<div class="version vid3595 iso6393nkr" data-vid="3595" data-iso6393="nkr">
   <div class="book bkGEN">
      <div class="chapter chINTRO1" data-usfm="GEN.INTRO1">
         <div class="imt"><span class="content">Hanu dagodo o de beebaa nei</span></div><div class="im"><span class="content">De hagadoonunga o </span><span class="bk"><span class="content">Genesis</span></span><span class="content"> go &#8220;taamada.&#8221; Taane ne siia Genesis go Moses, i daha de 1450-1410 </span><span class="sc"><span class="content">b.c.</span></span><span class="content"> Gai e sisi ai dagodo o de hai o mee, i lo te langi ma henua i lalo alodahi, ma taamada de hai o dangada, ma taamada o de haisala ma de hagaduasala i henua i lalo, aama de hagatoo donu hagaheloongoi a de Maadua ange gi dangada. </span><span class="bk"><span class="content">Genesis</span></span><span class="content"> e maua i de vvae lua:</span></div><div class="ip"><span class="content">1. </span><span class="it"><span class="content">De mada 1-11:</span></span><span class="content"> Go de hai o henua i lalo ma mee i lo te langi, ma daalanga o dangada i de masavaa laa &#8212; bei Adam ma Eve, Cain ma Abel, Noah ma tolona, aama de hale maolunga o Babel.</span></div><div class="ip"><span class="content">2. </span><span class="it"><span class="content">De mada 12-50:</span></span><span class="content"> Go taalanga o dubuna madagidagi o de gau Israel. Tangada i mua go Abraham, go taane ne hagadonusia ma de hagallongo ange gi de Maadua. Gai ono dua go daalanga o dana dama go Isaac, ma dono mogobuna go Jacob (aabe go Israel), aama dama daane a Jacob e dinoangahulu ma dogolua, aanei denga daane ne daamada mai ai denga aamuli o Israel. Gai e lagolago hogi mee e sisi i </span><span class="bk"><span class="content">Genesis</span></span><span class="content"> i dagodo o Joseph, ma de hulo o Jacob ma dono huaabodu gi Egypt.</span></div><div class="ip"><span class="content">E lagolago daalanga o dangada e tala i de beebaa nei, gai taalanga hagamogomogo e sisi ai, go dagodo mee a de Maadua ne hai. Taamada o de beebaa nei e tala hagadonu, bolo go de Maadua donu ne haia mee i lo te langi ma henua i lalo, gai de hagaodi o de beebaa nei, e hagatoo donu bolo de Maadua e tilo ange donu ono dangada. Gai de mee laumalie e sisi iai go dagodo o de Maadua ma ana hegau; ia e hagamodu ma de hagaduasala dangada e haia mee dee heohi, gai ia e dagi ma de bale ange ono dangada, aama de hagatau ina olaadeu mouli. De beebaa nei ne sisi e daohi ai taalanga o de gai o dahi huaadangada, ma de hai de gai laa gi dagodo ga hano ai.</span></div><div class="ip"><span class="content">Hanu gubu hagamogomogo: &#8220;Gai au e hai naa goe gi se huaahenua soa mmao, au e hagamanuuia naa goe; au e hai naa doo ingoo gi maolunga, gai koe e hai naa gi se mee e manuuia ai dangada. Au e hagamanuuia naa dangada e hagamanuuia ina goe, gai e hagamalaia gilaadeu e hagamalaia ina goe; gai denga huaadangada alodahi o henua i lalo e manuuia naa i oo hiidinga&#8221; (12.2-3).</span></div><div class="iot"><span class="content">Denga vaevaaenga</span></div><div class="io1"><span class="content">De hai o henua ma dangada </span><span class="ior"><span class="content">(</span><span class="content">1.1&#8212;2.25</span><span class="content">)</span></span></div><div class="io1"><span class="content">Taamada de haisala ma de duasala </span><span class="ior"><span class="content">(</span><span class="content">3.1-24</span><span class="content">)</span></span></div><div class="io1"><span class="content">Mai i Adam ga dae ai gi Noah </span><span class="ior"><span class="content">(</span><span class="content">4.1&#8212;5.32</span><span class="content">)</span></span></div><div class="io1"><span class="content">Noah ma tolona </span><span class="ior"><span class="content">(</span><span class="content">6.1&#8212;10.32</span><span class="content">)</span></span></div><div class="io1"><span class="content">De hale maolunga o Babel </span><span class="ior"><span class="content">(</span><span class="content">11.1-9</span><span class="content">)</span></span></div><div class="io1"><span class="content">Mai i Shem ga dae ai gi Abram </span><span class="ior"><span class="content">(</span><span class="content">11.10-32</span><span class="content">)</span></span></div><div class="io1"><span class="content">Abraham, Isaac, aama Jacob </span><span class="ior"><span class="content">(</span><span class="content">12.1&#8212;35.29</span><span class="content">)</span></span></div><div class="io1"><span class="content">Hagadiilinga o Esau </span><span class="ior"><span class="content">(</span><span class="content">36.1-43</span><span class="content">)</span></span></div><div class="io1"><span class="content">Joseph ma ono daina daane </span><span class="ior"><span class="content">(</span><span class="content">37.1&#8212;45.28</span><span class="content">)</span></span></div><div class="io1"><span class="content">De gau Israel i Egypt </span><span class="ior"><span class="content">(</span><span class="content">46.1&#8212;50.26</span><span class="content">)</span></span></div>
      </div>
   </div>
</div>

Hanu dagodo o de beebaa nei
De hagadoonunga o Genesis go “taamada.” Taane ne siia Genesis go Moses, i daha de 1450-1410 B.C. Gai e sisi ai dagodo o de hai o mee, i lo te langi ma henua i lalo alodahi, ma taamada de hai o dangada, ma taamada o de haisala ma de hagaduasala i henua i lalo, aama de hagatoo donu hagaheloongoi a de Maadua ange gi dangada. Genesis e maua i de vvae lua:
1. De mada 1-11: Go de hai o henua i lalo ma mee i lo te langi, ma daalanga o dangada i de masavaa laa — bei Adam ma Eve, Cain ma Abel, Noah ma tolona, aama de hale maolunga o Babel.
2. De mada 12-50: Go taalanga o dubuna madagidagi o de gau Israel. Tangada i mua go Abraham, go taane ne hagadonusia ma de hagallongo ange gi de Maadua. Gai ono dua go daalanga o dana dama go Isaac, ma dono mogobuna go Jacob (aabe go Israel), aama dama daane a Jacob e dinoangahulu ma dogolua, aanei denga daane ne daamada mai ai denga aamuli o Israel. Gai e lagolago hogi mee e sisi i Genesis i dagodo o Joseph, ma de hulo o Jacob ma dono huaabodu gi Egypt.
E lagolago daalanga o dangada e tala i de beebaa nei, gai taalanga hagamogomogo e sisi ai, go dagodo mee a de Maadua ne hai. Taamada o de beebaa nei e tala hagadonu, bolo go de Maadua donu ne haia mee i lo te langi ma henua i lalo, gai de hagaodi o de beebaa nei, e hagatoo donu bolo de Maadua e tilo ange donu ono dangada. Gai de mee laumalie e sisi iai go dagodo o de Maadua ma ana hegau; ia e hagamodu ma de hagaduasala dangada e haia mee dee heohi, gai ia e dagi ma de bale ange ono dangada, aama de hagatau ina olaadeu mouli. De beebaa nei ne sisi e daohi ai taalanga o de gai o dahi huaadangada, ma de hai de gai laa gi dagodo ga hano ai.
Hanu gubu hagamogomogo: “Gai au e hai naa goe gi se huaahenua soa mmao, au e hagamanuuia naa goe; au e hai naa doo ingoo gi maolunga, gai koe e hai naa gi se mee e manuuia ai dangada. Au e hagamanuuia naa dangada e hagamanuuia ina goe, gai e hagamalaia gilaadeu e hagamalaia ina goe; gai denga huaadangada alodahi o henua i lalo e manuuia naa i oo hiidinga” (12.2-3).
Denga vaevaaenga
De hai o henua ma dangada ( 1.1—2.25 )
Taamada de haisala ma de duasala ( 3.1-24 )
Mai i Adam ga dae ai gi Noah ( 4.1—5.32 )
Noah ma tolona ( 6.1—10.32 )
De hale maolunga o Babel ( 11.1-9 )
Mai i Shem ga dae ai gi Abram ( 11.10-32 )
Abraham, Isaac, aama Jacob ( 12.1—35.29 )
Hagadiilinga o Esau ( 36.1-43 )
Joseph ma ono daina daane ( 37.1—45.28 )
De gau Israel i Egypt ( 46.1—50.26 )

सुनें - Genesis Hanu dagodo o de beebaa nei