&#603;&#603; ni Masa T&#596;&#596;masenin ka na, m&#596;&#596; suu suu t&#603;nala a b&#596;ya l&#596;nna.&#187;</div><div class="p"> 28Isa ka to m&#596;&#596;lu kalanna l&#596;h&#596;l&#596;mabonba luu k&#596;n&#596;, a k'a kan lab&#596;, a v&#603;&#603;: &#171;Tu&#626;a le, &#224;i ka &#505; l&#596;n, ani m&#768; b&#596;ya! K&#603;&#603; &#505; nanin t&#603; &#505; j&#603;l&#603;kanu ya seetiiya l&#596;. Min na &#505; kelayala, wo le tu&#626;ande le, &#224;ilu do ma wo l&#596;n. 29K&#603;&#603; &#505;e do ka a l&#596;n kamas&#596;l&#596;n m&#768; b&#596;nin ale le f&#603;l&#596;, ale le do na &#505; kelayala.&#187;</div><div class="p"> 30Wo f&#596; Isa bolo, ai t&#603;&#603; a f&#603; ka a mina, k&#603;&#603; m&#596;&#596; suu suu bolo ma se a ma, kamas&#596;l&#596;n aa waate t&#603;&#603; ma se ba. 31Wo b&#603; n'a k&#603;, m&#596;&#596; siyama ka limaniya a ma jama l&#596;, ai v&#603;&#603;: &#171;Ni Masa T&#596;&#596;masenin ka na, jalasa a k&#603;t&#596; kawanankolu k&#603;la ka timin k&#603;&#769; min ta la?&#187;</div><div class="s">Jahudiya kuntiilu ka lakanalibalu lataa Isa minaya l&#596; teme</div><div class="p"> 32Jama t&#603;&#603; ko minu f&#596;la kan majii l&#596; ka b&#603;n Isa ma, Falisilu ka wolu m&#603;n. Wo l&#596;, ailu ni salakalase kuntiibalu ka lakanaliba d&#596;lu lataa a minaya l&#596;. 33Isa do k'a f&#596; jama y&#603;, a v&#603;&#603;: &#171;&#504; k&#603;t&#596; waateni k&#603;la &#224;i f&#603; bene, wo k&#596;, &#505; k&#603;t&#596; taala &#505; kelaba ma. 34&#192;i k&#603;t&#596; &#505; &#626;ininna, k&#603;&#603; &#224;i do t&#603;nala &#505; yena, kamas&#596;l&#596;n &#505; k&#603;t&#596; t&#603;&#603;minja, &#224;i t&#603;nala sena taala woja.&#187;</div><div class="p"> 35Jahudiya kuntiilu k'a f&#596; i &#626;&#596;&#596; y&#603;, ai v&#603;&#603;: &#171;K&#603;&#769; min taat&#596; min ne, k'a f&#596; ko m&#596; t&#603;nala a yena? Jalasa a a f&#603; ka taa maa m&#596;&#596;lu ma minu siinin G&#603;l&#603;ki solu la, ka G&#603;l&#603;kikalu kalan? 36A v&#603;&#603; ko m&#596; k&#603;t&#596; a &#626;ininna, k&#603;&#603; m&#596; t&#603;nala a yena. A v&#603;&#603; fana ko a k&#603;t&#596; t&#603;&#603;minja, m&#596; t&#603;nala sena taala woja. Wo k&#596;l&#596; yi mind&#603; le?&#187;</div><div class="s">Niimaya ji</div><div class="p"> 37Selib&#596; laban lon na, min t&#603;&#603; lonba le, Isa k'i l&#596; k'a kan lab&#596;, a v&#603;&#603;: &#171;Ni mink&#603;l&#596;&#596; v&#603; k&#603;la m&#596;&#596; min na, wo tii yi na m&#768; ma k'i min. 38Ni do m&#596;&#596; min ka limaniya m&#768; ma, a k&#603;t&#596;le iwo a s&#603;v&#603;nin kitabu k&#596;n&#596; teme, ko: &#8249;Niimaya ji woyot&#596;le a josokun n&#596; iwo k&#596;&#596;kun.&#8250; &#187; 39Isa kan t&#603;&#603; Nii S&#603;n&#603;yanin ne ma, min dit&#596; a malimaniyam&#596;&#596;lu ma. Wo waate l&#596;, Nii S&#603;n&#603;yanin t&#603;&#603; ma di ba bene, kamas&#596;l&#596;n Isa t&#603;&#603; ma magbiliyali s&#596;l&#596;n ba bene.</div><div class="s">Jama l&#596; ka tala teme ka b&#603;n Isa ma</div><div class="p"> 40Jama ka kuma wolu m&#603;n ming&#603;, a d&#596;lu v&#603;&#603;: &#171;Kelaba min ka kan ka na, ale le min ne j&#596;!&#187;</div><div class="p"> 41A d&#596;gb&#603;l&#603;lu v&#603;&#603;: &#171;Masa T&#596;&#596;masenin ne a le le.&#187;</div><div class="p">K&#603;&#603; a d&#596;lu v&#603;&#603;: &#171;&#400;n&#603;n, Masa T&#596;&#596;masenin k&#603;t&#596; b&#596;la Galile di? 42Jalasa a s&#603;v&#603;nin t&#603; kitabu k&#596;n&#596; ko Masa T&#596;&#596;masenin k&#603;t&#596; Nabi Dawuda b&#596;z&#596;n ne le, ka b&#596; Dawuda f&#603;so B&#603;til&#603;h&#603;mu?&#187; 43Wo l&#596;, jama l&#596; ka tala ka b&#603;n Isa ma. 44A d&#596;lu t&#603;&#603; a f&#603; ka a mina, k&#603;&#603; m&#596;&#596; suu suu bolo ma se a ma.</div><div class="s">Jahudiya kuntiilu ya limaniyabaliya</div><div class="p"> 45Lakanaliba minu t&#603;&#603; v&#603; na Isa minaya l&#596;, wolu ka seik&#596; salakalase kuntiibalu ni Falisilu f&#603;l&#596;. Ai do ka lakanalibalu ma&#626;ininga, ai v&#603;&#603;: &#171;Mind&#603; k&#603;nin &#224;i ma na a le?&#187;</div><div class="p"> 46Lakanalibalu k'ai javi, ai v&#603;&#603;: &#171;M&#596;&#596; foi ma kuma ba bene iwo k&#603;&#769; min yi kumala teme!&#187;</div><div class="p"> 47Falisilu k'ai javi, ai v&#603;&#603;: &#171;A v&#603; &#224;ilu fana lafili? 48Kuntii kelen, niwot&#603; Falisi kelen ma limaniya ba a ma, k&#603;l&#603;? 49K&#603;&#603; m&#596;&#596; l&#596;kolon jama min ma foi l&#596;n ka b&#603;n Nabi Musa ya seliya ma. Wo le y'a ma, ai b&#603; yi Ala ya daan ne k&#596;l&#596;!&#187;</div><div class="p"> 50 # 
 Yohana 3.1, 2. Ai l&#596; kelen min t&#596;&#596; t&#603;&#603; ko Nikod&#603;mu, min t&#603;&#603; v&#603; taa Isa ma k&#596;l&#596;man ne, wo k'a f&#596; d&#596; kuntiilu y&#603;, a v&#603;&#603;: 51&#171;Ka b&#603;n maa seliya ma, m&#596; t&#603; se kiti benna m&#596;&#596; k&#596;kan, f&#596; m'a lam&#603;n bene k'a l&#596;n a na min k&#603;la, k&#603;l&#603;?&#187;</div><div class="p"> 52Ai k'a javi, ai v&#603;&#603;: &#171;Ile fana yi Galileka le le? Ni i ka kitabulu kalan kob&#603;n, i k&#603;t&#596; a yena ko kela foi t&#603;nala b&#596;la Galile.&#187; 53Wo k&#596;, ai b&#603; ka taa aiya luulu ma.</div>
 </div>
 </div>
</div>

Manya Bible Translation, © SIM International, 2023 

Wo kɔ, Isa tɛɛ Galile koovi lɔtaamana. A tɛɛ tɛ a fɛ ka taa ni sei kɛ Jude koovi lɔ, kamasɔlɔn Jahudiya kuntiilu tɛɛ a faako ɲaɲininna. Wo k'a talan, Jahudiyalu ya Gbaakɔlɔsii Selilon ma tɛɛ vɛ sulunya. Wo lɔ, Isa dɔɔkɛlu vɛɛ a yɛ: «Bɔ jan, i yi taa Jude koovi lɔ, fɔsa i kɔbilabalu fana y'i kɛkolu ye je. Kamasɔlɔn ni mɔɔ y'a fɛ a mangutu yi bɔ, i tɛ kolu kɛla doon nɔ. Komi i yi ko minu kɛla yi ne, wo lɔ, i yi taa i jɛlɛ jiya dunuɲa bɛ la!» (Hali a dɔɔkɛlu gbu tɛɛ ma limaniya a ma.)
Isa do k'ai javi, a vɛɛ: «Ǹa waate ma se ba bene. Kɛɛ àilu koni, waate suu suu bɛnyine ài ma. Ài tɛ se gbeyala dunuɲa yɛ, kɛɛ ǹe do gbeyayine a yɛ, kamasɔlɔn ǹ'i seleya dila ka bɛn a ma ko a kɛkolu kɛwonyanin. Wo le y'a ma, àilu yi taa selibɔya lɔ, kɛɛ ǹe do tɛ taala, kamasɔlɔn ǹa waate ma se ba.» Isa wɔlinin wo fɔla, a ka to Galile.

A dɔɔkɛlu taa kɔ selibɔya lɔ, ale fana ka taa. Kɛɛ a ma taa gbɛ la, fɔ doon nɔ. Wo k'a talan Jahudiya kuntiilu tɛɛ a ɲininna selibɔya lɔ, ai vɛɛ: «Kɛ́ wo yi mineja?» Mɔɔ siyama tɛɛ i ɲɔɔ sɔsɔla kan majii lɔ ka bɛn Isa ma. A dɔlu vɛɛ: «Mɔɔ bɛlɛ le a le.» A dɔgbɛlɛlu vɛɛ: «Wo tɛ, mɔɔlafiliba le.» Kɛɛ mɔɔ suu suu ma ko fɔ gbɛ la ka bɛn a ma, kamasɔlɔn ai tɛɛ siyanna Jahudiya kuntiilu ɲa.
Selibɔ tɛmala lɔ, Isa ka don lɔhɔlɔmabonba luu kɔnɔ ka mɔɔlu kalan damina. Jahudiya kuntiilu ka kawakoya, ai vɛɛ: «Kɛ́ min na lɔnni min sɔlɔnna min ne, k'a talan a ma kalan foi kɛ?»
Isa k'ai javi, a vɛɛ: «Ǹa kalan ma bɔ ǹe gbu lɔ, fɔ ǹ kelaba. Ni mɔɔ min y'a fɛ ka Ala sawo kɛ, wo tii kɛtɔ a lɔnna ni ǹa kalan bɔnin Ala le lɔ, niwotɛ ni ǹ'i kumala ǹ jɛlɛkanu ya seetiiya le lɔ. Mɔɔ min yi kumala a jɛlɛkanu ya seetiiya lɔ, wo tii yi mɔɔlu ya buɲali le kɔ. Kɛɛ mɔɔ min y'a kelaba ya buɲali kɔ, wo tii le tuɲande le, a do tɛ faɲa suu suu fɔla. Nabi Musa le na Ala ya seliya dila ài ma, kɛlɛ? Kɛɛ ài suu suu tɛ seliya wo labatola yi ne. Mindɛ lɔ ài yi ǹ faako ɲaɲininna?»
Jama k'a javi, ai vɛɛ: «Jinatɔ le i le. Jene i faako ɲaɲininna?»
Isa do k'ai javi, a vɛɛ: «Ǹ na baale kelen ne kɛla, wo do n'ài bɛ kawakoyala. Nabi Musa na kɛnɛkɛko jamali dila ài ma, k'a talan mɔ bemanu le na kɛnɛkɛko daminala, Nabi Musa tɛ. Wo le n'a kɛla, hali Nɔningɛlon gbu, ài y'ài denkɛlu makɛnɛkɛla. Ni ài y'ài denkɛlu makɛnɛkɛla Nɔningɛlon fɔsa Nabi Musa ya seliya kana tiɲa, a yi di vɛ ài mɔnɛnin m̀ ma kamasɔlɔn m̀'ɛ mɔɔ falikolo lakunnin lakɛnɛya Nɔningɛlon? Ài kà ko ye ài ɲa la dein k'a kiti tɛɛ wo ma, mafɔ ài yi kiti tɛɛ telenmandeya bolo le ma.»

Wo le k'a kɛ, Jelusalɛmuka dɔlu k'a fɔ i ɲɔɔ yɛ, ai vɛɛ: «Jalasa ai tɛ kɛ́ min ne ɲininna a faako lɔ? Ài y'a ye! A yi kumala bala lɔ, kɛɛ ai do tɛ foi fɔla a yɛ. Jalasa maa kuntiilu v'a lɔn bɛlɛbɛlɛ kɛ k'a fɔ ko ale le Masa Tɔɔmasenin ne? Ni wo le, ǹu koni ka kɛ́ min bɔya lɔn. Kɛɛ ni Masa Tɔɔmasenin ka na, mɔɔ suu suu tɛnala a bɔya lɔnna.»
Isa ka to mɔɔlu kalanna lɔhɔlɔmabonba luu kɔnɔ, a k'a kan labɔ, a vɛɛ: «Tuɲa le, ài ka ǹ lɔn, ani m̀ bɔya! Kɛɛ ǹ nanin tɛ ǹ jɛlɛkanu ya seetiiya lɔ. Min na ǹ kelayala, wo le tuɲande le, àilu do ma wo lɔn. Kɛɛ ǹe do ka a lɔn kamasɔlɔn m̀ bɔnin ale le fɛlɔ, ale le do na ǹ kelayala.»
Wo fɔ Isa bolo, ai tɛɛ a fɛ ka a mina, kɛɛ mɔɔ suu suu bolo ma se a ma, kamasɔlɔn aa waate tɛɛ ma se ba. Wo bɛ n'a kɛ, mɔɔ siyama ka limaniya a ma jama lɔ, ai vɛɛ: «Ni Masa Tɔɔmasenin ka na, jalasa a kɛtɔ kawanankolu kɛla ka timin kɛ́ min ta la?»

Jama tɛɛ ko minu fɔla kan majii lɔ ka bɛn Isa ma, Falisilu ka wolu mɛn. Wo lɔ, ailu ni salakalase kuntiibalu ka lakanaliba dɔlu lataa a minaya lɔ. Isa do k'a fɔ jama yɛ, a vɛɛ: «Ǹ kɛtɔ waateni kɛla ài fɛ bene, wo kɔ, ǹ kɛtɔ taala ǹ kelaba ma. Ài kɛtɔ ǹ ɲininna, kɛɛ ài do tɛnala ǹ yena, kamasɔlɔn ǹ kɛtɔ tɛɛminja, ài tɛnala sena taala woja.»
Jahudiya kuntiilu k'a fɔ i ɲɔɔ yɛ, ai vɛɛ: «Kɛ́ min taatɔ min ne, k'a fɔ ko mɔ tɛnala a yena? Jalasa a a fɛ ka taa maa mɔɔlu ma minu siinin Gɛlɛki solu la, ka Gɛlɛkikalu kalan? A vɛɛ ko mɔ kɛtɔ a ɲininna, kɛɛ mɔ tɛnala a yena. A vɛɛ fana ko a kɛtɔ tɛɛminja, mɔ tɛnala sena taala woja. Wo kɔlɔ yi mindɛ le?»

Selibɔ laban lon na, min tɛɛ lonba le, Isa k'i lɔ k'a kan labɔ, a vɛɛ: «Ni minkɛlɔɔ vɛ kɛla mɔɔ min na, wo tii yi na m̀ ma k'i min. Ni do mɔɔ min ka limaniya m̀ ma, a kɛtɔle iwo a sɛvɛnin kitabu kɔnɔ teme, ko: ‹Niimaya ji woyotɔle a josokun nɔ iwo kɔɔkun.› » Isa kan tɛɛ Nii Sɛnɛyanin ne ma, min ditɔ a malimaniyamɔɔlu ma. Wo waate lɔ, Nii Sɛnɛyanin tɛɛ ma di ba bene, kamasɔlɔn Isa tɛɛ ma magbiliyali sɔlɔn ba bene.

Jama ka kuma wolu mɛn mingɛ, a dɔlu vɛɛ: «Kelaba min ka kan ka na, ale le min ne jɔ!»
A dɔgbɛlɛlu vɛɛ: «Masa Tɔɔmasenin ne a le le.»
Kɛɛ a dɔlu vɛɛ: «Ɛnɛn, Masa Tɔɔmasenin kɛtɔ bɔla Galile di? Jalasa a sɛvɛnin tɛ kitabu kɔnɔ ko Masa Tɔɔmasenin kɛtɔ Nabi Dawuda bɔzɔn ne le, ka bɔ Dawuda fɛso Bɛtilɛhɛmu?» Wo lɔ, jama lɔ ka tala ka bɛn Isa ma. A dɔlu tɛɛ a fɛ ka a mina, kɛɛ mɔɔ suu suu bolo ma se a ma.

Lakanaliba minu tɛɛ vɛ na Isa minaya lɔ, wolu ka seikɔ salakalase kuntiibalu ni Falisilu fɛlɔ. Ai do ka lakanalibalu maɲininga, ai vɛɛ: «Mindɛ kɛnin ài ma na a le?»
Lakanalibalu k'ai javi, ai vɛɛ: «Mɔɔ foi ma kuma ba bene iwo kɛ́ min yi kumala teme!»
Falisilu k'ai javi, ai vɛɛ: «A vɛ àilu fana lafili? Kuntii kelen, niwotɛ Falisi kelen ma limaniya ba a ma, kɛlɛ? Kɛɛ mɔɔ lɔkolon jama min ma foi lɔn ka bɛn Nabi Musa ya seliya ma. Wo le y'a ma, ai bɛ yi Ala ya daan ne kɔlɔ!»
Ai lɔ kelen min tɔɔ tɛɛ ko Nikodɛmu, min tɛɛ vɛ taa Isa ma kɔlɔman ne, wo k'a fɔ dɔ kuntiilu yɛ, a vɛɛ: «Ka bɛn maa seliya ma, mɔ tɛ se kiti benna mɔɔ kɔkan, fɔ m'a lamɛn bene k'a lɔn a na min kɛla, kɛlɛ?»
Ai k'a javi, ai vɛɛ: «Ile fana yi Galileka le le? Ni i ka kitabulu kalan kobɛn, i kɛtɔ a yena ko kela foi tɛnala bɔla Galile.» Wo kɔ, ai bɛ ka taa aiya luulu ma.

सुनें - Yohana 7